صابونة البابايا بالقطع (تناسب الكل بدون خلاف)
صابونة الكركم بياري (تناسب الكل بعد)
صابونة الغار (ماعليها كلام بس اخذو المجيسة تكون رطبه)
صابونة الطاووس بالحليب (نفس الشي)
صابونة اليوكو (تبيض وضفتها بدال السحرية لأن خوفونا منه ماحطيتها
+
خلطة بودراتي :
سدر مطحون + ترمس + خزامى + بابونج + حلبة + شوفان (مقدار استكانه من كل واحد) + ملعقةكركم
حطوا الخلطة بعلبة . (رووعه للتبييض)
+قارورتن ماي ورد
+ نص استكانة زيت زيتون + مقدار 2 غطا زيت لافندر (ترطيب وتعطير)
+ نشا ودم الغزال (تفتيح وتوريد) وبعلمكم شتسوون فيهم .
ما استعمل ملح اليوكو ( لانه يحرق بعض الاجسام وعلى بشرة الويه قوي + انه يخفف من رغوة الصابونات)
........................................
نبدا بطريقة الخلطه :
1- نبشر جميع الصابونات ونسخن بطل ماي ورد كامل وقبل لايغلي نسكرة ونظيف
الصابون عليه ونخليه اطول فترة ( انا اخليه 6ساعات او يوم)
انا هني استبدلت الغار بصابونة لشد وترطيب البشره (بزيت جوز الهند) .. لان الغار اهي اللي تنشف الصابون وتمتص الرطوبه منه ولونها خايس خخخ
وهني نقعتهم بفازة عوده بماي الورد .
2- نحضر جدر صغير او الجدر نفسه اللي فيه الصابون ونشغل عليه النار وتكون هادية
ونقعد نخلط الصابون بملعقة يستحسن خشب ونخلط ونخلط ليين نشوف كل الصابون ذاب
وخلال الخلط نظيف ملعقتين من خلطة البودرات بعد ما نرجها عدل .
.. وحطوا بالكم لايغلي الصابون ان شفتوا فقاعات سكروه وكملو خلط بدون نار .. وحاولوا
تذوبون الصابون اللي ماذاب عن طريق عجنه بالملعقه على اطراف الجدر .
3- نحط الخلطة بالثلاجه وبعد ساعة نطلعها تكون بردت .. هني اتيي الخطوة الاهم
علشان اسوي صابون طري مثل الكريم وريحته ولونه خياال :
البس قفاز اجيب ماي الورد الثاني واخليه .. ابدي اعجن الصابون بيدي وراح الاحظ انه
صار جامد فراح اضيف شوي شوي من ماي الورد واكمل عجن (اللي تشوف صابونها طري ومايحتاج
يطرا اكثر لاتزيد ماي ورد ) .. احرك الصابون بيدي لييين اشوف
انه صار كريمي ... و اضيف زيت الزيتون
واللافندر اللي حضرته واخلطه زين مع الصابون .
انتوا بتشوفون ان الصابون صار حيييل خفيف وطري بزياده بس ترى راح يجمد عن هالشكل ثاني
يوم .. عشان كذالاتحاتون
شوفوه شلون طري ..
4- لما اشوفه وانا اعجن صار نفس الكريم وحتى لونه تغير شوي الى الاوف وايت اجيب ربع كاسةماي باارد واحط
فيه ملعقتين نشا واخلطه عدل واحط فوقه دم الغزال على الخلطة واعجن .
بس راح اعبي الخلطة بعدين بالعلبة
شوفو اللون شلوون رهييب
منقولانا حربتهابس بدوناليوكا لانة ينشف جسمي ويسمرني وكمان بدون الافندر
وجربوها مرة ززززززززززززززينة