الحمدلله ولدت بالسلامه خلاصة تجربتي لخلطة الاعشاب + زيت الخروع

صباح الخير كيفكم عزيزاتي المروشات اسأل الله الكريم رب العرش العظيم ان يسهل عليكن ويفرج عليكن بخير وسلامه
الحمدلله رب رزقني بمولود يوم الخميس الماضي وجايه اخبركم بخلاصة تجربتي لخلطة الاعشاب الي تشرب من الاسبوع الثاني الله يجزى من نزلتها وخبرتنا فيها خير الجزاء (الحلبه والنانخه والشمر واليانسون والمحلب وحبة البركه ) انا استخدمتها من بداية التاسع وماكنت مستمره عليها كل يوم ،، الحمدلله يوم جاني الطلق كان لايذكررر وماحسيت بالالام الا وقت خروج الراس اللهم لك الحمد ،،
اما بالنسبه للخروع انا بدا معاي الطلق الساعه 10 صباحا روحت اشيك بالمستوصف عشان اتطمن انو مو كاذب قالت مفتوح 2 سم وبعطيك الخروع يحمي الطلق معاك خفت بالبدايه لكن روحت البيت وشربت حليب وعسل واستخرت في استخدام الخروع وارتحت الحمدلله اخذته بعد صلاة العصر بعدها نزلت معاي السداده والمويه شي بسيط والطلق صار قريب والالم جدا بسيط دخلت المستشفى الساعه 8 وكان مفتوح 4 سم وجبته الساعه 10 ونص ولله الحمد ،، هذه خلاصة تجربتي وانا وربي حسيت اني مدينه لهاالمنتدى وواجب علي اقول تجربتي زي مااستفدت افيد البنات الي بعدي ،،
بالنسبه لولادتي كانت بمستشفى ينبع الوطني اهتمام وعنايه بصراحه والدكتوره كانت محاسن جدا خلوقه وطوول طلقي وهي معاي وتقراا علي جداا رائعه ،، لكن مشكلة المستشفى قالو لنا قبل الولاده سعر غير ويوم خرجت اخذووو مبلغ اكبر بكثيررر ،، تحيااااتي للجميع واتمنى من استفادت من موضوعي تدعولي بصلاح ابنائي