القسط علاج للمس والسحر

نزهة المتفائلين

الكل عارف اهمية الحجامة في علاج الامراض الروحية ..وممكن تعمل مرة واحدة بس وممكن تكرر عدة مرات على حسب الحالة .. الناس الاصحاء يعملون الحجامة مرة كل 6شهور ..أما مرضى السحر ممكن تكرر "يعني تعمل مرة بالشهر لكن تكرر شهرين أو 3 شهور إذا كان السحر متمكن من الجسم" اما مرضى الحسد والعين تكفيهم مرة كل 6شهور.اهم مافي الموضوع ان المريض خلال عمل الحجامة يرقي نفسه يعني يقرأ الكرسي والمعوذات وينفث على نفسه .. سبحان الله علشان يكون علاج مكثف يعني حجامة ورقية بنفس الوقت وهالشي هذا أثره عظيم على المريض .. وقبل الحجامة ضروري ياكل المريض نص ملعقة شاي صغيرة قسط هندي مطحون وهذا ذكرة الشيخ فهد البناي خبير الحجامة والاعشاب المعروف وبعد الحجامة بعد ياكل قسط هندي والسبب؟؟؟؟؟؟؟؟؟
تساعد الجسم على طرد الاخلاط الفاسدة من الدم "قطع الدم اللي تظهر خلال الحجامة " الحجامة موضوعها متشعب تقدرون تاخذون خلفية عنها من خلال جوجل ..
بتكلم الحين عن القسسسسسسسسسسسسسسسسسسسسط .. وماأدراك مالقسط ....ياليت كل المرضى يعرفون اهميتها ..للاسف الناس تجهل فوايد القسط العظيمة .. اذا كان الواحد سليم ومايعاني من اي امراض المفروض يداوم على اكل القسط ليش؟؟؟ لانه يعمل وقاية للجسم من جميع الامراض ومامنه اي خطر اهم شي ماتاخذه الحامل والمرضع وطبعا مايأكل على معدة خالية لانه حار شوية واللي عنده تعب بالمعدة يستشير الطبيب قبل ماياخذه .
مرضى المس والسحر راح يحسون بفرق شاسع بعد القسط وراح يقطعون شوط كبير بالعلاج سبحان الله يعني علاج فوري ونتايجه سريعة ..والله يااخواني واخواتي مو قاعدة اتفلسف عليكم انا جربته مع نفسي ومع ناس كثيرين حولي وتحسرت لاننا ماعرفنا قيمة هالعلاج الا متأخر والسر بالقسط .. ان الشياطين تنفر منه والله والله والله انه من أبغض الاشياء لهم ليش ؟؟؟؟؟؟؟ماادرى .. مايعرف قيمة كلامي الا الناس اللي جربوه .. شي عجيييييييييييب فعلا اللي يبي نتائج سريعة يبلش بالقسط!!!!!!!!!!كلامى هذا مايعني انه يترك الرقية والعلاجات المعروفة للسحر والمس والعين لاااااااااااااااااااااا يستمر عليها لكن القسط أثره فوري مو مثل الرقية والعسل والحبة السودا تاخذ وقت وهذا عن تجربة سنين مع المس والسحر والعين والحسد انا اتكلم عن نفسي ..جربت كل شي على نفسي وعائلتي .. لكن ماشفت مثل القسط والحجامة ..
طريقة القسط الهندي :
طبعا بعد ماتشترونه من العطار ضرورى تغسلونه
وتتركونه يوم كامل يجف قبل ماتطحنونه
استخداااااااااااااااااااااااماته:

(1) تؤخذ اعواد القسط ويبخر البيت فيها عند المغرب ..لطرد الشياطين وتحصين البيت وهذي الوصفة ذكرها لي اكبر شيخ معالج بمنطقتنا يعني ثقة والله على مااقول شهيد وسبحان الله ريحته حلوة يعني لا تخافون والله كل اللي استخدموه قالولي لما نبخر فيه البيت نحس براحة عجيبة ((كانت عندي حالة من قريباتي وكانت مسحورة وبعز تعبها رفضت تاخذ القسط مني لما مديته لها على اساس تتبخر فيه وكنت اشوف على ملامحها الضيق والنفور من القسط والله كل ماتشوفه تتضايق وتعصب وتقطه بوجهي وتقول مااااااااابيه ((في الاساس الجنية اللي معاها متضايقة منه مو هي ..حقيقة لانها كانت تحضر على جسمها وتتكلم يعنى قريبتي من تشوف بخور القسط او دهان القسط تصير بحالة مو طبيعية وهذا دليل على ان الجن مايتحملون هالعلاج وبسهولة عن طريقه نطردهم من الجسد ومن البيت ))
(2) يؤكل القسط كلهوم مع ماي او مع عسل افضل اهو حار شوية بس طعمه مقبول ناخذ مقدار نص ملعقة الشاي الصغيرة مو اكثر مرتين باليوم بعد الاكل على الاقل بساعة اهم شي مو على الريق ومو بعد الاكل مباشرة يسبب حارج .. بعد الاكل بساعة او ساعتين ..والله راح يلعب بحسبتهم لعب (الجن )
راح يشوفون الموووووت بعيونهم خصوصا اذا شرب معاه ماي مقري فيه وتدهنتم بدهان القسط بنفس الوقت وسمعتم رقية راح تشوفون العجب العجاب ..اقسم بالله اشياء شفتها بعينى .. اللي معاه مس بعد اكل القسط والدهان بدهان القسط راح يحس بمثل النار داخل جسمه وبيحس بتعب بزيادة شوية وهذا دليل على قوة هالعلاج على الجن وعلى مادة السحر داخل الجسم ..اقوى علاج بلا منازع .
(3) دهان القسط :
يوجد بالسوق دهان القسط لكنه مخلوط يعنى مامنه اي فايده تجاري احسن شي تسون هالدهان وهذي الوصفة من ابتكاري وبعد ماشفت نتايجها المذهلة حبيت اشارككم فيها لعل وعسى كل المحتاجين يستفيدون منها وان شالله تكون سبب بعد الله بشفاءهم
تاخذون زيت زيتون مقري فيه طبعا على حسب الحالة اللي فيه سحر يركز على ايات ابطال السحر المهم تحطونه على نار هادية علشان مايحترق وتضيفون ملعقة كبيرة من القسط المطحون وتضيفون حبة سودا مطحونة وشوية سدرمطحون واول مايسخن تطفون النار علشان مايحترق وتخلونه يبرد علشان الزيت يتشرب مادة القسط بعدين تصفونه وتتدهنون فيه عادي بس عجييييييييييييييييييييييييب


الافضل ان مايدهن فيه الوجه تعرفون السدر والقسط حار عالبشرة ممكن الوجه تدهنونه بزيت عادي ..وفي معلومة مهمة جدااااااااااا قالها السدحان المعالج المعروف ان من الخطأ انكم تدهنون الرجلين مع الجسم بالزيت المقري فيه يعنى تدهنون الجسم كله الا القدمين سبحان الله تدرون ليش؟؟؟؟؟؟؟؟؟؟
لان الجني راح يحترق من الزيت فيحاول الهرب لاى مكان ثاني بالجسم مايكون مدهون ..بهالحالة راح يهرب للقدمين يعنى ينحبس بالقدمين ويترك الجسم كله يعنى راح تحسون بالعافية بعد ماينزل تحت واحتمال بعد تكون هالطريقة سبب لخروجه من القدمين ..ولا تنسون قبل الرقية ضروري تدهنون بالدهان علشان تكون رقية مركزة وياريت تشربون ماي مقري فيه بعد خلال الرقية وتاكلون حبة سودا مقري فيها ايات ابطال السحربعد خلالها وممكن للناس المسحورين ينقعون ورق سدر مغسول، بماي صحة مقري فيه ويشربون خلال الرقية .
بس حبيت انبهكم .. ضروري تقرون بالقسط الهندي قبل استخدامه حتى لو الكرسي والمعوذات بس
14
16K

هذا الموضوع مغلق.

مروكو الصغيرة
يعطيك العافية
ثريا3
ثريا3
صحيح كلامك يا اختي .. بس القصد يسبب التهاب للمسالك البوليه ..
في هذا المنتدى من قبل فيه بنات ذكروا قصتهم مع القسط الهندي ..
نووووووران
نووووووران
يعطيكم العافيه ، طيب بسأل عن القسط اللي في كبسولات اشتراها زوجي لي لأن اللي في المحل يقول إنها أخف على المعده ، بس خايفه مايكون نفس مفعول القسط العادي ومتردده أستخدمه .
سالي40000
سالي40000
طيب اختي انا عندي قولون والام بالمعده عادي
*فلافل*
*فلافل*
جزااااااااااااك الله خير