+ ان كنتي مقصره بحق ربك توبي من المعاصي وان شاء الله خير

لاتحبطي ولا يهمك احد واهل زوجك الله يكافيهم حسبي الله بس اهتمي بزوجك وبنفسك واللي ربك كاتبه راح يصير خليهم يتكلمو ولا يهمك مخلق وحطيلهم حد مااسمح لأي أحد يدخل في هالموضوع هالشي خاص بينك وبين زوجك انا مثلك 4 سنوات وبعدها حملت ولله الحمد .... بعدها صار لي 9 سنوات نفسي بطفل :44:
وبالنسبه للابر المنشطه استمري لاتيأسي وتنكدي على نفسك عيشي حياتك وخذي علاجك وانسي موضوع الحمل التفكير والقلق له دور ويأثر على عدم الحمل ووقت ماربي يكتب لك بالحمل راح تحملي باذن الله
ترى رديت على موضوعك لاني حاسه بشعورك مريت فيه
واكثري من الاستغفار والصدقه واكثر من دعاء ( ربي لاتذرني فردا وانت خير الوارثين )

اسمعي الشيخ صالح المغامسي

الشيخ صالح المغامسي يتكلم عن الانجاب

http://www.youtube.com/watch?v=pDgnqaoEE-M

الله يرزقك
عليك بالاستغفار
اذا انتِ في الرياض ارسلي رساله خاصه ابعطيك رقم محل يبيع عسل لمثل هالحالات من صغر بيوضه وغيره
اسم المحل عطارة منارات العاصمه فيها صاحب المحل يسألك عن حالتك ويعطيك اللي يناسبك

الناس ماتسكت لو ايش ماصار
لو ماتزوجتي قالوا ليش ماتزوجتي, ولو تزوجتي قالوالي ليش ماخلفتي, ولو خلفتي قالوا نبي ولد, ولو جبتي ولد, قالوا نبي بنت, ولو وصلتي سن معين وخلاص اكتفيتي اولاد قالوا هذي وقفت ماتخلف, ولو ظليتي تخلفين قالوا هذي ارنب ماتتعب,,,

يعني في كل الاحوال بيتكلموووون .. اللي يزعلك ابعدي عنه, الزم ماعليكي نفسيتك ياختي..

وبالنسبه للحمل , اعرف ماشاء الله كم وحده حملوا متاخر .
وحده جلست 8 سنين ماحملت ومراجعات مستشفيات وحوسه,,والحين يوم وصلت آخر الثلاثين عندها 6 ماشاءالله تبارك الله..

فلاتزعلين نفسك. دام عرفتي السبب كويس,, الباقي العلاج و وطولي بالك عليه لين ربي يرزقك..وماتنسين الدعاء والاستغفار والصدقه : ((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا))

الله يرزقك بالخلفه اللي تسعدك وتملى عليك حياتك يااارب