tanya

tanya @tanya

كبيرة محررات

قصه للاطفال ...مغامرات الخضار والفاكهه لا تنسوني بالدعاء

الملتقى العام

--------------------------------------------------------------------------------


هذه القصة لتعويد الأطفال على معرفة الحروف المكونة للكلمات التى تعرض عليهم وإيجاد الحرف المشترك فى هذه الكلمات، كما يعودهم على طريقة نطق الحروف بطريقة صحيحة.


ونبدأ القصة


"إنه كان هناك فى بلد بعيده، وكانت بلد فقيرة انقطع عنها المياه وسرقوا الحرامية كل اللى فيها وكانت الطماطم جعانة وزعلانة جداً هى وكل الفاكهة والخضار ومش معاها أى فلوس علشان تجيب أكل أو ماء، وفى يوم من الأيام قالت الطماطم للعنب والبطيخ أحنا لازم نخرج من البلد ونبحث عن مياه وطعام فاستجاب العنب والبطيخ وأعجبوا بفكرتها.

وهى ماشية عماله تدعى ربنا أن يرزقها وهما ماشيين سمعوا صوت ناس بتضحك ووجدوا الناس دى دخلوا على مدخل طويل فمشيت الطماطم وأصحابها وراهم وفجأة سمعوا واحد منهم وهو واقف أمام باب شكله غريب وقال افتح يا (ظ/) ودخل الأشخاص جوا المكان وجريت الطماطم، وأصحابها ودخلوا وراهم وفجأة قفل الباب، البطيخة نظرت على المكان وقالت الحقوا شايفين اية دا، نظرت الطماطم والعنب بسرعة فوجدوا صناديق مليانين دهب وفلوس، وسمعوا الأشخاص اللى دخلوا البيت الكبير وهما بيتكلموا ويقولوا أحنا هنسرق البلد الفلانى الليلة، فعرفت الطماطم أن الناس دول هما اللى سرقوا بلدهم وأخذوا كل اللى فيها، فقالت الطماطم دى فلوسنا أحنا لازم نأخذها بس من غير ما يحسوا بينا يلا يا بطيخ أنت كبير أملى بطنك وأنت يا عنب حاول تشيل أى حاجة ووصلوا إلى الباب، فقالت الطماطم هو الباب بيفتح أزاى، قال العنب أنا فاكر أن الرجل قال صوت حرف ولكن إيه هو أنت مش فاكر يا بطيخ، البطيخ قال له لا مش فاكر لكن عندى فكرة كل واحد فينا يقول أصوات حروف اسمه يمكن يفتح وافقوا على الفكرة، وقال العنب أنا اسمى فيه ثلاث أصوات (عـ/، نـ/، ب/) لكن الباب مش فتح، فقال البطيخ أنا أقول أصوات اسمى يمكن يكون فيهم صوت السر (ب/) لكن الباب مفتحش، فقال طيب (ط/) ثم قال (يـ/) ثم _(خ/) لكن الباب لم يفتح فقال قولى أنتى يا طماطم، قالت الطماطم أنا عندى (ط/) وهى عندك يا بطيخ وبرضوا الباب لم يفتح، أنا أجرب (مـ/) ولكن الباب لم يفتح، فقالت طب أجرب (ـا/) ولكن الباب لم يفتح.

وفجأة سمعت الطماطم وأصحابها الحرمية جايين فقالت استخبوا بسرعة فاستخبوا، وسمعوا الأشخاص وهما بيقولوا طب أحنا بنعرف صوت السر أزاى قال القائد بتاعهم صوت السر فى المرات القادمة يبقى صوت مشترك فى أسماء كل اللى داخلين القصر، فقالوا اتفقنا، وقال القائد صوت للخروج وهو (ظ/)، وخرجوا جميعاً وجريت الطماطم وأصحابها وخرجوا بعد ما قالوا (ظ/) وهما فرحانين.

وراحوا لأهلهم يحكوا ما حدث، قالت الطماطم أحنا كل يوم جمعة نبعت ثلاثة من الخضار والفاكهة يجيبوا فلوس ودهب، واتفقوا أن اللى هيروح المرة الجاية هم (تفاحة - برتقالة - تين) وذهبوا الثلاثة إلى المكان اللى وضعوا الطماطم وأصحابها وهناك قالت التفاحة لكن ما هو الصوت المشترك بينا، قالت البرتقالة كل واحد يقول أصوات أسمه، والصوت اللى يتقال فينا أحنا الثلاثة يبقى هوه دا، قال التين دى فكرة جميلة أنا أصوات اسمى هى (تـ/، يـ/، ن)، وقالت البرتقالة أنا أصوات اسمى (بـ/، ر/، تـ/، قـ/ ـا/، لـ/، ـه)، وقالت التفاحة وأنا أصوات اسمى هى (تـ/، فـ/، ـا/، حـ/، ـه). وتقول التفاحة وهى فرحانه جداً صوت السر هو (تـ/)، وجريوا كلهم على الباب وقالوا افتح يا (تـ/) ففتح الباب ودخلوا أخذوا فلوس وذهب وأكل ورجعوا وهما فرحانين جداً ومبسوطين.

جلست الطماطم مع أصحابها وقالت مين اللى يروح المرة الجاية قالت الموز أنا والبرقوق والكوسة، وبعدين قال العدس وأنا نفسى أروح معاهم، قالت الطماطم ماشى يا عدس ما تزعلش روح معهم، ووصل الموز وأصحابه إلى المكان وقالوا أحنا نشوف بقى ما هو الصوت المشترك قال البرقوق إحنا نعمل زى أصحابنا كل واحد يقول أصوات اسمه وإحنا نعرف الصوت المشترك، قالت الكوسة أنا أصوات اسمى (كـ/، و/، سـ/، ـه)، وقال الموز وأنا أصوات اسمى هى (مـ/، و/، ز/)، وقال البرقوق وأنا أصوات اسمى هى (بـ/، ر/، قـ/، و/، ق/)، والعدس قال وأنا أصوات اسمى هى (عـ/، ـد/، س)، فرح الموز وقال أنا عرفت الصوت المشترك، أنا عرفت صوت السر هو صوت (و/).

وجروا على الباب وقالوا افتح يا (و/) لكن الباب لم يفتح، وحاولوا مرة واثنين وثلاثة، ولكن الباب لم يفتح، ورجعوا وهما زعلانين جداً وراحوا إلى أصحابهم، قالت الطماطم يمكن غيروا صوت السر، ودخلت المانجة لقتهم زعلانين فقالت مالكو فى اية، فحكوا ما حدث قالت يا جماعة صوت السر لم يتغير الحكاية أن العدس مافهوش صوت (و/) فرحوا كلهم وقالوا فعلاً، وقالوا طب يا مانجة تنصحينا بإيه، قالت المانجة إحنا لازم نختار صوت السر من قبل ما نخرج من هنا.

قالت الطماطم فعلاً وسألت مين يروح الأسبوع القادم، قالت الكمثرى أنا والمشمش عايزين نروح، قالت المانجة نشوف فى صوت مشترك بينكوا، الأول قولى يا كمثرى أصوات اسمك، قالت الكمثرى أنا أصوات اسمى هى (كـ/، مـ/، ثـ/، ر/، ى/)، وقالت وأنت يا مشمش، قال المشمش أصوات اسمى هى (مـ/، شـ/، مـ/، ـش/)، قالت المانجة كويس جداً أنتوا بينكم صوت مشترك فعلاً هو (مـ/)، لكن أحنا عايزين حد ثالث معكم، قالت الطماطم أنتى يا مانجة وقالت للمانجة أنت أصوات اسمك هى (مـ/، ـا/، نـ/، جـ/، ـة/)، يعنى اسمك فيه صوت (مـ/) اللى موجود عند المشمش والكمثرى، فرحوا الجميع وذهبوا الأصحاب الثلاثة وأحضروا الذهب والفلوس، وحاولوا ينقذوا المدينة اللى الحرامية كانوا ناوين يسرقوها، ويحفروا بئر فى بلدهم علشان الزرع يعيش ويعيشوا فرحانين مع بعض.
3
5K

يلزم عليك تسجيل الدخول أولًا لكتابة تعليق.

تسجيل دخول

مشوار الماسي
مشوار الماسي
مشكورررة يالغلا
الله يوفقك دنيا واخرة
ام اسمهان
ام اسمهان
مشكوره ياقبي

اذا عندك مزيد عطينا نبي قصص لسن ثلاث سنوات
*ريمي*
*ريمي*
حلوة القصة بس عنوانها شوي مب راكب

لو كان سر الحرف المشترك او سر الصوت المشترك احسن

صح خيتووو ^_*