يا عباد الله اغيثوني

الأمومة والطفل

ولدي قطع قلبي وما اعرف ايش السواه
ولدي ربي يحميه ويشفيه عمره 3 شهور
ومن عمره شهر ونص الى الان وهو تكرمون في برازه دم ومخاط ولونه مائل للاخضر وقوامه اقرب للسائل وعدد مرات خروجه 4 الى 5 مرات باليوم..
كان ياخذ رضعه سميلاك وحده باليوم ولمن شفت الدم تركتها فورا وهو الان يرضع طبيعي وبس ...
وانا يا بنات مغتربه في امريكا وربي الغربه مزقتني بزياده
وديته لدكتوره اطفال ممتازه واول ما حكتلها قالت هذا عنده شرخ شرجي وربي بدون ما تف*** زين..امنت بالله وعطتني دهن واستعملته وانا في قمه الياس لانه متاكده ما عنده سرخ وانا مهتمه بنظافته زين ولاعنده اي التهاب حفاظ حتى؟؟
مرت الايام وولدي على حاله خيوط وقطرات دم ومخاط في برازه ..واحيانا الدم يزداد ويصير بقع اكبر ياويلي
راجعت الطبيبه ومعي حفاظ الطفل وقالت لاتخافي هذي حساسيه من حليب البقر وكل اللي تسويه لازم ما تاكلين منتجات الالبان ولا لحم البقر ولا البيض ولا المكسرات وهو راح يروح بمده اسبوعين على الاكثر وقلتلها واذا ما راح قالت اكيد الدم راح يروح وانتي راجعيني بعد 20 يوم ... بديت اكره الحياه وزوجي لمن شافني راح اموت من الحزن ساعدني بالحصول على موعد مع طبيب اخصائي بامراض الامعاء للاطفال(وهنا لا يمكن زياره طبيب الا بتحويل من طبيب عام وبعدين موعد يستغرق ربما اشهر)المهم الله سهل ورحنا الموعد وكان الطبيب عمره قرابه 85 سنه قال وش قالت طبيبتكم وكان مستهزء بيها قلت مره تقول شرخ ومره تقول حساسيه .ولمن عرف اسمها قال هذي ممتازه هذي طالبتي
المهم قال وبدون اجراء اي فحوص قال ولدك عنده حساسيه من البروتين وهذي حاله شائعه وعلى الاقل يجيني طفل كل شهر مثله والحاله تشفى تلقائيا وانتي كلي كل شي بدون حميه لان ما ممكن تحديد اي بروتين عنده حساسيه منه وفي الجسم 600 نوع بروتين..
طلعت من عنده واملي بالله ثم بالطبيبه اللي راح اراجعها واقول لها اني سويت الحميه اللي قالت عليها والدم مستمر ومرت الايام بصعوبه واثناء ذلك سويت تحليل للبراز الله لا يوريكم كيف سويته وكم لاقيت صعوبات وتحويلات و واسطات لين سويته لاني سويته بدون وصفه من طبيبه الاطفال وكان التحليل يقول انه الولد ما فيه ديزانتريا
اثاري التحليل فقط لمعرفه وجود الديزانتريا والاميبا اولا ؟ اما الباقي لازم مزرعه وتحليل جديد ..
جاء موعد الطبيبه ورحت لها واول ما شافتني قالت رحتي لاستاذي ؟؟قلت لها ايه من الخوف والقلق على الولد...قالت احنا اطباء بس ما نعرف كل الاشياء الولد معاه حساسيه يشفى لحالها وخلاص وعادت كلام الطبيب اللي بعثلها عن حالته وقال الولد ممتاز وفيه تحسس يروح لحاله وهي عادت نفس كلام الطبيب وللمره الثالثه تغير تشخيصها وتقول لاتسوين حميه وخلاص؟؟؟
ولا واحد كتبلي تحليل اوفحص ؟؟؟!!ااااه جعل الله الي فيك ياحبيبي فيني حتى يرتاح بالي ويرحمني ربي ...

ربي يخلص اللي تساعدني من نار جهنم وربي الولد قطع قلبي ما اعرف ايش اسوي وهنا موتهم وسمهم ولا يعطون للطفل دواء يخلونه يعاني لين ينهار ولا يعطونه دواء وربي اعرف وحده اجهضت مرتين في الشهر ال5خامس وما يعطونها دواء ولمن راحت لبلدها في الحمل الثالث اعطوها ادويه ومثبتات وجابت ولد سليم والحمد لله.
فكرت بالحسد والعين بالاخص ا وبديت اقرا الرقيه الشرعيه امسح بطنه بزيت مقري عليه
ولمن وصلت لحاله يرثى لها ايقنت انه في هدا البلد لاحاكم ولاحكيم ربي هو الحكيم وبديت اقرا ايات الشفاء واشرب الاعشاب اللي ممكن تفيد الولد مثل البابونج والى الان مافيه تحسن
ااااااااااااااه ياحره قلبي على ولدي انا اتفرج عليه ايش اسوي يا بنات والله يمكن لو كنت في بلدي كان اعطوه دوا اطاب من زمان؟؟
اااااااااااااااه شوروا علي انصحوني ايش اسوي والله انه ضاقت حيلتي ادركني ياربي يامشافي ادركني يا رسول الله ادركوني با بنات مين كان عدها حاله مشابهه ؟؟الطبيب يقول انه هذي الحاله جدا وارده وتتكرر كثيرا؟؟ وربي عمري ما شفتها سابقا عسى اسمع من وحده شافتها وتساعدني وعسى وحده تنصحني بعشبه اوطعام ينزل بالحليب ويشفي القولون او تشور علي بدعاء خاص فيه الاجابه والشفاء ..؟
وربي اني اتخبط مثل السمكه اللي توها خرجت من الماء ...خواتي تكفون افيدوني بخبراتكم ودعواتكم
والف رحمه على والدين اللي تفيدني احياء كانوا او اموات
ومن فرج عن مسلم كربه فرج الله عنه كربه يوم القيامه

ارحموا ضعف ام تشوف ولدها يعاني وقلبها يتمزق ...
ماعندي غير الله ثم انتم ارفعوا الموضوع عسى الله يسير لي اللي بردها وصفه الشفاء التام باذنه وحوله وامره تعالى
33
3K

يلزم عليك تسجيل الدخول أولًا لكتابة تعليق.

تسجيل دخول

مشمش"1"
مشمش"1"
الله يشفيه مما فيه يارب ويرحم ضعفه وقلت حيلته يارب
&& looody &&
&& looody &&
الله يشفيه وربي حاسه بيك الوحدة تحزن لما تشوف ابنها يتعذب ياريت كنت اقدر اساعدك
حاولي تروحي لدكاترة في مستشفيات تانية
همس الليالي@
همس الليالي@
اولا يعينك على غربتك ورجعك لبلدك واهلك وناسك
ثانيا ربي ييسر امرك ويحميلك طفلك يارب من كل مكروه
ثالثا حاولي تقري الفاتحة 7مرات في موية مع قرأت الموعذات واخر صورة البقرة واستودعيه الله واتوكلي عليه
بنت شمالية
بنت شمالية
شوفي الحاله هاذي جت بنتي وعمرها اربع شهور

تخيلي في اليوم 6 مرات اغير لها

وعلاجات وابر وخرابيط ماكو فايده

لونه اصفر مويه وفيه خيوط بيضاء مخاط


الحل

تنومت ثلاث ايام فيها مغذي

يمكن اول يوم خمس محاليل

واليوم اللي بعده اقل

والحمدلله ماشافت الا العافيه بعد المغذي


وعلى فكره تراها اتوقع نزله معووويه
&ام اسامة&
&ام اسامة&
الله يطمن قلبك ويشافي لك ولدك يارحمن يارحيم