!! نوف!!

!! نوف!! @nof_50

كبيرة محررات

تجربتي مع اكبر كذبة خلطة اخفاء الشيب بثلاث ايام والمصيبة/قديم بعدها

العناية بالشعر


السلام عليكم فراشات

بذكر تجربتي لخلطة اشتريتها من النت

بعد ماشفت البنت عارضة تجارب

اكثر من مره كنت باخذها واتردد

حتى لما تاخر المندوب بالتوصيل قلت خيرة وماراح اخذها خلاص

بس تفاجأت الرجال قالي جاي بالطريق

استحيت اقوله خلاص قلت طيب واخذتها

وقبل ما اطلبها سألت البنت اكثر من سؤال وهل علبه وحدة تكفي

وفعلا خلال 3 ايام راح يختفي الشيب وماعاد يرجع قالت صحيح

استخدمتها اول يوم ماحسيت تغير شئ

ثاني يوم صار لون شعري برتقالي يفجع

كنت خايفه لان عندي مناسبة بعد كم يوم

وكلمتها قالت شكل شعرك مايمسك فيه اللون بسرعة

خليه وقت اطول وقلت طيب

وتركته نفس الوقت اللي قالت عليه

وبعدها ماتغير شي ظل اللون البرتقالي وتورطت بعمري

اتصلت عليها وقلت لها قالت تحتاجي علبه ثانيه

قلت بس عندي مناسبة وماينفع اروح شعري برتقالي

ممكن اصبغ قالت ايوا مافيه شي

صبغت شعري بني ورحت مناسبتي

بعد المناسبه بفتره لاحظت شعري طلع الشيب اكثر

قلت لا يمكن اتوهم وبس تاكدت فعلا شعري انعدم بشكل فضيع

اتصلت عليها وخبرتها قلت ماقلت لك اصبغي

قلت إلا كلمتك وماسويت شي غير لما قلت لك

وقالت انا مندوبه بكلم صاحبة الخلطه

واكثر من اسبوع وانا اتصل ومافيه فايدة

واليوم اتصلت ورجعت تحط الغلط علي مره اني صبغت ومره اني تركت الخلطه اكثر من الوقت

على شعري
قلت لها الحين تبغى تطلعي نفسك ماسويت شي غير لما كلمتك وقلت لك

وارسلت رقم مغلق على اساس انه لصاحبة الخلطه

وبحث عنه بالنت طلع لمقاول

الحين الله يعين

ابغى حل يابنات اللي تعرف خلطه طبيعيه وانا اسويها ما ابغى اشتري من احد

كفاية اللي صار لشعري

الله يجزاها خير

ومابقول غير حسبي الله ونعم الوكيل فيهم بس
34
70K

هذا الموضوع مغلق.

سمرا حيل
سمرا حيل
حسبي الله و نعم الوكيل في كل مندوبة او

تاجرة همها الربح المادي و بس


الله يعوضك خير ان شاء الله ,,, و البنات هنا

ما راح يقصرون و بيفدونك بإذن الله
بيششو..!
بيششو..!
يووه حسسسبي الله عليهم.
شوفي ي عسسسل انتي صابغه شعرتسس وافضل شي لشيب الحناإءء آو الكتم
بسس انتي صبغتي شعرتس ولوو حطيتي حنإآء ع الصبغ رآح يزيد الشششيب آككثر
اتمنيت اسسآعدتس بس الشيب مالهه حل والصبغآت تزيده اكثرر
والحين اغلب النآسسس مشيبه وانآمنهم طالعه لي شبتين وآأنا لسئ بالعششرين ههههه<<بس كل ماطالت قصيتهآ متعذبه خخ..~
ربي يعينتسس ي عسسل واسالي دكتوره جلديه اوو ارسسلي رسآله لدكتور عبدالباسسطط يمتسن تلاقي ححل ..!
Maria Andersson
Maria Andersson
استغفر الله........ الله ياجرك في مصيبتك ويخلف لكي خير منها.
اختي العزيزة عن تجربة وخذيها مني لايوجد علاج للشيب لامؤقت ولا دائم مافي الا ان يشاء الله.
وانا ماخليت شيء الا واستخدمته والشيب مازال موجود والله المستعان.
لذلك لاتصدقي ان فيه شيء يرجع الشعر الابيض الى سابق عهده!!!!! بس في اللي يغمق لون الشيب بالأعشاب مثل الميرامية واكليل الجبل معروفين في تسويد الشيب.
بس محتاج الى مداومة.
ღˆ¨°ღ♥الهنوفღˆ¨°ღ♥
عندي تجربه سيئه مع انين الحرمان يالله مايخافون الله وحلفان وايمان لاحول ولاقوة الابالله العلى العظيم
سوسو الشماليه
استغفر الله كيف تصدقونهم