اتطلق؟؟؟؟ اصبر؟؟؟ رايكم بيأثر في قراري

الأسرة والمجتمع

السلام عليكم واتمنى تكونون بصحه وعافيه جميعا

بسرد لكم مشكلتي باختصار


متزوجه لي 4 سنوات ونصف وعندي بنت عمرها سنتين

زوجي كان الزوج المحب الكريم تزوجته وفارق العمر بينا 13 سنه عانيت ببدايه زواجنا من مشاكل عائليه شديده مع اهله وانا عايشه معهم فبيت واحد

زوجي مديون بمليونين ريال من قبل الزواج وللاسف ماكنت اعرف ومطلق قبلي وماعنده اطفال
تحملت ظروفه وعشت على اللي يصفى لنا من راتبه وتعايشت بروح محبه وكان والشهاده لله مايقصر مغرقني بحبه وعواطفه وتعلقه الشديد فيني صح كان عصبي نار ويوميا يتهاوش معي على الصغير والكبيره لكن يمكن بحكم خبرتي فالحياه غيرته والكل يشهد لي على هذا الشي احتويته باهتمامي فيه وحبي كانت مشاكلنا كثيره وعلى اتفه الامور يحول المشكلة لمصيبه يكسر ويصارخ وانا عصبيه جدا وكنت اقابل عصبيته بالمثل للاسف لكن كنت بعد كل هذا اقبل رجوله وابكي له وحنيته كانت تخليه يساعدني على انهاء المشكله

وقف معي كثير بوجه اهله في تدخلهم بخصوصياتي وبنفس الوقت كان في اقل تصرف مني يروح يشكي لهم للاسف تناقض عجيب افسد العلاقه بينا

جبت بنتي واول ماجبتها توقعت بتزيد روابط العلاقه بينا وحصل العكس على كثر ماتعلق فيها استغل انشغالي فيها وبعد رجع لحياته قبل الزواج سهر وطول الوقت مشغول وطول الوقت ماعنده ريال يحطه بيدي قررت اشتغل واشوف لحياتي مسار ثاني ينجحها منها الهى ومنها اعاونه على ديونه وصار ان العلاقه تدمرت انا لاهيه بوظيفتي وبنتي وهو طووووووووول الوقت برا البيت

وياخذ مني ولا يعطيني

ياخذ حب واهتمام وماده ويعطيني القليل اللي مايذكر حتى حقوقه الشرعيه ما صار ياخذها

تحملت سنه لين تعبت في شغلي وطلعت خصوصا اني كنت احس ان راتبي مايكفيني لانه ياخذ جزء منه والجزء الثاني يادوب يكفي مستزلمات ملحقا الصغير اللي عايشه فيه وراتب خدامه وفاتورة جوال الخ الخ طلعت من شغلي

وقلت له خلاص بدور مكان ثاني براتب اعلى خصوصا ان عندي شهادة خبره الحين ****لله بحصل

وللاسف مالقيت شغل واهملني اكثر واكتشفت الفجوة الكبيره اللي صارت بينا وعيت انه ماعاد لي يجي البيت 12 فالليل ويطلع نت 5 الفجر يوزع وقته بين شغل ومطاعم واصحاب

ولي6 شهور الحين حاولت وبكيت وتكلمت سويت كل شي ابي ارجعه وكان كل ماتكلمت يبعد اكثر كل مابكيت يتأفف ويعطيني ظهره وينام ويقول زين زين بتغير

اكتشفت له اخطاء وقال علاقات وهميه بنات يركضون وراي ماعرف من وين جابوا رقمي جواله مايدخل البيت طوووووووووول وقته بالسياره ومن المحطور امسك جواله ولا قلت له انت تحونني قال انتي مريضه انا ماحب المره تتدخل بخصوصيات زوجها وانا ماعندي شي بسس ربعي يدقون كل وقت

بكيت دمممم ابي بيت تكون فيه لي خصوصيه وحريه رفض قال مقدر ماعندي علي ديون مع العلم زوجي عنده بيت بس مأجره وحتى اجار البيت يروح لديونه

ولو تقولون لي ديونه من وين وفي وشو خذها باختصار سيارات وسفريات ولعب في شبابه لين قال بس وزواجه الاول بعد البيت مادفع فيه ريال اللي عنده لانه بيت من الحكومه


صارت مشكلتنا البيت الي احلم به رفض رفض رفض وقال تبيني اصبري؟

اي ابيه ابي بنتي ماتعيش في صراع اب وام مطلقين ومابي اتطلق هالطلاق شي صعب كثير
صار له عجز جنسي معي بس

له الحين فوق 6 شهر ما قربني بكيت لان هالشي يكسر اي مره بالعالم وواجهته وواحهت اهله قلت عالجوه قالوا مافيه شي سعيت له بعلاج عند شيوخ واطباء ما ساعدني لانه مو فارق معه يقول انا طبيعي بس معك انتي كذا

الحين انا بلا وظيفه

بلا دخل مادي لان صار ما يعطيني ريال واحد الا للظررررررررررورة القصوى يعطيني عالميه والميتين

بلا بيت

بلا مستقبل واضح

بلا زوج

شوركم الطلاق يعني ارجع لبيت اهلي بدون اييييييي مكسب غير بنتي لانه ابوي متوفي وماعندي اخو كبير يعولني ولا شهاده جامعيه ولا وظيفه وانا لو تطلقت بموت من الهم والانكسار

اصبر طيب كيف؟ شورووووووووا علي


واجهت اهله وتكلمت قالوا اصبري كل الحريم يصبرون ولا تضايقين ولدنا وطلعة من البيت مافي لين يسدد ديونه

طيب وانا؟ اترك لكم التعليق عسى الله يفرج كربكم:44:
32
4K

يلزم عليك تسجيل الدخول أولًا لكتابة تعليق.

تسجيل دخول

احلام منسية
احلام منسية
والله يا أختي قبل هذا القرار أنصحك بالدعاء والاستغفار كثثثير والقران ألجئي الى الله اولا واخيرة والله يكتبلك اللي فيه الخير ويفرج همك ويوسعها عليك وعلى زوجك يارب
tanh2009
tanh2009
الله يفرجها لك يارب العالمين
*الدلع شرقاوي*
الله يفرج همج ويهدي زوجج ويصلحه
ديــــمو
ديــــمو
الله يفرج همــك ويصلح لك زوجك
أنــا اقول التزمي الاستغفار والطلاق موحل شغلي في غرفتك سورة البقره طول اليوم اقري الفاتحه عليه اذا كان نايم وانفثي زين ..
وحاولي تدورين لك وظيفه تضمنين مستقبلك فيها ..
البسي عند زوجك وجددي ستايلك وحسسيه بالتغيير من ناحية الشخصيه والشكل....
انتبهــــــي ثم انتبهـــــــــي تقولين له كل شوي انت تخوني كـــذا يستهتر فيك بالعكس قولي له اسم الله عليك راقي ومستواك ما ينزل لهالحركات ممكن يتقمص الشخصيه ( هذا شي يخص البرمجه العصبيه) وادعي فسهام الليل لاتخطى ولكن لها امد ......
غابة النخيل
غابة النخيل
الله يعينك استخيري وقرري
وحطي في بالك أن العلاقة الحميمة بين الزوجين هي أساس الحياة الزوجية
يعني انت كذا تضيعن حياتك هباء
فاستخيري وحاولي اصلاحه واذا لم يستجب لست ملزومة بالعيش معه أما أهله فهم يقولون اصبري لأنه ولدهم وانت لست بنتهم فهم لاتهمهم مصلحتك همهم مصلحة ولدهم
والله ما حلل الطلاق الا ليكون حلا للزواج الفاشل
أعرف ان كثيرات سوف يلمنني ويقولون لاتخربين بيتها لكن أنا أنصحك كأني أنصح أختي
وفقك الله لما فيه الخير لك .