السلام عليكم ورحمة الله وبركاته
صبايا انا انزلت هالموضوع في قسم الحياه الاجتماعيه وقلت بنزله هينا لعل وعسى يستفيد من قصتي اكبر قدر من البنات والله يثبتني واياكم .. امين
بنات انا ماني عارفه وش اقول بس بدخل بالموضوع على طول
بنات انا اليوم الفجر تبت من ذنب والله والله والله العظيم انه صعب جدا عليه اترك هالشي بس تركته لوجه الله وقلت يارب انت عالم بحبي لذي الشي وتركته لوجهك وطمعا في رضائك عني وبكيت يابنات والحزن مقطعني ابي ارجع وشي داخلي يقولي ماراح تقدرين تتوبين ماراح تقدرين وانا اقول في نفسي واخفف على نفسي اقول من ترك شيئا لله عوضه الله خير منه بنات وربي حاولت انام ماقدرت انا للحين سهرانه وحزينه واقول يارب فرحني اضعاف حزني هذا وعوضني خير وانا من فتره قايله لصديقتي عن مركز اسمه ضيوف قطر هذا مركز اسلامي للجاليات والدعوه ويعلمونهم الاسلام وكل شي وانا من سنتين وديت شغالاتنا الثنتين فلبينيات ودخلو عند الشيخ والمترجم الفلبيني وانا معهم فجاه قالي الشيخ قومي وقفي قومي اذكري الله واحمديه ربي من عليك بفضل من عنده نطقيهم الشهاده الثنتين وانا وقتها كنت بعيده عن ربي واجد تمنيت وقتها الارض تنشق وتبلعني من انا من انا عشان يسلمون على يدي من انا عشان ربي يعطيني هالفضل الكبيرررر وانا بعيده عنه يالله يالله كرهت نفسي اشوف اعيون الخدامات يناظرون فيني ويبكون ينتظروني انطقهم الشهاده يالله موقف ماانساه والشيخ يكبر الله اكبر الله اكبر يالله موقف يهز الأبدان ونطقتهم وبكيت وبكو والحمد لله وسبحان الله ربي له حكمه ومرت هالسنتين ذنوب في ذنوب ومعاناتي مع السحر قصتي موجوده في ملاذ الروح لين وصلت مرحله مااقدر اصلي ابكي مااقدر اصلي رمضان اللي فات والله العظيم ابي اصوم مااقدر مافيني شي بس مااقدر يالله يارب اغفرلي وسامحني المهم قلت ربي مابلاني الا له حكمه يبيني اصحى لازم اصحى ربي بيعطيني فرصه مره مرتين اخاف تروح الفرص والقى نفسي في جهنم وبأس المصير والعياذ بالله فقررت اليوم اتوب وكنت اشوف برنامج الشيخ نبيل العوضي عن القبر المهم حزن الدنيا فيني وصراع اعوذ بالله من الشيطان اقول انتي تبين تتوبين عشان ربي يشفيك مو عشان رضاء انتي منافقه لو ربي يبي يشفيك كان شفاك استغفر الله الشيطان يحاول يوسوس فيني المهم صليت وجيت بنام الضحى كلمتني صديقتي قالت ابي اودي شغالتي تبي تسلم وش رايك متى نروح انا فيني نوم وحزينه وكاره نفسي قلت خليها بكره بعدين قلت اخاف تموت الشغاله واخذ اثمها وهي تبي تسلم فقلت طيب وتذكرت شغالتنا انا عطيتها كتب للأسلام لان الشيخ قالي اي شغاله جاتكم وهي مو مسلمه ولا دعيتوها للأسلام تقيم الحجه عليكم يوم القيامه وتقول يارب انا جيت بيت مسلمين ولادعوني للأسلام المهم قلت للشغاله هاه وشرايك قالت ايه ابي اسلم انا من زمان ابي اروح بس كل يوم اقول بعدين اقولك ورحت انا وصديقتي للمركز ودخلو الشغالات وتمينا بالاستراحه ماتوقعت وربي وربي اللي صار جات الداعيه الفلبينيه والبست حجابها وقالت قوموا قولوا الله اكبر اللحين يبون يسلمون نطقوهم الشهاده بنات انا ماتوقعت انا جايه وحزن الدنيا فيني ماتوقعت ربي بيرضى علي لاني تايبه وفي قلبي اقول ارجع ولا ماارجع استغفر الله يابنات من انا عشان ربي يكتب لي انطق شغالتنا الشهاده تدخل الاسلام علي يدي وتذكرت الذنب اللي تبت منه اليوم بكيت ابي اوقف ماقدرت تقولي لاتبكين افرحي ربي اختارك تسلم على يدج ارفعي يدج ارفعي السبابه قولي وهي بتكرر وراج اشهد ان لا اله الا الله واشهد ان محمد رسول الله بنات انا ابكي وهي تبكي اعيونها وهي تناظرني مااقدر انساهاا وقاموا الموظفات يباركون لها ويضمونها وقامت الداعيه تنقلها الشهاده بالفلبيني وانه عيسى نبي الله وان الجنه حق وان النار حق بنات ((من ترك شيئاً لله عوضه الله خيراً منه)) بنات كرهت نفسي استحيت ارفع راسي اقول ربي يكرمني ويزيدني من فضله وانا متردده اقول يارب ثبتني لا ارجع للذنب يارب ارزقني حبك وحب من يحبك وجلست احمد لله اقول يارب لك الحمد جا دور شغالة صديقتي صديقتي تبكي تبكي فلانه نطقيها الشهاده تبكي وهي تقول مااقدر يافلانه نطقيها الشهاده وهي تبكي تقول مااقدر لاتحاولون مااقدر مااقدر قامت ناظرت فيني الداعيه قالت ربي اختارك نطقيها الشهاده يالله يالله مو وحده بعد ثنتين يالله يارب مااكرمك نطقتها الشهاده وانا من داخل افكر بذنوبي افكر بنفسي افكر بالمعاصي افكر بالذنوب اللي اقول شلون بتركها واشوف نظرة الشغالات لي كأني مسلمه كامله انا يمكن مسلمه بس ماني مؤمنه كثر ايمانهم وفرحتهم يبكون لانهم اسلموووو يضموني ويقولون الله اكبر يباركون لهم الكل يبارك لهم يالله يالله متى اخر مره بكيت لاني مسلمه متى اخر مره بكيت خشية منك يالله يالله ياحلمك ارحمني توب علي بنات انا وربي اكتب لكم وانا ارجف هالكلام صار اليوم الساعه عشر الصبح بنات انا كنت متردده اكتب الموضوع خفت يدخل من باب الرياء بعدين قلت الشيطان يبي يصدني مايبيني اكتب لكم شوفوا رحمة الله صديقتي جايه هي اللي قالت لي تبي تنطق خدامتهم ويوم وصلت هناك ماقدرت ترجيناها قالت لا انتي انتي نطقيها يالله يابنات وربي ابكي اقول من انا من انا عشان اربع مشاء الله تبارك الله يسلمون علي يدي وش نظرتهم لي لادروا اني كلي ذنوب وهم عبيد مثلي يذنبون فمابالك بالله مااكرمك يالله وربي مستحيه من ربي مستحيه من نفسي مااأنذلني يعطيني ويزيدني من فضله واعصيه يابنات وربي وربي وربي انا اسمع انه من ترك شيئا لله عوضه الله خيرا منه بس اول مره يصير بنفس اليوم واحس بفضل الله علي
(( أَنَا عَنْدَ ظَنّ عَبْدِي بِي وَأَنَا مَعَهُ حِينَ يَذْكُرَنِي، فإِنْ ذَكَرَنِي في نَفْسِهِ ذَكَرْتُهُ في نَفْسِي، وَإِنْ ذَكَرَنِي في مَلإٍ ذَكَرْتُهُ في مَلإٍ خَيْرٍ مِنْهُمْ، وَإِنْ اقْتَرَبَ إليّ شِبْراً اقْتَرَبْتُ مِنْهُ ذِراعاً، وَإِنِ اقْتَرَبَ إِليّ ذِرَاعاً اقْتَرَبْتُ إلَيْهِ بَاعاً، وإنْ أَتَانِي يَمْشِي أَتَيْتُهُ هَرْوَلَةً ))
قال الله تعالى(( يا ابن آدم إنك ما دعوتني ورجوتني غفرت لك على ما كان منك ولا أبالي، يا ابن آدم لو بلغت ذنوبك عنان السماء ثم استغفرتني غفرت لك ولا أبالي، ))
أستغفرك اللهم واتوووووب اليك
بنات لاتأجلون التوبه بنات رمضان على الأبواب خلو رمضان هذا غير عن كل ارمضان انوي انك تكونين من المعتوقين من النار ابذلي كل شي خلي عشان تحلي خلي المعاصي عشان تذوقي لذة الإيمان بنات وربي ماقلت الكلام كله وملخبط ومو مرتب الا خوفي علي نفسي وعليكم واحمد لله اللي من علي بهالشرف وادعوه ان يفرج عليكم وعلي وعلى كل مهموم ويبلغنا رمضان وهو راضي عنا اللهم اجعلنا من المعتوقين من النار اللهم ارزقنا حبك وحب من يحبك وحب عملن يقربنا لحبك اللهم امين بنات ادعو لي ربي يهديني ويفرح قلبي ويطول عمر امي ويخليها لي امين
يلزم عليك تسجيل الدخول أولًا لكتابة تعليق.
غيـمة
•
:
الله يتوب علينا وعليك
اختي..
انتي قوية وباذن الله تصمدين في وجه الشيطان الضعيف
احساسك بفضل الله عليك رغم تقصيرك.. بداية قوية لرحلة التوبة
ابتعدي ياغالية عن كل ما يبعدك عن الله ويرجعك لذنبك القديم
ابدى حياة جديدة.. اختاري رفقة صالحة معينة لك
والله يقويك ويثبتك ياااارب
ويطول عمر امك على طاعته
اللهم آميييين
الله يتوب علينا وعليك
اختي..
انتي قوية وباذن الله تصمدين في وجه الشيطان الضعيف
احساسك بفضل الله عليك رغم تقصيرك.. بداية قوية لرحلة التوبة
ابتعدي ياغالية عن كل ما يبعدك عن الله ويرجعك لذنبك القديم
ابدى حياة جديدة.. اختاري رفقة صالحة معينة لك
والله يقويك ويثبتك ياااارب
ويطول عمر امك على طاعته
اللهم آميييين
الصفحة الأخيرة
الله يثبتك ويثبتنا