ميرا1000

ميرا1000 @myra1000

عضوة جديدة

كيف اتعامل مع ناس تكرهني

الأسرة والمجتمع

السلام عليكم
انا موضوعي طويل ومعقد عشان كذا سوف اختصر
كيف ارد على جدتي الي تكرهني انا بنت ولدها وتموت في بنات بناتها وماتحبني دائما تحب تفشلني:44: وانا طبعي هاديه طالعه على امي وعلى فكره جدتي تكره امي وعملت لها سحر تفريق عن ابوي بتعاون مع عمتي وهذ الكلام قديم وابوي تزوج وحده ثانيه المشكله إن عماتي وجدتي يكرهوني ويحبون ينكدون علي إذا صرت ماازورهم قالو لبوي ماتجي ومن هالكلام وإذا جيت ماسلمت منهم وبنات عمتي يروحون يجلسون مع بعض ومايبغوني وإذا جلست شوي ورحت قالو كأنها اجنبيه ماطولت ومن ضمن كلامهم عني وع لبسها او ماحطت مكياج او راحت ماقالت مع السلامه او ليش ماتسولف ......الخ
المهم مره كنت مجتمعه معهم يوم رجعت للبيت تعبت تعب شديد وكشفت في المستشفى قالو سليم وقالت امي يمكن هذي عين حاولي تاخذين منهم وانا لأني تعبانه قلت لوحد ه من بنات عماتي انا تعبانه واتوقع انها عين وهي ماصدقت خبر انشرت للعالم فصرت إذاجيت اخذ من اثرهم ينتبهون وجدتي قالت لأختي إن اختك معقده تحسبنا حسدينها .....
ومازلت اعاني من المرض...حسبي الله ونعم الوكيل
فجدتي دايم تحب تجدع علي كلام وانا ماأعرف ارد مثلا انا ماأحب العزايم وأغلب بناته مايروحون وكنت جالسه عندها دق ابوي عليها وقعدت تسولف معاه بعدين جاموضوع العزيمه قال ابوي بتروح فلانه يقصدني قالت وعععععععع ماتحب الروحات بس معسكرتن بالبيت ومن هالكلام انا ضاق صدري وسكت
وعمتي تحب تتدخل في كل كبيره وصغيره تخصني ودائما تكلم ابوي وتشوشه علي مثلا(ليش ماجت اوليش تجي متأخره اوليش تروح بدري او ليش مافسخت عباتها اوليش ماكلمت امي .........الخ يعني ماعرفت وش يرضيهم دايما يخلوني غلطانه
وعلى فكره عمتي هذي هي الي تشب راس جدتي وراس ابوي و هي سبب تفريق امي عن ابوي
اختي نفس معاناتي لكنها تزوجت وسكنت في منطقه خارج المنطقه الي فيها اهل ابوي اما انا متزوجه وساكنه في نفس ديرة اهل ابوي ماعندهم احد يتمشكلون معه غيري:icon33: وابي وزوجته فساكن في منطقه اخرى
ارشدوني كيف اتعامل معهم وارتاح من شرهم وكيف ارد على جدتي إذاجدعت كلام وكيف اتعامل مع هذه العمه:icon33:
8
16K

يلزم عليك تسجيل الدخول أولًا لكتابة تعليق.

تسجيل دخول

ديزاين
ديزاين
رفة
رفة
طنشيهم وتعاملي بما يرضي الله وتراك انتي المنتصره موب هم لانتس لو راددتيهم بتتعبين وتنعدم نفسيتس ..يعني لو وحده منهن غلطت عليتس ردي رد يفشلها مثل ( الله يسامحتس بس ما هقيتها منتس ) واضحكي يمكن يحسن على دمهن
الاميرة سمر
الاميرة سمر
حسبي الله ونعم الوكيل ياقلبي طنيشيهم وخليك ساكته لاتتكلمين كثير ولاتردي على جدتك
قولي في نفسك اذ خاطبكم الجاهلون قولا سلما دائما رددي في صلاتك اللهم اكنفيهم بما شاءت
اللهم اشغلهم بانفسهم وابعدهم عني ورد كيدهم في نحرهم واصلح حالي وربي انك لاتشوفين
اثر لهذا الدعاء في نفسك قبلهم وانشغلي بالاستغفار وذكر الله عندهم ولا تهتمي ولاتتدققي
في تصرفتهم علشان انتي ماتتعبني معا نفسك ياقلبي حصني نفسك واصلح حالك
مع الله ربي سبحانه قادر يصالح حاولك مع الناس
لبيه ياحلوتي
لبيه ياحلوتي
والله ياقلبي حتى اذا رديتي ماراح يخلونك جدتك لاتردين عليها
ولاتتعبين نفسك بالتفكير فيهم ردي السلام والباقي طنشيه

عيشي حياتك بالتطنيييش ولاتعطينهم اكبر من حجمهم
متبرعه
متبرعه
الله يعينك ويلهمك الصبر وينصرك عليهم

نصيحتي دامك متزوجه الحمدالله خلي روحاتك لهم رسميه بس قطيعه لاتقطعينهم يبقون اهلك واكيد بتسمعين كلام طنشي ولاتهتمين اضحكي بوجيهم واسكتي وقولي بقلبك حسبي الله ونعم الوكيل والله غير ربي ينصرك عليهم وانتبهي لاتبينين كرهك لهم لانهم احتمال يضرونك خليك طبيعيه

وانتبهي لنفسك ولزوجك وتحصني واقري الاذكار وادعي الله يبعد شرهم عنك وشغلي قران ببيتك دايم


مشكلتك معقده ومالها حل غير التطنيش والدعاء لان الشده والشكوى ماتنفع شكواك لرب العالمين وحده


والله انا مثلك خالتي اخت امي وزوجة اخوي يكرهونا انا وامي وخواتي ومشاكل ووصلت انهم يوزعون ارقامنا وتزعجنا وتحرض اخوي علينا لاكنا ساكتين ومطنشين وموكلين امرنا لله رب العالمين والله ينصرنا عليهن الكلام والمخاصم مايفيد مع ناس ماتخاف ربها