أبي سوي هريس باللي هي به

السلام عليكم هتي دجاجه و2 ونصف حب هريس ويفضل القطري لانه سريع الهرس في قدر وسط ضعي الدجاجه والماء على النار وشيلي الزبد اللي يطلع من الدجاجه نسيت اقولك ونص كوب رز مصري وانفعيه مع الهريس فوق ال12ساعه في الثلاجه بعد ان غلى الماء ضعي الهريس المخلوط بالارز مدة نص ساعه مع الانتباه ان يكون الهريس مغطى ب7سم وعندما تطبخ ويبتدا الحب بالظهور ويكون مغطى بالماء ونضع الملح ثم ضعيه في فرن هاديء 170 ف لمدة 6 ساعات ثم تضرب بالمسواط وتفدم ويوضع السمن عليه واي سؤال انا حاضره

هههه صعبة
الأكلات الشعبية ما راح تلقينها بالملي

الهريس من الأكلات الشعبيه الصعبه لان الحب كبير ويحتاج يوم كامل نقع
انقعي حب الهريس كاسين ليوم كامل في مويه دافيه بعد ماتغسلينه زين والمهم انه تكون مويتك دافيه ومع ملح ويكون الشي الي بتنقعينه فيه كبير عشان حبات الهريس تنقع زين وخلي المويه مرتفعة عنها كثير

بعدها جيبي زيت بصلتين كبيره مفرومه صدرين دجاج عشان اسهل فلفل حب حبتين طماط مكعبين ماجي ملح بهارات طبخ واذا طرف الملعقه ليمون اسود كمون وحبه ليمون اسود ومويه حاره وقرنين فلفل احمر اصبع زبده عودين دارسين من اربع الى خمس حبات هيل ونفس المقدار قرنفل
الطريقه
تحطين في قدر واسع البصل والزيت وتحمسينها اذا ذبل البصل حطي الطماطم بعد ماتخلطينها في الخلاط مع شوي مويه خليها شوي تتسبك حطي الماجي والبهارات كلها الي عندك مطحونه وخليها تتسبك حطي الدجاج وحبات اللومي والهيل وقرون الفلفل والدارسين والقرنفل وسكري عليهم عشر دقايق زيدي مويه على الدجاج وخليه ربع ساعه يستويبعد مايستوي الدجاج طلعيه برا وشيلي كل البهارات العدله والفلفل الي حطيتيهم وخليهم على جنب صفي الهريس من المويه في مصفى سلك وحطيه وحطيه فوق موية الدجاج وضبطي الملح لاحظي اننا ماحطينا ملح لأننا نبي الدجاج يستوي زين وغطي اكثر من نص حب الهريس مويه وخليه على نار عاليه بعدين خلي النار صغيره واكتميه بقصديره روحي للدجاج وقطعيه صغار ورجعيه فوق الهريس وحركيه معه بس مره وحده عشان يصير متداخل معه وخليه مسكر لمدة اربع ساعات افتح وشوفي اذا حبه انهرس ولا زيديه مويه وخليه يطبخ زياده اذا كويس ومنهرس يه واعصديه بالمدق او الملاس يبيله عظلات ورجعيه مره ثانيه جيبي اصبع الزبده وقطعيه وإغرسيه بكل القدر قطعه داخل الهريس واتركيه ساعتين يعني مدة طبخه تأخذ من ست ساعات وأكثر بعد الاستواء تعصدينه زين و وزيدي شوي كمون وشوي ليمون اسود بعدين تغرفينه وتزيدينه بالكشنه والزبده وحطي الفلفل الي كان طابخ قبل معه والليمون الاسود فوقه

كانك من الرياض \
فهذي طريقتنا
انقعي حب الهريس من الليل في الثلاجه
ويكون عندك هبر لحم الذ من الهريس اللي بالدجاج
اغلي المويه وحطي قطع الهبر فيها مع كم حبة هيل ووق غار
خليه ساعه
بعدين شيلي حبات الهيل وحطي الهريس وقصري النار اذا شفتيه يغلي
وخليه مقصدر وكل نص ساعه افتحيه ودقيه الين ينهرس
كل ما دقيتي كثير صار احسن
يجلس على النار 5 الى 6 ساعات
ولا تنسين الملح
اذا غرفتيه في الصحن امسحي وجه الهريس بالزبده المطبوخه عشان ما يجف الوجه
ويطلع شكله يابس
وبالعافيه

ماشاء الله .. ربي يعطيكم العافيه ..