السلام عليكم صلوا على النبي
للاسف هذي نظرة مجتمعي اللي عندها شغاله هي السنعه اللي تعرف تدلع نفسه مو مثل اللي ماعنده راح عمرها وهي تكرف وتشتغل ماتحس بالعز انا متزوجه وعندي طفل بالروضه وبنت 3سنوات ورضيع له شهر وماني موظفه وساكنه بشقه كل اللي حولي من اهلي جدتي خالاتي امي خواتي اغصبوني اقدم شغاله وانا مرتاحه بدون بس اللحين زوجي يعمر لنا بيت صغير ونشبوا بحلقي جيبي شغاله قبل تسكنون بالعماره وعلشان تتعلم من اللحين مع ان البيت ماراح يخلص الا بعد سنه ان شاء الله
وكل البنات اللي حولي عندهم شغالات وهم مو موظفات ومعاهم ع طفلين صدق مدلعات انفسهن على الاخرر واطفالهن مع الشغالات والكل يزن على راسي شوفي فلانه وفلانه مو احسن منك وزوجي بعد يبغى شغاله لانه راعي عزايم ويبي يعزم الرجال على راحته واذاقلت تعبت قال عندك شغاله مافي عذر وحتى علشان يقنص مع الشباب الاربعاء والخميس ومايبي نكون لحالنا بالبيت عندنا شغاله تكثرنا وتجسرنا مادرى ان الشغاله هي مصدر خوفنا
قدمت شغاله اثيوبيه واللحين عندي ماعليها حبوبه بس خفت من اللي اقراء واسمع المشكله عيالي مايبونه ابددد ولدي اللي بالروضه نفسه شينه وماتقبلها ابد يقول مانبغاها خليها تروح ليش هي سوداء واذا اطبخت يقول وووع ماراح اكل المشكله اخته تقلده بدت تقرف من الشغاله ويتلفضون عليها وهي تحاول تتقرب فيهم بس مايبونه
اللحين بطلع من النفاس ان شاءالله وبرجع لبيتي الشغاله لها 4شهور عندي وماشفت منها الا كل خير البلاء بعيالي الله يصلحهم بس لاحظته بدت تطفش منهم وتراددهم بالكلام وتقولي بيبي انتي مافي كويس بس انا احبهم ومااقول شي لانك انتي مدام حبوبه انا احبك خفت منه وقلت لزوجي قال تبين اعرضها للبيع قلت اصبر اشاور اهلي والمشكله كلهم عصبوا علي يقولون مجنونه تفرطين فيها ذكيه وتعرف عربي وطباخه ومره عسسسل ماشاءالله بس المشكله بعيالي شوروا علي وش اسوي الشتاء جاي الاطفال يبي لهم عنايه وزوجي قناص يروح لشمال والسودان واذا متواجد عندنا راعي عزايم صحيح مايكلف علي بالطبخ حاجات بسيطه بس اللحين عندي رضيع يروح وقتي انا احب الشغل ومتعوده الحمدلله بس مدري كيف اقنع اهلي خاصه امي لانه تتعب مع عيالي اذا رحت مثلا لسوق اومستشفى او مناسبه لااهل زوجي اجلس اطفالي ابيت اهلي
مع العلم عند اهل زوجي خواته وحريم اخوانه اللي مثلي انا الوحيده اللي عندي شغاله نظرتهم لي اني مدلعه مايدرون اني بعذاب نفسي وضيق هم احسن مني مليون مره نفسيا
مواصفات الشغاله ممتازه ماشاءالله مخلصه وعسل بس الخوف ذبحني واحس بصداع من كثر التفكير محتاره والسبب بعد كيف ابنقل لبيت جديد ان شاءالله من يساعدني
افيدوني ابي رايكم
الغزال الريم @alghzal_alrym
محررة برونزية
يلزم عليك تسجيل الدخول أولًا لكتابة تعليق.
والله يالغلا مافكر بحكي الناس وكلامهم لان بنتعب اهم ماعليك راحتك النفسيه واستخيري وتوكلي على ربك دامك مو مرتاحه نفسيا ليش تعيشين نفسك بهم من اجل ارضاء نظرة ناس للاسف اشوف تفكيرهم محدود جدآ والله يكتب لك اللي فيه خير لاموركوالله يالغلا مافكر بحكي الناس وكلامهم لان بنتعب اهم ماعليك راحتك النفسيه واستخيري وتوكلي على ربك...
مشكوره
بس اهلي قصدهم يبون لي الراحه لانه بصراحه ريحتني مرررره ماشاءالله بس اللحين خفت بعد اللي نسمع
بس اهلي قصدهم يبون لي الراحه لانه بصراحه ريحتني مرررره ماشاءالله بس اللحين خفت بعد اللي نسمع
انا نفسك مااحبهم وماعندي شغاله اختي عندهاثنتن والعايله كلهم عندهم واختي كانت بجمعه وقالت انهم يتكلون علي ليش ماعندي شغاله مع اني عندي خمس اطفال ماشاء الله تبارك الرحمن الا ان ولا همهم مادام اني متعاونه ومقسمه الشغل وزوجي بيساعدني ليش له الشغاله الي بتخليني ماانام من التفكير وان شاء الله مااحتاجها ان شاء الله
استخيري وشوفي اللي يريحك
ونصايح الناس اسمعيها لكن ماانتي ملزومة تنفذينها
الله ييسر لك الخير
ونصايح الناس اسمعيها لكن ماانتي ملزومة تنفذينها
الله ييسر لك الخير
لاتسمعين كلام احدالزم ماعليك راحتك النفسيه وعلا قولتك ادا زوجك عزم يجيب اكل برا وماعليك الا الاشياء الخفيفه اذا تبغين نصيحيتي استخيري والله كانت عندي ورجعتها وانا في نهاية التاسع وولدت ونفاس والله ييسر من عنده بمجرد ماطلعت من بيتي وانا مرتاحه نفسيا وحتا زوجي ارتاح وعيالي بعد
الصفحة الأخيرة
والله يكتب لك اللي فيه خير لامورك