التواقة..

التواقة.. @altoak_2

عضوة نشيطة

شوفوا وش صار معي بعد عملية الحقن المجهري

تأخر الحمل

أخواتي بنات حواء لأني أحبلكم ماأحب لنفسي أكتب لكم وش صار معي بعد عملية الحقن المجهري حتى تستفيدو ا من غلطتي ( مدري غلطة الدكتور الله يسامحه ) المهم قبل شهرين سويت عملية حقن مجهري طبعا كانت رابع عملية لي وأفتكر وقتها دعيتولي الله يجزاكم كل خير , العملية تمت تمام طلب مني الدكتور أعمل تحليل الحمل بعد اسبوعين وبعد اسبوع نزل علي دم مثل الدورة اتصلت على الدكتور وقال اذا كان كثير مثل الدورة خلاص وقفي المثبتات ومعناه أن المحاولة هذه لم تنجح حاولت وقتها أكون قوية شوي مو زي دايم بس للأسف على طول:icon33: لابد منها وقلنا الحمد لله على كل حال طبعا عشان أغير من الجو الي احنا فيه أحاول اننا دايم نخرج ونتمشى حتى ننسى شوي و أخذت حريتي في كل شي وما فيه شي كان ممنوع إلأ سويته أشتغل في البيت كثير وأجري على السير والدرج كل يوم مرتين ثلاث وحتى الأعشاب لأني فكرتها دورة قرفه وزنجبيل وقريت مرة في الشات عن القرينة وعلاجها قلت لتكون عندي خليني أجرب وش خسرانة هي كانت عبارة عن زيت مقري علية وحبة سوداء وحلتيت يدهن به أسفل البطن وأسفل الظهر ويقولوا الي عندها قرينه تخرج مع الدورة قطهة دم ومدري ايه المهم أنا عرفت المعلومة ثالث يوم من الدورة وعلى طول طبقتها وقتها حسيت بألم قوي شوي وصار الدم بني وقليل كأنه أنسجة قلت الحمد لله لقيت العلاج شكلها عندي وخرجت واستمريت على الخلطة الثلاثة الأيام الباقية حتى انتهى الدم . بعد 3 أسابيع تقريبا حسيت أني تعبانة ما أقدر أجلس عادي لازم أرخي ظهري ونفسي مسدودة عن الأكل وألم أسفل بطني وقتها كنت خايفة ان المنشطات سوت لي شي ولا طلعت لي أكياس رحت المستشفى قالتي الدكتورة روحي سوي تحليل بول وتعالي .بعد شوي تناديني الممرضة شكلها فرحانه ومبتسمة استغربت وش فيها هذه تعرفني حسبت نفسي في مستشفى خاص المهم دخلت على الدكتورة قالت تحليل الحمل طلع موجب وقتها مدري تبلدت شوي وماني مستوعبه الخبر وأقول يادكتورة أنتي وش تقولين وتجلس تعيد من جديد قلت يعني أنا حاااااااااااامل لالالاتأكدوا يمكن فيه خطأ وهي تقو ل والله متأكدين والممرضة كل شوي مبروك ماما مبروك ماما والدكتورة لما عجزت فيني قالت أنت بعدين استوعبي بكيفك وبشري زوجك وأهلك وسوي هذه التحاليل وموعد مع عيادة الأمومة واااااااااو شعور لايوصف يارب كلكم تجربونة .وفي نفس اليوم رحت للدكتور اللي سوى العملية سوالي الأشعة وقل مافية كيس نسوي تحليل رقمي طلع فيه حمل وطلب نعيده بعد اسبوع يقول يمكن انه في نزول أو خارج الرحم طبعا نزل بع اسبوع والحمد لله على كل حال طبعا الدكتور قام غير رايه وقال الدم الي نزل معك ماهو دوره دم مصاحب للحمل وهذا الدم ممكن يكون قليل وممكن يكون كثير مع انه في الأول يقول اذا كثير دورة . عشان كذا أنصحكم تعملوا التحليل حتى تتأكدوا حتى لو نزل الدم ولا تأخذوا الأعشاب حتى تتكأدوا انه مافيه حمل . صحيح ان الله ماقدر بس الإهمال بذات في حالات مثل كذا خطأ كبير سواء من الدكتور أو منك والله يرزقنا جميعا بالذرية الصالحة انه جواد كريم .
38
125K

يلزم عليك تسجيل الدخول أولًا لكتابة تعليق.

تسجيل دخول

رموش مخمليـه
رموش مخمليـه
حبيبتي الله يعوض عليك .. ويفرح قلبك عاجلا غير اجل ..

ويرزقك الحمل الطبيعي من غير ابر وعلاجات ..

بس دكتورك هذا جدا فاشل لانه معظم البنات اللي حملو من الحقن المجهري كان ينزل معاهم دم .. ومع ذلك يكون بالتحليل الرقمي حمل ..


عشان كذا ماينفع لاالتحليل المنزلي ولا التحليل الدم العادي لازم رقمممممممممممممي
تفاحة البنفسج
ربي يعوضك ان شاء الله بالحمل الثابت السليم باذن الله
والله الاخوات مايقصروا دايما في القسم ينصحوا بعض بعمل تحليل رقمي والله يجزاكي خير على تنبيهك
والحمد الله ربي قادر يرزقك بالحمل مرة ثانيه واللي صار ان شاء الله ربي مايضيع تعبك واكثري من الصدقة .
طفله عشرينيه
طفله عشرينيه
مستحيييييييييييييييييييييل اعمل حقن مجهري او تنشيط او صناعي وماعمل تحليل رقمي لو ايش مايصير وش بقى بس هالتحليل وش بخسر لو اسويه حتى لو تجينني الدوره لو يجي شلال دم لايمكن اني ماحلل مهما حصل نصييييييييييييييييحه كم وحده خسرت حمل بسبب هالغلطه والله وااااااااااااااااااااااجد مو بس انتي لكن الله يعوضك وهذا مكتوبك وقدرك
ودرس للجميع احيي فيك انك كتبتي تجربتك لعل البقيه يستفيدون
ليلى200
ليلى200
الله يعوض صبرك خير ويرزقك بالذريه الصالحه
انثـــــى
انثـــــى
مشكورة حبيبتي على النصيحة...
الله يعوضك ويرزقك ويرزقني ومن تتمنى الحمل السليم التام والذرية الصالحة السوية المعافاه يارب...