am abude
am abude
الف الف شكر للاخت دون للتوضيح واني اعملها كثير هاي الطريقه لكن انتي تعرفين اختلاف اللهجات واني بالمناسبه خزنت الملف تبعك عندي بالمفضله من كثر روعته والله لا يحرمنا منكم ياهل مصر السكره والله انا اموت على شي اسمه مصر واهل مصروانشالله اذا عندي سؤال ثاني اساله بس انشالله متضوجين او على كلام اهل مصر( متزهئيش)مني والف شكر والله يبارك فيكي
don
don
الف الف شكر للاخت دون للتوضيح واني اعملها كثير هاي الطريقه لكن انتي تعرفين اختلاف اللهجات واني بالمناسبه خزنت الملف تبعك عندي بالمفضله من كثر روعته والله لا يحرمنا منكم ياهل مصر السكره والله انا اموت على شي اسمه مصر واهل مصروانشالله اذا عندي سؤال ثاني اساله بس انشالله متضوجين او على كلام اهل مصر( متزهئيش)مني والف شكر والله يبارك فيكي
الف الف شكر للاخت دون للتوضيح واني اعملها كثير هاي الطريقه لكن انتي تعرفين اختلاف اللهجات واني...
am abude ياحبيبتى انتى تؤمورى فى اى وقت وعمرى ما حزهق منك كفاية زوقك الله يكرمك يارب وعلى فكرة احنا دلوقتى بنكتب فى ملف مصور كله من اوله لو تحبى تيجى لنا فية تنورى
http://forum.hawaaworld.com/showthread.php?t=460783
Noody30
Noody30
السلام عليكم و رحمة الله و بركاته

تلخيص الجزء التاسع من ملفات الاكلات المصرية ل don

ملخص الجزء التاسع

العاشوراء (دون)
كيلو قمح مقشور
2 معلقة كبيرة نشا
كيلو حليب
نص كيلو سكر
قرفة ناعمة
ماء ورد
مكسرات مفرومة
الطريقة
بلى االقمح بشوية ماء صغيرين ثم افركية بين ايديكى لكى تتخلصى من القشور .اغسلى القمح كويس وبعدين ضعية فى حلة فيها ماء مغطياة على النار مع اضافة قليل قليل من الماء كلما احتاج لحد ما يستوى بعد ما يستوى سيبية حوالى 3 ساعات حتلاقية نفش وتخن وظهرت النشا فية وحجم القمح زاد .صفى بالمصفاة او بالخلاط نص كمية القمح ثم ضعية على النص التانى الغير مصفى وضعية على نار هادية ثم ضعى علية الحليب و السكر
دوبى النشا فى شوية ماء باردين صغيرين ثم ضعيهم فى الحلة على الخليط .قلبية تقريبا حوالى 10 دقائق لحد ما تلاقية تخن .اطفى واغرفية فى الاطباق وضعى على الوش القرفة والمكسرات

البليلة (دون)
نفس المقادير و الخطوات السابقة بتيقى بعد ما نحط الحليب ونغرفها فى الكوب وقبل مانحط النشا

سمك و جمبري (ساسا)
ترنشات سمك فيليه حلقات من البطاطس و البصل و الجزر و الفلفل الرومى وقرن فلفل حامى ليمونتين فصين ثوم كمون ملح فلفل معلقة كزبرة خضراء مفرومة وزيت
بنتبل ترنشات االسمك بالملح و الفلفل و الكمون و عصير ليمونة .ندهن صينيه بالزيت و نرص اولا البطاطس ثم البصل ثم الجزر و الفلفل و نسيب شويه بصل و فلفل على جنب نحط السمك وباقى الفلفل و البصل و نضيف قرن الفلفل و الطماطم و الثوم المقطع و نبهر الصينية و نجيب ليمونة و نقططعها حلقات رفيعة و نرشها على الصينية هى و الكزبرة المفرومة .ندوب معلقة صلصه فى كوب ماء و نحطها على الصينية .نقفل الصينية بالفويل و نحطها فى فرن سخن .بعد ربع ساعة تقريبا نشيل الفويل و نسيب الصينية تتسيك شوية
ملحوظة حلقات الخضار تكون مش سميكة علشان السمك مش بياخد وقت
اما الجمبرى
6 فصوص توم مع 2 قرن فلفلفل غى الكبة ثم نضيف 2 معلقة زيت عباد مع عصير ليمون و ملح و كمون و شطة و شويه كزبرة ناشفه و نحط الجمبرى بقشره و نسيبه اكبر و قت ممكن ساعتين او اكثرررر
ننقع عيدان خشب فى الميه شويه و بعدين نشك كل 3 جمبريات فى سيخ مع فلفل رومى .نجيب صينيه و نبطنها بالفويل و ندهنها زيت و نرص الاسياخ فى الصينية و نحطها فى الفرن الحامى و نقلب كل شويه لحد ما يحمررررر و قدمى السمك مع الارز الابيض و الطحينة و سلطة البصل و الطماطم يارب تعجبكم

الكشرى (دون)
المقادير
1 كوب عدس بجبة ( عدس اسود)_2 كوب أرز
او كوب عدس بجبة _كوب ارز
او 2كوب عدس بجبة _ كوب ارز
كيس مكرونة صغيرة(مرمرية )
نصف كوب حمص الشام
4 بصلة كبيرة
الصلصة
2 كوب عصير طماطم
1 ملعقة صلصة طماطم
5 فصوص ثوم مدقوقين
ربع كوب خل و ملح و كمون و شطة
زيت ذرة
الطريقة:
- نغسل العدس ثم نسلقة فى ماء وملح وكمون نص سلق بس ( لانة حيكمل السوى مع الارز ) و بعد السلق نشيلة من ماء سلقه و نحتفظ بالماء–(حيكون لونها بنى )نقطع البصل أربع إرباع ثم شرايح رقيقة جدا ونحمره فى زيت حتى يصبح لونه ذهبي مائل للاحمراراو ممكن نقول بنى بس ما تحرقيهاش. – نشيل البصل من الزيت بالكبشة ونحطة على الورق الماص للدهون او على كلينكس - في نفس الزيت نضع العدس المسلوق ونقلبه تقليبة ثم نضع الماء بتاعة اللى لونه بنى و كنا ركناه على جنب و نضع الملح و نتركها تغلي ثم نضيف الأرز بعد غسله و يجب أن يغطي الماء الأرز و العدس , نقلبهم جيداً و نغطي الحلة , وعندما يبدأ الرز بشرب الماء نوطي النار و نطبخه مثل الارز العادي. - نسلق الحمص في ماء مملح وكمون نصفيه من الماء) ممكن الاستغناء عن الحمص ). - نسلق المكرونة في ماء مملح و نصفيها .
- لتحضير الصلصة :
ناخد الثوم المدقوق و نقلبه في القليل من الزيت إلى أن يصفر لونه ثم نضع الخل لحد ما يغلى و بعدين نضيف عصيرالطماطم و الملح و الكمون و الشطة لحد ماتتسبك مع اضافة القليل من الماءحتى تكون متوسطة السمك ولا خفيفة ولا تخينة - و نطفي عليها النار . .
ترتيب الطبق:
- نضع الكشري (الأرز بالعدس) و عليةالمكرونة و علية صلصة ثم البصل المحمرثم الحمص و يقدم و الدقة بتكون وحدها
السلطة :بنعمل سلطة خضراء عاددية و نحطها فوق على الوش اخر طبقة و بالهنا و الشفا
ملحوظة (1)ممكن فى الزيت الباقى من تحمير البصل نحمر شوية شعرية و بعدين نحط العدس الاسود و نكمل بقية الخطوات عادى
ملحوظة (2)للكشرى كزا طريقة فى العمل يعنى اللى طريقتها غيرى طريقتها برضة صح
ملحوظة (3) كمية الارز و العدس برضة بتختلف يعنى ناس بتحب العدس اكتر من الارز وناس بتحب الارز اكتر

صينية الرقاق الطرى (دون)
6 رقاقات
شوربة
سمنة
عصاج بدون صلصة
الطريقة
تسخنى الشوربة وتدهنى الصينية بالسمنة كويس قوى مش مجرد مسح بالفرشاة ..لأ ...تدهنيها بزيادة .تضعى اول رقاقة فى الشوربة وتطلعيها على الصينية وهكذا ال3 طبقات ثم نفرد طبقة عصاج ثم نكرر العملية فى نصف الصينية التانى ثم نضعها على النار من فوق وتفردى كف ايدك على وش الرقاق وبالراحة تبتدى واحدة واحدة تلفى ايدك بالراحة حتلاقيها لما القاع بيبتدى ينشف الصينية بتلف معاكى تفضلى تلفى وتبصى بطرف الصينية لتحت لحد ما تلاقى كل القاع نشف واحمر .تقلبى الصينية على طبق وتدهنى الصينية تانى بسمنة كويسة وتكررى نفس العملية انك تضعى كف ايدك مفرود وتلفى لحد ما الوش التانى حتحمر وحيطلعلك احلى صينية رقاق من على البوتجاز من فوق وطعمها جميل
ملاحظات على الرقاق الطرى
ممكن تطلبية من الراجل على مقاس الصينية بتاعتك يعنى تقوليله اعملى على مقاس الصينية دى او مقاس 28 مثلا لما تشترية لو حتعمليه يومها تمام لكن لو مش حتعملية يبقى تشيلية فى كيس نايلون فى الفريزر .اول اما تحطية على النار لازم تستنى دقيقتين لحد ما اول راقة تنشف شوية علشان تعرفى تلفية .ممكن يتحشى خضار بسلة وجزر بس مش كتير علشان ميبقاش تقيل
ملحوظة مهمة عن الرقاق الطرى :لو الرقاق كان اكبر من مقاس الصينية وقصيتية زى ما انا عملت فى الصورة مترميش الطروف اللى زايدة عارفة حتعملى بيها اية ؟؟؟؟ تحمصيها وتعمليها ام على او تاكليها بالجبنة البيضاء بدل العيش بيبقى فى منتهى الجمال

أم ماريا (الميل فى بالمهلبية) (دون)
ميل فى جاهز
مهلبية
مكسرات
الطريقة
مثلا 2 كوب لبن بارد _ ملعقة كبيرة مليانة نشا (كورن فلور) _ السكر حسب التذوق يعنى مثلا 3 معالق _ ربع معلفة فانيليا
خدى من اللبن نص كوب و قلبى فية النشا لحد ما تذوب .ضعى باقى اللبن على النار و حلية بالسكر لحد مايغلى
ضعى اللبن الباقى بالنشا و خلى ايدك سريعة فى التقليب عشان ما تكلكعش لحد ما حتلاقيها مسكت شوية و بقيت ناعمة . كدة المهلبية جاهزة حنستخدمها وهى ساخنة نضع اول طبقة في الصينية .ثم نضع أول طبقة من المهلبية ثم نضع طبقة تانية من الميل في على المهلبية ثم طبقة اخرى من المهلبية ثم مكسرات او كورن فليكس على الوجه ثم نضعها فى الثلاجة تبرد وتقدم
ملحوظة بالنسبة للميل فى بالمهلبية :ملهوش مقدار معين يعنى ممكن تعملية فى صينية كبيرة وممكن صينية صغيرة وهو مجرد راقات ما بين المهلبية والميل فى .طعمه جميل جدا وخفيف جدا وبنستعمل المهلبية وهى ساخنة فبتطرى الميل فى شوية .ذوقية حسب رغبتك بالمكسرات الصحيحة او المفرومة

سلطة عدس بجبة (دون)
2 كوب عدس اسود مسلوق - 4 فصوص ثوم مهروسين - 2 عصير ليمونة كبار - ملح - حوالى نقول ربع كوب زيت زيتون -
اسلقى العدس عادى وصفية من الماء بتاعه وبعدين قشرى الثوم واهرسيه مع الملح ثم ضعى عليه عصير الليمون وبعدين ضعى الثوم بالملح بعصير الليمون بعد ما تخلطيهم على العدس وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت وبالهنا والشفا
على فكرة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة

الكشك ( الماظية ) (دون)
المقادير
2 كوب شوربة
3 ملاعق دقيق تقريبا
بصلة كبيرة مقطعةشرائح ومحمرة في الزيت
الطريقة
دوبي الدقيق في نصف كوب شوربة تقريبا .ضعى باقى الشوربة على النار تغلى .انزل الدقيق اللى مدوباة فى الشوربة واحدة واحدة على الشوربة اللى بتغلى مع التقليب على طول يعنى تفضل ايدك شغالة تقليب (علشان مايكلكعش منك ) .لو لاحظتى ان الكشك تخن منك زودى بالراحة شوية شوية شوربة لكن لو لقيتى الكشك بقى خفيف زوبى فى كباية شوية دقيق تقريبا معلقة كبيرة مع شوية شوربة او ماء صغيرين وبعدين بالراحة نزلية على الكشك .مع اخر تقليبة خلاص فى الكشك هاتى ربع كمية البصل المتحمر مع عصير ليمونة حلوة و تحطيهم على الكشك و تقلبى و تطفى النار .صبى الكشك فى سرفيس و وزعى على الوش باقى البصل المحمر

سلطة الكرنب ( الكول سلو ) (دون)
نص كرنبه +2 جزرة مقشرة ومبشورة+2 معلقة سكر+2 معلقة خل+1/2ك كريمة لبانى (قشدة الخفق)+5 معالق مايونيز+ربع كوب حليب+ذرة ملح
الطريقة
نقطع الكرنب قطع صغيرة جدا نضع الجزر المبشور على الكرنب و نخلطهم ببعض فى طبق غويط نضع المايونيز + الكريمة اللبانى + الحليب + الملح + الخل + السكر ونقلبهم كويس جدا مع بعض نصب الخليط على الكرنب بالجزر ونقلبه كويس جدا لحد ما الخلطه تبقى فى الكرنب كله ضعيها فى اناء زجاجى او بلاستيك وضعى قطعة نايلون على وش الطبق ودخليها الثلاجة مايقلش عن ساعتين
ملحوظة: كل ما تترك فى التتبيلة كل ما تبقى احلى انا بقطع الكرنب شرائح بالسكينة الكهرباء وبعدين بالمخرطة بتاعة الملوخية بتطلع حلوة احلى من الكبة

البفتيك المحشى (دون)
بفتيك بالعدد المطلوب - ملح وفلفل - بهارات - لحمة معصجة
مشروم - جزر - كريمة لبانى - سمنة
الطريقة
نضرب البفتيك بالمطرقة الخاصة بالبفتيك لحد مانفردها تماما .نفرد القطعة امامنا ونتبلها ونضع على طرفها معلقة كبيرة من العصاج ونلفها كويس لحد ماتبقى على هيئة صباع او اسطوانة .نقفلها بخله خشبية او نلفها بخيط وممكن نحشيها بحشوات اخرى مختلفة حسب رغبتك وممكن نحشيها خضروات مسلوقة .نضع السمنة على النار ونشوح فيها البفتيك المحشى لحد ما لونها بتغير ثم نضيف شوية شوية ماء لحد ماتستوى نروح محمرينها
فى السمنة المتبقية لحد ما تحمر وقبل التقديم نشيل الخلة
ممكن نقدمها بصوص كالأتى: نشوح بصلة فى حتة سمنة مع شرائح مشروم وشرائح جزر لحد ما يصفروا ولونهم يتغير ثم نضيف كريمة لبانى حوالى كوب لحد ما تمسك شوية ونصبها على البفتيك فى طبق التقديم

طريقتين كبدة من أم زياد
تقطعى الكبد قطع صغيرة وتشوحيها فى السمنه على نار عاليه وبعدين تحطى فصين ثوم وتقلبى وتطفى وطبعآ ملح وفلفل وكمون
وفيه طريقة تانيه
تشوحى بصلة مفرومه فى السمنه واول ما تصفر تحطى الكبد وتقلبى وبعدين تحطى ملح وفلفل وقرفه وبهارات فراخ - بتاعة كارفور تحفه -

الكيكة بالعسل الاسود (دون)
كوب سمنة او زبدة
كوب عسل اسود
كوب سكر
5 بيضات
معلقة صغيرة فانيليا
معلقة كبيرة قرفة
معلقة بيكربونات صودا
معلقة صغيرة ملح
كيلو دقيق ( او حسب العجن)
الطريقة
نفصل الصفار عن البياض .نضرب الزبدة او السمنة كويس قوى ثم نضع السكر ونضرب كويس قوى ثم نضع صفار البيض والفانيليا ونضرب كويس قوى .نضرب البياض كويس قوى .نضع على الدقيق الملح والقرفة والبيكربونات ونخلطهم ثم نضعهم على الخليط المضروب وقلبيهم كويس ثم ضعى بياض البيض المضروب الى الخليط بس المرة دى اخلطى بالراحة خالص ندهن القالب بالسمنة ونصب فية الخليط وندخله فرن متوسط الحرارة لحد ما تستوى

صينية الكفتة السريعة(دون)
عمل الكفته
المقادير:
1 كيلو لحم مفروم + بصله كبيره مفرومه ناعم +ملعقة صغيرة ثوم مفروم ناعم+ملح - فلفل أسود – بهار
الطريقة:
أخلط جميع المكونات واصبعها صوابع كبيرة لان الكفته حتكش وابططها. ندهن الصينية سمن و نرصص حلقات البصل. نرصص حلقات البطاطس فوق البصل. نتبل بالملح و الفلفل و حلقات الثوم. نرصص الكفتة فوق البطاطس. نرصص حلقات الطماطم على وش الصينية. نغطي الصينية بالقصدير. بعد فترة نكشفها حنلاقي الصينية نزلت صوص و بتستوي فيها. نسيبها شوية عشان السطح يحمر

صينية اللحمة بالبطاطس (دون)
شرائح لحم انتركوت او
شرائح لحم فلتو
بصلة كبيرة شرائح
3 او 4 بطاطس كبيرة مكعبات
ملح وفلفل وبرات لخمة
سمنة لدهان الصينية
الطريقة
نرصص اللحم في صينية مدهونة سمن مع حلقات البصل. نشوح اللحم مع البصل لحد ما لونها يتغير. نقطع مكعبات بطاطس مع شرايح اللحم في منتصف السوا مع اضافة القليل من الماء لحد ما الصينية تستوي. بعد تمام النضج و بعد ما تتشرب اللحمة ميتها نضعها قليلا في الفرن يحمر الوجه

حاجه ظريفه قوى وسهله جدا تتعمل فى الفرن الكهرباء بسرعه جدااااااااا (هبة عبد العظيم)
نجيب توست على قد العائله .نفرشه فى صنييه بس يكون بين كل توستايه واختها مسافه .ندهنا بالزبد على خفيف قوى ونرش عليها سكر يفضل يكون سكر بنى ونرص ترنشات رفيعه من الموز وبعدين نصب عليه حوالى ملعقتين شوربه من اللبن المكثف ندهن توستايه تانيه بالزبد ونغطى الموز بيها .ندخلها الفرن لغايه لما تسيح وتتقرمش وتبقى حلوه كده. تؤكل دافيه وبصراحه اكثر من رائعه

صينية بطاطس بيضاء بالفراخ المخلية (دون)
شرائح صدور حسب العدد
بطاطس شرائح رفيعة
بصلة شرائح رفيعة
ملح وفلفل
ربع كوب زيت
ماء
الطريقة
نرصص شرايح البصل في الصينية و فوقها صدور الفراخ و فوقها شرايح البطاطس. نضع الملح و الفلفل و ربع كوب زيت. نضع ماء يغطي الصينية و بعدين نغطيها بالقصدير. لما تستوي الصينية ندخلها الفرن عشان الوش يحمر

صينية المكرونة بالبسطرمة (دون)
كيس مكرونه فرن
بسطرمة حوالى ربع كيلو(ممكن اكتر)
بشاميل خفييييييف بالشوربة مش بالحليب
جبنة ( جودة او شيدر او موزاريلا)
الطريقة
نشيل الثوم من حوالين البسطرمة وممكن تشتريها مقشرة على طول .نعمل البشاميل بنفس االطريقة بس يكون خفيف وبالشوربة(المرقة) .نضع كمية من الجبنة بعد ماتطفى على البشاميل .ندهن الصينية بمعلقة بشاميل .بعد مانسلق المكرونة ونصفيها من الماء نضع نص الكمية فى الصينية ونساويها ثم نضع طبقة من البسطرمة (بس كل البسطرمة. مابتكون اكتر بتكون احلى) وعليها طبقة من الجبنة ثم نضع نص المكرونة التانية وعلى الوش طيقة من البشاميل ثم نضع على البشاميل قطعة زبدة وندخلها الفرن عادى جدا لحد ما الوش يحمر

اعملى حاجة حلوة ببواقى الكيك (دون)
أي بواقي كيك عندك و أي فاكهة او كمبوت او ايس كريم. نبطن قالب تماما بالكيك و ندهنه بعصير الفاكهة. ندهن طبقة خفيفة من الكريم شانتيه. نضع اول طبقة فواكه. نضع طبقة كيك تانية و نكرر نفس العملية ثم طبقة تانية من الفاكهة ثم نضع الطبقة الاخيرة من الكيك و نضغط عليها كويس. بعد خروجها من التلاجة نقلبها على طبق و بعدين نزينها بالكريم شانيته و الفاكهة. التزيين متروك ليكي
فى انواع بفتت فيها زى لما بنفتته ونعمله كور جاتوة او قوالب صغيرة لكن دى انا وضعت الكيك سليم لان القالب كبير والفاكهة والكريمة حتتقلها ولعلمك الكيك دة كان ناشف ولما بتسقية بالعصير بيطرى مع الكريمة والفاكهة بيبقى كانه طازة وطعمه حلو جدا وممكن تصبى علية شيكولاتة سايحة ومكسرات

شوربة العدس (دون)
المقادير:
ربع كيلو عدس اصفر +ملح – فلفل – كمون – بصلة متوسطة مخرطة رفيع – طماطماية – بطاطس صغيرة – جزرة صغيرة +شطة حسب الرغبة
الطريقة
نضع العدس فى حلة على النار و علية الطماطماية مقطعة اربع و الجزرة مقشرة و مقطعة قطع صغيرة و البطاسطاية مقشرة و مقطعة نصين ونضع الماء يغطى العدس بكوب ماء و نتركة لحد ما يستوى مع التقليب و نشيل الريم و نراقب الماء كل ما ينقص نزود شوية بشوية بعد ما يستوى اما نضعة فى الخلاط فى دورق العصير و نضربة ( او ) نصفية بمصفة الطماطم ام ايد عارفينها وانا بفضل المصفاة ثم نضع شوربة العدس فى الحلة و نبدأ فى وضع الملح و الفلفل و الكمون بس زودى الكمون شوية بيديها طعم جميل وقلبى و ظبطى تخانة العدس زى ما انتى شايفة امامك يعنى لو تخينة زودى ماء و قلبى هاتى معلقتين زيت و عليهم البصلة المبشورة لحد ما تصفر وحطيها على العدس تقليبة و اطفى النار

العدس المغروف ( بالارز) (دون)
بعد ما عملنا شوربة العدس عادى خالص وبنوصل لمرحلة الصورة الاولى اللى بنحط تقلية البصل فى العدس بنخفف الشوربة شوية وبنغسل حوالى نص كوباية ارز وبنضعها على العدس واهم حاجة تفضلى تقلبى علشان الارز مايلزقش لحد الارز مايستوى وتغرفية فى الاطباق زى الارز باللبن بالضبط وتضعى نص البصلة التانية على الوش وبالهنا والشفا

قدرة قادر (دون)
قدرة قادر بسيطة جدا(طعم الكريم كراميل )
علبة حليب كبيرة مركز محلى – نفس العلبة الفاضية جوز هند مبشور – نفس العلبة الفاضية ماء – 3 بيضات -فانيليا
الطريقة
نضرب المقادير مع بعض الحليب و الماء والبيض و الجوز الهند و الفانيليا بالمضرب اليدوى ثم يصب الخليط فى صينية ونضع الصينية على حمام مائى ثم نضعها فى الفرن حتى تنضج ثم نضعها فى الثلاجة حوالى 5 ساعات او من بليل للصبح

مكرونة بالزبادى( مابتدخلش الفرن ) (دون)
كيس مكرونة اى نوع
ربع كوب زيت زيتون
نص معلقة ثوم مهروس
كوب زبادى
ملعقة كبيرة بقدونس مفروم
ملح وفلفل أسود
الطريقة
اسلقي المكرونة عادى واشطفيها وصفيها من الماء .ضعى الزيت في مقلاية كبيرة وحمري فيها الثوم ثم أضيفي الزبادى والبقدونس وتبلية بالملح والفلفل ضعى المكرونة على الخليط وقلبيهم شوية لحد ما تتخلط المكرونة بصلصة الزبادى كويس اغرفيها

caesar salad (سبانيش فلاور)
الطريقه:
خس و كرنب احمر مقطع عشوائي باليد و حطيه في طبق التقديم
الفراخ تكون مخليه و مقطعه صغير جداااا و متبله بودره توم و ملح و فلفل و عصير ليمون و متشوحه في زيت زيتون و مبتاخدش 5 دقايق علي النار. العيش انا استخدمت توست و قطعته مكعبات و حطيته في الصوص ده(زبده و ملح و بودره توم و عصير ليمون) و حمصته في الفرن
الصوص نفسه بتاع السلطه: تضربي في الكيتشن ماشين او الخلاط المهم يكون مفتوح من فوق(بيضه و ملح و فلفل و معلقتين خل و معلقتين عصير ليمون و اوريجانوا و بودره توم و ربع كوب جبنه مبشوره انا استخدمت شيدر و معاها و من غير ما تستغربوا 4 وحدات انشوجه و الله ماليها اي علاقه بالسمك و لا ريحه و لا اي زفاره ابداااا بس هي دي سر الطعم اضربي كله و بعدين حطي زيت بالتدريج من فوق لحد ما الخليط يتقل شويه)
فاضل التزيين حطي الخس زي ما قلت و حطي عليه شويه من الصوص و بعد كده طبقه فراخ و عليها الصوص و العيش و عليه الصوص برضه و في الاخر جبنه مبشوره المفروض الاصليه جبنه بارميزان بس انا حطيت شيدر

بسكويت بالشيكولاتة(من غير بيض) (دون)
6 معالق كبيرة دقيق – 4 معالق زبدة – 2 معلقة كاكاو – 3 معالق سكر
فانيليا
الطريقة
نضرب السكر والزبدة والفانيليا كويس لحد ما يبيض .نضع الكاكاو على الدقيق ونضيفة على الزبدة والسكر
لحد ماتتكون عندك عجينة متماسكة نفردها بالنشابة ونقطعها بالقطاعة بالشكل اللى بتحبية او على هيئة اشكال لاولادك وممكن نقطعه دوائر ونضع بندقة فى نص كل دائرة .ندهن الصينية بالسمن ونرشها دقيق ( زى الكيكة)
ونرصص البسكويت فى الصينية فى فرن متوسط الحرارة

الكستليتة المحمرة (دون)
كستليتة بالعدد المطلوب
2 معلقة عصير ليمون
ملح وفلفل
سمنة للتحمير
الطريقة
بعد ما تغسلى القطع وتنشف ضعيها فى طبق وتبليها بالملح والفلفل وعصير الليمون وادعكيهم كلهم كويس وتتركيهم شوية .نضع السمنة فى مقلاية على النار لحد ماتقدح وتوطى النار علشان اللحمة تستوى براحتها
فى تتبيلتها وتحمرى فيها شرائح اللحمة لحد ما لونها يبقى بنى وتستوى

صينية الخس (دون)
2 خساية
بصلة كبيرة مبشورة
2 كوب ماء
ربع كيلو لحمة مفرومة
حزمة بقدونس
4 معالق سمنة
3 معالق كبيرة صلصة
ملح وفلفل
الطريقة
نحمر البصلة فى السمنة ونضع اللحمة ونفلبها لحد ماتستوى ونطفى .نضع الصلصة على اللحمة ونقلبهم .نغسل الخس كويس ونفرمه ونفرم البقدونس ونخلطهم مع بعض. نضع الخس بالبقدونس فى صينية ونفرده كويس
نضع اللحمة بالصلصة فوقهم ونضع الملح والفلفل والماء ونغطيها ونضع الصينية على البوتجاز لحد ماتتسبك وتستوى وبتتاكل عادى مع الارز الابيض

صينية مكرونة بالدجاج (دون)
كيس مكرونة
دجاجة مسلوقة
2 كوب عصير طماطم او
4 ملاعق صلصة مذابه فى 2 كوب ماء
2 بيضة
ملح وفلفل
جبنة مبشورة
بقسماط
الطريقة
نسلق المكرونة عادى فى ماء وملح ونصفيها .نضع البيض المضروب والملح والفلفل على المكرونة و نخلطهم
نضع الصلصة على المكرونة ونخلط كله مع بعض .نحمر الدجاجة تحمير خفيف .ندهن صينية كبيرة بالسمن ونضع الدجاجة فى منتصف الصينية ونضع المكرونة حوالين الدجاجة .نضع على وش المكرونة قطع من السمن ونرش رشة جبنة مبشورة ورشة بقسماط وندخلها الفرن لحد ما كل الصينية تحمر وتقدم . لو تلاحظوا انها عاملة زى صينية البطاطس بالفراخ فى الاخر بس بدل البطاطس حطينا مكرونة

صدور الفراخ بالكريمة (دون)
نص كيلو صدور مخلية - مشروم - كوب كريمة لبانى - قطعة زبدة -بشاميل خفييييييف - جبنة مبشورة
الطريقة
نغسل الصدور ونقطعهم شرائحونتبلهم بالملح والفلفل ونشوحهم فى قطعة زبدة صغيرة .نرصص الدجاج فى الصينية ونصب عليهم الكريمة. نضع المشروم على البشاميل ونقلبه ونصبه على الفراخ بحيث يغطيها ثم نرش الجبنة المبشورة على وش الصينية. ندخلها فرن متوسط الحرارة لحد ما تحمر

صينية الكرنب (دون)
كرنبة صغيرة
حزمة شبت
حزمة بقدونس
نص كيلو لحمة معصجة
ملح – فلفل – كمون – بهارات
كوبايتين عصير طماطم
الطريقة
نسلق الكرنبة نص سلق (سبق شرحنا ه) .تترك الاوراق سليمة زى ما هيا مانقطعهاش .ادهنى صينية السمن وافردى فيها ورقتين كرنب بحيث تغطى القاع والجناب ثم ضعى طبقة من العصاج المضاف له الشبت والقدونس ثم طبقة من ورق الكرنب وهكزا بس تكون اخر طبقة هيا الكرنب .تبلى الصلصة بالملح والفلفل والبهارات وصبيها على الصينية ودخليها الفرن لحد ما تستوى

فرخة مستوية في القصدير (دون)
بتجيبى الدجاجة وتغسليها كويس وبالسكينة بتعملى بعض الشروط بالسكينة فى الصدر زى اللى فى الصورة كدة وبعدين تجهزى الخلطة عبارة عن: ملح و فلفل و عصير ليمونة و3 فصوص ثوم مهروسين و نصف ملعقة صغيرة زنجبيل بودرة و ملعقة كبيرة زيت و 1 زبادى و معلقة سماق
الطريقة:
تخلطى التتبيلة كلها و تحطيها على الدجاجة و تسبيها فى التتبيلة مش اقل من ساعتين وبعدين تفردى ورقة فويل وتحطى فيها الدجاجة وباقى التتبيلة اللى عندك وتفلى عليها الورقة وتدخليها الفرن وتملى سواها عادى حوالى ساعة وبعدين تفتحى عليها الورقة علشان وشها يحمر. او بتعملية مثلا محمر اللى هو بتنغزى الشيش طاووق فى الاسياخ وتحمريها فى معلقة زيت فى المقلاية بس في الحالة دي بتكون الدجاجة قطع او مكعبات

المكرونة بالجبنة ( جبنة بيضاء ) (دون)
كيس مكرونة اسباكتى ( 500 جرام )+بصلة كبيرة، ملح ، فلفل+3 معالق صلصة كبيرة +قرن فلفل حامى+1/4 كيلو جبنة بيضاء ( براميلى او اسطنبولى )+بشاميل خفيف +بيضة للوجه
الطريقة :
اسلق المكرونة فى ماء و ملح و بعدين اشطفها بماء بارد و اصفيها. اضع فى حلة 2 معلقة زيت و اخرط البصلة تخريط وسط لحد ما تصفر .احط عليها القرن الفلفل الحامى المخرط حلقات يادوب لفة .اضع عليهم صلصة الطماطم واقلب مع الملح و الفلفل ثم اضع شوية ماء لحد ما تتخن ( الصلصة بتكون تخينة ما تخففيهاش ) .اجيب الجبنة البيضاء فى طبق و اهرسها شوية بالشوكة .اضع الجبنة بعد ما هرسناها على المكرونة و اخلطهم باديا كويس لحد ما تتاكدى ان المكرونة كلها فيها جبنة. بعد ما خلصت الصلصة و اتسبكت تخينة .اضعها على المكرونة اللى بالجبنة و اقلبهم كلهم مع الجبنة كويس قوى .ادهن صينية بالفرشاة بسمن و اضع فيها خليط المكرونة واضع على الوجة طبقة بشاميل خفيفة ثم البيضة المضروبة وادخلها الفرن يادوب بس حتحمر لان المكونات اللى فيها كلها مستوية
ملحوظة : ممكن لو فاض عندك جبنة بيضاء مش حتاكلوها و حتنشف تعملى بيها صينية المكرونة بدل ما ترميها

الكبد والكلاوى (دون)
كبد و كلاوي و قلب مقطعين- بصلة و طماطم و فلفل رومي مقطعين. نشوح البصل و الفلفل في الزيت ثم نضيف الطماطم ثم نضيف الكبد و الكلاوي و القلب و نشوح لحد ما الخليط ينزل ميته و يستوي. يقدم مع الارز الابيض و يمكن أن يؤكل مع الصوص البني او يخلط مع الارز في قالب ثم يقلب

الجمبرى المشوى (دون)
طبعا حتستعملى الجمبرى الكبير وبعد ما تقشرية وتغسلية يفضل انك تسيبى الراس والزيل زى ماهما متقشريهمش وبعدين تتبلية كويس قوى وياريت من بليل ملح وفلفل وسنة كمون وكام فص ثوم وعصير ليمونة على شوية زيت صغيرين وتقلبى كله كويس قوى وتتركية فى التتبيلة ويا اما تضعية فى صاجة فى الفرن بنفس الطريقة اللى قلتها او تشكشكى فى عصيان خشب بطريقة حلوة وتشوى على الشواية او فى الفرن وبرضة ترشى عليه من التتبيلة

صينية العدس بالصلصة (دون)
كوب عدس اسود
كوب عصير طماطم
كوب بصل
نص راس ثوم
سمنة
ملح وفلفل وكمون
ربع كوب خل
نص حزمة بقدونس مخرط
الطريقة
اغسلى العدس من الصبح وانقعية لحد ميعاد الغداء .اسلقى العدس فى ماء مغلى نص سوى بس .نقدح السمنة فى مقلاية ونحمر فيها البصل لحد مايصفر ثم نضع الثوم المهروس ونحمرهم سوا وبعدين نضع الخل وعصير الطماطم ونتركهم يتسبكوا (زى صلصة الكشرى) .نضع العدس والبقدونس على الصلصة ونخلطعم وبعدين نضعهم. فى طبق فرن ونتبلهم وشوية ماء وندخلهم الفرن لحد ما الصينية .تستوى ويتاكل على طول وهو سخن

سمك موسى بانية (دون)
نجيب سمك موسى منظف و مسلوخة الجلدة السودا و مقسم نصفين. نضع السمك في بيض مربوب و متبل و بعجين في بقسماط ثم يحمر في الزيت

صينية العدس فى الفرن
كوب عدس اصفر
نص كوب بصل
5 فصوص ثوم مهروسين
نص كوب بقدونس
نص كيلو طماطم
فلفلة رومى كبيرة مقطعة مكعبات صغيرة
سمنة
ملح وفلفل وكمون
كزبرة ناشفة
الطريقة
نعمل العدس شوربة عادية زى اللى كتبناها قبل كدة بس بعد ماتصفية متزوديش علية ماء سيبية تخين زى ماهو نقدح السمنة فى مقلاية ونحمر فيها البصل لحد مايصفر ثم نضع الثوم المهروس ونحمرهم سوا وبعدين نضع عصير الطماطم ونتركهم يتسبكوا .نتبلها بالملح والفلفل والكمون والكزبرة وبعدين نضع الفلفل الاخضر والبقدونس ونقلب كله مع بعض ثم نضع العدس ونقلب كله مع بعض ونظبط الحدق. نصب الخليط فى طبق فرن وندخله فرن متوسط الحرارة

German Chocolate Cake (سبانيش فلاور)
الكيكه:
4 اونص شوكولاته
نص كوب ماء مغلي
كوب زبده
2 كوب سكر
4 بيض
فانيليا
2 و نص كوب دقيق
معلقه baking soda
1 كوب butter milk
انا استخدمت لبن عادي
نسيح الشوكولاته في الماء المغلي و بعد كده نعمل كيكه عاديه بالمقادير اللي فوق بنفس طريقتنا العاديه و نحط المقدار في 3 صواني 8 انش و نسويها عادي
frosting:
كوب لبن بودره
كوب سكر
3 صفار بيض
نص كوب زبده
فانيليا
جوز هند كوب و تلت
كوب عين جمل
نحط كله علي النار ما عدا الجوز الهند و عين الجمل و نقلب باستمرار لمده 12 -15 دقيقه هتلاقيه بقي سميك معاكي ضيفي جوز الهند و عين الجمل. سيبيه يبرد شويه .بعد كده حطي الكيكه الاولي و عليها طبقه من الفروستينج و حطي عليها الكيكه التانيه و طبقه تانيه و هكذا و بعد كده غطي كل الكيكه بالفروستينج و دخليها التلاجه تمسك شويه
علي فكره الطريقه الاصليه كانت عامله الكيكه بطريقه ضرب البياض لوحده بس انا عملتها عادي

مكرونة بالجبنة (دون)
سريييييييعة
كيس مكرونة حلزونى او قوقعة او اى شكل يعجبك
جبنة رومى مبشورة
قطعة زبدة
زعتر
قطع سوسيس او قطع لانشون او حسب الرغبة
الطريقة
نسلق المكرونة ونصفيها عادى .نضع الزبدة على النار ونقلب فيها المكرونة ونضع عليها رشة جبنة رومى مبشورة ورشة زعتر ونقلب تقليبة. نغرفها فى الطبق ونرش على الوش رشة جبنة وممكن نكتفى بكدة او ممكن وضع اى اختيار خفيف على الوش تؤكل ساخنة

مربى اللارنج (دون)
كيلو لارنج
2 كوب ماء
1 وربع كيلو سكر
1 ونص معلقة كبيرة عصير ليمون
عصير لارنج
الطريقة
نبشر اللارنج من برة طبقة خفيفةعلشان نشيل الطبقة اللى بتطلع الزيوت وبيكون طعمها مر وبعدين انقعية فى ماء لمدة لا تقل عن 12 ساعة وابقى فى النص كدة .خلال هذه المدة غيرى المياة وارميها .قطعى القشرة اربع ارباع و طلعى قلب اللارنج من القشرة شيلى جزء بسيط من القشرة البيضاء الداخلية التخينة وبعدين نقطع القشرة شرائح رفيعة واسهلك قصقصيها بالمقص على هيئة عيدان كبريت رفيعه .نضع القشرة دى بعد ماقطعتيها فى ماء علشان تسلقيها بس لحد ماتلاقيها خلاص قربت تستوى . نعمل الشراب السكرى نضع الماء وعليها السكر ونخليهم يغلوا لمدة 5 دقائق وتشيلى بالمعلقة طبعا الريم اللى حيظهر عندك .نضع القشر المقطع المسلوق وتسبيهم يغلوا حوالى نص ساعة ثم ضعى كوب عصير اللارنج وعصير الليمون ونخلى المربى لحد ماتستوى ونعبيها فى برطمانات نضيفة

سلطة جبنة القريش (دون)
ربع كيلو جبنة قريش-5 وحدات زيتون اسود-3معالق عصير ليمون2- خيارة مقطع شرايح -خس-فلفل اسود - رشة بودرة ثوم
الطريقة
فى سلطانية اخلطى الجبنة القريش مع الفلفل والخيار والثوم .نقطع ورق الخس شرائح ونفرشه فى الطبق ونضع علية الجبنة وعليها وحدات الزيتون الاسود المنزوع النوى ثم نعصر عليها عصير الليمون

عدس (دون)
ربع كيلو عدس اسود
كوب كسبرة خضراء
نص راس ثوم
عصير ليمونة
بصلة كبيرة مبشورة
ملح وفلفل
زيت
الطريقة
نغسل العدس وبرضه انقعية من بليل. نسلق العدس فى ماء مغلى لحد ما يستوى .نسخن الزيت ونحمر فية البصل ثم نضع العدس عليهم ونقلبهم مع بعض بس على نار هادية(زى التشويح) .نحمر الثوم المهروس والكسبرة المفرومة على النار لحد ماتزهزه تروحى حاطة عصير الليمون تقليبة وبعدين نضعه على العدس ونخليهم على النار حوالى 5 دقايق ونغرفه ساخن

الاستاكوزا (دون)
بالنسبة للاستاكوزا لو حتجبيها لسة يبقى لازم تجبيها وهى صاحية لان فية معلومة بتقول انها لازم تتسلق وهيه صاحيه والا تبقى مسممه وعادة بتلاقيها فى السوبر ماركت بتكون مسلوقه. تسخنى معلقتين زيت فى حلة وتحطى فصين مستكه وفص حبهان لحد ما ريحتهم تطلع تروحى حاطة كوب ماء وكرفس اخضر مخرط وبصله مقطعة نصين وملح وفلفل وفلفله رومى خضراء متقطعة مكعبات ولما المياة تغلى نحط الاستاكوزا لمدة خمس دقائق بس 5 دقائق والماء بيغلى يعنى تحسبى من بداية الغليان وبعدين تشيليها من الماء وتحطيها فى طبق التقديم

سلطة الخضار بالمايونيز (دون)
كيس خضار جاهز
او بسلة وفاصوليا خضراء مقطعة قطع صغيرة
وجزر مقشر ومقطع قطع صغيرة
3 معالق كبيرة مايونيز
الطريقة
نضع الخضار فى ماء مغلى لحد مايستوى بس ميكنش مستوى قوى وطرى خلية ماسك نفسه بيبقى احلى
نشيل الخضار من المياة لحد ماينزل كل مايته خالص ويبرد تماما نضع المايونيز على الخضار ونقلبه كويس بالمعلقة لحد ماتحسى ان الخضار كله فية مايونيز وبالهنا والشفا

بالنسبة للعدس الاسود اللى بالثوم والكمون انا حقول طريقة بعملها زى الفول. انا بجيب العدس الاسود واغسله وبعدين اضعه فى حلة وعلية ماء وعلى نار متوسطة لحد ما يستوى بس ماتهريهوش خلية مفرفر ويكون فية يادوب شوية ماء زى الفول المدمس بالظبط اطفى النار واغرفه فى طبق واضع علية ملح وكمون وعصير ليمون وتوم مهروس وبيتاكل بالعيش بيبقى جميل جدا (دون)

قرنبيط بانيه (دون)
قرنبيطة
بيض مضروب (2)
بقسماط ناعم
ملح وفلفل اسود
زيت للتحمير
الطريقة
ممكن تسلقى القرنبيطة الاول فى ماء مغلى او ممكن تقطعيها على هيئة وردات وبعدين تسلقيها. نضعها فى طبق تصفى مايتها خالص . نضرب البيض فى طبق مع ملح وفلفل. نضع القرنبيط ثم نضعه فى البقسماط بحيث تغطى القرنبيط كويس. نحمره فى زيت لحد مايحمر

طاجن المنوعات (دون)
2 كوب ارز مفلفل
كوب جبنة رومى مبشورة
كوب حليب
معلقة كبيرة زبدة
بقسماط ناعم
نص كوب عصاج بدون صلصة
نص كوب خضروات مشكلة
ملح وفلفل
الطريقة
ندهن طاجن بالسمنة ثم نضع طبقة من الارز ثم نضع طبقة من اللحمة المعصجة ثم نضع طبقة من الارز ثم نضع طبقة من الجبنة المبشورة ثم نضع طبقة الخضروات ثم نضع طبقة من الارز. نصب الحليب المتبل على الطاجن ونرش على الوش رشة بقسماط ونوزع قطعة صغيرة من الزبدة على الوش وندخله فرن متوسط الحرارة حوالى نص ساعة لحد مايحمر لان كل مكوناته مستوية . ممكن تنوعى فى الطبقات زى ماانتى عاوزة بس متغيريش طبقة الجبنة لانها لما بتسيح مع الارز بيبقى طعمها حلو يعنى ممكن بدل العصاج تحطى سوسيس وممكن بدل مجموعة الخضروات تحطى نوع واحد بس وممكن تضعى بزنجان مقلى وممكن فلفل رومى مقلى

فطيرة التفاح (دون)
كوب ونص دقيق -1 /8 كيلو زبده - 3 معالق كورن فلاور-نص كوب حليب
معلقة صغيرة فانيليا - نص كيس بيكنج باودر-4 معالق كبيره سكر
للحشو
كيلو تفاح أخضر مقشر ومقطع كل تفاحه 8 قطع بالطول
2/3 كوب سكر
1/8 كيلو زبده
طريقة العجينة
نضع كل المقادير فى العجانه ونخلطهم كويس قوى ونظبط سمك العجينة بالحليب شوية شوية لحد ماتبقى العجينة مش طرية قوى. بعد الانتهاء منها نسيبها ترتاح نص ساعه
طريقة عمل الحشو
نضع الزبدة فى صينية التارت على النار لحد ماتسخن وتلاقيها مطلعة رغاوى(او مفقفقة) نضيف لها السكر ونقلب بسرعة بسرعة وبعدين شيليهم من على النار نرصص قطع التفاح فى الصينية على الزبدة والسكر بحيث تملى الصينيه ونرجعها تانى على النار بس تكون هادية لحد ما تلاقى السكر ابتدى يتكرمل والتفاح ابتدى لونه يتغير تروحى شايلة الصينية من على النار تروحى فردة العجينه على اد الصينية وتروحى فرداها على التفاح بحيث تغطيه كله كويس ونحشر العجينة كويس حوالين التفاح من الجناب كويس وندخلها فرن بس يكون حامى لحد ما الوش يحمر. نطلعها من الفرن ونخليها تبرد شويه ونغطيها بطبق التقديم ونقلبها حيكون التارت تحت والتفاح بصوص الكراميل فوق

انا بعمل العدس الأسود بطريقه تانية هقولهالك وقوليلى ايه رأيك (ام ياسمين جيسيكا)
أنا بغسل العدس واحط شوية زيت فى الحله واخرط بصله وفصين توم وثمرة طماطم وفلفله رومى واحط معاهم العدس وملح وفلفل وكمون وربع كوب ماء (كله على بعضه) واوطى النار عليهم وكلما تشرب الماء اضع القليل منه حتى تمام النضج بيطلع جميل قوى

صينية القرع بالبشاميل (دون)
حوالى كيلو قرع
جبنة رومى مبشورة
بقسماط ناعم
بشاميل
معلقة ونص زبدة
ملح وفلفل
الطريقة
قشرى القرع وقطعية مكعبات . ضعى معلقة زبدة على النار وابتدى شوحى القرع فيها بالراحة حوالى من عشر دقايق لربع ساعة وبعدين تضعى علية شوية فى شوية ماء لحد ما يستوى. شيلى القرع من الحله بالكبشة وضعية فى طبق فرن ثم رشى علية رشة الجبنة ثم ضعى طبقة من البشاميل على وش القرع كله ثم وزعى نص معلقة زبدة على وش الصينية ورشى رشة بقسماط ناعم .دخلى الصينية فرن متوسط الحرارة لحد ما يحمر وشها

الدونات (دون)
3/4 كوب زبده
نص كوب سكر
4 بيضات
2كوب حليب
2معلقة صغيرة خميره جافه
ربع كوب ماء دافىء
معلقة صغيرة فانيليا
دقيق (نبدء من 4 كوب)
الطريقة
نضرب الزبده مع السكر كويس ثم نضع البيض والفانيليا ثم نضع الحليب ندوب الخميره فى الماء دافيء
ونضعها على كوب دقيق ثم نضعها على المقدار ونخلط كله ثم نضع باقى الدقيق تدريجيا حتى الحصول على عجينه طريه ومتماسكه . نسيبها تخمر فى مكان دافى ساعتين ثم نفردها ونقطعها دوائر بكوب او بقطاعة الدونات ثم نقطعها من النص بقطاعة اصغر ونتركها تخمر تانى لمدة ساعة نضع الزيت على النار ونحمر الدونات ثم نتركه يبرد ونزوقة حسب الرغبة اما نرش علية سكر بودرة او شيكولاتة خام سايحة او حلوى الماء

أومليت السبانخ (ام ياسمين جيسيكا)
مقدار من السبانخ مغسول ومقطع ومسلوق
1/4 كيلو لحمه مفرومه
4 بيضات أو على حسب الكمية
حزمة بقدونس مفروم
بصله مفرومة
الطريقة:
يتم تشويح البصل فى الزيت أو السمن حسب الرغبه ثم إضافة اللحمة المفرومة وتركها حتى تنضح ثم أضافة السبانخ وتتبيلها بالملح والفلفل والبهارات. يتم فرد المقدار فى صينيه وأضافة البقدونس ونرب البيض ونضعه على الوجه كله ونفرده جيدا على الوجه ثم نغطى الصينية ونضعها على نار هادية فوق البوتجاز ونتركها لمدة ربع ساعه حتى تنضج ثم تقطع خرط

فيه كمان طريقه خفيفه (ام ياسمين جيسيكا)
السبانخ بالزبادى
مقدار من السبانخ المقطع ومسلوق
حوالى 3 أو 4 كوب زبادى كبير
فصين توم
نعناع ناشف أو أخضر حسب الرغبه مقطع صغير جدا
معلقة زبده
الطريقة:
يتم اضافة التوم والملح والفلفل للزبادى وتقليبه جيدا ثم اضافة السبانخ الناضجة. يتم وضع ملعقة الزبد فى طاسه ووضع النعناع ويقلب حتى يتبل . يتم غرف السبانخ فى طبق التقديم ووضع على الوجه النعناع للزينة

وبالنسبة لاومليت السبانخ انا بعملها فى الريجيم بتشبع جدا بعملها ببيضتين وبشيل الزيت او السمنة خالص بحط البصل يتشوح فى التيفال لحد ما يدبل وبعدين اللحمة المفرومة بتنزل شوية ماء فكله بيستوى وبعدين بعملها فى المقلاية التيفال مع العيش السن يبقى شبعتى وولا اكنك اكلتى حاجة (دون)

بيض بالسبانخ (دون)
نص كيلو سبانخ
3 او 4 بيضات
ملح وفلفل
الطريقة
نغسل السبانخ ثم نضعها فى ماء مغلى لحد ماتستوى وبعدين نصفيها من الماء بتاعها .نضع السبانخ فى طبق فرن ونعمل فيها بالمعلقة 4 حفرة ونكسر بيضة فى كل حفرة وندخلها الفرن لحد ما يستوى البيض .حتلاقية بيجمد والبياض بيفقفق تروحى رشة ملح وفلفل

طماطم محشية بالفراخ (دون)
5 طماطم كبيرة
بصلة صغيرة مبشورة
ملح وفلفل
2 معلقة كبيرة جبنة شيدر
ربع فرخة مسلوق مفروم
نقطع راس الطماطم من فوق بالعرض بالسكينة. نقور الطماطم من الداخل بمعلقة صغيرة. نضع قلب الطماطم اللى طلعناة بالمعلقة ونضعه على الفراخ المفرومة والبصلة المبشورة و الجبنة والملح والفلفل ونخلطهم بالمعلقة وبالراحة نحشى الطماطم بالخليط دة ثم نضع الجزء اللى قطعناه من الطماطم من فوق ونغطى بيه الطماطم ونضعها فى طبق فرن وندخلها الفرن لمدة نص ساعة تقريبا . ملحوظة / ممكن استخدام جبنة قليلة الدسم
الطماطم دى بتبقى كأنها مشوية يعنى خفيفة جدا

صينية العجة بالارز (دون)
كوب ارز مستوى
بصلة مبشورة
4 بيضات
ملح وفلفل
بهارات وزعتر
معلقة ثوم مهروسة
فلفلة رومى شرائح رفيعة
معلقة مستردة
نص كوب جبنة
الطريقة
نقدح السمنة ونشوح فيها البصلة ثم الثوم لحد مايصفروا نضع الفلفل الرومى تشويحة مع الملح والفلفل والبهارات و الزعتر ونقلب كله. نضرب البيض بالشوكة كويس وبعدين نضيفله المستردة والجبنة ونقلبهم كويس
نضع كل المقادير مع بعض وكمان الارز ونقلبهم. ندهن صينية بالسمنة ونقلب فيها الخليط وندخلها فرن متوسط الحرارة لحد ما كله يستوى . ملحوظة / ممكن تستخدمى اى ارز ابيض كان بايت عندك

الخرشوف المحشى (دون)
وحدات من الخرشوف بالعدد المطلوب
لحمة معصجة بالطماطم
بشاميل خفيف
معلقة سمنة
كوب عصير طماطم
ملح وفلفل
بصلة متوسطة مبشورة
بيضة مضروبة بالشوكة
الطريقة
نقشر الخرشوف من الورق الاخضر الخارجى وننظف قلبه بالمعلقة الصغيرة ونشيل كل الشعر الناعم الصغير اللى فى قلبها. نسلقه فى ماء مغلى ونضع فى الماء عصير نص ليمونة لحد ما يستوى نص سوى نشيله من الماء تماما . نحشى كل خرشوفة بمعلقة لحمة معصجة ونضع على وشها بشاميل يادوب يغطيها ثم نضع بالفرشاة بيض مربوب . نرصص الخرشوف فى صينية فرن بجانب بعض. نعمل صلصة بنضع معلقة سمنة ونشوح فيها البصلة لحد ماتصفر ثم نضع عصير الطماطم وملح وفلفل لحد ماتتسبك ثم نصبها فى صينية الخرشوف بحيث تصل الى اول الحشو وندخلها فرن متوسط الحرارة لحد ما الوش يحمر

آيسكريم بالبسكويت (دون نقلا عن أميرة الشوق)
طريقه سهله و لذيذه ..
المقادير:
كيس بسكويت سادة ( بدون كريم) -
علبة قشطة -
نص علبة حليب مركز-
2 ظرف كريم دريم ويب ( بودرة) -
علبة كريم كراميل ( البودرة فقط) -
عدد2 ملعقة كبيرة سكر عادي
عدد 2 ملعقة كبيرة نسكافيه + كوب ماء + ملعقه كبيرة سكر مخلوطين مع بعض .
الطريقة:
- تخلط المقادير من 2 إلى 6 مع بعض وتضرب بالمضرب إلى أن يغلظ القوام حوالــــي 3-4 دقائق وتتكون كريمة كثيفة ، ثم توضع بالثلاجة . -تجهز صينية مستطيلة وتغمس قطعة بسكويتة في المقدار 7 وترص طبقة كاملة من البسكويت ثم نضع طبقة كريمة ثم طبقة بسكويت والأخيرة تكون طبقة كريمة ويسوى السطح وتوضع بالفريزر مدة خمس ساعات على الأقل ثم تقطع وتقدم ..دى مقادير وطريقة اميرة الشوق وانا عملتها وطلعت جميلة

(السمبوسك) (دون)
على الطريقة الهندية
مقادير العجينة
2 كوب دقيق
2 و نصف ملعقة طعام زيت
ملعقة كبيرة نشا
نصف ملعقة صغيرة ملح
من ربع لنصف كوب ماء
الطريقة
نضع كل المقادير كلها فى العجانة ونبدء ننزل الماء شوية شوية لحد ماتتلم العجينة وتسيب الاناء
مقادير الحشو
معلقتين زيت
معلقة صغيرة ثوم مهروس
معلقة صغيرة زنجبيل
بصلة متوسطة مقطعة صغير
معلقة صغيرة عصير ليمون
معلقة صغيرة كزبرة مطحونة
نصف معلقة صغيرة ملح و فلفل
شطة و معلقة صغيرة كاري
3 وحدات بطاطس متوسطة
ربع كوب بسلة
2 معلقة كبيرة كسبرة خضراء مقطعة صغير
الطريقة
نسلق البطاطس والبسلة ونقشر البطاطس ونقطعها قطع صغيرة .نضع الزيت على النار ونشوح الثوم ثم نشوح البصلة. اضع عليهم الزنجبيل ونقلب واضع عصيرالليمون والكزبرة الناشفة والملح والفلفل والشطة والكارى و نقلب شوية لمدة دقيقتين ثم نضع البطاطس والبسلة و نقلب تقليبتين ثم نضع الكسبرة ونطفى النار ونحشى السمبوسك وبالهنا والشفا

بالنسبة للكيكة ممكن حاجات كتير متخليهاش تنجح لكن بدام بتطلع معاكى حلوة كل مرة ماعدا المرة دى يبقى شوفى انتى اللى عملتى اية غريب المرة دى ؟؟؟ وبالنسبة لانها كل مرة بتطلع محروقة من تحت يبقى دايما حطى على الرف اللى تحتها صينية بها ماء وخلى بالك ممكن يكون الفرن عايز ظبط لان فية ساعات الفرن بعد ما تفتحية على درجة معينة من غير ماتحسى النار بتعلى لوحدها (ملحوظة من دون)

شعرية مفلفلة بالطماطم (دون)
نص كيلو شعيرية او كيس
كيلو طماطم معصورة
كفتة جاهزة (اختيارية)
بصلة مبشورة
ملح وفلفل وبهارات
شوربة(مرقة)
سمنة
الطريقة
نعمل الكفتة زى داود باشا كور ونحمرها (اذا استخدمتيها). نقدح معلقة سمنة ونضع عليها الطماطم وقليل قليل من الماء لحد ماتتسبك. نقدح معلقة سمنة ونشوح فيها البصلة لحد ماتصفر ثم نضع عليها الشعيرية ونحمرها تبقى لونها بنى فاتح ثم نصب عليها الطماطم بعد ماتكون اتسبكت. تبلى المقدار وخلية لحد ما تنشف ويتشرب السائل تهدى النار وتسبية لحد ما الشعيرية تستوى (نفس طريقة سوى الارز). ملحوظة :فى حالة استخدام الكفتة ضفيها مع الطماطم على الشعيرية . استخدمى الشعيرية التخينة مش الرفيعة

تفريز البطاطس (دون)
انتى قشريها واغسليها وقطعيها صوابع وبعدين حطى حلة واسعة فيها ماء على النار واول ماتغلى المياة تروحى حطة فيها البطاطس حتلاقى المياة بطلت تغلى اول ماتحطى فيها البطاطس.... تروحى منتظرة شوية حتلاقى المياة رجعت تغلى تانى .....من اول ماتغلى المياة تانى تحسبى 3 دقايق وتروحى طافية النار وحطة البطاطس فى مصفاة علشان تتخلصى من الماء اللى فى البطاطس تماما . تكونى مجهزة الاكياس نضيفة وناشفة وتقسمى البطاطس على الاكياس وتضعيها فى الفريزر على طول ولما تيجى تستعمليها تحمريها زى ماهى فى زيت مقدوح

صينية الكفتة بالطحينة (دون)
نص كيلو لحمة مفرومة
بصلة متوسطة مبشورة
نص كوب طحينة
ملح وفلفل وكمون
3 بطاطسات كبيرة
2 طماطم كبيرة
بصلة شرائح
2 معلقة بقدونس
خل
الطريقة
نعمل سلطة الطحينة عادى نحلها بماء ثم نضع الملح والفلفل والكمون والخل .نعمل الكفتة عادى نضع عليها الملح والفلفل والبقدونس والبصل وتعجنها ثم نضع عليها سلطة الطحينة اللى عملناها ونخلط. نحضر صينية وندهنها بالسمن ثم نرصص شرائح البصل ثم نرصص حلقات البطاطس ثم نضع الكفتة ثم نرصص حلقات الطماطم ونغطيها بالفويل وندخلها الفرن لحد ماتحمر وتستوى

صينية الكوسة بالبشاميل (دون)
المقادير:
1كيلو كوسة _ لحمة مفرومة معصجة _ زيت لتشويح الكوسة _2بيضة مضروبة بالشوكة _ ملح و فلفل . _ بشاميل
طريقة البشاميل:
تحمر 2 ملعقة كبيرة دقيق في 2 ملعقة كبيرة زيت دون ان يتغير لونة ثم نضع شوية شوية حليب دافىء
و نقلب بسرعة بسرعة علشان ما يكلكعش منك (حوالى 2 كوب حليب ) او الى ان تصلى الى السمك المطلوب اضع ملح و فلفل
يعمل العصاج كما سبق شرحنا
الطريقة:
نغسل الكوسة و تنجر بالسكينة المشرشرة و تقطع شرائح طويلة ثم تقلي فى الزيت (قلى خفيف) و توضع فى مصفاة للتخلص من الزيت او على ورق المطبخ المخصوص لا متصاص الدهون او تسلق شرائح الكوسة فى قليل من الماء و الملح ثم تنشل لتصفى ماء السلق.ندهن الصينية بحوالى ملعقة بشاميل و نوزعها كويس . ثم نرصص طبقة من الكوسة نغطى بها القاع تقريبا نص كمية الكوسة ثم العصاج ثم طبقة اخرى من الكوسة . تصب طبقة بشاميل على وش الصينية بحيث نغطى الكوسة ثم نضع بيضة مخفوقة علي الوجه و ندخلها الفرن درجة حرارة متوسطة لحد وشها ما يحمر

موز بالكريم باتيسير (دون)
نص كيلو موز – 3 معالق كبيرة مربى - كريم باتسير
بياض 3 بيضات
الطريقة
نقشر الموز ونقطعة حلقات او شرايح طولية. ندهن صينية بسيط بالزبدة ثم نضع فيها نص كمية الكريم باتسير
ونفرده كويس ثم نضع طبقة من الموز على وش الكريم باتسير. نضع فوق الموز طبقة خفيفة من المربى( لو معرفتيش تفردى المربى عليها ممكن تنزليها بالمعلقة قطع صغيرة جنب بعض وهى حتتفرد من حرارة الفرن لوحدها. نضرب بياض البيض بالمضرب لحد مايجمد خالص وبعدين نضعه على باقى الكريم باتسير ونخلطهم بالراحة بالمعلقة وبعدين نضعه على وش الصينية ونفرده نغطى بيها الموز . ندخل الصينية فرن متوسط الحرارة مش كتير يعنى حوالى عشر دقايق . طلعى الصينية ورشى على الوش رشة سكر بودرة وندخلها الفرن تانى لحد ما الوش يحمر

اما عن الجلاش فهو كالاتى (سمسم)
لفة جلاش -حوالى ملعقتين سمن سايح كبيرة- ربع كيلو جبنة قريش او ازيد شويه-2 فلفل رومى مقطع مكعبات صغيرة-زيتون اسود
تجيبى الصينية وتدهنيها سمنة وتحطى اول راقتين من الجلاش وتدهنى سمنة وهكذا ما بين كل الراقات لغاية نص الصينية وبعدين نضع الحشو. نهرس الجبنة القريش ونضعها وفوقها الفلفل والزيت ثم نضع باقى الجلاش ثم بالسكين باقطع باقطع الجلاش مكعبات واخله الفرن لمدة 10 دقائق. اكون حضرت كوب لبن كبير مع 2 بيضه وملح وفلفل واضع الخليط ده على الجلاش وادخله تانى الفرن حتى يحمر الوجه

تورتة الجيلي بالفراولة (دون)
كيكة اسفنجية
3 باكو جيلى
موز
فراولة
كريم شانتى
الطريقة
نزوب الجيلى فى 5 كوب ماء مغلى . نترك شوية فقط علشان نسقى بيه الكيكة يعنى حوالى كوب .نضع باقى الجيلى فى نفس الصينية اللى خبزنا فيها الكيكة ونقطع فيه شرائح موز وندخلة الثلاجة يجمد لكن مش الفريزر
1-زى ما اتفقنا نقطع الكيكة بالعرض بالسكينة لنصين
2-بالمعلقة نبتدى نسقى الطبقة الاولى من الكيكة بجيلى (او) نحط الفرشاة فى العصير و نبتدى زى مانكون بنسئسء على الكيكة
3-نضع الكريمة و نسويها كويس بالسكينة العريضة او الباليت
4-نضع انصاص الفراولة على كل الكيكة
5-نضع الطبقة التانية من الكيكة و نسقيها بالجيلى بنفس الطريقة
نضع الكيكة كلها زى ماهى فى الصينية فوق الجيلى بعد ماجمد بالراحة خالص على عين البوتجاز تمسكى الصينية وتلفيها بسرعة بصورة دائرية على النار يعنى ثوانى فقط علشان الجيلى مايدوبش وبعدين تروحى حاطة طبق التقديم فوق الصينية وتقلبيها وتخبطى على الصينية علشان تطمنى ان الجيلى كله نزل مع التورتة

فطيرة بالجبنة (دون)
6 بيضات
4 معالق كبيرة زبدة
ربع كيلو اى جبنة مبشورة
كوب حليبب بارد
3 معالق كبيرة دقيق
ملح وفلفل
الطريقة
نضع الزبدة فى حلة صغيرة على نار هادية لحد ما تدوب وبعدين نضيف الدقيق شوية شوية وانتى بتقلبى لحد ماتلاقى لونه اتغير واغمق شوية .ابعدى الحلة من على النار ونضع صفار البيض والجبنة والملح والفلفل ونقلبهم كويس ثم نضع الحليب عليهم ونقلبهم كويس مع بعض. نضع الحلة تانى على النار بس تكون هادية خالص مع التقليب لحد ما تلاقى المقدار تخن ومسك نفسه (زى البشاميل ) ثم نرفعه من على النار . نضرب بياض البيض بالمضرب لحد ما يتخن ويبقى هاشش (زى الميرانج) ونضعه على الخليط ونحركهم مع بعض . نجهز طبق فرن وندهنه بحتة زبدة صغيرة ونصب الخليط فيه . نضع الطبق فى فرن متوسط الحرارة لحد ما حتلاقى المقدار اتنفخ
حوالى ربع ساعة وبعدين تتركيه شويه لحد ما يحمر الوش

جاتوة الكيك (دون)
4 كوب اى كيك
كوب مربى او عسل
3 معلقة زبدة
كوب كاكاو
كوب مكسرات
شيكولاتة سايحة
فانيليا
الطريقة
نطحن الكيكة فى الكبة. فى مقلاية نضع المربى والكاكاو على النارونقلبهم لحد ما المربى تغلى (اوعى تتحلرق منك علشان متمررش). نضع الفانيليا ونضع الكيك الى الخليط ونقلب ثم نضع الزبدة والمكسرات ونقلبهم كويس ونرفعهم من على النار. ندهن القالب المستخدم او القوالب او الصينية بالزيت ونضع الخليط ونضغط علية ولو حتعمليها كور يبقى ادهنى ايدك بالزيت خفيف وكورى بين ايديكى . نسيح الشيكولاتة ونصبها على المقدار وممكن نرش سكر بودرة وممكن شيكولاتة فارمسيل وممكن فواكه وممكن مكسرات . لكى مطلق الحرية فى التزيين

قالب اللحم بالخضروات (دون)
نص كيلو لحمة مفرومة
خضروات مشكلة
بيضة - بصلة متوسطة
ملح وفلفل
بهارات لحمة
سمن ادهان القالب
الطريقة
نقطع الخضار ونسلقة نص سلق ونصفية من الماء. نبشر البصلة ونضعها على اللحمة مع البيضة والملح والفلفل والبهارات ونخلط المقدار كله تماما. ندهن القالب خفيف بالسمنة ونضع قطعة من اللحم ونبطن بيها القالب تماما من جميع الجناب داير مايدور. نضع اول طبقة من الخضار ثم نغطية بطبقة تانية من اللحمة ثم طبقة اخرى من الخضار وطبقة اخيرة من اللحم ونفردها ونبطط بايدنا على الوش كويس . ندخلها فرن متوسط الحرارة حوالى ساعة وبعد ما تطلع . نقلبها فى طبق التقديم ونقطعها شرائح مثل الكيكة

الفطير المشلتت (دون)
كيلو دقيق -ماء دافئ للعجن - معلقة صغيرة ملح
سمنة سايحة وزيت
الطريقة:
نضع فى العجانة الدقيق والملح ثم نضيف الماء الدافىء عليهم شوية شوية لحد ماتتكون عندك عجينة متوسطة ناعمة صالحة للفرد وتترك الاناء نظيف او بايدك بس تعجنى كويس لحد ماتلاقى العجينة تركت ايديكى . نترك العجينة ساعة علشان ترتاح وتبقى سهلة فى فردها. نعمل العجينة كلها كور صغيرة قد اليوسفى الصغير ماعادا كرة واحدة نعملها اكبر من الباقى يعنى قد البرتقالة. نضع الكور فى السمنة والزيت ونلفهم بس داير ما يدور
وتتركيهم نص ساعة بس تكونى عارفة انهى كرة انتى عملتيها الاول وانهى كرة الاخيرة علشان لما نبجى نفرد الكور نفرد من اول كرة بالدور لحد الاخيرة وليس العكس. نفرد اول كرة بالنشابة لحد ماتبقى رقيقة خالص . تدهنى الصينية بالسمن وتفردى فيها اول كرة مفرودة وهكذاا نكرر مع باقى الكور كلها وبين الراقات ندهن سمنة كويس بالفرشاة لحد ما نبجى عند الكرة الكبيرة ونفردها كويس فوق الطبقات كلها ونلم بيها. كل طروف الراقات اللى تحتها . ندخلها فرن ساخن فى الرف المتوسط حوالي نصف ساعة او لحد ما تستوى ومن اول ماتخرج من الفرن غطيها على طول بصينية اكبر وكل ماتسبيها متغطيه اكتر وقت كل ماتطرى معاكى وتبقى احلى
ملاحظات على الفطيرالمشلتت
انا مش بضع داخل العجينة سمن او زيت
السمن والزيت اللى حنضع الكور فيها يكون مثلا التلتربع سمنة والربع زيت
وانا بضع الكور فى السمن بيكون على البارد مش بضعهم على النار
اول كرة عملتيها فى الاول خالص هى اللى تبتدى تفرديها او تبططيها الاول
ياريت لو كانت السمنة المستخدمة بلدى
الفرن يكون مثلا على 280 او 300 لان لو اعلى حتنشف ولو اوطى مش حتبقى خبيزها حلو
لازم لازم لازم تغطيها بعد ماتطلع من الفرن وعلى قد ماتقدرى
يعنى انا بعملها بليل ونفطر تانى يوم بيهااو للعشاء مثلا
العجينة تكون متوسطة ولا تكون ناشفة وانتى بتعمليها ولا تكون طرية لدرجة انها تلزق فى ايدك
الدقيق اختياااااارى يعنى الكيلو دقيق بتعمل فطرتين من اللى فى الصورة دى
ومش لازم تعملى الدقيق بمقدار خالص
وملحوظة مهمة كل ما تزيد عدد الكور فى الفطيرة الواحدة تديكى من جواها راقات اكتر وتبقى طرية احلى


بزنجان بانية (دون)
كيلو بزنجان رومى(مكبب)
شرائح اى نوع جبنة (شيدر او جودة )
دقيق
بيض
بقسماط ناعم
ملح وفلفل وزيت
الطريقة
نضرب البيض بالشوكة ونضع علية ملح وفلفل. نقشر البزنجان ونقطعه شرايح تخينة (سميكة). نرش علية ملح ونتركه لحد ما يطلع كل الماء اللى فية. ننشفه كويس من الماء بفوطة ونفتح كل شريحة بالسكينة بالعرض بس دون ان تفصليها يعنى كأنك بتعملى فيها جيب (زى ما بنعمل الكوردن بلو). نضع شريحة جبنة داخل كل فتحة بالراحة ونقفل طروفها بالبيض ثم نضعه فى الدقيق ثم فى البيض المربوب بالشوكة ثم فى البقسماط. نحمره فى الزيت وبالهنا والشفا

طاجن لسان العصفور بالعصاج (دون)
نص كيلو لسان عصفور (كيس) – 2 معلقة سمنة – ربع كيلو لحمة معصجة بالصلصة - جبنة مبشورة (اختيارى)
الطريقة
نسلق اللسان عصفور زى ما بنسلق المكرونة نشطفها بالماء البارد ونصفيها من الماء،ادهنى طاجن فرن او صينية بايركس بالسمنة ،نضع طبقة من لسان العصفور و نسويها بالمعلقة وبعدين نضع طبقة من العصاج عليها ثم طبقة من لسان العصفور (ولو عندك لسة متبقى ممكن تكملى كمان طبقة من كل نوع ضعى على الوجة طبقة خفيفة من العصاج بالصلصة ورشة جبنة مبشورة ودخليها الفرن يا دوب حتحمر لان كل المقادير مستوية

الكبدة المحمرة (دون)
المقادير:
نص كيلو كبدة _ملح _فلفل _عصير ليمون _ سمن للتحمير
الطريقة:
تغسلى الكبدة كويس .تقطع الكبدة شرائح و تبليها بالملح و الفلفل وعصير الليمون و سيبيها شوية فى التتبيلة .
نضع السمن فى مقلاية ولما تقدح احمر الكبدة الاول مرة على الوش الاول و مرة على الوش التانى على نار هادية وبعدين حطى عليها شوية فى شوية ماء لحد ما تستوى وتحمر

عجة الفول المدمس (دون)
4 بيضات
بصلة صغيرة مبشورة
مثلا كوب فول مدمس
معلقة صغيرة زيت
معلقة صغيرة بقدونس مفروم
ملح – فلفل – كمون
الطريقة
شيلى القشرة بتاعة الفول واهرسية كويس بالشوكة او صفية . حمرى البصلة فى الزيت .اضربى البيض بالشوكة كويس وعلية الملح والفلفل والكمون و البصلة المحمرة والبقدونس وضعى عليهم الفول المصفى . نضع معلقة زيت فى المقلاية ونضع فيها الخليط كله ونستنى لحد ما القاع يمسك وبعدين نقلبها على الوش التانى لحد ما يمسك وتستوى نقلب العجة فى طبق التقديم

طريقة للسبانخ بالبشاميل (دون)
بجيب السبانخ و نغسلها ونخرطها ثم نضعها فى حلة مع شوية ماء صغيرين ونوطى النار ونغطيها حنلاقيها نزلت مايتها واول ما تلاقى لونها اخضر وزهزه حوالى دقيقتين تطفى النار وتضغيها فى مصفاه لحد ماتبرد وتنزل كل مايتها وممكن كمان نضغط عليها بين ايدينا ( نعصرها) للتاكد من نزول كل الماء تماما ثم اضع عليها البشاميل والجبنة المبشورة والعصاج بس بدون صلصة وملح وفلفل وبقلبها كويس بالمعلقة وبعدين بضع الخليط فى الصينية وعلى الوش بشاميل والبيضة المضروبة وبدخلها الفرن لحد ماتحمر وجربيها ( يعنى مش بعملها طبقتين لألألأ كلها على بعض )

صينية السبانخ بالبشاميل (دون)
نص كيلو سبانخ
لحمة مفرومة معصجة بالصلصة
بشاميل خفيف
جبنة مبشورة اى نوع
الطريقة
نغسل السبانخ ونخرطها ثم نضعها فى حلة مع شوية ماء صغيرين ونوطى النار ونغطيها حنلاقيها نزلت مايتها واول ما تلاقى لونها اخضر وزهزه حوالى دقيقتين تطفى النار وتضغيها فى مصفاه لحد ماتبرد وتنزل كل مايتها وممكن كمان نضغط عليها بين ايدينا ( نعصرها) للتاكد من نزول كل الماء. نضع عليها من 3 الى 4 معالق بشاميل ونخلطه مع السبانخ . نضع نص كمية السبانخ فى طبق الفرن ثم نضع العصاج بالصلصة وجبنة مبشورة ثم نضع النص التانى من السبانخ ونضع البشاميل على الوش ونفرده كويس ونضع بيضة مضروبة وندخلها الفرن متوسط الحرارة لحد ما تحمر الوش وبالهنا والشفا

لما بعمل البشاميل خفيف بزود نص كوب حليب يعنى لما بتعملى البشاميل بمعلقتين سمنة وتضعى عليهم معلقتين دقيق وتقلبيهم وبعدين تضعى 2 كوب حليب وتقلبى تقلبى لحد ما بيستوى وبتلاقية بقى سمكه حلو وتقل لكن لما بيكون اخف بنزود الحليب نص كوب وبعدين وانتى بتفلبى بترفعى بالمعلقة ( المغرفة او الكبشة) لفوق بتلاقية وهو بينزل بيكون اقل سمك من العادى تروحى طافية لان معروف ان البشاميل لما بنطفى علية ونسيبة بيتخن اكتر يعنى سمكه بيزيد ...ففى الحالة بتاعتنا ان لما بنطفى بيمسك شوية لكن مش كتير مش زى التانى دة لة رفعتيه بالمعلقة بينزل على طول اخف ....(ملحوظة عن البشاميل من دون)

الحمصية أو السمسمية أو الفولية( الشيف اسامة السيد) (دون)
المقادير:
3 كوب سمسم أو فول مقشر و غير مملح أو حمص
½ 1 كوب سكر
3/1 كوب ماء
¼ ملعقة كبيرة ماء ورد
1 ملعقة كبيرة عصير ليمون
الطريقة:
1- يوضع الماء والسكر في وعاء على النار ويضاف إليه ماء الورد وعصير الليمون. يترك المزيج على النار حتى يصبح لونه ذهبي
2- يضاف القطر أو الشربات على السمسم أوالفول أوالحمص أو الفستق بحيث أن يكون كافي للتغطية و للتماسك و يقلب
3- يفرد في صينية مدهونة زيت
4- يترك حتى يتماسك ويجمد ثم يقطع أو يكسر

شربة الزبادى (ام ياسمين جيسيكا)
5 كوب ماء
نصف كوب أرز مغسول
2 كوب زبادى
بيضه
عصير ليمونه
ملح
نعناع ناشف
ملعقة زبده
ملعقة كبيرة دقيق
الطريقة
يتم غلى الماء ووضع الأرز حتى يستوى . نضرب فى الخلاط الزبادى والبيضه والدقيق والليمون والملح. نضيف الخليط إلى الماء والأرز بعد سوى الأرز مع التقليب المستمر حتى يتخن قليلا. نضع فى طاسه ملعقة الزبد ونفرك عليها النعناع ونقلبها على النار مرة ثم نضعها فوق الشوربه تغلى غلوة ونطفء عليها وتوضع ساخنة

قراقيش بالعجوة (دون)
المقادير:
كيلو دقيق _3/1 1 (برطمان صلصة فاضى ) سمنة سايحة +سمسم _ زرة ملح _ عجوة _ملعقة كبيرة خميرة بيرة او فورية او قطعة خميرة بيرة قد اليوسفى الصغيرة+1/2 ك لبن
الطريقة :
يقدح السمن على النار نضع الدقيق و زرة الملح فى طبق بلاستيك غويط نصب عليهم السمنة اللى قدحناها و بالراحة بالمعلقة المقصوصة نحركهم مع بعض لحد ما تحسى ان العجينة بردت شوية و بقت حرارتها محتملة لايدك ابدئى اعجنى بأيدك كويس قوى ( الخطوة دى اللى بنسميها بسى العجينة كويس )يعنى تفضلى تدعكى العجينة كويس بين ايديكى الاتنين ضعى الخميرة فى كوب مع شوية لبن دافىء و قلبيها لحد ما تدوبيها كويس ضعى الخميرة المزابة فى اللبن على الدقيق ثم نبدأ العجن باللبن كويس جدا ((( كل ما نعجن اكتر تنجح معانا القراقيش اكتر ))) حتتكون عندك عجينة متماسكة و سابت جوانب الطبق غطيها و سيبيها
نحضر العجوة : نشيل النوى و نفرم العجوة بحتة سمنة ثم نكورها كور صغيرة نجيب العجينة و ناخد منها قطع قد اليوسفى و نكورها و نعمل فيها فتحة فى النص و نحط فيها كورة العجوة و نكورها و نقفلها كويس تانى و نبطط بأيدنا و نرصصهم فى الصاج او الصينية و نتركهم شوية يخمروا ندخل الصينية الفرن لحد ما يستوى و بعد ما يطلع و يبرد ممكن وضعة فى علبة بلاستيك

بتى فور ناعم (دون)
1 و 1/4 كيلو دقيق
3/4 كيلو زبدة
1/4 كيلو سكر بودرة
4 بيضات كاملة + صفار 4 بيضات
فانيليا
ربع معلقة بيكنج بودر
انا بعمل بالكوب المعيارى لكن انا كيلتهملك بكوب علشان لو معندكيش الكوب المعيارى فأنتى تستعملى المج الزجاجى ابو ايد زجاج عرفاه؟؟؟؟عادة بنشرب فية الشاى ( الزجاجى مش الخزف لأن الخزف اكبر منه )
فى المج الزجاجى ابو ايد زجاج الكيلو دقيق = 6 مج
الكيلو وربع دقيق = 7 ونص
اما السكر البودرة الربع كيلو = كوب ونص
اما ال 3/4 كيلو زبدة= 3 وربع كوب

اللازانيا بالسبانخ (دون)
لحمة مفرومة معصجة بصلصة الطماطم.( نص كيلو لحمة مفرومة)
شرائح لازانيا لو حتعملى مثلا صينية طويلة يبقى مش حيقلوا عن 12 شريحة و لو قالب فويل مستطيل يبقى حوالى 6 شرائح.
نص كيلو سبانخ
5 فصوص ثوم كبيرة
بشاميل خفيف
جبن رومي أو شيدر مبشورة أو جبن موتزاريللا.(اى نوع عندك )
الطريقة:
- تدهن الصينية البايركس او القالب الفويل بالبشاميل. يغلى الماء في حلة ثم نضع شرائح اللازانيا وعندما تصبح جاهزة حتلاقيها طلعت لفوق لوحدها من قاع الحلة للسطح تروحى شيلاها و حطاها على طول فى طبق غويط تكونى مجهزاة و ملياة ماء بارد و مكعبات ثلج صحيحة زى ما هيا و هكذا لحد ما تخلصى سلق كل الشرائح اللى عندك . تسلقى السبانخ فى شوية ماء صغيرين لحد لونها يزهزه وتصفيها من الماء. نضع شوية زيت فى مقلاية ونشوح فيه الثوم المهروس ثم نضع على الثوم السبانخ ونشوحها تقليبتين و سنه ملح وفلفل. نضع العصاج بالصلصة على السبانخ ونخلطهم بالمعلقة مع بعض- تحطى أول طبقة لازانيا فى الصينية وفوقها العصاج بالسبانخ و فوقها البشاميل و فوق البشاميل رشة جبنة . وهكذا لحد ما تخلصى الكمية و عادتآ بتبقى حوالى 4 طبقات. وبعدين حتكون اخر شريحة فوق و حتحطى عليها آخر طبقة بشاميل و نغطى وش الصينية كويس وفوقها الجبنة المبشورة. غطى الصينية بورق الألمنيوم لو انتى حتحطيها فى فرن كهرباء صغير لكن لو الفرن العادى ما تغطيهاش ويوضع في فرن متوسط الحرارة حوالى نص ساعة و حتلاقى و شها بقى لونه جميل و تشبة للون الذهبى الغامق

باذنجان و فلفل مقلي بالخل و الثوم (دون)
المقادير:
نص كيلو بزنجان اسود مكبب – نص كيلو فلفل رومى – راس ثوم مهروسة – ربع كوب خل -2 قرن فلفل حامى – 4 طماطم مقطعة متوسط - ملح – فلفل – كمون زيت للقلى
الطريقة
قشرى البذنجان ثم قطعية شرايح متوسطه ثم نضعه فى مصفاه ونرش عليه ملح ويترك(علشان ما يشربش زيت كتير ).وبعدين نقلية فى الزيت لحد ما يبقى بنى فاتح .ونشيله فى المصفاة علشان ينزل كل الزيت الزيادة.نقلي الفلفل الاخضرفى نفس الزيت مكان البزنجان لحد ما يتقلى ونشيله من الزيت ويوضع في مصفاه.في مقلاية تانية نضع قليل جدامن الزيت اللى حمرنا فية البزنجان والفلفل ونحمر فيها الثوم لحد ما يصفر. وبعدين ضعي الفلفل الحامى المخرط صغير و الخل ثم ضعى الطماطم عليهم والملح والفلفل و الكمون .وقلبى وسيبيهم لحد ما الطماطم تدبل .ضعى البزنجان والفلفل في طبق غويط على طبقات يعنى نحط بزنجان وبعدين فلفل وهكزا .ثم صبي عليهم خليط الثوم والطماطم ونغزيهم بالشوكة علشان الخليط ينزل جواهم والطبق يتشرب من الصلصة. و يتاكل ساخن او بارد

باذنجان بالجبن (دون)
باذنجان اسود مكبب
دقيق
بقسماط
بيض
ملح وفلفل
جبن مبشورة اى نوع
زيت للتحمير
الطريقة
نقشر البازنجان ونقطعة شرائح متوسطة. ننقع البازنجان فى الماء وشوية بحيث يغطيه حوالى ربع ساعة. نصفى البازنجان من الماء تماما ثم نضرب البيض بالشوكة ونضيقله ملح وفلفل . نضع شرائح البازنجان فى الدقيق ثم نضعها فى البيض ثم فى البقسماط . نقليه فى الزيت ثم نرصصه في صينية فرن ونرش علي الوش الجبنه وندخل الصينية الفرن لحد ما الجبنة تسيح

البرجر المحشية بالجبن(دون)
بعملها بنفس طريقة الكفتة تقريبا
نص كيلو لحمة مفرومة
عصير بصلة كبيرة
معلقة كاتشب
ملح وفلفل وبهارات
2 معلقة كبيرة بقسماط ناعم او
رغبف صامولى (فينو) مبلول فى الماء ومعصور
شرائح جبنة
الطريقة
نخلط كله مع بعض كويس ماعادا الجبنة واذا لقتيها بتقع منك زودى معلقة واحدة بقسماط ناعم. نعمل اللحمة الاول كور متوسطة. نضع الكور بين كيسين نايلون و نبططها أو نضعها في قالب البرجر و نبططها. لما يجهز قرص البرجر نضع فوقه شريحة جبنة ثم نضع قرص تاني فوق الجبنة و نحاول نقفل كويس على الجبنة من الاجناب و بعدين نشوي الاقراص على الشواية او نحمرها من الناحيتين

خشاف الجوافة (دون)
كيلو جوافة (مثلا)
سكر للتحلية
نص ليمونة
حليب
الطريقة
اغسلى الجوافة وقشريها وقطعيها واعصرى عليها نص ليمونة علشان ماتسودش. البزر اللى شيلناه من الجوافة والقشر ضعيهم فى الخلاط بتاع العصير وعليهم السكر وحليب لحد ما يتضربوا تصفيهم علشان البزر وتضعيهم على الجوافة المقطعة وتقلبيهم وتضعيها فى الثلاجة تسقع. ممكن الاستغناء عن الحليب ووضع ماء بداله

الخبز المضفر للشيف أسامة (دون)
المقادير:
¾ م/ك خميرة
¼ ك ماء دافئ
¼ ك سكر
3 م/ك زبدة
½ ك حليب
2 م/ص عسل نحل
1 م/ص ملح
2 بيض
¼ 3 ك دقيق
بيض لدهن الوجه
للتزيين:
كريز مسكر
بيض ملون مسلوق
الطريقة:1- تذوب الخميرة في الماء الدافئ
2- تضاف كل المقادير في العجانة و تعجن حتى تندمج و تصبح كتلة
3- تترك العجينة مغطاة حتى تتخمر في صحن مدهون زيت
4- تفرد 3 قطع من العجين على شكل أحبال رفيعة ثم تشكل ضفيرة ثم توضع في صاج و تترك العجينة لتتخمر مرة أخرى في فرن مطفي ويحتوي على ماء ساخن
5- تدهن بالبيض و تزين بالبيض المسلوق الملون و الكريز المسكر
6- توضع العجينة في فرن حرارته 180 ْ حتى تحمر و يصبح لونها ذهبيا

طريقة لبواقى الكيك (دون)
بواقى كيك حتى لو كان ناشف
او كيك طازة
مهلبية
جيلى
كستر
موز
الطريقة
أي نوع كيك طازة او قديم نرصصه بأي طريقة ثم نصب طبقة من الجيلي البارد ثم طبقة مهلبية او كستر ثم طبقة كستر بالشيكولاتة بس خلى المهلبية والكستر اتخن شوية من العادى . خلى الجيلى يبرد شوية قبل وضعه على الكيك. خلى الجيلى يجمد تماما قبل وضع المهلبية عليه ثم دخليه التلاجة عشان يمسك و بعدين اقلبيه على طبق التقديم واخيرا اى تزويق حسب زوقك وممكن وضعه فى كاسات دون ان نقلبه

كوسة بالزبادي (دون)
المقادير:
كيلو كوسه حشو(مقوره)+نصف كيلو لحمه مفرومه(عصاج)+مقدار من الماء+فنجان زيت صغير+عبوه زبادي نصف كيلو+ملعقه اكل ثوم ناعم - ملعقه اكل زيت+ملح-فلفل
الطريقه:
نغسل الكوسة ونقورها ونحشيها بالعصاج. نضع مقدار الزيت في صينيه علي النار ونشوح الكوسه فيه حتي يزهزه لونها مع مراعاه تقليبها. نضع كوب من الماء البارد علي الكوسه مع اضافه الملح والفلفل ثم تغطي وتترك مع مراعاه اضافه الماء حتي يتم النضج حتستوى بس متتهريش يعنى تكون حلوة بتقطم . نرصص الكوسه في طبق الفرن(بايركس) لحين تقديمها- نضع الزبادى فى مقلاية على النار يادوب ثانيتين بس يدفى. يصب الزبادي علي الكوسه وتوضع في الفرن او التوستر في درجه حراره متوسطه حتي تحتفظ بسوخنتها (10 دقائق ) مش اكتر يعنى على ماتعملى التقلية بس . توضع ملعقه الثوم الناعم في ملعقه الزيت علي النار كتقليه لحد ما الثوم يصفروتضاف على وش صينية الكوسة وتقدم بالهنا والشفا

السويسرول بالآيس كريم (دون)
المقادير
5 بيضات
3/4 كوب سكر
3/4 كوب دقيق . زرة ملح
معلقة صغيرة فانيليا
معلقة صغيرة بيكنج بودر
علبة آيس كريم اى نوع
2 فرخ ورق ذبدة
الطريقة
نضرب البيض بالمضرب الكهرباء لحد ما تلاقية بقى هش و فية رغاوى .نضع الفانيليا. نضع السكر شوية شوية على البيض واحنا بنضرب لحد ما تشوفى تخانتة كانك حطة علية دقيق. ينخل الدقيق ويضاف له البكنج بودر وزرة الملح ..بالمعلقة الخشب نضع الدقيق على الخليط ونقلب بالراحة شوية شوية فى اتجاة واحد . ولعى الفرن و خلية جاهز على حرارة متوسطة. ندهن صينية طويلة بدون حواف بالسمن . نقص ورقة الذبدة على اد الصينية مع ترك 1سم من كل جنب ثم نضع الورقة على السمنة اللى دهننها فحنلاقى الورقة لذقت فى الصينية و ندهن الورقة كويس بالسمن.ويصب فوقها الخليط على ان تكون سمك الخليط 1سم تقريبا. يوضع الصينية فى فرن متوسط الحرارة لمدة عشر دقائق او ربع ساعة بالكتير حتى يحمر السطح. جهزى على الرخامة ورقة الذبدة التانية افرديها امامك و رشى عليها كلها شوية سكر بودرة. يعد ماتطلع الصينية من الفرن اقلبيها على الورقة المرشوشة بالسكر و اشيل الصينية من فوق الكيكة و اشيل بالراحة الورقة اللى لزقة فى الكيكة و الف السويسرول على الفاضى بالورفة اللى تحته لمدة 10 دقائق. نفك السويسرول و نفردعلية الآيس كريم بسرعة علشان ميسحش وممكن وضع خط واحد بالعرض على الطرف اللى ناحيتك وحدات من الكريز على اساس ان الكريز كأنه فى المركز عند التقطيع . الف السويسرول و اقفل الاجناب كويس و اضعة فى الفريزر حوالى ساعتين
لما يطلع افك الورقة واقطع القطعة الفاضية من كل جنب
ملحوظة :انا وضعت على العجينة نقطة بسيطة من الوان الطعام علشان اخلى لون السويسرول بمبى او احمر علشان يبقى شكله حلو مع لون الايس كريم اللى انا استعملته اللى هى حليب بالفراولة واستخدمت الكريز علشان برضه يبقى لونه احمر ( انتى بقى طلعى ابتكاراتك انا بس اديتك فكرة)

كيكة الزبادى ( خفيفة) (مدام وائل)
المقادير:
كوب زبادى ( الكوب بتاع الزبادى ده هو المعيار فىالكيكة دى)
كوب سكر بودرة
1/2 كوب زيت نباتى
1 1/2 كوب دقيق
فانليا
1 م ك بيكنج بودر
2 بيضة
الطريقة:
نفصل البياض عن الصفارونضرب البياض بالمضرب لحد ما يتخن و نضربة لمده 5 دقايق بالمضرب ضرب سريع ثم نضيف السكرالبوردة ونتركة يتضرب وبعد كدا نضيف الصفار على الخليط ثم الفانليا طبعا احنا مستمرين فى الضرب وبعدها نضيف الزبادى ثم الزيت شوية شوية . بعدها نفصل المضرب ونبدأ فى اضافة الدقيق المخلوط بالبكينج بودر ونمزجهم بالملعقة الخشب ونجيب القالب وندهنه زيت خفيف وصب الكيكة فية وندخلها الفرن لمده 45 دقيقة اوى لحد ما تستوى وبالهنا والشفا

قالب السويسرول بالجيلى والآيس كريم (دون)
سويسرول
2 باكو جيلى
مربى
علبة آيس كريم
الطريقة
نزوب الجيلى فى 3 ونص كوب ماء ونتركة برة احد مايبرد بس ميجمدش. نعمل السويسرول ونحشية بالمربى ونلفة بالعرض مش بالطول يعنى من الناحية الطويلة علشان يدينا عدد شرائح سويسرول اكتر. نرصصه اما فى قالر او قالب من اللى بقعر متحرك اسهلك ومنخليش فية فراغات بين شرائح السويسرول ثم نضع الايس كريم ثم نرصص فوق الايس كريم طبقة من شرائح السويسرول . نصب علية الجيلى وندخلة الفريزر لحد مايجمد ولما يطلع نقطعه

تارت الفراولة (دون)
1و1/4 كوب دقيق
3/4 كوب زبدة(150 ج)
1/2 كوب سكر
2 بيضة
فانيليا
زرة ملح
كستر او كريم باتسير
الطريقة :
تلمي العجينة لحد ما تسيب ايدك و الطبق. تفرديها في الصينية و تخرميها كويس بالشوكة. بعد ما تستوي تسيبيها لحد ما تبرد. ندهنها طبقة خفيفة من المربى. نضع طبقة من الكاستر او الباتيسير. نرصص وحدات الفراولة على الكاستر. نلمع وحدات الفراولة بالفرشاة.

الفسيخ المصرى (دون)
اى كمية من السمك البورى
ملح خشن
لازم لازم لما تجيبى السمك البورى للتفسيخ ميكنش السمك اتحط فى الثلج قبل كدة و لا اتحط فوقة ثلج والا مش حينفع يتفسخ ولزلك لما تكونى عايزة تعملى فسيخ بتطلبى من يتاع السمك انه يجهزلك سمك ما تحطش فى الثلج يعنى بيبقى من مياة البحر مباشرة وهو بتاع السمك بيجبهولك وبيبقى عارف
الطريقة
تجيبى السمك وتحطية زى ما هو على قفص او فى مصفاة تغطية بشاشة علشان الشمس تدخله وتحطية فى الشمس لمدة يومان كاملين او لحد ما تلاقية ورم واتنفخ تماما وحتلاحظى انه نزل المياة والدم بتوعه تماما
تشيلية و تجيبى الملح الخشن وتبتدى تحشى بيه كويس الخياشيم بتاعة السمك و تجيبى الملح و تمشى بايدك على السمكة من تحت من عند الزيل لفوق عند الراس وتدخلى الملح كويس بين القشور بتاعته تماما
وتشيلى السمك فى صفيحة او شوال وترصصية بجانب بعضة راس وزيل وبعدين ترشى ملح علية كويس وترصصى برضة السمك راس وزيل يعنى خلف خلاف وترشى ملح على وشة كويس وتلفى الشوال كويس قوى قوى و تربطية بحيث ما يدخلوش هواء تماما او تلفية فى قطع قماش كتيرة تماما وتحطية فى اى مكان بعيد عن الهواء لمدة 10 ايام او 12 يوم وبعدها يكون الفسيخ جاهز

صينية بطاطس بس بطريقة جديدة طلعت تحفة (رواء الاسلام)
هو انا جبت اللحمة المفرومة و قطعت عليها بصلة قطع صغيرة و سويتها مع فاصوليا مش كتير و ذرة و معلقتين صلصة و حطيتها في الصينية من تحت. بعدين جبت البطاطس قطعتها عادي ترانشات رفيعة . ابتديت اعمل الباشاميل عادي لحمد العطوة بتاعة اضافة اللبن حطيت اللبن و معاة البطاطس و خليت الباشاميل يستوي مع البطاطس بس حطيت معاهم بهارات متنوعة و بابريكا و لما فليت و حسيت ان البطاطس استوت نص سواء حطيتها على اللحمة و رشيت فوقها جبنة و حطيتها في الفرن لحد ما الجبنة احمرت
الفاصوليا بصراحة كانت معلبة بس لو صابحة ممكن تسلقيها نص سلقة البطاطس انا كنت عاملة حوالي كيلو على الباشاميل اللي و بهلي الباشاميل يدوب يغطي البطاطس . بالنسبة للياشاميل بعد ما استوي لا هو مش زي المكرونة بس بيكون اكتر شوية و مش بيكون اكتر من البطاطس يعني هي الاساس في الاكلة ان الباشاميل تكون كميته معقولة بالنسبة للبطاطس لا كتير و لا قليل

الكبدة بالردة (دون)
كبدة شرائح
ملح -فلفل
2 كوب ردة ناعمة
زيت للقلى
الطريقة :
تبلى الكبدة و ضعى عليها الملح و الفلفل و قلبيهم كويس وحطيها فى الثلاجة شوية . طلعيها من الثلاجة و سخنى الزيت . نضع شريحة شريحة فى الردة و اضغطى عليها با يدك كويس من الناحيتين و ضعيها فى الزيت لحد ما تحمر من الناحيتين بس خلى بالك الكبدة اساسا بتستوى بسرعة يعنى ما تسبيهاش على النار دى يادوب بتاخد ثوانى،طلعيها من المقلاية

وبالنسبة للفراولة علشان تشيليها تنضفيها وتشيلى الاعناق الخضراء وترشى عليها سكر كتير وهى صحيحة زى ماهى وتعبيها فى اكياس نايلون نظيفة وتقفليها كويس وعلى الفريزر وممكن تنضفيها وتضعى عليها سكر وتضربيها فى الخلاط بدون ماء ولا حليب حتكون تخينة تعبيها برضة بنفس الطريقة وعلى الفريزر (لتفريز الفروالة من دون)

بيفضل للبفتيك البانية البفتيك البتلو دة افضل حاجة وبما ان حسبى الله ونعم الوكيل ان الكيلو بتاعه دلوقتى ب 55 جنية فممكن تستعملى بفتيك الكندوز الصغير بس يا انتى تدقية بشاكوش اللحمة كويس او تخلى الجزار يضربه لك الاول بتتبلية ملح وفلفل وعصير بصل (ماء بصل) وتسبيه فى التتبيلة شوية وبعدين تجيبى مثلا بيضتان تضربيهم بالشوكة وعليهم ملح وفلفل و نص كوب حليب وتخلطيهم كويس وبعدين تضعى البفتيك شريحة شريحة ثم ضعيها فى البقسماط بس تضغطى عليها كويس بايدك علشان البقسماط يلزق كويس على البفتيك تسخنى زيت وسمن مع بعض على النار فى المقلاية وبعدين تضعى البفتيك ومتفضليش تقلبى فية استنى على اول وش لحد ما يصفر وبعدين تقلبية على الوش التانى لما يصفروا الوشين تطلعيهم على ورق ماص للدهون وخلى بالك ان البتلو بيستوى اسرع من الكندوز وممكن اقولك على حاجة كمان حلوة لما تضعى البفتيك فى البيض والحليب سبيه فى التلاجة من بليل لتانى يوم او من الصبح لوقت الغداء حيبقى اطرى واحلى من لو عملتية فى ساعتها (ملحوظة عن البفتيك من دون)

مـــــربـــى الــــــــــخــــــوخ (مدام وائل)
المقادير:
1/2كيلو خوخ
1/4كيلو سكر
م ك عصير ليمون
الطريقة:
قطعت الخوخ صغير كأنى بعمل خشاف وقشرته علشان ميكنش فيه قشر فى المربى ووضعت علية م ص سكر وسبته فى الثلاجة من بالليل ولما طلعته كان علية طبعا ماية نزلت منه وبعدين حطيته فى حلة و زودت الماية شوية صغيرين وسبت الخوخ يغلى على نار هادية 10 دقايق بعدين شلت الخوخ ووضعت شوية ماية صغيرين ودوبت فيهم السكر لحد ما تقل حطيت الخوخ وسبتهم دقيقة وبعدين حطيت عصيرالليمون وسبتهم على النار شويه حدود10دقايق لحد ما استوت المربى . المربى الناتجة من المقدار دهى 450 جم فى حدود 1/2 كيلو مربى

البفتيك البانية (دون)
بفتيك بتلو او كندوز
2بيضة
بقسماط ناعم
ملح وفلفل
نص كوب حليب
الطريقة
ندق البفتيك كويس بمطرقة اللحمة ونتبله. نضع الحليب على البيض ونضربهم بالشوكة .اذا كنتى حتجهزيه قبلها بيوم او من الصبح ضعى البفتيك كله فى البيض وضعيه فى الثلاجة عادى وعند الاستخدام نطلعه ونضع شريحة شريحة فى البقسماط ونضغط عليها كويس بايدنا ونضع فى المقلاية سمن وزيت لحد ما يسخنوا ثم نضع البفتيك ونحمره ونطلعه على ورق ماص للدهون او لو حتستعمليه على طول يبقى نضع شريحة البفتيك فى البيض ثم فى البقسماط ونكمل بنفس الطريقة

طريقة للموز (دون)
قشرى الموز وشوحية فى حتة زبدة يا دوب يتقلب وصبى علية صوص شيكولاتة وممكن تعملى طبق معتبر فروت سلاط وممكن جيلى بالموز والكريمة وكنا صورناة قبل كدة وممكن تقشرى الموز وتشوحية فى حتة زبدة صغيرة وتعملى كراميل على النار وتروحى فى الاخر حطة علية كريمة لبانى لحد بس ما لونه يبقى افتح زى التوفى وتروحى صباه على الموز برضه

مراكب الكوسة (دون)
كيلو كوسة كبيرة وتخينة
لحمة مفرومة
ملح وفلفل
عصير طماطم او صلصة
جبنة مبشورة
الطريقة
نغسل الكوسة وننجرها من برة ونقطعها نصين بالطول . نعصج اللحمة المفرومة بالصلصة . نقور الكوسة مثل الصورة ونضعها فى ماء وملح لمدة نص ساعة. نحشى الكوسة بالعصاج ونرصصها فى الصينية ونغطيها ونضع شوية فى شوية صلصة لحد ماتستوى نطلعها من الفرن ونرش على الوش جبنة مبشورة وندخلها الفرن لحد الجبنة ماتسيح بس وبالهنا والشفا

تجيبى الملوخية وتقطفيها وتغسليها كويس وتفرشى جرنال فى اى حتة فيها هواء علشان تنشف على طول او تفرشى فوطة وتفرشى ورق الملوخية على الجرنال وكل شوية تروحى تقلبيها بايدك يعنى تجيبى اللى تحت فوق وهكزا علشان كلها تنشف وبعد ماتنشف تلميها وتخرطيها يا منى (انا بحب قوى تخريط الملوخية بالمخرطة ) او بالكبة وتروحى حطاها فى طبق غويط وعليها شوية ماء (فية ناس بتحط شوربة) يادوب شوية وتقلبى بسرعه بالمعلقة داير مايدور لحد ما يادوب تلاقيها فكيت وحتتحرك تروحى حطاها فى اكياس بلاستيك نضيفة وتبططيها يايدك من برة حتبقى شكل الكيس اللى بنشترية (مونتانا مثلا) وتلروحى قافلة الكيس وتدخليها الفريزر
تقفلى الكيس بالماكينة بتاعة لحام الاكياس ولو معندكيش تروحى مسخنة السكينة على عين اللهب بتاعة البوتجاز لحد ماتسخن تروحى عاملة بسرعة بيها خط على طرف الكيس المفتوح حتلاقية لحم ولزق فى بعضه (لحفظ الملوخية من دون)

بزنجان مخلل (دون)
بزنجان اسود رفيع وصغير
طماطماية
ثوم مهروس
خل
ملح وفلفل وكمون
فلفلة خضراء
شطة
اغسلى البزنجان وشيلى الراس الخضراء اللى فوق(الكأس). ضعى البزنجان فى ماء وملح وخل (الخل علشان يخلية واقف ومفرود بعد السلق). بعد السلق تشيلية من الماء ولما يبرد اعملى فاتحة بالطول بالسكينة
تكونى مجهزة الحشوة : قشرى الثوم واهرسية مع طماطماية وفلفلة رومى وشطة وملح وزرة كمون بالكبة
اخلطيهم كويس مع نقطتين خل واحشى البزنجان واحدة واحدة . شيلى من الحشوة حوالى معلقة او المتبقى منها ضعية فى طبق وعلية شوية خل وملح وماء وزيت وقلبيهم .ودة حنغطى بيه البزنجان. رصصى البزنجان المحشى فى علبة بلاستيك ويادوب تغطية بالخليط اللى عملناه وتغطى العلبة وتدخلية الثلاجة تانى يوم تاكلى منه على طول وخصوصا مع سندوتش الطعمية

مكرونة سيسليان (دون)
كيس مكرونة 500 جم
3 طماطمات كبار
نص كيلو بزنجان
بشاميل خفيف
جبنة مبشورة
زيت
الطريقة
نسلق المكرونة ونشطفها ونصفيها. نقلى البازنجان فى الزيت . نرصص طبقة من البازنجان فى الصينية . نخلط المكرونة بالبشاميل والجبنة المبشورة ونضعها على طبقة البازنجان. نرصص طبقة من الطماطم الشرايح على وش المكرونة . نرصص طبقة من البازنجان على وش الصينية ثم نرش جبنة مبشورة وندخلها الفرن لحد ما الجبنة تسيح وبالهنا والشف

كيك البسبوسة ( طعمها حلو أوى خليط بين البسبوسة والكيك ) (سمسمة)
1>*** 1 كوب دقيق + 1 كوب جوز هند + 1 كوب دقيق سميد + كيس باكينج باودر
2>*** 3 بيضه + 1 كوب زيت + 1 كوب سكر + 2 علبة زبادى + فانيليا
3>*** شربات خفيف ( كوب سكر + كوب ونصف ماء + نصف ليمون )
الطريقة
*نخلط المقادير فى رقم 2 فى خلاط العصير
*نضيف الخليط للمقادير الجافه فى 1
*ندهن صينيه متوسطه بالزيت ويصب فيها الخليط
*تدحل الرف الاوسط فى فرن متوسط الحراره ويكون الفرن عالى الحرارة لمدة 5 دق
Noody30
Noody30
يا بنات انا ضفت تلخيص الجزء التاسع لحد آخر أكلة ضافتها دون للملخص القديم و لينكه هو

http://forum.hawaaworld.com/showthread.php?t=386503

بعنوان ملخص للأكلات المصرية بملف don هدية للمنتدى

و لسهولة التصفح اتبعوا التالي معي:

ملفات وورد مرفقة عدد 12 ملف في صفحة رقم 1 >>>> اللينك موضوع أعلاه

فهرس لأكلات الجزء الأول من التلخيص من عمل حبيبتنا مسلمة في صفحة رقم 6 و رابطها هو:

http://forum.hawaaworld.com/showthread.php?t=386503&page=6

التصنيف و التبويب المميز اللي عملته حبيبتنا مدام وائل للتلخيص تحت أقسام منفصلة يبدأ في صفحة رقم 11 و رابطها هو:

http://forum.hawaaworld.com/showthread.php?t=386503&page=11

و يستمر و ينتهي في صفحة 13 و رابطها هو:

http://forum.hawaaworld.com/showthread.php?t=386503&page=13

ثم قمت باضافة تلخيص الاجزاء السادس و السابع و الثامن كاملين في صفحة 15 و رابطها هو:

http://forum.hawaaworld.com/showthread.php?t=386503&page=15

و تستكمل في صفحة 16 و رابطها هو:

http://forum.hawaaworld.com/showthread.php?t=386503&page=16

ثم أضفت اليوم بحمد لله تلخيص الملف التاسع (المدمج فيه الجزء العاشر على ما افتكر) في صفحة 18 و رابطها هو:

http://forum.hawaaworld.com/showthread.php?t=386503&page=18

و أخيرا يا بنات، التلخيص كله عبارة عن كوبي و بيست ملفات وورد يعني سهل تنسخوه عندكم و البحث عالوورد عن أي أكلة حيكون سهل لأنك بتضعي اسم الاكلة او كلمة منها و بيديكي النتيجة ان شاء الله

ألف شكر لدينا و جزاكي الله خيرا على هذا الكم الهائل من الاكلات، و ألف شكر لكل البنات الجميلات اللي وضعوا لنا أكلات من ايديهم
don
don
يا بنات انا ضفت تلخيص الجزء التاسع لحد آخر أكلة ضافتها دون للملخص القديم و لينكه هو بعنوان ملخص للأكلات المصرية بملف don هدية للمنتدى و لسهولة التصفح اتبعوا التالي معي: ملفات وورد مرفقة عدد 12 ملف في صفحة رقم 1 >>>> اللينك موضوع أعلاه فهرس لأكلات الجزء الأول من التلخيص من عمل حبيبتنا مسلمة في صفحة رقم 6 و رابطها هو: التصنيف و التبويب المميز اللي عملته حبيبتنا مدام وائل للتلخيص تحت أقسام منفصلة يبدأ في صفحة رقم 11 و رابطها هو: و يستمر و ينتهي في صفحة 13 و رابطها هو: ثم قمت باضافة تلخيص الاجزاء السادس و السابع و الثامن كاملين في صفحة 15 و رابطها هو: و تستكمل في صفحة 16 و رابطها هو: ثم أضفت اليوم بحمد لله تلخيص الملف التاسع (المدمج فيه الجزء العاشر على ما افتكر) في صفحة 18 و رابطها هو: و أخيرا يا بنات، التلخيص كله عبارة عن كوبي و بيست ملفات وورد يعني سهل تنسخوه عندكم و البحث عالوورد عن أي أكلة حيكون سهل لأنك بتضعي اسم الاكلة او كلمة منها و بيديكي النتيجة ان شاء الله ألف شكر لدينا و جزاكي الله خيرا على هذا الكم الهائل من الاكلات، و ألف شكر لكل البنات الجميلات اللي وضعوا لنا أكلات من ايديهم
يا بنات انا ضفت تلخيص الجزء التاسع لحد آخر أكلة ضافتها دون للملخص القديم و لينكه هو بعنوان...


شكرآ يانودى على مجهودك وتعبك فى التلخيص ويارب نردلك تعبك دة فى الفرح ان شاءالله

وربنا يكرمك فى كل حرف وكل كلمة نقلتيها ويجعلها فى ميزان حسناتك يا احلى نودى