شغالة اهلي والاجهزه الكهربائيه..وسؤال بخصوص الفرن

السلام عليكن والرحمة
صباح الخير ياحوائيات
موضوعي عن شغالة اهلي ماشاء الله عليها يدها قويه واي جهاز كهربائي تستخدمه ما يطول معانا..مثلا الغسالة من لما جات صار لها يمكن5سنوات3غسالات واخر وحده من يومين رحت اغسل فيها لاقيتها ماتصرف المويه سألتها كيف تصرفين المويه قالت انقص منه وبعدين انزل الغساله في الارض وجربت طريقتها لاقيت المويه ماتنزل كلها ويبقى شوي وعفن ولما تجي تغسل مره تانيه الملابس تصير ريحتها معفنه بسبب المويه القديمه(عرفت سبب الريحه كنا نفتكرها ما تنشفها زين وبعدين تحطها في النشاره ع بعض) وأخذت مفتاح ورحت فتحت الغساله من ورا وصلحتها الحمدلله والان تصرف..باقي الفرن فرن امي كبير وحلو وكمان ماصارله كم وكانوا ناوين ينقلون البيت الجديد فيه بس يافرحه ماتمت الاخت عدمته ومن 5عيون صارت بس وحده اللي تشتغل تمام وحده كسرتها وو2نارها خفيفه وكانها مسدده والرابعه الكبيره اللي بالنص لما تشغليها تنفجر بوجهك واذا نقصتي النار تطفى يعني بس تشتغل عاليه وكمان النار مو هاديه فيها تتحرك وغريبه..
حبيباتي ابغا اصلحه اش اسوي خصوصا العينين المسدده..هذا من غير البراده اللي كسرتها والمكنسه الكهربائيه حتى المساحه توني اشتريتها جديده صارت في خبر كان...

ابغى اساعد اهلي واصلح اللي اقدر لانه حرام يشتروا اجهزه جديده الان وبعد سنه اجهزه تانيه لانهم ناقلين بيت جديد...