تدورين مشكلة تزعلين عليها ؟
معليش ما اشوف شي غريب
رجال وخطب قبلك وردوه ما فيه له عندهم نصيب سواء الرفض جاء منه او من البنت
ربي ما ألف بينهم وكتب النصيب
وجالسه هنا زعلانه ؟
طيب ياما ردينا رجال واكيد رجالنا خطبوا قبلنا
ليه الغلبه والانسان يعيش في مأساة ويمرض نفسه بكلام !
ليه تعطين الناس فرصه يتكلمون عنك وعنه ؟
ليه حاطه على هذي النقطة مكبر ومسويتها مشكلة عظيمة ؟
شايفه على الولد مشاكل دينية او اخلاقية ؟
وغيره لا هو من حقه يخطب غيرك ومن حق غيرك يرفضه
وسالفة الكذب عليك مع اني ما احب الكذب مهما كان سببه لكن ممكن قصده يألف بينك وبينه ويزيد المحبه بينكم واظن اغلب الرجال يرون انه جائز شرعا ( واتوقف عن الافتاء هنا لانه يحتاج مفتي )
عموما كبرتي الموضوع
وقمتي تلاحقينه وتناقشين يمين ويسار
نادرا اللي تلاقين رجال وصل لل30 سنه ولا قد خطب ولا مره قبلك
ونصيحتي لك اتركي الصغائر وحاولي تفهمين زوجك وتعيشين حياتك معه بدون نكد او زعل على سخافات
بعدين بيني وبينك هذا يخليه يعرف قيمتك وان محد رضى فيه غيرك ومحد بيحط بكره بنته عنده ويجيب على راسك زوجة ثانية ^ ^

والله جالسه تنكدي ع نفسك وبس
واذا خطب قبلك وتفركشت لانه من نصيبك
ربي كاتب قدره انتي مو بنت ثانيه
وثقي بنفسك
ولاتعكري ع زوجك من أول زواجك يعتبرك نكديه

ياحياتي لاتسمعي لاحد غللللط وانتي توك شكلك عروس ترى اكبر غلط تسمعي كلام الناس في حياتك مع زوجك
ان شاءالله خطب مليون قبلك وين المشكله ؟
اليوم انتي زوجته وهو لك ياقلبي ماتسمحي لاحد يدخل بينكم ترى شياطين الانس كثير


انا شخصيا زوجي كان خاطب قبلي 2 وحده بس خطوبه ووحده شافها شوفة شرعيه واتفقو وكل شي لكن ماتم النصيب سبحان الله بسبب وفاة ابو زوجي
وزوجي وقتها تعب نفسيا وفسخ الخطوبه

وانا برضو كنت مخطوبه قبله وتميت مخطوبة سنة مع خطيبي السابق وماتم النصيب لاسباب ربانيه سبحان الله

وهذا انا مع زوجي الله يحميه لي مااشوف في دنيتي غيره وهو ولله الحمد يحبني كثير ومايسمع فيني ويفضلني على نفسه والله :)

لااااااتسمحي لاحد يدخل في حياتك حطي خطوط حمرا في اي شي يخص حياتك وزوجك وبيتك وعيالك
ماحد يفتح فمه نهائي وانتي اسمعي من اذن وطلعي من الثانيه

مدري زعلانه علشانه خطب قبلك
يعني تبين واخد ماخطب غيرك انتي ولو شاف غيرك ماصار نصيب غير معك وترى الناس اذا شافو وحده نخطبت
شتغلت الغيره وتاليف ومو كل مايقولون وكاله قالو صدق
اخوي ماعمره خطب واول ماخطب كل البيوت قالو خطب منا هههههههه
وخربت على نفسها خطيبته وجلست تقول ليش تخطب فلانه الي هي صديقتها وعلى طول فسخ الخطبه
وتزوج وحده غيرها ومعه بنت مبسوط وهي جالس بيت اهلها ماتزوجت الى الان

انتي مريضه صدق
تراه عادي اذا خطب قبلك ماكان يخون ولا يزني والزواج قسمه ونصيب
ليش ذلحين تتكلمي وتبكي وتسوي مشاكل على شي فات تبغينه يهج منك صدق
وش خدعك ماخدعك ترى كان يخطب مو لازم يكون عندك خبر
وكلامه انه كان يحبك سواء صدق او كذب هذا شي راجع له مايقل من قيمتك ولاانتي غبيه ولا مخفه
اصحي من الهبل اللي انتي فيه وش منهاره ياربيييه وش ثار لذا كله
وكمان تقارنين نفسك بغيرك وماراح تعبين عينه وين ثقتك بنفسك عبيتي عينه ولا عمرها ماتعبت
انتي من جد قاعده تهدمي حياتك على شي مايسوى وماراح يخسر الا انتي اذا مل من هالمشاكل التافهه والتحليف والتكذيب راح يتركك وساعتها خلي هالتفكير السلبي ينفعك
خليك واثقه وانسي هالاشياء تماما هذا رزقك ورزقه