هل أستخدم التمليس لشعر بنتي

العناية بالشعر

مرحبا يا بنات

بنتي عمرها 8 سنوات شعرها جاف لو تشوفين الشعرة عندها منكوشة

أهية دايما تشوف شعر بنت عمها إللي هو أصلا خشن بس مسوينه لها تمليس وتقول لي أنا أبي مثل بنت عمي
بنت عمها قايله لها أن أهي راحت صالون وبس حطو لها كريم ما تبي تخبرها أنها مسويه تمليس
وبنتي المسكينة مصدقة أن في كريم يخلي الشعر حلو جذي
ودايما تطالع شعر بنت عمها وهي تدلع فيه

أنا منكسر خاطري على بنتي
بنتي شعرها أنعم من بنت عمها لكن دايما مربوط أو جدايل وبنت عمها دايما مفلول

رحت حق نزيه وطلبت منه تمليس خفيف لكن مانصحني أستخدم لها أي نوع لأنها توها صغيرة

أفكر أروح الصيدلية وأشتري لها أي نوع خفيف من أنواع فرد شعر وأخليه بشعرها بس كم دقيقة وأغسله بسرعة لها

شرايكم شنو تنصحوني أسوي؟
بنتي كاسرة خاطري:(

40
7K

يلزم عليك تسجيل الدخول أولًا لكتابة تعليق.

تسجيل دخول

redrosa
redrosa
الله يعينك ويعيني نفس مشكلتي مع بنوتاتي
أصيلة المجد
أصيلة المجد
فيه تمليس خاص للأطفال تلقينه في الصيدليه

اتوقع اسمه سوفت اند بيتوفل واذا بتحطينه بشعرها اخلطي معاه شوي بلسم علشان مايجفف شعرها

لأنه بالعاده التمليس يجفف الشعر
لولي 2009
لولي 2009
مانصحك ياختي اتحطيلها فرد شعر بنتي طاح من الفرد وهي عمرها 12 ما شاء الله
ميلغا
ميلغا
سوي لها فرد بالبيت بالكريمات مثل سوفت اند بيوتفل
ام فهد00
ام فهد00
ماانصحك تسوينه اعتني فيه بالزيوت والحناء وبس