تتذكرون برامج زمااان طيب تعالوا اسدحوها لنا ..

الملتقى العام

السلام عليكم ورحمة الله

صبحكم الله بالخير

ما ادري وش جاني اليوم ما غير اتذكر زمان اول واتعبر اللي يسمعني الحين يقول عجوز ترى مابعد وصلت الثلاثين <<<<<<<<<<< تبي تعلمكم انها توها صغيرة

قمت اتذكر برامج زمان صدق لها طعم مهوب برامج الحين ماصخة الا مارحم ربي

طيب تتذكرون برامج زمان

يالله اول ماركبنا التلفزون ما كان عندنا الا القناه الاولى وفرحانيين فيها بعد

واول ما حطينا القناه الثانية كأننا حاطين دش ماغير مسنترين عندها معا انا مانفهم شي المهم انه شي جديد وقتها كنت في ثالث ابتدائي

اكثر شي كان يعجبني الاخبار خاصة اللي تجي 9 ونصف بالليل ياني كنت احبها طقاق انا واخواني علشان اتابعها ...................................والله ما أدري وش كنت أحس فيه

و المشكلة توهم الى الان يذكروني ويقولون بالله وش عاجبك فيها >>>> يمكن كنت انتظر الحلقة الاخير

وبعد فيه برنامج بعد يجي يوم الجمعة بعد صلاة الظهر اسمه اتوقع ـ العالم في اسبوع ـ وبعدين غيروا أسمه وصارـ اخر الاسبوع ـ كان يقدمه ماجد الشبل

وكان فيه لقطة من لقطات من المقدمة لقطة فيل يتوطا له على واحد مانسيتها ابد ذيك اللقطة مرررررررررررعبة


وبرنامج ـ امن وامان ـ .......... ومقدمتهم ......... سلمتي بلادي بلاد الامن ,,,ومهد البطولتي عبر الزمن ,,,


وايضا برنامج كان يقدمه الشيخ عبد العزيز المسند يجي المغرب او بعد المغرب يوم الاثنين اسمه سؤال .... ما اتذكره زين

أما اكره برنامج عندي ـ الخيمة الشعبية ـ كان يجي يوم الاحد صرت اكره يوم الاحد منه

واحلى برنامج ـ افراح وتهاني ـ اللي كان يقدمه المذيع عوض القحطاني ويجي ليلة الخميس

ما كان يرفع ظغطي فيه ألا إذا جات الوحدة تهني ما شاء الله قامت تهني القبيلة كلها,,,,,,

وفيه برنامج للرياضة يقدمه صالح العريض يجي الصباح بس ما اتذكر متى يا هو الخميس او الجمعة
كان يعد التمرين الى ثمانية ثم يقول والان خذوا نفس مصدق احد يتدرب معه

وبعد برنامج للصغار اللي حافظين القران و يسمع لهم شيخ ثم يعقب عليهم
ما اتذكر اسم البرنامج بس اتوقع ـ أشبال في ظل القران ـ
كان يعجبني اذا جاء واحد صغير وحافظ اجزاء كثير ماشاء الله عليهم كنت اتنمنى اصير مثلهم


وش بعد ياربي ياكثر البرامج لكن ماتذكرها حاليا

عاد انتم اتحفونا وذكرونا بالبرامج اللي كنتم تتابعونها زمان
107
21K

يلزم عليك تسجيل الدخول أولًا لكتابة تعليق.

تسجيل دخول

خاتم سولتير
خاتم سولتير
يووووووووووووووه والله أثرتي شجوني من جد كانت أيام حلوه كان يعجبني برنامج يطلع في الصيف أيام الإجازه المدرسيه ما اذكر شنو اسمه بس كان يسوون لقاءات مع الناس وعن السياحه وكل يوم من منطقه الشرقيه والغربيه والشماليه والجنوب ياحلو ذيك الأيام
وفاء وإخلاص
وفاء وإخلاص
اب لي رجعة
(رائحة المطر)
(رائحة المطر)
ياحليلكم والله ذكرتونا بالذي مضى
طيب تتذكرون برنامج مدينة القواعد واستاذ ممنوع حق عبد المجيد مجذوب كنت اموووت في برامج النحو
وبرنامج المجلة الاسلامية اللي يقدمه عبد القادر طاش الله يرحمه
وبرنامج باقة ورد حق بكر الشدي الله يرحمة
ومسلسل اصابع الزمن وليلة هروب
ايااااام
امواج الامس
امواج الامس
ذكرتينا بزمان اول ذكريات حلوه
سعوديه حنونه
سعوديه حنونه
برنامج سلامتك

وافتح ياسمسم

وفيه برنامج مسابقات اسمه حروف اللي كان يقدمها الشبل

والله احلى ايااااام مرت علينااااا





مشكوووووووووره على الموضوع الحلووووو