بعد كل هالسنين ....... ربي بشرني بما يسرني

السلام عليكم ورحمة الله اللهم صل وسلم وبارك على نبينا محمد وعلى آله وصحبه وسلم
الحمدلله ثم الحمدلله ثم الحمدلله
ماني مصدقه نفسي وماني مصدقه عيوني قسم بالله العظيم فيني صيحه وفيني فرحه وفيني شي غريب ماعمري حسيته ابد ابد

انا حللت وطلع لي خطين علطول ورحت انادي زميلتي وباركت لي وفرحت بس انا مو مصدقه 

اقسم بجلال الله فيني مشاعر مااقدر اترجمها يمكن صدمه 

بعد كل هذي السنين ربي رزقني بالحمل اللهم لك الحمد كما يتبغي لجلال وجهه وعظيم سلطانه
يشهد الله علي اني عانيت معاناه ربي يعلم فيها والحين ماافكر بمعاناتي ابد ابد نسيت الايام المره بمجرد مااشفت التحليل
انا متاخره كثير ولاجاء ببالي ولا 1%  يكون حمل ولااتذكر اني سويت شي ولا عالجت من فتره طويله ولا التزمت اعشاب ابد وكنت ملازمه الاستغفار بس الشي اللي انا سويته وربي شاهد على كلامي اللي اكتبه ويعلم فيني اني التزمت التسبيح الشهر هذا فقط التسبيح والاستغفار من زمان مداومه عليه
اشكركم بنات كلكم اللي سالو عني واللي يدعون لي واللي ردو علي وحده وحده كل يوم اقرا ردودكم ويعلم الله كل رد ادعي لها العضوه يكفي كتابتها للدعوه لي الله يووفقكم ويفرج همومكم واللي ارسلو لي خاص ام ريتاج وراوند والثريا واعذروني يمكن مارديت لاني احيان مااعرف ارد ع الرسايل ماينكتب عندي رد
والله يتمم علي ويسهل اموري ويفرج همي ويفرحني لي ثلاث ايام قلقانه وماذقت طعم النوم
كل متاخره لاتيأسين من رحمة ربي ابدا ربي كاتب لك يوم من الايام فرحه تنسيك عذاب التفكير والهم داومي فقط على الدعاء والذكر هذا اللي انا سويته لااهتمام وقت الدوره ولا يحزنون ولا اكل معين ولا علاج معين ولا شي اللهم لك الحمد حتى ترضى
والله ماعاد يهمني شي خلاص ابي اشوف مراحل حملي على خير 

اقسم بالله اللي خلق سبع سماوات علمتكم قبل اعلم زوجي فقط زميلتي وانا وانتم اللي تقرون موضوعي
مادري وشلون اقولهم حتى اهلي صدددددددمه مادري شلون اعلمهم انا نفسي فيني فرح وصدمه وفيني هم ان الله يتمم لي ع خير ادعولي ربي يتمم لي ويرزقني ولد صالح يشيلني ويرعاني ويكفيني عن مذلة الناس قبل كم يوم وحده تقولي نبي نحطك بدار العجزه الله يصلحها بس والله مابقلبي شي ع احد نسيت التجريح ونسيت كل شششي دعواتكم