صرخة نملة

صرخة نملة @srkh_nml

عضوة جديدة

توحيد لون الجسم .. بلا خلطات بلا وجع قلب

العناية بالبشرة



هذا الموضوع تجربتي انا (صرخة نمله)

صبحمسيكم بالخير :kiss2:

الى معشر الكسلانات اللي زيي :icon35: .. اللي مايستمرون على شي ويزهقون بسرعه ومايحبون يحطون خلطات ويقعدون فيها نص ساعه وساعه

اعلن انشقاقي عن كل الخلطات والزيوت والبربسه اللي مالها سنع واللي ضيعت فلوسي وترست دولابي زيوت وكريمات وبلاوي مالها اول من اخر

واللي شجعني هذا النشمي

Glycolix Elite 15% Body Lotion




لوشن احماض الفواكة بالاضافه الى فيتامينات A,C,E يسوي تقشير للجسم بس تقشيره بطيء توصلين للنتيجة النهائية بعد 3 شهور
انا اللحين لي شهر والله يابنات ولا خلطة سوت معاي اللي سواه
كان عندي سواد في منطقة البطن وراح بنسبة 70٪ والله بطني صار قريب للون جسمي والكوع فتح والركب واخر الظهر والمنطقه الحساسه والابط تغيرت وصارت انعم وافتح 50٪
وجسمي فيه لمعه والاحلى انا عندي في يدي من فوق اللي هي منطقة الزند حبوب صغار زي المسامات البنيه هذي عباره عن مسامات مسدودة بجلد ميت زي ماقالت لي الدكتورة
حاليا مو باينه الا من قريب مرررررررره خفت الحمد لله وصرت اقدر اشوف جسمي في المرايه بعد ماكنت اتحشى اطل فيها من الاحباط وكثر الخرابيط اللي جربتها ولا فادت

بعطيكم معلومات متفرقه احاول اغطي فيها كل الاسئله المتوقعه لانه بصراحه ما ادخل المنتدى كثير

- يوحد لون الجسم ويصفيه وينعمه ويشيل اثار الحبوب والنقط اللي على الارداف ويخفف المسامات الكبيرة ولأنه يقشر فا يطلع الشعر اللي تحت الجلد وكمان قرأت انه يفيد في تشققات البطن والارداف والصدر بس انا مافيني كثير واحس انها تحسنت يمكن لان الاماكن اللي كانت فيه غامقه و هي بيضا فا لما فتحت الاماكن هذي حسيتها خفت

- استخدامه مره وحده في اليوم قبل النوم والافضل بعد شاور بس انا بصراحه لا شاور ولا شي احط وانام
- لازم ماتتعرضين للشمس زي اي مقشر ثاني واذا تعرضتي لازم تحطين واقي قوته فوق ال 50 على يدينك ورجولك واي مكان من جسمك معرض للشمس واهم شي يكون خاص للجسم
- موجود في صيدليات كنوز الصحه وصيدليا الحبيب و بوتس ووايتس وفيه تاجرات يبيعونه و سعره من 120 الى
150 ريال
- استخدمه لكل مكان بالجسم بدوووون استثناء اما الوجه والرقبه بشتري كريم من نفس الشركه بتركيز 10٪ لان 15 قوي عليهم
- اللوشن خفيف وشوي منه يغطي مساحه كبيره وتخلصين بسرعه مو ثقيل ولا يدبق ولا شي وريحته طبيه على نظافه عاديه وتختفي عالجلد
- مره قريت انه وحده قال لها الدكتور ماتستخدمين اي كريم مرطب معاه عشان تساعدين جسمك انه يقشر المعلومه هذي منطقيه بس عني انا دكتورتي ماقالت لي كذا فا اخذ شاور الصباح واحط بيبي اويل لاني ما اطيق جسمي جاف .. وفي الليل احط اللوشن
- شاور الصباح مو اجباري مو لازم ينغسل اصلا البشرة تتشربه بسرعه ... فيه مواضيع قريتها انه لازم ينغسل الصباح والمنتج مو مكتوب عليه كذا فا لاتسمعون خرابيط شركة (يقولون) المتحدة :icon31: لان ما راح يكونو اعلم من الشركة اللي سوت المنتج
- الليفه لازم تكون ناعمه جدا الاسفنجيه او اللي تجي مع دوف او لوكس اللي لا تهش ولاتنش لانه مايصلح تستخدمين شي قوي زي الليفه المغربيه او ليفه بدي شوب انتبهي لانك قاعده تسوين تقشير واي عنف بيقلب معك بتصبغات وبلاوي
- الصابونه حاليا استخدم بيزيلين المفتحه للجسم واحيانا صابون فازلين السائل لتوحيد لون البشره واللحين افكر اشتري هذا الشاور جل باحماض الفواكه من اماوزن



- انتبهو لان فيه شركة تصميمها قرييييب مره وكنت بنخدع واخذها فا ركزو في الصوره زين
- من اول اسبوع بتلاحظون نتيجه
- بعد ثلاثه اشهر يستخدم مره وحده في الاسبوع للحفاظ على النتيجه

وسامحوني اذا تأخرت في الرد على اي سؤال بحاول قد ما اقدر اشيك المنتدى قد ما اقدر

مهم
الله يخليكم ادعولي بظهر الغيب يتيسر امري ويتحقق اللي ابيه ارجوكم محتاجه دعائكم
411
709K

يلزم عليك تسجيل الدخول أولًا لكتابة تعليق.

تسجيل دخول

شذي التفاح
شذي التفاح
يسعدك ربي
جا في وقته انا مااااااحب الخلطات واطفش منهاااا
الكريم اسهل واخف
مشكووووره ياعسل
eman 1111
eman 1111
الله يعطيك العافية ...
His banotta
His banotta
ما شاء الله تبارك الله
الله يهنيك بالنتايج
من كلامك حسيت للنتايج فتاكه
مششكورة جزاك الله خير
ايلان111
ايلان111
يعطيك العافيه حياتي
دايما طيوبة
دايما طيوبة
مشكوووووووورة