مرحبا بناااات
والله اكتب ودموعي على خدي ومن البارح مانمت زيين مانمت الا بعد الفجر ولما صحيييت صحييت معصبه على عيالي مالي خلق لشي بس افكر بهالمسيكينه وكيف اساعدها قلت مالي الا الدعاء للحي القيووم لها ووكلت امرها للحي القيووم الله يفرجها على هالبنت وابي فزعتكم معي بالدعاء لها وحطي نفسك بمكان هالادميه والله ماراح تتحملين ,,تكفوون ادعولها يمكن وحده منكن تكون دعوتها مستجااابه لها...
البنت هاذي عمرها قارب على الثلاثين وهي ماعليها قلبها ابيض ولاتحقد على احد تتهاوش ذيك الساعه وبنفس الوقت تنسى والكل استغل طيبتها لدرجة ماصاار لها احتراام من الصغار قبل الكبار اللي يهزئها واللي يتهاوش معها والله ثم والله اني شايفه اخوها الصغير اللي ماكمل 13 يشد شعرها ويحذفها بالجزم ولا واحد تحرك من اهلها وقمت وفرقتهم ورجعت لامها قلت حرام عليك ليش ساكته قالت وش اسوي بها هي مسكينه ترد نفسها له بوقتها انقهرت حيييل بس وش السواة مالي حق اتدخل فيهم وامها الله يهديها بس تمدح خواتها اللي اصغر منها قداام الناس هاذي فلانه ماشاء الله عليها لها كلمه عند ابوها هاذي فلانه سوت كذا وجابت كذا هاذي فلانه هي اللي اختارت الشي هاذا عندها ذووووق وهالبنت المسكينه ماكانها موجوده عندهم ولا لها رايي بالبيت ولااحترام حتى اخوانها الكباار يقوولون عنها هااذي مسكيينه ماياخذون رايها بشي والله يابنات والشاهد الله على كلامي انه مافيها ابد شي فيها جمال وفيها اخلاق وحبووبه وطيبه ولاتحقد على احد ولاتتكلم باحد بس مادري ليش عليها شفت من امها موقفين حزوو بخاطري وشكيت انها امها راحو للسوق هي وخواتها بيتقضوون للعيد وراح معهم اخوها عمره حوالي 18 سنه هي خواتها اشترو ملابس العيد هي عجبها فستان وشرته اخوها شرا له بنطلون جينز سكيني طبعا هي وخواتها مادرو عنه رجعوا للبيت لبست فستانها طلع موديله قصير تكلمنا انه احنا في وقت شتا البسي عليه كيلون و بوت يستر طبعا خواتها قصير لبسهم وبدون بوت امها شافت لبسهم على طوول هاوشتها هي انتي كبيره عوده وتلبسين كذا قالت بلبس عليه بوت وقالت لا ترجعينه يعني ترجعينه
والله ثم والله انها ماهوشت بناتها الثانيات مع ان خواتها بينها وبين وحده سنتين والثانيه اربع بس شووفوا الاضطهااد وجاء اخوهن وهو لابس الجينز قال وشراايكن كلهن بنفس الصوت مره حلو يجنن وتزعل الام وتهاوش وترجع على البنت المسكينه وتقعد تهاوشها وانتي وانتي وانتي قالت يمه مو بس انا اعجبنا الجنز حتى خواتي معي قالت خوات صغار وانتي عجووز البنت عصبت قالت مابيني انا وخوات الاكم سنه ومن قال اني عجووز واخوي انتي هاوشيه انتي لك سلطه عليه اكثر مني اساسا مايسمع مني وتقعد تدعي عليها والمسيكنه تنحلرج وترووح لغرفتها انا يوم طلعت من عندهم قعدت اصييح وادعيلها
اما من ناحية خواتها يروحون ويشرن اغلى الفساتين واكشخها ويستشيرن بعض وهي ترووح لحالها واذا استشارتهن قالن خذي اي شي واخلصي ويروحن المشغل ويضبطن ارواحن ويسالن بعض وش يناسبني وهي يقولن ايه حلو ماحنا فاضيات لك انا اجيها واضبطها والله تطلع رووعه بس مو كل وقت اكون عندهم
الاسبوع اللي راح صاار في مناسبتين اربعا وخميس وفي كل المناسبتين جوو ناس متحمسين يشوفها ناوي يخطبوو منهم والله جت بلبس باايخ والبشره معدوومه ومسمره وكلش ماعجبتهم اللي اعجبتهم خواتها الصغاار كلن لابسات احسن الملابس ومكياجهن والله روعه قعدت افهم اللي بيخطبوون ان المناسبه كانت بعيده والبنت متعبه السفر شوفوها بكره بالمناسبه يمكن تعجبكم قالو خلاص جت المناسبه كالعاده خواتهاكل وحده ولبسها افضل من الثانيه ومكياجهن اروووع وعلى سنقة عشره الا هي عاااجديه لاباللبس والابطريقة شعرها ولا مكياجها حاولت فيها انا اروح لدورات المياه اضبط مكياجه وشعرها رفضت ولاعطتني اهتماام ترجيتها بعد رفضت تدروون وش السبب خواتها متمشكلات معي لاني هاوشتهم بطريقة تعاملهم معها وانهم هااضمين حقها كاخت كبيره لهم وعلموها وصار بخاطرها مني المهم ماعجبت الناس وراحو وخطبوا البارح غيرها وهي راح نصيبها
بناااات تكفوون ادري طولت عليكم والله مادري وش اكتب من حرتي عليها كااااسره خااطري منهانه عند اهلها
وخواتها مستحقراتها تكفووون بنااات ادعو ان الله يرزق هالبنت بالزووج الصالح التقي اللي يعاملها بالمعرووف ويعوضها عن الذل والحرمان اللي عاشته تكفوون بناات ادعولها ان هالسنه هاذي ماتعدي ونبدا بسنه جديده الا هي مخطوبه ومحدد زواجها والله يابناات مالي مصلحه انا الحمد الله متزوجه وعندي ذريه الله يصلحهم بس ماحب الذل لها البنت بها ثمرة خير وطيبه بس الضرووف احكمتها
يالله يارب ياكريم ياحي ياقيوم ارحم ضعف قوت امتك البنت المسكينه زي زي وقلة حيلتها وهوانها عند الناس وارزقها هاذي السنه 1432 بالزووج الصالح التقي اللي يعاملها بالمعرووف ويساعدها على طاعتك ويعوضها الذل والحرمان اللي عاشته عند اهلها يالله يارب حقق تتمت شرعك ودينك بستر هالبنت زي زي بالزواج السنه
امييين اميين اميين .....
الله يرزق كل عانس بالزووج الصالح ويرزق كل عقيم بالذريه الصالحه ويصلح ازواج المسلمات ياحي ياقييوم
لاتنسونها من دعااكم ولو بالرفع .....
شذا الجنه @shtha_algnh
عضوة فعالة
يلزم عليك تسجيل الدخول أولًا لكتابة تعليق.
ميـ Memo0o ـموو
•
ياررب فرج همهاا وارزقها الزوج الصالح اللي يخليها ماتحتاج احد
ياحياتي عليهاا الله يعيينها ويفرجها عليها
حررام عليهم ليييييه يسسوو فيها كذا حتى لوو هيا تبقى الكبيره
خليها تحافظ ع صلاة الليل وتشكي ربها وتلاقي اللي يرضيها
والاستغفاار والله تصير منو معجزات خليها تحافظ عليه
وماراح ننساها من الدعوات ..
حررام عليهم ليييييه يسسوو فيها كذا حتى لوو هيا تبقى الكبيره
خليها تحافظ ع صلاة الليل وتشكي ربها وتلاقي اللي يرضيها
والاستغفاار والله تصير منو معجزات خليها تحافظ عليه
وماراح ننساها من الدعوات ..
يا عمري الله يفرج همها ويرزقها الزوج الصالح اللي يسعدها عليها بالاستغفااار بالنيه
الله يسعدك انتي وهي
الله يسعدك انتي وهي
الصفحة الأخيرة