11غيداء11

11غيداء11 @11ghydaaa11

عضوة جديدة

منتعرف علاج التسقيط عند الاطفال(العضيم والقرينات)

الأمومة والطفل

بنات انا ولدي عمره شهرين ومن اسبوع رافض يرضع وديته المستشفى اكثر
من مرة قالو مافي حلقة شي وبعضهم قال فيه فطريات على لسانه لان لسانه ابيض لكن مافاد العلاج والبياض راح
ولازال على وضعه ناس قالو هذا عضيم وقرينات معن راسه مافية تسقيط
اذا احد يعرف علاجة تكفون دلوني او دكتور يفهم في الشغلات هذي
47
81K

يلزم عليك تسجيل الدخول أولًا لكتابة تعليق.

تسجيل دخول

آخـر العنقود
آخـر العنقود
سمعت مره عن العضيم اللي يكون في سقف الحلق نازل والترفيع وفيه حرمه كبيره تتبرع بالترفيع للأجر يعني ماترضى تاخذ فلوس .. وتقول الترفيع خطرر ولازم أحد فاااهم يرفع..
هي رفعت لطفل في العائلة كان مايرضع ويرجع كثييير وماشاء الله من بعدها وهو تمام على كلام امه...


وبالنسبة لي شخصيا ما أؤمن بهذي الاشياء وديه لدكتور أحسن و أظمن.
& أم هتون &
& أم هتون &
بنتي قالو لي فيها عضيم وحطي كريم نيفيا مثلا في الفريزر يعني خليه يبرد مره

وبعدين حطيه على راسها من قدام يعني النافوخ لمده ثلاث ايام وإن شاء الله يروح

بس الصراحه انا ماسويتها للحين قلت بروح للدكتور اليوم وبشوف وش يقول بعدين بسويها

جدتي الله يرحمها كانت تدهن وترفع الاطفال ويقولون كانت تسوي كذا وتحط مويه بارده بعد وغير الترفيع من داخل
غادة الرياض
غادة الرياض
اذا انتي بالرياض ارسلي لي بالخاص اعطيك رقم ام محمد تعالجه لك ساكنه بحي الريان

عموما العضيم والسقاط مايعرف لهم الا الاطباء الشعبيين
جليسة الأدباء
سمعت مره عن العضيم اللي يكون في سقف الحلق نازل والترفيع وفيه حرمه كبيره تتبرع بالترفيع للأجر يعني ماترضى تاخذ فلوس .. وتقول الترفيع خطرر ولازم أحد فاااهم يرفع.. هي رفعت لطفل في العائلة كان مايرضع ويرجع كثييير وماشاء الله من بعدها وهو تمام على كلام امه... وبالنسبة لي شخصيا ما أؤمن بهذي الاشياء وديه لدكتور أحسن و أظمن.
سمعت مره عن العضيم اللي يكون في سقف الحلق نازل والترفيع وفيه حرمه كبيره تتبرع بالترفيع للأجر يعني...
.......................................

ليش يا عمري ما تؤمنين بهالأشياء
أقولك ابن أخوي تنوم في المستشفى ثلاثة أيام ما يدخل فمه أكل
وما عرفوا ايش فيه
بس عذبوه بالمغذي وسحب الدم هذا غير سحب الفلوس وتسجيل الفواتير
طلعه أخوي من المستشفى على مسؤوليته بناءا على نصيحة أحد الأقارب
وراح به لحرمه كبيره
ورفعت له العظم
ما كمل نصف ساعة الا وهو لاقط رضاعته وشاربها كلها
والله انا كلنا بكينا من الفرح لما سوى كذا .. نحسبه بيموت .
....
والحريم الأولين يقولون :
( ما يموت من العظيم الا ولد الرفلا )
لأنه يؤدي إلى الجفاف الشديد المتسبب بالوفاة وهو علاجه جدا بسيط ..
.....
قريبتي قالها دكتور بمستشفى حكومي صراحة : ولدك فيه العظيم
ماله علاج عندنا
روحيه لحرمه كبيره ترفعه ...
.........


والله على ما أقول شهيد ..
كنز الحياة
كنز الحياة
ارجوكم ا11ذا تعرفون معالج شعببي ثقة ومجرب احتاجة ولدي مايرضع