تعالو شوفو قصه ولادتي بي حلا الدنيا كلها . مع صور

الحمل والإنجاب

السلام عليكم

خواتي وعدتكم اني اكتب لكم قصه ولادتي بي حلا الاموره

قصه ولادتي المرعــبه :icon33: الي يخاف لا يقرا القصــه

في تاريخ 11 يوم الثلاثا كنت في بيتي

وماكنت متوقعه الولده بدري في الاسبوع 37 لان مكان معي طلووق الا خفيف مره كنت جالسه في البيت لحالي اتفرج انا وبنوتي ام اربع سنين الله يحفظها

ومسكت معي ذاك اليوم اشرب قرفه لان مكان معي طلق الا خفييف مره قلت يمكن يزوود وينفتح الرحم
وانا اتفرج ومروقه على كاسه القرفه توني ماكملت نص الكاسه الا وتفتح مويه الجنين زي الشلال :(
انا ماعد قمت اشوف الدرب من الخووف لان اول مرا يصير لي كذا وزوجي مو عندي بعيد قمت على دوره المياه على طوول ابي المويه توقف مستمره وقمت ابكي وانتفض والدموع اربع اربع :icon33:

وبنتي يااعيني تطالع فيني وتبكي خرعتها ..

واروح طيران اتصل على زوجي ماايرد اتصلت حول 20 مره مارد وارسل له رسايل تعال انا بولد ماايرد على تقريبا مارد الا عقب ساعه

بهاا الوقت دقيت على اختي الكبيره وابكي من الخوف كانت الساعه 10 في الليل وماعندها سياره تجيبها فااضطرت تجي بتكسي لحالها مسكينه واحرقنا جوال زوجي باالاتصال عقبها اتصل قال ببرود انا بعيد مشوار ساعه واهلي بيجونك الحين اجهزي :angry:


قمت اكلمه وابكي لييييييييييش تنشر الخبر على طوول .. عاد انا كنت ناويه محد يدري حتى اهلي الا عقب الولاده
لان بولادتي الاوله الكل عرف وتعسرت باالاخير جبت قيصري .
الله ماكتب ..

كل اهله حضرو عند الباب امه وخواته من امه وابوه وخواته من ابوه الله يجزاهم خير لانهم قراب من عندي يعني بنفس الحاره عاد م شاالله كثار ويدخلون علي يقلون ياالله البسي العبايه لا تولدين في البيت وتقول اخته الكبيره عادي تولدين في اي مستشفى قلت لا والله مو عادي انا اراجع في مدينه الملك فهد وبولد عندهم وهم عاد مايدلون المشفى ودق على زوجي قلت ترا موب طالعه من البيت لين تجي والله لو اولد في البيت وانا ابكي من القهر واحتري اختى جايه باالطريق على جيه اختى الحمدالله جاء زوجي وطلعت المشفى ومعي اختي الكبيره

..
وحسيت باالطلق بس كل تقريبا عشر دقايق يجي قوي مره وقعد اصيح ومويه الجنين مع الطلق تصب بقوه

واحس بضغط قلت بس شكلي بولد عليهم

وصلت المشفى الساعه 11 ودخلت الكشف وشافو مويه الجنين نقصت مره جتني وحده تبي تكشف معها حديده تخرع قلت انا وش هااااااااذا بصراخ حديده وش كبره زي الملقاط تدخلها بعدين تفتحها جوه اتوقع انها حقت توسعه

قمت اهاوش فيها لااا يعني لا مابي كشف قالت لازم نكشف عشان نعرف كم فاتح قلت مابي كشفيه قالت طيب خليني اكشف بيدي قلت مابي :(

قالت طيب وعلى مسئوليتك وقامت وخلتني تقريبا نص ساعه وجتني دكتوره ثانيه قالت كيف تبين تولدين مراح يكتبون لك تنويم ويودونك كشك الولاده الا بعد الكشفيه

قلت طيب تكشف بس بيدها وتجي تكشف على وانواع الصراخ من الالم باالاخير قالت الرحم مسكر قالت معليش طبيعي الالم لان الرحم مسكر عندك لو كان مفتوح مكان حسيتي باالالم

حطو لي الجهاز الى يقيس نبض الجنين وقوة الطلق الطلق كان كل عشر دقايق تقريبا مره يجي خفيف ومرا قوي ..وانا شرطت عليهم مايحطون طلق صناعي قلت مابي طلق صناعي واعطوني ورقه اوقع عليها اني رافضه الطلق الصناعي


رقوني غرفه التنوويم واخذت غرفه خاصه عشان اختي تجلس معاي لان ممنوع المرافق الا اذا كانت غرفه خاصه ..

وجلست فيها انا وزوجي واختي من الساعه 11في الليل الا اليوم الثاني 4 العصر وانا طول الوقت فيني طلق بس كان مره يجي خفيف ومره قوي ودكتوري اسمه خور شيد هندي بس م شاالله محترم حاول يقنعني باالطلق الصناعي قال حاولي قلت مره رافضه وقلت اني جربته في ولادتي الاوله ولا استفدت منه شي باالاخير جبت قيصري

قال جربي هاالمره مراح تاخذي وقت طويل بتولدين بسرعه قلت لا والف لا مابيه خلاص انا تعبت ابي اولد قيصري وعلى مسئوليتي
قال طيب انتظري ساعتين اضافيه اذا مانفتح الرحم بنولدك قيصري لان مويه الجنين نقصت انتظرت ساعتين
وجتني دكتوره تكشف قالت مفتوح واحد سانتي يعني حوال 14 ساعه مانفتح الا واحد سانتي :44:
وقلت خلاص قيصري نتوكل على الله

وجهزو لي الغرفه ولبسوني لبس العمليات
وجاني دكتور سعودي شكله طالب امتيااز ومعه دكتور مصري ودكتور خور شيد هندي هو الكبير المسئول عليهم

وجاء دكتور التخدير هندي وواحد سعودي يخيروني بين النصفي والكامل قلت لهم وش الافضل قالو شي اكيد النصفى افضــل بكثير

واخترت النصفي وانقلوني غرفه العملياات كانت مليانه تقريبا اربع ممرضات 4 دكاتره واثنين حق التخدير ياافشلتي وانا نصف عاريه

ااااه ياربي لو اوصف لكم معاناة ابره الظهر انا قد جربتها في ولادتي الاوله ماحسيت فيها نهائي

اما هاالمره حسيتت فيها مره ندمت انى اخترتها

جلسوني على السرير وانا ممدده رجولي وحطو مخده عند بطني وقالو احني ظهرك وانحني وثنتين ماسكيني على كتوفي وحده مع كتفي اليمين وحده على كتفي اليسار عشان مااتحرك

اول شي عقمو منطقه الظهر بعدين رشو حاجه زي المخدره بعدين دقو ثلاث ابر مخدره للظهر
وقام يسوي زي التدليك للظهر عشان يوزع المخدر بعده قام يدخل اصبعه بين الفقرات عشان يوسع هنا مت من الالم لانه قام يضغط بقوه قوه عنده حسيت عمودي بينكسر باالنص انفجرت من الصياح .. هاذ كان السعودي ويقعد يهدي فيني يقول مااعليش يمي تحملي هو كبير تقريبا عمره فوق الاربعين

بعدها جهز الابره الكبيره ودخلها وحسيت زي السائل البارد بظهري يمشي

وبدت رجولي تتخدر حسيت بزي التنميــل بس مازلت احرك اصابع رجلي واحس بحركتهم على رجولي
بس زي البروده شي غريب قمت اصيح لا باقي احس ..قالو راح تحسين بس مراح تحسين باالالم
قلت احرك اصابعي قالو طيب حاولي ترفعين رجلك ماقدرت ارفعها قالو كويس كل شي تمام

وبدو يجهزون المقصات احس بشي زي البرود والله اني احس بشي ينقطع زي الجلد بس مافي الم
احس بحركتهم وكل شي الا الالم مااحس فيه شي غريب ماحسيت فيه بولادتي الاوله
كانو حاطين لي مخدر كمامه تخليني ادوخ شوي بس لوعت كبدي حسيت اني بررجع
ومربطين يدي الثنتيــن يااربي معاناة

وشويات اسمع صوت بنتي تصييح واقعد ابكي مااصدقت اني شفتها بخير كان شعور حلوو مره نسيت فيها كل الالم

قمت اقوول بشوفها بشوفها ويجبونها لي وااه يحلاتها شعور مااينوصف واشوفهم ينظفوها قدامي وياخذونها الحضانه

تقريبا استغرقت مدة العمليه 45 دقيقه ماطولت طلعت ودووني غرفه الملاحضه ساعتين الين راح مفعول البنج وبديت احرك رجولي وارفعهم الحمدالله

رجعوني غرفه التنوويم قعدت 10 دقايق وتجي اختي وزوجي يتحمدولي على السلامه ويرحون يشوفون الاموره حلا ويجبونها لي يحلاتها :icon28:

بصراحه تعامل المشفى الممرضات كويس وم شاالله نظافه بس عيبهم الوحيد الرضاعه الطبيعيه مهما يكون صدرك فاضي حليب يمنعون الحليب الصناعي نهائي

ومن ثاني يوم يجبون المولد عندك يعني قيصري وتعب والكل عارف معاناة القيصري وممنوع المرافق باالغرف العامه ولي مامعه مرافق الله يعينه بقوه

والغرف الخاصه عادي مو ممنوع المرافق تقريبا الغرفه 650 بااليوم وشكله عادي جدا بس يهتمون فيك اكثر
ومن ثالث يوم يخرجونك من المشفى وهاذا ازين شي لان انهلكت من الابر والمغذيات والقصدره :09:
والحمداالله ان شاالله كله اجر وعافيه ماصدقت اني ولدت وخلصت :icon28:


وهاذي صوره حق غرفتهم الى جلست فيها :icon33: اختي من الطفش قامت تصور





IMG01793-20111012-0535



IMG01795-20111012-0605


IMG01791-20111012-0534


IMG01788-20111011-2310






IMG01787-20111011-2310
88
12K

يلزم عليك تسجيل الدخول أولًا لكتابة تعليق.

تسجيل دخول

زائرة
حمد الله ع السلامه والف مبروك
داااانةالدنيـا
الحمدلله على سلامتك
ام الشكاشك
ام الشكاشك
حمد لله علي السلامه
* S A R A *
* S A R A *
الحمدلله على سلامتك ومبرووك الحلوه ويرزقك برها وصلاحها ان شاء الله
ضدالتيار
ضدالتيار
الحمدلله على السلامه
ومبروك ربي يحفظها