مهندسين ديكور في الإمارات

مع الأسف أختي ماعندي فكرة عنهم

لكن بنات الإمارات مايقصرون معك

:27: :27: :27:

أختي دلوعة الامارات سمعت عن محل للديكور يصمم لج كل شيء يخص الديكور حتى الأثاث يفصله بعنى ان كل شيء يكون طقم أو على حسب رغبتج على سبيل المثال لا الحصر غرفةالنوم والمفرش والكبت والستائر والكوشينات والتواليت وطقم الجلوس وطريقة ديكور الجدار وكل شيء ممكن يخطر على بالج
الصراحة أنا زرته- بعد أن مدحته أخت زوجي اللي شافت تصاميم المحل في بيت اربيعتها وعجبها وايد ومدحت مهنس الديكور وزوجته اللي هي بعد مهندسة وقالت ان معاملتهم راقية مثل شغلهم-بس بعدني أنتظر أعمال الصيانة تخلص علشان أبدأ أتفق معاهم على ديكور بيتي
أدري اني أرمس وايد والزبدة ان المحل اسمه مفروشات شما في الشارقة في شارع الوحدة وبالضبط هو في شارع فرعي قبل الفلاح بلازا بمعنى وانتي يايه من دبي ادخلي على اليمين وين الفلاح بلازا ويوم بيكون مدخل الفلاح في ويهج صدي يمين بتلقين محلات ديكور من ضمنهم مفروشات شما وترا الاسم بالصدفة عن تتحرين دعاية حق محلنا

أم شما يزاااااج الله الف خير

الأخت العزيزة أم شماء

مشكورة وايد وايد على العنوان والله يجزيج ألف خير إن شاء الله .

بعد في محل في دبي اسمه المرسم...يسوي اللي تبينه....شغله وايد حلو...وعلى الطلب

المحل في بر دبي عدال المخبز الحديث *بس هدوا المكان الحين*

ممكن تتصليلهم وبيدلونج المكان