رجيم الست وجبات

علاج السمنة والنحافة

بسم الله الرحمن الرجيم

الكل معتفس في هالقسم يبا يضعف بس مافي اراده.. <----- انا من الجماعه للاسف :icon33:

بس بحط لكم الرجيم اللي مشيت عليه اسبوع ونزلت عليه 3 كيلواول اسبوع .. وان شاء الله اقدر ارجع اسويه مره ثاني من اول ويديد..

الرجيم عباره عن 6 وجبات خفيفه في اليوم، يتم اختيار الوجبات من الجدول لكل مجموعه غذائية.. وبين كل وجبه والثانيه على الاقل ثلاث ساعات..


والرجيم هو ..


الوجبه 1:
بروتين + كربوهيدرات نشويه + كربوهيدرات بسيطه طبيعيه.

الوجبه 2:
بروتين + كربوهيدرات نشويه + كربوهيدرات بسيطه طبيعية

الوجبه 3:
بروتين + كربوهيدرات نشوية + كربوهيدرات- الياف

الوجبه 4:
بروتين + كربوهيدرات نشوية + كربوهيدرات- الياف

الوجبه 5:
بروتين + كربوهيدرات نشوية + كربوهيدرات- الياف

الوجبه 6:
بروتين + كربوهيدرات نشوية (كميه قليله) + كربوهيدرات- الياف



المجموعات الغذائية

كربوهيدرات – الياف: (القياس كف كامل)

1. هليون. . . . 2. قرنبيط. . . . 3. بسله. . . 4. خس

5. طماطم، صلصة الطماطم. . . . 6. بروكلي. . . . 7. بازلا. . . . 8. خيار

9. فطر. . . . 10. سلطات. . . . 11. سبانخ. . . . 12. باميا

13. قرع. . . . 14. كوسا. . . . 15. فلفل حلو(جميع الالوان). . . . 16. لفت

كربوهيدرات البسيطه الطبيعية (الفواكة): (القياس ثمره واحدة)

1. تفاح. . . . 2. موز. . . . 3. عنب. . . . 4. جريب فروت.

5. برتقال. . . . 6. كمثرى. . . . 7. توت العليق(وجميع انواع التوت). . . .8. برقوق

9. شمام. . . . 10. جلي(كل انواع الفواكة).


كربوهيدرات النشوية: (القياس ½ كف اليد)

1. شوفان. . . . 2. بطاطا حلوه. . . . 3. جزر. . . . 4. ارز بني

5. بطاطا. . . . 6. خبز اسمر بالنخاله. . . . 7. معكرونه بنيه. . . . 8. حبوب (مثل كورن فليكس الرجيم)

9. عدس


بروتين: (القياس ½ كف اليد)

1. صدور دجاج. . . . 2. صدور ديك رومي. . . . . 3. سمك. . . . 4.المأكولات البحريه

5. لحم. . . . 6. بيض (1 صفار لكل 6 بياض)*. . . . 7. مشتقات الحليب قليلة الدسم


اطعمة اخرى: (كميه قليله جداً)

زيت حبوب الكتان، زيت الزيتون، زبدة الفول السوداني، مكسرات


* يعني اذا كلتي بيضه كامله يوم السبت.. لين السبت اللي بعده اذا حبيتي تاكلين بيض كلي بياض البيض بس.


وانتبهوا للكميه مع كل مجموعه.. مهم جدا.. كل وحده قياسها كفها .. وسُمك كفها بعد.


يتبع.. مثال ليوم واحد.. :26:
10
11K

يلزم عليك تسجيل الدخول أولًا لكتابة تعليق.

تسجيل دخول

miss_smilie
miss_smilie
يعطيك العافيه
غزلان الصحاري
الوجبة 1:
شريجة جبن شرائح قليل الدسم + شريجة توست اسمر + تفاحة

الوجبة 2:
شريحتين مرتديلا + شريجة توست اسمر + حبة برتقال

الوجبة 3:
قطعة دجاج مشويه (نص صدر مخلي) + رز اسمر + سلطة

الوجبة 4:
شريحتين مرتديلا + شريجة توست اسمر + خس

الوجبة 5:
قطعة دجاج + خضار مشكلة + شريحة توست اسمر

الوجبة 6:
شريجة جبن شرائح قليل الدسم + شريجة توست اسمر+ خيار او طماطم


اتمنى في حد يسوي معايه الرجيم ويشجعني بمعنى اصح يعطيني كفففففف ع ويهي عشان التزم شوي :(
غزلان الصحاري
الله يعافيج اختي.. شكرا على مرورج :)
الدانه666
الدانه666
هلا حبيبتى انا ودى ابد معاكى بس بسال انت كم تبين تنزلين؟
انا ابغى انزل فوق ال15 كيلو ....ز..احس الاكل كثير
غزلان الصحاري
هلا اختي ..

انا ودي انزل تقريبا 40 كيلوو :( بس ببدأ شوي شوي

بس الاكل مب كثير .. لان كل وحده بيكون لها قياس معين .. ع حسب حجم كف ايديها كان صغير ولا كبير :)

خلينا نجرب اسبوع مب خسرانين شي ..

متى تبتدين انا معاج :)