كلوميد ولا ابر منشطه ولا تلقيح الي زوجي رافضه ساعدوني جعلكم يارب تحملون هالشهر

يااخواتي الله يرزقني ويرزقكم اجمعين في هالشهر يارب مايعدي إلا وكلنا نبشر بعض بالحمل
شوروا علي وش اسوي خذيت كلوميد اربع مرات في فترات متباعده مرتين طلعلي بويضات احجامها زينه 18 و19 واخذت ابرة تفجير ولا يصير حمل والمره الثالثه طلعلي اربع بويضات ولا صار حمل والمره الرابعه طلعي 5 بويضات والدكتور الله يسامحه اهملني لو تابعني من يوم 12 واعطاني ابر تفجير افضل لكن هو خلاني ليوم 14 من الدوره وكثرت البويضات وتحولت لاكياس ثنتين منهم يعني طلعلي كيس على كل مبيض وجلست اربع شهور من غير علاج لين ماراحت الاكياس الحمدالله اختفت ورحت دكتوره ثانيه قالتلي احتمال انتي من النوع الي الكلوميد يسبب سماكه في الافرازات تمنع الحيوانات المنويه فالافضل تاخذين ابر تنشيط
انا قلتلها ابر تنشيط قويه والكلوميد يجيب معي نتيجه والابر اقوى أخاف يجيني فرط تبويض ماعطتني اجابه بعدين قالت روحي سوي اشعة الصبغه
وتركتها شهرين ورحت الحبيب وسويت الصبغه وطلعت سليمه ورزوجي حلل وطلع سليم
علما انه عندي بنت عمرها اربع ماشاء الله الله يحفظها لي ويرزقها اخوان
والحين صار لي يمكن 8 شهور مارحت اتعالج بس رحت حريم يمرجون وكل وحده ماهمها الا الفلوس ورجعت للحبيب عند الدكتوره الجوهره قالتلي انتي عمرك 32 انصحك بالتلقيح الصناعي وزوجي رفض وانا استنى الدوره تجي بروح لها بس هو رافض
عاد انتم وش رايكم مشكلتي تكيس الكلوميد يجيب نتيجه بس مافيه حمل
اجرب الابر ولا قويه طبعا بتقولون التلقيح افضل ادري بس هذا الحل مستبعد حاليا لان زوجي موب مقتنع فيه
وانا ودي ارجع انشط بس بإ يش ماادري محتاره قلت اكتب قصتي يمكن احد عند حل لي او مر بتجربه مشابهه لي
ادعولي بالحمل بتؤامين ذكرين سليمين متعافيين يارب ياكريم ويرزق كل محرومه
ارفعوا موضووعي لو بدعوه رفع الله قدركم دنيا واخره