ترنيمة عناد
ترنيمة عناد
موضوعك بالمره حلو وانا عندي صاله مره صغيره وهي مترين بمترين ايش اسويلها ايش الافضل كنب
موضوعك بالمره حلو وانا عندي صاله مره صغيره وهي مترين بمترين ايش اسويلها ايش الافضل كنب
والله آسفة يالغلا ادري اني اخرتج بس والله الطلبات كثيرة وما يمديني ارد على الجميع لكن أنا جيت الحين خصوصي عشان ارد عليج بعد ما شفتج كاتبة رد انج زعلانة مني

بما ان الصالة صغيرة جدا انا من اريي سوي لج شي بسيط وناعم



شوفي في الصورة موديل الكنب سمبل لكن اللون قديم حيييل و كئيب انا من رايي سوي الكنب الاساس ابيض اما القعدة والمخدات خليها رمادي غامق وبعدين وزعي خداديات ملونة يطلع وااااو




اقتراحي الثاني سوي لك كنب متصل عاد خلي الالوان مثل اللي اقترحتها في البداية

والبوية سويها لون فاتح مثلا سكري وجدار واحد خليه ورق جدارن مزخرف بالوان حلوة مثل الوان الخداديات

اتمنى اكون افدتك .. وسامحيني على التأخير في الرد عليج
ترنيمة عناد
ترنيمة عناد
ياغالتي عندي غرفة بناتي نفسي اصبغها لون فوشي وتفاحي لون أثاث الغرفة أبيض وفيها وردي بسيط أعمارهم 4سنوات وسنتين
ياغالتي عندي غرفة بناتي نفسي اصبغها لون فوشي وتفاحي لون أثاث الغرفة أبيض وفيها وردي بسيط أعمارهم...
اختيارك للالوان حلو هاذي بعض الافكار والاقتراحات لما تجين تسوين الصبغ

طبعا الصور لوحدة حاطتهم في النت انا جبتهم لانهم ابداااع وحلوين ونفس اللي انتي تبينه



سوي لك جدار واحد كذا يكون اعمدة خليها نفس الشي اعمدة تفاحي ووردي فاتح وحددي الاعمدة بالفوشي عاد خلي التفاحي اغمق شوي




هذا الجدار نفسه من بعيد



بعدين جدار فوشي وحطي فيه ارفف وردية .



هاذا الجدار نفسه



هنا بعد الجدار الثالث بعد فوشي .. صاحبة الغرفة مسوية الجدار الرابع بعد فوشي أنا من راييسويها تفاحي فاتح وسوي فيها دوائر فوشي وتفاحي

بالنسبة لترتيب الاثاث أنا اقول : السرير في جدار الدوائر خزانة الملابس في الجدار المقلم أما التسريحة والمكتب وبقية الامور في الجدارين الفوشي

في النهاية اتمنى افكاري تكون اعجبتك


ترنيمة عناد
ترنيمة عناد
تكفين اسعفينى حلو موضوعك جدا ومشكوره كلنا بنتعبك >>> بيتى عباره عن صاله مزينه وكل شي والجزء الثانى عندي سيب <ممر> طويل يوصلل للغرف غرفه يمين ومطبخ يسار شفتى ممرات المستشفيات زي كذا مره مو حلو ما اقدر احط لا زينه و بالجدار ولا شي لان عرض الممر تقريبا متر فقط والسيراميك لونه قريب من لون الخربزي افيدنى الله يسعدك علما انى احب الافكار واشتغل بالاعمال الفنيه الاهالممر عقدنى وتوقف تفكيري وشكرا
تكفين اسعفينى حلو موضوعك جدا ومشكوره كلنا بنتعبك >>> بيتى عباره عن صاله مزينه وكل...
بسم الله الرحمن الرحيم

بما انك تحبين الاعمال اليدوية أنا اقترح عليج تسوين دوائر باحجام مختلفة بتجليد الشمواه واختاري الوان مناسبة للسيراميك و لون البوية الصورة توضح لج قصدي بالدوائر



بعدين روحي عند النجار وخليه يسوي لج إطارات ناعمة خشبية وحطي داخلها مرايا ووزعيها على الجدار خلي احجام الاطارات متنوعة ومو كلها مرايا خلي بعضها مرايا وبعضها خليه للصور

نصيحة قبل لا تسوي الدوائر خططي وين بتحطين الاطارت عشان ما تصير الدوائر كثيرة أو الإطارات كثيرة ويصير مبالغ فيه .. خططي وبعدين ابتدي الشغل

اتمنى اكون افدتج
ترنيمة عناد
ترنيمة عناد
عزيزتي االله يعطيك العافيه بسوي غرفه لبناتي اعمارهم 5سنين و2سنتين وابغى اصبغها لونين ومحتاااره جدا بالالوان ؟؟ وتنظيم الاسره كمان ماني عارفه كيف ياليت تساعديني فيها وايش احط لهم فيها من اكسسوارت وهي ماهي مرا كبيره يمكن 3 *4 ولي رجعه مع بقيه البيت الله يقويك ويعطيك الصحه والعافيه
عزيزتي االله يعطيك العافيه بسوي غرفه لبناتي اعمارهم 5سنين و2سنتين وابغى اصبغها لونين ومحتاااره...
اول شي نجي للالوان



شوفي هنا الالوان رووعة وطريقة تداخل الالوان اروع أنا من رايي سوي جدار واحد كامل كذا وبعدين الجدار الملاصق له واصلي عليه مثل الصورة بس مو الجدار كامل لا شوية منه والباقي من الجدار خليه للخزانة يعني لا تصبغينه لاني ارشح انج تسوين خزانة كبيرة للسقف يعني هالجدار راح يكون للخزانة ماعدا جزء صغير وانا من رايي خلي هالجزء الصغير حطي فيه رفوف ابيض سادة و صفي عليها الالعاب


بقية الجدران سويها وردي شوفي في الصورة في ورديين أنا اقول سوي الوردي الفاتح وسوي الاثاث ابيض

أول شي نجي للتسريحة سويها شي ناعم وبسيط بما انهم لساتهم صغار



السرير سويه مثل هالتصميم بس لونه ابيض سادة .. بالنسبة لبنتك الصغيرة ممكن تسوين لها نفس السرير بس اشتري الحواجز اللي تنشال وتنحط لانها الحين صغيرة لكنها بتكبر فلازم يكون السرير مناسب للحين وللمستقبل وحطي السريرين جمب بعض وبينهم كوميدينو شوفي اللي في الصورة صغير ومرتب سويه ابيض سادة واللي يزيد من البوية الملونة سوي في درج واحد اعمدة ولونيها بنفس الالوان وخلي مفرش السرير ملون بنفس الوان الجدار



وسوي الارضية سواء موكيت أو رخام مثل لون الصورة الفوقية أنا احبه في الغرف لانه محايد تقدري تنسقيه مع اي شي ووزعي قطع زل مناسبة

والستارة سويها شي سمبل شوفي مثل الصورة بس انتي غيري في الجزء اللي فوق سوية بنفس الوان الجدار





ولو حابة اساعدج في تنظيم الاثاث رسمي لي رسمة مبسطة للغرفة يعني مكان الستارة ومكان الباب عشان اوريج وين تحطين الجدار الملون ووين السادة و وين نحط كل قطعة من الاثاث

اتمنى اكون افدتج
نـور القـمـــــر
عندي أستفسار عندي صاله طويله يمكن 3ونصف في سته أبغى صور لكنب على شكل Lوياريت أسمامحلات
بجده