وين المشرووع الراتب نزل بسرعه قبل لا يطير

تبارك الله موضوع حلو

موضوع جدا رائع تسلم اناملك اختي وبارك الله فيك

أشكر كل الأخوات اللي علقو على الموضوع وتفاعلو فيه و رفعوه وسردو تجاربهم ليستفيد منها الآخرون ويارب يجعلها في ميزان حسناتكن جميعا أخواتي الغاليات

نبدأ الآن الكلام في المشروع واللي هو يدخل في نطاق التوفير وتحطيم قاعدة التبذير

طبعا أنا قلت إنو المشروع فكرة رائعة جدا وهي فكرة تناسب من تملك رأس مال كبير أو صغير وحتى من لا تملك رأس مال نهائيا

هل ممكن أن يكون هناك مشروع بلا رأس مال مال نهائيا طبعا بشكل عام هذه فكرة غير مقبولة لأن أي مشروع في الدنيا يحتاج رأس مال سواء صغير أو كبير أو معقول لكن مشروعنا هذا تقريبا حطم هذه القاعدة ما راح أقولكم مثلا اشتغلو مسوقات بالعقار أو اشترو بالأجل بضاعة وبيعوها ومن ربحها سددو قيمتها لا أخواتي مشروعي كان فكرة بسيطة خلقت من الحاجة والحاجة أم الإختراع زي ما يقولو

زي ما قلتلكم أنا عرضت الفكرة على مجموعة من الناس وعجبتهم لكن في شخص في الفترة الأخيرة قالي هي فكرة حلوة لكنها مؤقتة وأنا أبغى مساعدتكم أخواتي إنو نخلي مشروعنا مشروع دائم

حتى ما أطول عليكم المشروع طرأ في بالي لما صار عندي ظروف وقررت أسافر بعد فترة ... ناظرت حواليا غرفة النوم الصالة المطبخ كل جزء من البيت قلت بيني وبين نفسي معقولة أسافر وأخلي أغراضي كلها هنا وصعب جدا أشيلها كلها معي وأنا احتمال أسافر فترة طويلة فقلت ليش ما أبيعها حتى لو بربع أو ثمن قيمتها منها أستفيد مبلغ مالي وكمان ما أسافر وأنا تاركة ورايا حوسة وأغراض ممكن اللي في البيت يضايقو منها أو أنا أصير قلقانة عليها وأنا في الخارج فطرأ على بالي فكرة خيمة مستعمل

خيمة مستعمل هي عبارة عن مشروع للجميع ممكن نقدم فيه طلب رعاية من قبل وزارة التجارة قسم سيدات الأعمال .... فكرة مشروع وبنفس الوقت قضاء على التبذير

أخواتي كم عندكم فساتين وبلايز وملابس مرت سنوات طويلة ولم تلبسوها واللي ضاق واللي وسع واللي راحت موضته للي تهتم بالموضة وكم عندكم طقم كاسات وصواني من سنوات ما استعملتوها وكم عندكم من كتب اشتريتوها من سنوات وقرأتوها أو لم تقرئوها وهل عندكم كتب مدرسية وجامعية وكم حاجة تضطرون ترموها في الزبالة تكرمون وهي لسة صالحة للإستعمال بس زهقتو ما عاد في مكان بالدولاب حتى كاسات جبن المراعي حتى الملاعق القديمة وكم فرشة وسجادة ومخدة ما تستعملونهم من سنوات وملابس البحر تبع الأطفال من زمان ما رحتو الشرقية أو جدة وصارو الأطفال يبغو موديل جديد وكم عندكم وايرات و وصلات جوال ما تستعملوها نهائيا وكم عندكم من تحف رميتوها بالدولاب مافي مكان تحطوها كزينة فيه وكم وكم وكم ... الحوسة اللي عندكم واللي تضطرو تشترو مثلا أكياس ضغط تحطوها فيها وترموها في الدولاب لأجل غير مسمى

كل هالأغراض ليه ما تبيعوها بخيمة مستعمل لو اللي اشتريتيه مثلا بخمسين ريال بيعيه مثلا بخمسة ريال مو أحسن ما يجلس سنوات طويلة من غير استعمال

خيمة مستعمل .... فكرة نتجت من الحاجة للتخلص من الأغراض المتراكمة وغير المستعملة في المنزل .... كل شيء فيها يباع بسعر زهيد جدا وجزء من ريع البيع يتم التبرع به لصالح جمعية الأطفال المعاقين وسترافق خيمة مستعمل حملة دعاية لو وافقت وزارة التجارة قسم سيدات الأعمال و رعت المشروع وسيتم دعوة احدى الصحف لتغطية المشروع

أتمنى رأيكم بصراحة بالمشروع ... ممكن تقولو في اسواق الحراج مليانة حاجات مستعملة زي ما قيل لي ولكن لما يتم البيع في جو زي أجواء البازار ويكون في مسابقة ويكون في نشاط ترفيهي للأطفال ... مشروع خيمة مستعمل ممكن ينجح نجاح كبير وكمان خلونا نحط في بالنا إنو في أسر وناس فقراء وفي أسر فقيرة جدا مثلا تلاقو أفراد الأسرة سبعة و راتب اللي يعولهم بس 1500 ريال ... ذلك المشروع يعتبر أيضا خيري وموجه لهذه النوعية من الناس وفيه تبرع بمبلغ مالي لجهة خيرية

أنتظر آرائكم أخواتي وبصراحة

مشروع حلو بس ياكثر الملابس اللي عندي بعضها لبستها مره وحده وركنتها بالدولاب وبعضا ما انلبست ولامره
والاغراض والشنط اللي مستعمله بس لسى بحاله جيده
بلاا انا اؤيده ولو سار اكون من الحاضرات لكن وين راح يقام
واليد الوحده ما تصفق