السلا عليكم ورحمة الله وبركاته ..
اخواتي الكريمات هنا اضع بين ايديكن تجربتي مع عملية تكبير الصدر وهذي اول مشاركه لي واول موضوع .. من زماان وانا كنت متابعه مواضيع المنتدى لكن قلت ما راح اسجل الا بعد ما اعمل العمليه وبعدها انقل لكم تجربتي ..
لقد عانيت من صغر الصدر من وانا صغيره وانا الان في نهاية الثلاثينات .. وصغر زياده بعد الحمل والولاده وزياده على كذا اصبح واحد اكبر من الثاني بشكل غير ملحوظ ..
جربت كل شي يخطر ببالكم من كريمات وتمارين واكلات واعشاب وزيوت ..
واجهزه ,, وبالاخير توكلت على الله وقررت اعملها بحثت في النت عن مراكز واطباء يسوونها بالرياض ..
واتصلت على كذا مركز بعضهم اعطاني موعد بعد سنه واللي بعد ست شهور .. قلت ان شاء الله راح اسويها خلال هالفتره مادام العزيمه والاراده عندي قويه ..
رسيت بالاخير على مركز ادمه واتصلت عليهم وطلبت افضل طبيب يسوي عملية تكبير الصدر .. اعطوني موعد مع الدكتور
سعود الشلاش .. والموعد كان بنفس الاسبوع اللي اتصلت فيه .. رجعت بحثت عن اسم الدكتور بالنت ناس مدحوه وناس ذموه .. ذهبت لموعدي وشرحت للدكتور معاناتي ولكن كان عندي مشكله بالدم بمعنى اني استخدم مسيل للدم بالبدايه رفض اجراء العمليه لي وقال الافضل تعملينها بحكومي افضل لان عندهم اطباء دم ومتخصصين .. حاولت اقنعه وقال شوفي واسالي اذا فيه مستشفى حكومي , طلعت من عنده وانا اجر اذيال الخيبه والحزن .. وبعد يومين ما استسلمت ذهبت لطبيبي بالمستشفى الحكومي واخبرته عن العمليه وكتب لي تقرير ان حالتي تسمح بالعمليه
ورجعت لمركز ادمه واعطيت الدكتور سعود التقرير واقتنع وبدا بالاجرارات واعطاني مواعيد وطلب مني تحاليل
واعطاني التكلفه النهائيه للعمليه ,, 28000 ريال سعودي بدون المشد والادويه ,,
عملت التحاليل واعطوني موعد للعمليه بعد اسبوع وزرت طبيب التخدير ورجعوا قبل العمليه بثلاث ايام يخبروني بتاجيل العمليه لسفر الدكتور , وقلت لعله خير واعطوني موعد بعد عشر ايام ,, وجاء وقت العمليه ذهبت للمركز وانا صائمه قبل 8 ساعات الساعه عشر صباحا دخلت واعطوني مضاد حيوي واخذت مهدىء اصبحت بعده كانني في عالم ثاني مسترخيه لاخر درجه لاني كنت قلقه جدا ..
نزلت غرفة العمليات وانا طول الوقت ادعي الله يتمم لي على خير , طالعت الساعه قبل ما اخذ البنج كانت 12 ونص ظهرا .. صحيت واطالع انا وين لقيت نفسي مازلت بغرفة العمليات وكان بجنبي ممرضتين واطالع الوقت وكانت الساعه ثلاث الا ربع عصرا ,, كلمتني الممرضه وطمنت علي وطلعوني غرفتي ومو مستوعبه اني خلصت العمليه اللي كنت شايله همها كل هالفتره .. طالعت صدري طبعا كل شي مغطى بشاش ومشد تحسسته بيدي حسيت بالحجم ..
كانت حالتي مستقره وعلى المغرب طلبت من الدكتور اطلع وارجع من بكره وكانت المشكله بالانابيب اللي موصله بعد العمليه طلعت وهي موجوده ورجعت للمستفى من بكره الصبح وانا منتظمه عالمضاد والمسكن ,, ماكان الالم شديد جدا يمكن لان مفعول البنج لسه موجود طلعت العصر من المستشفى والانابيب موجوده واخذت موعد بعد يومين للعياده ازال الدكتور الشاش طبعا كان كله كدمات وكان قاسي كثير لكن لاحظت الحجم كان حلو ومشدود
ازال الانابيب واعطاني موعد بعد اسبوع و مازلت منتظمه على المضاد لي الان 11 يوم من يوم العمليه انا عملتها من ثنية الحلمه عشان مايكون لها اثر فيه باقي اثر ومكان الانابيب لكن قال الدكتور بتروح مع الوقت الخيوط بتذوب من نفسها بعد كم يوم ومو محتاجه ازالتها . الالم مازال موجود لكن يتحمل ومازال الصدر قاسي شوي والكدمات زال معظمها ..
للامانه الدكتور شاطر جدا وحريص على كل كبيره وصغيره تخص المريضه لاني سمعت كثير يسبونه بمنتديات اخرى
تماربن بنت عذاري _ زيت الحلبه _ الحلبه _ مشروب الصويا _ الماش _ زبيب يماني _ خلطة حلاوة الطحينيه مع الفول السوداني _ كريم زين الاتات _ جهاز تكبير الصدر _ تمارين تكبير الصدر ...... الخ كل هذي طوال السنين اللي راحت وانا استعملها ما رايت نتيجه ولا واحد بالميه ..
هذي تجربتي طرحتها بين ايديكم .. وعذرا عالاطاله .
روز2013 @roz2013
عضوة جديدة
يلزم عليك تسجيل الدخول أولًا لكتابة تعليق.
قال تعالى(اتستبدلون الذي هو ادنى بالذي هو خير. )
حرام عليكم تغيرون في خلقة رب العالمين..
حرام عليكم تغيرون في خلقة رب العالمين..
روز2013
•
اآه اخاف من العمليات اخاف تكون وراها مضاعفات مادري انا عن الدكاتره اذا ممتازين مثل الدكاتره اللي بالخارج خاصه بعمليات التجميل ماعندي اي خلفيه حدهم ولاده اخاف من هالامور عندي نفس المعاناه تعبت كثير ومابقى شي ماسويته ولافي نتيجه افكر كنت بالعمليه واحس هذا الحل النهائي لي لكن اخاف هالوقت كله تسمعين بحمله ضد الخبيت للثدي فاانا اخاف احط شيء زي السيلكون او كذا طيب هل تبين مكان الخياطه ولايروح تحسين الالم راح خلاص ؟ طيب هل تحسين انه شكله طبيعي ولا منقسم من النص الثدي بسبب السيلكون ؟ اعطيني اسم الدكتور واي منطقه بالرياض طيب اللي ترضع ؟ هل ينفع ترضع معه ولا لا انا اللي اعرفه ماينفع لازم لما تخلص من الانجاب حتى توقف رضاعه وتسويها الحمدلله على سلامتك يارب الله يتمم عليك الشفاء والعافيه يارباآه اخاف من العمليات اخاف تكون وراها مضاعفات مادري انا عن الدكاتره اذا ممتازين مثل الدكاتره...
الله يسلمك مس هايدي .. ويجزاك خير ..
انا اليوم لي 12 يوم من العمليه الالم خفيف جدا لايذكر مع الحركه فقط .. بالنسبه لمكان الخياط اذا كان الجرح بالحلمه نفسها مايبين لكن اذا كان تحت ثنية الصدر يظهر خط رفيع يزول مع الايام .. والسليكون على كلام الطبيب امن شي وماله علاقه باورام الصدر ..
وشكله وملمسه حاليا يذكرني بفترة النفاس اول ماتولدين ويكون صدرك شاد وقاسي شوي وعلى كلام الدكتور خلال شهر بيطلع ملمسه وشكله طبيعي ولين .. وبالنسبه للرضاعه ماياثر انا سألت الدكتور وتأكدت بعد العمليه لان صدري كان فيه حليب لاني اجهضت من سنه وشوي تقريبا لما ظغطت على صدري نزل حليب معناته ما يأثر عالرضاعه ..
الدكتور موجود بمستشفى العسكري وهو عميد مشهور جدا بالمستشفى اكتبي عنه بقوقل وبتلاقي معلومات عنه
اسمه العميد الدكتور سعود الشلاش وموجود بمركز ادمه بالرياض مقابل مدينة الملك فهد الطبيه .
انا اليوم لي 12 يوم من العمليه الالم خفيف جدا لايذكر مع الحركه فقط .. بالنسبه لمكان الخياط اذا كان الجرح بالحلمه نفسها مايبين لكن اذا كان تحت ثنية الصدر يظهر خط رفيع يزول مع الايام .. والسليكون على كلام الطبيب امن شي وماله علاقه باورام الصدر ..
وشكله وملمسه حاليا يذكرني بفترة النفاس اول ماتولدين ويكون صدرك شاد وقاسي شوي وعلى كلام الدكتور خلال شهر بيطلع ملمسه وشكله طبيعي ولين .. وبالنسبه للرضاعه ماياثر انا سألت الدكتور وتأكدت بعد العمليه لان صدري كان فيه حليب لاني اجهضت من سنه وشوي تقريبا لما ظغطت على صدري نزل حليب معناته ما يأثر عالرضاعه ..
الدكتور موجود بمستشفى العسكري وهو عميد مشهور جدا بالمستشفى اكتبي عنه بقوقل وبتلاقي معلومات عنه
اسمه العميد الدكتور سعود الشلاش وموجود بمركز ادمه بالرياض مقابل مدينة الملك فهد الطبيه .
الصفحة الأخيرة
مادري انا عن الدكاتره اذا ممتازين مثل الدكاتره اللي بالخارج خاصه بعمليات التجميل ماعندي اي خلفيه
حدهم ولاده اخاف من هالامور عندي نفس المعاناه تعبت كثير ومابقى شي ماسويته ولافي نتيجه
افكر كنت بالعمليه واحس هذا الحل النهائي لي لكن اخاف هالوقت كله تسمعين بحمله ضد الخبيت للثدي
فاانا اخاف احط شيء زي السيلكون او كذا طيب هل تبين مكان الخياطه ولايروح
تحسين الالم راح خلاص ؟
طيب هل تحسين انه شكله طبيعي ولا منقسم من النص الثدي بسبب السيلكون ؟
اعطيني اسم الدكتور واي منطقه بالرياض
طيب اللي ترضع ؟ هل ينفع ترضع معه ولا لا انا اللي اعرفه ماينفع لازم لما تخلص من الانجاب حتى توقف رضاعه وتسويها
الحمدلله على سلامتك يارب
الله يتمم عليك الشفاء والعافيه يارب