سرور

سرور @sror_1

محررة فضية

المشي في النفاس لمدة ساعه هل يضر؟

الحمل والإنجاب

بدخل في الموضوع على طول بدون مقدمات

المشي في النفاس هل يضر؟ احس اني معي حاله اكتئاب اقدر امشي ساعه او اكثر والا تضر في الرحم

وهل الحركه في النفاس تضر ايضا. انا من النوع الي احب اتحرك في البيت مااحب السدحه وخايفه اني اتضرر

وسؤال ثاني بعد؟

انا بعد الولاده جاني التهاب في البول اكرمكم الله واخذت مضاد لمدة اسبوع واحس اني تحسنت وبعد المضاد بأسبوع تكررت الحاله رجع الالتهاب وعطوني نفس المضاد بس اخذ عدد اكثر من الحبوب
وقالت لي الدكتوره هذا المضاد عادي مع الرضاعه ؟ سؤالي هل فعلا المضادات عادي ماتاثر على البيبي

خايفه عليه مسكين يرضع مني وانا بلع في هاالمضاد

بنات من جاتها هذي الحاله مثلي التهاب ويرجع مره ثانيه؟ وخايفه انه بعد مااخلص المضاد يرجع لي
ايش السبب وكيف اتفاداه ماابي اكثر مضادات

الي عندها فكره لاتبخل ولها دعوه مني في ظهر الغيب

والي ماتعرف ترفع الموضوع بدعوه وجزاها الله الف خير
34
173K

يلزم عليك تسجيل الدخول أولًا لكتابة تعليق.

تسجيل دخول

مناير العز
مناير العز
أنت طبيعي أو قيصرية؟

أنا ولدت قيصرية قبل ثلاث سنسن

ونصحتني الدكتورة أمشي من ثاني يوم قالت أول يوم امشي عشر دقايق وزيدي الوقت مع الأيام لين صرت أمشي نص ساعة كل يوم

وقالت إنه يشد البطن والرحم ويساعد على رجوعه لحالته الطبيعية
سرور
سرور
مشكووووره اختي لمرورك

انا والده طبيعي الي قبل كيذا كنت قيصريه والدكتوره نفس الشي نصحتني بالمشي

بس الحين ولدت طبيعي بس ماادري نفس الشي المشي ينفع للطبيعي والا مضر
مس &&برونز&&
مس &&برونز&&
انا اسمع انه يضر المشي للنفاس الطبيعي حتى العمليه هم ينصحونها تمشي اول الايام فقط عشان البطن يتمدد ماتجلسين منحنيه


بالنسبه للنفاس ننصحك بالراحه والحركه البسيطه مش المشي الي مدته ساعه حرام عليك كذا تخربين اذا تبين تمشي بعد30يوم لأنك اكيد بهذا الوقت راح تنزلين السوق وخلاص يعتبر مشي

وممكن تسوين رياضه شد البطن بالبيت فقط بعد ماتطيح الخيوط لاتجازفين بنفسك بعدين تندمين

بالنسبه للاكتئاب حاولي تشغلين نفسك بقراءة الكتب اكثري من الاذكاري اشربي مويه مقريه امسحي على صدرك و****لله يروح منك الاكتئاب
*ياعمري*
*ياعمري*
اذا جرحك التئم وحسيتي نفسك طيبة امشي
لأنه كويس مرررة لجسمك ورشاقتك .. وشدي بطتك حتى تروح الكرش
أنيــــن حنيـــن
لا غلطانة اللي تقولك لا تمشين بالعكس المشي والحركة الهادية مفيد جدا لك بس خليك متدفية وماحولك هواء انا كنت امشي 10 دقايق وارتاح وبعدها بكم ساعة امشي مرة ثانية

بس ودي اقولك كلمة راس

ليش يضيق صدرك وانتي طيبة والبيي طيب وماعندكم خلاف تراه نعمة تكفيك عن كل شئ لفي في المنتدى وشوفي مشاكل البنات انا وحدة منهم نفاسي كان بدون بيبي مات وانا في الشهر الثامن وولدته طبيعي وكانت حالتي مايعلم فيها الا ربي ...

يقول سبحانه : ( ولئن شكرتكم لازيدنكم ).