استفسار ردوا وتفاعلوا

الأسرة والمجتمع

أنا الان بقولكن على مشكلتي لان كيف أتعامل مع طفل عمره ثلاث سنوات وست اشهر دايم يخطئ وافهمه ان هذا خطا احيانا اطلب منه تصليح الخطأ بان يرمي بالزباله او مايكتب على الحيطان و واحس احيانا يفهم معايا لكن يعاود يسوي اخطاء زي الان مسكرة الأنوار ابيه ينام وراح يسكب بودرة الاطفال في الصاله بعدين ضربته وهاوشته بعد ه راح يكب البخور وضربته مره ثانيه وخاصمته ويناديني ماما ماكلمته قلت لاتكلمني ليه تحوس وتخرب الله بشوفك مايرضى عليك انت زعلت ماما والشيطان فرحان ومبسوط لانك زعلتني ورحت أنام في غرفة ثانيه قلت لان البخور بيتعب اختك ولحقني فقلت له رح جب فراش لا تنام جنبي وبعدين راح ورجع والآن نام واهو زعلان فكيف خبراتكم للتعامل مع هذا السن هل كلهم بيفهموا ويصلحوا خطاهم ام ينسو ن ولتشاور في سبيل ان يكون االا بناء يحترمون وثانيا مؤدبين تكفون تفاعلوا لتشئة جيل افضل بعون الله والمشكله الثانيه مايشتهي الاكل والله أتعبني الله يصلحه ويبارك لي فيه وان يكون إماما السنه دعواتكم.  
6
630

يلزم عليك تسجيل الدخول أولًا لكتابة تعليق.

تسجيل دخول

ام ميلاء1
ام ميلاء1
الله يصلحه لكي ترا كل الاطفال كذاً عادي هههه عيالي دخلت عليهم امس الله يهديهم لعبين بالطحين ومدمرين الدنيا الاطفال يبلهم صبر وطولت بال وحرم تضربين بكل شي يسويه ولله ما اضربهم الا بالشديد ولله يصلح عيالنا
أزهار بريه
أزهار بريه
أنتي قلتيها هذا طفل وش متوقعه يسوي
إذا سوى شي غلط قولي له هذا غلط وحسسيه أنك زعلانه
إذا سواها مره ثانيه عاقبيه لاتضربينه في طرق ثانيه غير الضرب أنتي تحسينها تافهه بس عند الطفل تأثر كثير زي مثلا تقولين له خلا ص ماكلمك لاني باعاقبك وإذا اعتذر سامحيه على طول
وشي طبيعي بيكب الصابون بيكسر قارورة عطر بيرمي قرطاس على الأرض بيحوس ألعابه بيفتح شنطتك وينثر أغراضك بيخرب مكياجك بيقص شعره بالمقص بينثر البودره بيكسر الأكواب الزجاج بيرمي جوالك لين تنكسر الشاشه ولا بيرمي الجوال في الغساله بيشخبط على الجدران بيضيع مفاتيح السياره بياكل الكريم حقك وبيعصره على الأرض لين يخلص بيقظع إكسسواراتك بيشق الفلوس بيكب المويه على الأرض
تدرين ليه لأنه انولد طفل مانولد كمبيوتر مبرمج جاهز يعرف الصح والغلط
Miss-nano
Miss-nano
كنت معلمة رياض اطفال من اربعه لخمس سنوات جد عنيدين بالوقت هذا
لكن كان اسلوبي معاهم الحرمان مثلا غلط احد اقوله احنا بنلعب بالشي هذا ومارح تلعب معانا
او مارح اجيب هذا الشي اللي تحبه او راح اعاقبك واخليك لحالك على طول بيستقيم واذا عند انفذ الكلام وحتى لو اعتذر اقوله المره الجايه عشان مايتعود كل ما اعتذر بسرعه انفذله طلبوا وانتي اذا كلمتيه حاولي
تكوني باستقامته اجلسي ع ركبك وكلميه عشان يحس فيك ويحس انه بمستواك
*زرقاء اليمامه*
فعلا السن هذا صعب جدا لانه يفهم وقت ما تعلمينه غلطه
لكن بعد مده محده يعني ساعتين او ثلاثه ينسى اللي علمتيه إياه ويغلط مره ثانيه
وهذا الشي طبيعي في هذا السن إن الذاكره عنده تكون قصيره
وكل سن له مده محدده للذاكره بس كل مايكبر تزيد عنده مدة تذكره
*زرقاء اليمامه*
فعلا السن هذا صعب جدا لانه يفهم وقت ما تعلمينه غلطه
لكن بعد مده محدده يعني ساعتين او ثلاثه ينسى اللي علمتيه إياه ويغلط مره ثانيه
وهذا الشي طبيعي في هذا السن إن الذاكره عنده تكون قصيره
وكل سن له مده محدده للذاكره بس كل مايكبر تزيد عنده مدة تذكره