لازم تعرفي
القصة بدااة نفس هاليوم في رمضان الي فات واشتريت جوالي e72 محلات الجوالات الي البلد وبضمان الحداد وحلف صاحب المحل انو الجوال والاكسسوارت اصلية وكل شي وجلس الجوال معاي تمام لغاية اول شعبان مارضي يشحن وطفي نهائيا وزوجي مرررة كان مشغول واخذ الجهاز من امس ووداه عن الحدد للضمان ومسك فيه حق الحداد وشوي يجيب الشرطة لانو طلع راعي المحل مزور الضمان والرقم التسلسلي والاستيكر الي تحت البطارية يعني نصب ماحد يقدر يعرفو ابدا فانتبهو يا خواتي لانو ممكن الجوال يكون مستعمل وجددوه او مسروق وجددوه او صيني وجددوه وهذا كلام خبير في الجولات نقلته من النت
انا ولله الحمد واعوذ بالله من كلمة انا ، انا مهندس صيانة بأحدى شركات الضمان وياما وياما جونا ناس وقد خدعو من محلات كثيرة بسبب انهم اشترو اجهزة بلاك بيري مستعمله على انها جديدة !!!
في محلات كثيرة جدا ماتخاف الله يشترو الاجهزة المستعمله ويجددوها ويبيعوها على انها جديدة وهي بالاساس مستعملة !!!
يعني مثلا الجهاز سعره جديد 1000 ريال هم يشترو المستعمل بـ 500 ريال ويادوب نزلو لمحلات بيع الجمله واشترو ذاك الشاحن وذيك السماعة وذاك الكيبل واشترو كم قرطاس (بينباع بمحلات الجملة حق الاكسسوارات) وهه كلها ماتكلفهم ولا حتى 50 ريال فقط !!
وجابو ذاك الكرتون مع تعديل الاستيكر (وهم اصلا مايعجزو عن احضار كرتون البلاك بيري)
وجمعو كل ذيك الاغراض وسوو ذاك السوفتوير للجهاز ورجعوه جديد وكاله ويعرضوه للبيع على انه جديد ويكسبون مايقارب نص قيمه الجهاز في بيعته !!!!
لانهم لو نزلو اجهزة جديدة من وكالات الشركات فمكسبهم راح يكون محدود بحدود الـ 50 ريال تقريبا ، لكن لو جددو الجهاز وباعوه مستعمل على انه جديد فكذه راح يكسبون مايقارب الـ 400 الى 500 ريال تقريبا !!!
وهم اصلا للاسف مايدرون انه الـ 50 ريال وهي حلال توازي الـ 400 والـ 500 وحتى الـ 1000 ريال ان كانت حرام !!!
يجيني واحد وبيسئلني عن كروت الضمان بجي وبقولكم سالفة كروت الضمان ،،،
فيه بعض كروت الضمان من السهل جدا تزويرها وتعديلها (الله يخلي الاسكنر او الماسح الضوئي) !!
وهذه الكروت او الضمانات اسهلها بالتزوير هي ضمانات (الباشا والحازمي ونغمة جدة) !!!
عشان كذة بقولكم وانصحكم مافيها شي اذا بتزودو على فلوسكم 100 او حتى 200 ريال لكن بتشترو شي نظيف شي جديد شي عليه القيمه وبأحلى الضمانات
مرة قبل شهرين تقريبا جانا شايب كبير بالعمر ومعاه بلاك بيري (بيبي بولد) وقال لموظف الاستقبال عندنا ، انه اشترى الجهاز هذا قبل شهر (هدية لبنته الله يستر عليها) واول امس طفى الجهاز عليها فجاءة !!
وقتها كنت انا خرجت من قسم الصيانة وجلست عند الاستقبال (وقت البريك حقي) ،، المهم جيت وسئلته من فين اشتريته ؟ قال من شارع فلسطين من المحل الفلاني !!
قلتله طيب فين كرت الضمان ؟ قال : انو اللي باعله الجهاز قاله انو مو شرط يكون في كرت ضمان للجهاز لانو السيريال نمبر حق الجهاز يعتبر ضمان للجهاز !!!!!!
الشايب المسكين صدق كلام البايع واشترى الجهاز والبائع طبعا اكيد قاله بانه غير مسؤؤل عن الجهاز لو صارله شي لانو الجهاز عليه ضمان !!!!
وانا بنفسي فكيت الجهاز واقسم بالله لقيت الجهاز ملعوب فيه لعب مو طبيعي !!!
لاحول الله ولا قوة الا بالله !!!!
للاسف تكلفة صيانه الجهاز كلفته مايقارب الـ 350 ريال واكون صادق معاكم ويشهد عليا الله عزوجل اني ساعدت الشايب ولله الحمد بجزء بسيط من تكاليف الصيانه
خلاصة الكلام :
فيه ضمانات شركات مايحطون استيكرات على الاجهزة (من تحت البطارية) ، زي الحداد مايحط استيكر الحداد على الجهاز وللاسف حتى احنا كمان شركتنا ماتحط استيكرات على الاجهزة اللي نبيعها احنا ،، لكن يستحيل شركة كبيرة زي شركات الحداد والاكسيوم والاتصالات (آي تو) يغامرون بسمعتهم بسبب 300 او 400 ريال ، فتجدهم يبيعو الشي الاصلي والنظيف والجديد ،،،
احذرو من بعض البياعين في المحلات يقولولكم في اي جهاز مو شرط البلاك بيري يقولولكم الضمان على السيريال نمبر لانو مافي ضمان بالسيريال نمبر ابدا !!!
الضمان على الكرت او البطاقة وبسسس غير كذه انتبهوا انتبهوا انتبهوا ،،،
تاليا باقادر @talya_bakadr
محررة برونزية
يلزم عليك تسجيل الدخول أولًا لكتابة تعليق.
نواصي الغد
•
يعني الحداد غشاش ؟
يعني الحداد غشاش ؟يعني الحداد غشاش ؟
لا ياختي الضمان حق الحداد مزور لما تشتري من المحلات الغشاشة عشان كدة لما زوجي اخذ الجوال لصيانة عند الحداد قالو انو الضمان مزور وما يقدرو يصلحو الجهاز
الصفحة الأخيرة