بنات تعالوا شوفو الهم اللي جاني بسبب جوالي القديم والشغاله

السلام عليكم

بنات انا في هم ما يعلمه غير ربي

ساعدوني الله يفرج همومكم ويجزاكم الفردوس الاعلى من الجنة

انا عندي فلاش ميموري قديم فيه صور بناتي وزوجي كنت حاطته في جهاز جوال

وبعدين خرب الجهاز وجبت جهاز ثاني والجهاز القديم خبيته في الادراج وساعات يطلعوه بناتي ويلعبوا فيه

وانا ارجع اخبيه وسبحان الله ماجا في بالي اسحب الميموري منه واحفظه في مكان امن

امس زوجي قالي اذا عندك ميموري قديم استعمليه لان ذاكرتي جوالي الجديد منخفضة

انا افتكرت الجهاز القديم ورحت ادوره ما لقيته والله ما خليت مكان في البيت الا دورته وماحصلته

اللي مخوفني ان عندي شغاله اندنوسية تروح وتجي ما تنام عندي وذحين بنسوي لها كفاله

ما قد شفت عليها شي وقبل اسبوع ضاع مفتاح سيارة زوجي وشكيت فيها بقوة

وبالاخر لقيته في علبة النظارة في الادراج حقي بناتي خبوه وندمت على شكي فيها

والله يا بنات خايفة تكون اخذته وتسوي لبناتي زوجي شي من صورهم

ومرات افكر اقول يمكن رمته في الزباله بس كيف جوال طول وعرض ترميه؟؟؟

بنات ساعدوني كيف اسألها بكرة عنه واذا كان معاها كيف اقدر استرجعه

هي ساكنة في عمارة قريبه مننا

وربي جالسة اكتب وابكي من الخوف جتني حاله نفسية من كثر التفكير ساعدوني

واسالكم بالله تدعون لي ربي يطمن قلبي ويجمعني بضالتي مثلما جمع موسى بأمه وجمع يوسف بأبيه

هذي قصتي وارجووووووووكم يا اخواتي لا تبخلون علي وارجوكم لا تلوموني لان اللي فيني مكفيني وزيااااادة

انا جيت هنا افضفضلكم ابغاكم تدعولي وتساعدوني بمشورتكم

والسلام عليكم ورحمة الله وبركاته