شوفي ياقلبي ..
بالنسبه للتحرشات انا ماعمري سمعت عنها بس كل الاسواق معروفه وغير كذا السوق قريب من بيتنا يعني بعرف عنه كل شي ..

سوق الراجحي حلوو مرره وفيه الغالي وفيه الرخيص ..
وفيه ملابس نسائيه وفساتين تصلح للاعياد للحريم وفيه للاطفال
عند المحلات النسائيه مثل محل دنا وحل خالد ومحل سندس وكذا محل غيرهم الممر اللي فيه محل دنا كله نسائي ..

والاطفال مافيه الا تقليد الماركات ممكن تشترين بناطيل جينز ولادي او بناتي وتنانير
وممكن الحين طايحين بالقمصان للاولاد مررره حلوووه
انا احب اخذ منه البلوفرات في الشتاء لانها حلووه ورخيصه مقارنه بالماركات
وتقدرين تاخذين تيشيرتات ساده وانت تحطين عليها بروشات او سلاسل ملونه مع تنانير مشجره والعكس .
وغير كذا فيه محلات جزم وانت بكرامه حلوووه مرره منوعه

بس نصيحه كان ابو الشباب مايحب الزحمه روحي بوقت غير الخميس والجمعه والعطلات او روحي الصباح ..
لانه يمتلي حرييم وازعااج ..

وانا يااختي ماخذه منه لبس ولادي لعيالي ليوم من ايام عيد الفطر والله كلن انهبل عليها لانها حلووه
ترى كل شي يعتمد على الذووق اولا واخيرا ..

والله يهنيك بروحه السوق ويلبسك لبس العيد بالعافيه ..

اتمنى اكون افدتك ..

انا سمعت عنه انه مرره رخيص وحلوو
كذا وحده امدحته لي

هو قريب مني بس ماروحه
لانه ماتعجبني بضاعته مره وهو سوق شعبي واحيانا احس هدومهم تلاقيط مشكله
والتحرش بصراحه ماشفت شي بس اللي حركاتها و تمام في ايي سوق راح تتعرض للتحرش

والله مايسوى العنوه

الا اذا كنتي اصل في السويدي سكنك لما تجين الرياض

فمعقوله

حبيبتي انا من السويدي ودايم اروح السوق حلو وفيه اشياء غاليه بالاخص النسائيه يعني فيه من ا10 ريال الى 500 ريال
اما الاطفال كل ماركات اوكايدي ومذركير وغيرها فيه تكون يضاعة من بقايا المحلات وفعلن نفس الماركات ماتفرق شي
اخرتها صديقتي راحت لصحارى والمملكه والفيصليه والله تقول خياس بضاعاتهم وراحت للراجحي بعد ماقلتلها واخذت للعيد
تقول رايحه وانا مستحقرته فعلن كل محقور مرفوع
اما التحرش اعف السوق واروح له دايم من 11 سنه ماعمري احد قال شي