الموكيت كيف تغسلونه اذا توسخ

التنظيف والتنظيم

السلام عليكم
اخواتي يا ليت يا بنات تقولو لي عن طريقة غسلكم للموكيت ,,,ودي اغسله ويطلع جدييييييييييييد
ولكم خالص الشكر والتقدير
14
5K

يلزم عليك تسجيل الدخول أولًا لكتابة تعليق.

تسجيل دخول

ام معضد
ام معضد


مرحبا يا عزبة الكشتة

فيه عندج حلين يا عزيزتي
(من تجربة احدى الاخوات في منتدى آخر )
الحل الاول : انج تشترين مكنسة غسيل الموكيت والسجاد
مصممه لسحب الماء من الموكيت اللي تم غسله..ولكن الأرضيه ما بتكون ناشفه تماما تحتاج نصف يوم لتجف او احيانا اقل ان كانت التهويه في المنزل جيدة




لكن فيه عيوب عزيزتي ..
1- ان صابونها مكلف بعض الشئ ولكن انتِ لن تحتاجي الا لكوب منه والبقية ماء تملئين بها الوعاء الخاص ان كنتي ستغسلين غرفة مثلا ,,
2- انها ثقيلة نوعا ما ولكن هي نوعيات وربما يوجد انواع اخرى خفيفه منها ..
3- انها عند الغسل ليست فورا تزيل البقعه بل تحتاجين للرجوع للبقعه والتركيز عليها هذا في حال البقعة الشديدة ..
4- ان نتائجها الجيدة تكون واضحه في السجاد والموكيت المشجر او الغامق اكثر من البيج او السكري ..

ووولموكيت انظف
اضيفي للصابون والماء قليلا من الخل اي مايعادل ربع كأس ..

وهاي صوره لمنتج الصابون المستخدم لغسيل الموكيت



طبعا فيه انواع غير مختلفه بس عرضت صوره لاحد المنتجات من باب العلم

ومن تجربتي انا انا اشتريت مره هديه لأختي من هالماكينه بس شكلها غير وخفيفه لما انتقلت لبيتها الجديد سعرها كان 900 درهم .. وسأليتها عقب عنها تقول زينه وتنظف بس تاخذ وقت ومجهود كبير

............................

والحل الثاني عزيزتي وهذا اللي كنت انا اسويه لما كان عندي موكيت في البيت حاليا ما عندي كنت اطلب شركه للتنظيف .. واريح راسي .. والوقت حسب مساحة البيت .. ويكون الموكيت رطب بس اسوي تهويه واشغل المكيفات والمراوح وع ثاني يوم الارضيه تكون تمام
......
ارجو اني افدتج
والسموحه
ام معضد
ام معضد
هذا التعليق محذوف
:)
ألجوري
ألجوري
:)
:)
انا طريقتي...( لان بيتي شقه بس كبيره شوي ) يعني ماأحتاج اني اجيب شركه تنظف ..
اجيب باديه ..كبيره وأحط فيها مويه ..وشوية فيري ماأكثر.. وشوي من لانس ..معطر الملابس
وخصوصا اللي برائحة الخوخ ..تهبل..او..اللي برائحة التفاح ..فظيع ..وأخلي الشغاله تفرك
السجاد فترة الصبح ...عشان يمديه ينشف ..قبل الظهر ..وتعالي شوفي الريحه ..والنظافه ..
والله جنان ..:eek: عن تجربه ..وبعض الآحيان ماأحط فيري ..

هذي الطريقه أخذتها من صديقتي ..ايضا بيتها شقه .. يمكن ماتناسب بيتك اذا هو كبير مره ..
بس قريت موضوعك ..وحبيت أشارك ..وأتمنى اني افتدك .......وشكرا...
عزبة الكشتة
عزبة الكشتة
الله يرضى عليكم اخواتي...
ام معضد ...بالنسبه للخل فكره توني اعرفها وراح اطبقها ان شاء الله,,,
الجوري ...بيتي شقه زيك ومشكوره
واللي يدخل يعلمنا عن تجاربه خصوصا البقع المستعصية
بارك الله فيكن
ألجوري
ألجوري
الله يرضى عليكم اخواتي... ام معضد ...بالنسبه للخل فكره توني اعرفها وراح اطبقها ان شاء الله,,, الجوري ...بيتي شقه زيك ومشكوره واللي يدخل يعلمنا عن تجاربه خصوصا البقع المستعصية بارك الله فيكن
الله يرضى عليكم اخواتي... ام معضد ...بالنسبه للخل فكره توني اعرفها وراح اطبقها ان شاء...
أهلين ..عزبة الكشتة ..
شوفي اختي .....بالنسبه للبقع المستعصيه فيه منظف ..يشيل البقع العنيده..

هو لونه فوشي ...وأسمه اذا ماني غلطانه ... فينيش ... وهو موجود في السوبر ماركت ..

انا والله ما جربته ..بس ناويه اشتريه ..لاني اعرف كم وحده تمدحه مره ...