بعطيكم طريقتي باللحم والله زوجي قال خلاص اعتمديها لي ولو اكل منها كل يوم مااامل منها ومافيها دهون وسهله وممكن تسوين طريقة اللحم لحالها ويناكل مع الخبز والشطه والليمون وممكن تضيفين لها رز وكلها لذيذه
المقادير..
لحم غنم
بصل شرايح
فلفل رومي شرايح
صويا معتدله فنجان قهوة
صوص باربكيو 3 ملاعق كبيرة
صويا اسمه hpبطعم الباركيو المدخن 3 ملاعق
دبس الرمان 4 ملاعق كبيرة
زيت زيتون
ملح ..وبهارات خاصه باللحم واذا مو متوفر بهارات مشكله بالاضافه ملعقه صغيرة قرفه مطحونه وكمون وفلفل اسود وكزبرة مطحونه
بهارات صحيحه قرفه وهيل وعويدي وورق غار نضيفه لماء السلق (0
الطريقه :
بقدر الضغط نحط اللحمه ونسلق اللحمه مع البهارات الصحيحه لمن تستوي ..
اذا استوت نطلع اللحم بصحن ونلبس قلفز وبيدك نفصل اللحم عن العظم ونشيل الشحم ونحاول نسحب اللحم زي الخيوط اصلا تلاقيه طري لاننا سلقناه
نحط اللحم بمقلا بعد مافصلناه عن العظم
ونضيف له الصويا والباربكيو ودبس الرمان والبهارات ونخلطهم مع بعض ونضيف زيت زيتون وفلفل رومي والبصل الشرايح وعالنار لمن تتجانس المكونات مع بعض ويتحمر شوي اللحم
وبالاخير نضيف الملح ..
وبكذا انتهينا تحبي تاكلينه بخبز او تضيفين له رز اهم شي لاتنسو تعصر معاه ليمون
طيب اذا بنضيف له رز
بمرقة اللحم بعد مانصفيها نسلق الرز عادي وبعد مايستوي نضيف لها زعفران منقوع بموية الكادي ونحط فنجان قهوة فيه زين ونولع فحم ونحطها عليه ونكتم الرز ..
وبعدين نخلط الرز مع اللحم ..
وبالعافيه غليكم صدقوني بيعجبكم ولاتنسوني من دعواتكم ..