في رايي ما اعتقد ممكن احيانا الاكل الكثير يسمن الجنين والام لكن مب في كل الحالات
في حالتي انا مثلا انا اصلا اعتبر سمينه ولما احمل طبعا اسمن اكثر وآكل اكثر لكن عيالي يطلعون صغار اكثر واحد فيهم 3 كيلو
حتى في بنوتي الاخيره الثالثه قلت لازم اغذي نفسي صح عشان اسمن البيبي ولما وصلت للشهر الثامن رحت للدكتوره عشان اطمن على وزن البيبي قالت لي 2 كيلو و 600 قلت حلو عندي شهرين واسمن البيبي وبصراحه ما قصرت في عمري حليب كامل الدسم قلاص كبير كل يوم 3 مرات باليوم حتى بطني كان يعورني وساعات اشرب حليب بالفراوله وغير ه وغيره لكن تفاجأت يوم الولاده البيبي كم وزنه

2 كيلو 700 يعني بشهرين زاد بس 100 جرام وبالمستشفى باسبوع نقصت 100 جرام
احس ما يخصه كل بيبي وله حاله خاصه
بنت خالتي ماشاء الله اسمن مني دبل وعيالها ماشاء الله سمان
مرت اخوي نحيفه مره واكلها خفيف وبالذات بالحمل تنحف اكثر ولكن عيالها ماشاء الله 4 كيلو

بس ديروا بالكم ترا الاكل المعتدل احسن شي ولو كلتي خفيف وصحي ما يخصه المهم صحة الجنين مش سمنته لانه ممكن الاكل الكثير يسبب سكر الحمل لا سمح الله وينتقل للبيبي ديروا بالكم بنات

التمر و الحليب

التمر و اللبن

شوفي اختي راح اقول لج عن تجربتي في هالحمل .. انا ترى للحين ما ولدت و الله يسهل علي

انا ترى نحيفة ووااايد.. و ولدي الاول عطوني عليه طلق صناعي لانه خافوا عليه كان ضعيف و وزنه صغير.. فولدوني على الاسبوع 39 من الحمل و نزل وزنه كيلوين و ميتين جرام.. بس ما شاء الله عوضها بعدين و صار مثل القمر ربي يحفظه :)

في هالحمل صارت لي نفس المشكلة.. بس على ابكر بكثير.. و قرروا يولدوني على الاسبوع 34 تقريبا من خوفهم على البيبي.. و انا ارتعبت وووايد.. خاصة انه وزن البيبي وقتها كان كيلو و ثمانمية جرام بس.. و كنت متضايقة عليه واايد..

بس قالوا بنعطيج اسبوع زيادة و عقبها نشوف لو البيبي كبر او لا و نقرر.. عاد انا جيت و على طول على المنتدى.. و شفت انه الكل اجمع على انه الموز يزيد وزن الجنين.. و طحت لج في الموز.. اقل شيء 3 موزات في اليوم.. و لما رحت عقب اسبوع واحد بس قالوا لي انه البيبي كبر و وزنه صار كبلوين و ميتين جرام (يعني قد وزن ولدي الاول لما انولد في الاسبوع 39) ... و قالوا خلاص ما له داعي ولادة و لا شيء و خلوني اروح و قالوا لي استمري على اللي كنتي تسويه من اكل و غيره.. هما عبالهم اني اتبعت نظام غذائي.. :) بس انا اكلي هو هو .. بس دخلت الموز و من دشيت التاسع زدت التمر و القصد منه تسهيل الولادة باذن الله.. و لو زيد وزن الجنين خير و بركة..

بس للامانة ما ودي يزيد عن 3 كيلو وقت الولادة.. لاني ما ودي اتعب.. و هو لاحق على المتن و الزيادة بعدين خخخ

موفقة ياالطيبة ..