السلام عليكم
هذه افكار للتنظيف من فلاشي حبيت تستفيدون منها
فوائد000السفن اب 000للمطخ وغيره
- لتنظيف الاواني المنزليه مثل الملاعق والسكاكين والشوك والقدور والصحون الستيل
هنا الملاعق اثناء نقعها في السفن آب
جربت احط ملعقتين في السفن اب وبعد ساعتين
طلعتهم وغسلتهم عادي ونشفتهم
حبيت اجرب فوائده على المواعين قبل لااقول استخدموه واوهقكم
نكمل الان2- الصدأ فعاااااااااال على بقع الصدأ اللي تكون على السيراميك او الرخام
يعني تغطين المنطقه المصديه منه وتخلينه ساعتين او ثلاث وتعالي افركي شوي وكل شي بيرررررروح بدون فلاش وكلوركس وخنننننننقه صدر
3- مع الدلال .. يعني اللي عندهم دلال طبعا الوانها تتغير مع الايام
تحطين الدله بقدر او باسكت وتغطينها بالسفن اب ومن بكره شوفي اللمعان بدوووون اي فرك
4-لتنظيف البطاريات المتاكله وطبعا راح تلاحظن انه بيكون على المكان المتاكل فقاعات من غاز السفن اب
5- صبي بالمرحاض منه وبعد ساعه تعالي واشطفي وراح تلاحظين ان البقع راحت لان حامض الستريك قوي على البقع اللي زي كذا
بس مدري هل يجوز اننا نستخدمه بدورات المياه او لا
وماادري وش الحكم
بس هو له هالخاصيه بالتنظيف
6- صدام السيارات اللي فيه نسبه من الحلى ومااقصد يكون محلى ومتكسر ماعاد ينفع معه شي
اقصد بقع الحلى يقدر السفن اب ينظفها باذن الله
7- بقع الدهون على الملابس استخدمي السفن اب مع الصابون العادي حق الغسيل وافركي شوي بيدك وبعدين قطيه بالغساله وصبي شوي سفن عليه وخلي الغساله تشتغل عليه وبعدين بتزول البقعه تماما
8- يستخدمونه لمسح اثار الدم من الاسفلت
او البلاط
يعني بعد ذبح الاضاحي اقصد
9- تنظيف السجاد من جد جباااااار علي البقع وخاصه بقع القهوه والاستفراااااغ
10- يدخل بطبخات كثييير وفي كيكات وتتبيلات للمشاوي بس مو هنا المكان المناسب لوضع طرق استخدامه بالمأكولات11
- يستخدم في ازاله الشدو اذا انكب على السجاد او الموكيت بشرط استخدامه قبل اي مواد تنظيفيه
-----------
جدول التنظيف
انا معي ثلاث انواع من التنظيف تنظيف يومي واسبوعي وشهري وبخبركم الفرق في كل نوع
تنظيف الغرف :
التنظيف اليومي : معروف عبارة عن تنظيف الطاولات ومسح الزجاج عليها (تراني حاطه زجاج على كل الطاولات والكوميدينو والتسريحه لحمايه الخشب من العطور والخدش ولسهوله التنظيف ) تنظيف زجاج النوافذ ..مسح المرايات ..وتنظيف الارضيات بالفرشاه الخشنه للسجاد والناعمه للسراميك ثم مسحها بالمب المغموس بالماء والديتول للسراميك وللرخام استخدم ملمع الرخام ..وفي حاله الحصول على بقعه في السجاد تنظف على طول بشامبو السجاد..ثم تعطر الغرفه وتبخر ..
التنظيف الاسبوعي :وهنا خصصت لكل غرفه يوم بالاسبوع للتنظيف الاسبوعي ..وفيه يتم اخراج كل الفرش والكفرات والمخدات والسجاد بالشمس (تراني اذا ما حسيت بحراره الشمس فيهم ما استريح على قوله زوجي بيغبروا )وتنظف الغرفه بنفس طريقه التنظيف اليومي مع استخدام المكنسه في تنظيف السجاد والموكيت وورش بودرة معطرة للسجاد .. ومسح الاكسسوارت اللي في الغرفه عن الغبار ..ثم بعد الانتهاء من التنظيف يرش العطر الخاص بالفرش على السجاد والوسائد وتعطر الكفرات وتبخر ..
التنظيف الشهري: كل شهر مرة تنظف المراوح وفي الصيف ينظف ايضا شبك المكيف .. للصاله تنظف السجاده كامله بشامبو السجاد وتخرج بالشمس ..
تنظيف الحمامات :
التنظيف اليومي : تنظف الاطقم بخليط الماي والديتول والجل والصابون ..وينظف المرحاض بهارفك ..والارضيات تنظف بالمف المغموس بالماء والديتول والجل بدون صابون ..ثم تجفف بالفوط ..ترش بسبري الديتول ..
التنظيف الاسبوعي : تنظف نفس التنظيف اليومي لكن الارضيات تغسل بالصابون والديتول وتفرك بالفرشاه وتشطف بالماء والوايبر ثم تجفف بالفوطه ..
التنظيف الشهري : كل ما سبق بالاضافه الي اضافه كلوركس او فلاش لتنظيف الخطوط بين السراميك وهذا ليس دائما الا اذا تطلبت الحاجه ..
تنظيف المطبخ
التنظيف اليومي : ينظف الفرن بجف الاصفر وتسمح الطاولات بالصابون والديتول ..والارضيه تنظف بالفرشاه اولا ثم تمسح بمف مغموسه بالديتول .وهذا طبعا مرتين بعد الغداء والعشاء...وتغير الفوط مرة باليوم ..
التنظيف الاسبوعي : تنظف كل الدولايب وتغير مفارشها ..وتنظف ابواب الدولايب ومقابضها ..تنظف الثلاجه وتمسح من الداخل والخارج ..تنظف حدايد الفرن وعيونه ..ينظف زجاج النوافذ ..ثم ينظف كما في التنظيف اليومي بالاضافه لاضافه الصابون والكلوركس لتنظيف الارضيه بالفرشاه وشطفها بالماء واللوايبر ..
التنظيف الشهري : كل ما سبق بالاضافه لتنظيف شفاطه الفرن والمراوح ..وتنظيف شبك المكيف ..
تنظيف الحوش
التنظيف اليومي : ينظف بالفرشاه اولا ..ثم يمسح بالمب المغموس بالماء والديتول ..(ارضيات حوشي سراميك )..تمسح الطاولات والكراسي الخارجيه ..
التنظيف الاسبوعي : كما سبق لكن تنظف الارضيه بالصابون والديتول وتشطف بالماء والوايبر ..
وحطيت خلال الاسبوع يوم خاص لتنظيف العاب البنات الخارجيه ...ويوم اخر لتنظيف الابواب الخارجيه ..واخر لتنظيف المساحه امام البيت ..
التنظيف الشهري : يضاف فلاش او كلوركس للتنظيف ..
----------
هلا حوائيات
كثير من البنات يشكون من سواد الترويبة ويستفسرون عن طريقة تنظيفها والمنظفات اللي يستخدمونها ، ومن كم يوم كانت عضوة منزلة استفسار عن تنظيفها وفي كذا بنت قالت الخل مع ملح الليمون
طبعا اني كنت قبل استخدم الفلاش واخففه بالماء لكن ما اكمل من التنظيف الا صدري منكتم من الريحة وهذا بجد يأثر على الرئة مع كثرة استخدامه
فقلت خلني اجرب الخل مع ملح الليمون ما راح يضر شي على الأقل مكونات ناكلهم على الرغم انهم يأثرون على المعدة بسبب انهم احماض
وجبت طشت وحطيت فيه خل مع ملح الليمون وقليل من الماء الدافئ وبدأت الشغل
هذا قبل الشغل ومبين السواد على الرغم اني انظفه >> طبعا هذا سيراميك المطبخ
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 519x389.
وهذي ادواتي اللي استخدمتها طشت فيه ملح الليمون + خل أبيض + ماء دافي >> لاتكثرون منه + فرشاة خشنة
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 519x389.
واهني حطيت شوي من الخلطة على التروبية وتركتها دقيقة وبعدين رجعت افركها
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 519x389.
وهذي الصورة بعد الفرك والتنظيف وما شاء الله عليه رجع نظيف ويبرق
هذه الصورة تم تحجيمها. اضغط على الشريط لمعاينة الصورة بالحجم الكامل. ابعاد الصورة الاصلية 519x389.
طبعا بعد ما كملت من تنظيف التروبية احتجت اشطف المطبخ كذا مرة لأن صار السيراميك يتلصق بسبب ملح الليمون لأني كثرت منه وما كملت من شطفه الا ظهري منكسر علي
اتمنى اني افدتكم واذا نجحت وياكم الطريقة اعوا لي بالذرية الصالحة
اي صح تذكرت وانا في نص الشغل خلص علي الخل وأبو الشباب في الشغل وكان عندي خل التفاح واستخدمته وعطاني نفس النتيجة
---------------
كيفكم ان شاء الله تكونو في تمام الصحه والعافيه ياحلى اخوات في منتدانا الغالي
راح اقولكم عن معاناتي مع تنظيف الحمام يعني كل ماجيت اغسل الحمام لازم اروح اجيب الكلوركس والصابون والمطهر والجل العملاق وكل شوي الحمام يبي غسيل وانا اشيل كل هذي المنظفات قلت ليه مااختصرها واحطها في علبه وحده المهم جت الفكره او اخذت علبة الكمفورت الكبيره وهي فارغه وحطيت اربع ملاعق كبيره من الجل العملاق او ملعقتين صابون وتقريبا بيالة كلوركس والمطهر الي تحبينه وحطيت عليها المويه
اوسويت علبتين وكل حمام حطيت علبه وكل ماجيت اغسل الحمام اصب من العلبه او اغسل الحمام اوريحه النظافه ياسلام اوتطول اوبدل الحوسه مع المنظفات صارت علبه في الحمام .اوماعاد استغني عنها اوكل ماخلصت سويت مره ثانيه.
واتمنى ان تستفيدو من الفكره او تدعون لي ولوالدي بالجنه
اللهم اغفرلي وللمؤمنين والمؤمنات والمسلمين والمسلمات الاحياء منهم والاموات
----------
وأحنا نجيك فجأه ولا عمرك أتلبكتي (( أرتبكتي )) شو الســــــــــــــــــــــر ؟؟؟؟؟
الســـــر عباره عن خطوات بسيطه ...بس خلت العالم يجننوني بالأسئله ..
stratford_brown_image
مثلا بالنسبه للحمام وأنتو بكرامه ... شتسوين ؟؟؟؟؟
أخذي علبة اللينور أو اي علبه فاضيه عندك ..وحطي فيها ..( ديتول ..كلوركس ..معقم برائحه زكيه ..ومويه ) ومكنسه صغيره وخليها بالحمام أذا دخلتيه الصباح أشطفيه عالسريع وصبي من الخلطه فالكرسي والاركان والغساله ...
وبكذا حمامي دائم صحي ونظيف ((( ومعقم )))
1441412320620P
وكمان حطيت بالحمام سلة ملابس مثل اللي بالصوره مغلفه بشكل حلو وكل مانزلت لبس يحتاج غسيل رميتو فيها وبعدين أخذها لحمام الغسيل وأغسلها طبعا حددت يوم الخميس للملابس
at0403200134mcu0
المطبـــــــــــــــــــــــخ ...
:30: لو تراكم فيه الشغل راح يطلع لك قرون ..ههههههاي
الفـــــــــــــــــرن ..حطي عليه قصدير ..وغيريه وقت الحاجه ...ولما يجيك ضيوف يصير ماعليك ألا تشيلي القصدير ..
المجـــــــــلى ...حطي فيه مويه وفيري وخليها جاهزه ..وكل ماستخدمتي شي غسليه لو حتى ملعقه ..وربي هالحركه تريح بشكل مو طبيعي ...
حطي في علبة الفيري كلوووووووركس وخل أبيض مع بعض وكل ماتستخدميها رجيها ...
ترى الخـــــل مثل السحر في أزالة الدهووووون ...
الأرضيـــــــــــــــه ...سوي نفس خلطة المنظفات حقت الحمام وكل مايطيح ولا ينكب شي شيليه فورا لايطول ..وبكذا ماراح تحتاجي تشطفيها الا مره اسبوعيا ..
الدواليـــــب كذلك ..أول بأول
والغبار خلي الريش تبع التنظيف بمكان واضح واذا جلستي تتفرجي بالتي في نفضي ع الطاير
194
غـــــرفة الاطفال ...
نصيحة لوجه الله علميهم ع الترتيب والتنظيم ...مثلا اذا صحوا الصبااااح يطبقوا مفارش أسرتهم والباقي يكملوه بعد العصر اذا صحوا
lrg-713-bedrooms__4_
غرفة النـــــــــــــــــــوم
مستحيل طبعا ماتكوووون نظيفه دايم ومعطره
090308163437XasP
الصاله وباقي البيت كل مامريتي ولقيتي ...شي مو معدل عدليه والارضيات نفس المطبخ أو حتى مره كل اسبوعين ..
هذا بالنسبه للتنظيف
الروائـــــــــح والبخووووووور
أنا من النووووع اللي انســـــى كثير ..أش صلحت ؟؟؟
حطيت بكل ركن بالبيت وأنتو بكرامه فواحه + زيت عطري + ولاعه + شمووووع بشكل حلو ومرتب ..
فصرت كل ما امر أشغلها حتى الفجر وانا قايمه للدووووام والله يابنات لما يصحى زوجي أحسه شوي وياكلني من
فرحتــــــه فالبيت وريحت الفواحات ..
على فكره حتى بركن الحمام وانتو بكرامه حطيت فواحه ...
والبخور فحم سريع الاشتعال رهيــــب مااستغني عنه اولعه وبثواني جاهز وأبخر البيت مره يوميا
هذا الجزء الأول من أفكاري في بيتي مملكـــــــة عمري ..أذا شفت التفاعل راح انزل الجزء الثاني بالصوووووور
-------------
سويت منظف خطير يخلى قدورك ومغسلتك تبــــــــــــــرق بـــــــــــــــــــرق
المنظف عبارة عن
صابونه رقي ( صابونه الغر يعنى )( مبشور )
كاس خل
كاس ماء
فنجان ملح
حطيهم في علبــــــــــــــــــــــــــة زجاج واستخدميــــــــــــــــــــــ ــــها
صج منظف قمة
لسلام عليكم
طفارتى ادخل حمام تكرمون القاة وسخ مو ذيج النظافة ويا كرهي للحريم
اللى يعتمدون عالخدامة في تنظيف الحمام
الا اذا كانت الخدامة ذربه وتتبع معزبتها بالتنظيف والذرابة
وهذى طريقتى اليوم بعلمكم اشلون تنظفون الارضية
تيبين الدلو وتحطين فيه ماى حار
+
صابون الوزير او الجل العملاق او كلوركس البرتقالى كلبن اب
تخلطين هالمكس مع بعض
وتصبينه عالارضية
وتيبين هالمخمة
وحيل يا فرك بالارضية
وبعدها شطفى بالماى
وشوفي النظافة وشلون السنع والارض تبرق برق
مو بربسة الخدامات ولوعة الجبد
]
هتان. @htan_29
عضوة فعالة
وناااااااااااسه.....بتنبسطووون مثلي منقووول واللي اللي تستفيد تشوف توقيعي وتدعي لي
29
18K
يلزم عليك تسجيل الدخول أولًا لكتابة تعليق.
الصفحة الأخيرة
مشكورره