خطوبتهم وتحطيم امي افقدوني ثقتي بنفسي

السلام عليكم ورحمة الله :(


بفضفضلكم يابنات .. انا بنت عمري 20 سنة
تربيت وكبرت مع بنات خالي وخالتي كنا خمس مع بعض بطلعاتنا وروحاتنا
وانام عندهم وينامون عندي
تخيلوا فجأة كلهم انخطبوا الأربع الا انا :(
انا ماكان ببالي موضوع الزواج اصلا واحس اني صغيرة والعمر قدامي
بس يابنات شعور يعور لما كلهم الأربع الا انتي
بديت أسأل نفسي انا شفيني وايش نقصني عنهم
انا احبهم واتمنالهم السعادة بس بعد خطوبتهم صارت مواقف كثيرة هزتني من جوا
صرت بس ابكي من القهر
مدري ايش اقول وايش اخلي
اول شي صاروا بعض الناس يسألوني عن صديقاتي بيخطبونهم
يعني تخيلوا تجيك وحدة تسألك عن صديقتك بتزوجها اخوك وانتي مو متزوجة
وصارتلي اكثر من مرة .. مرة كنت بمناسبة ومعي بنت خالي وجتني حرمة سألتني عنها
ماعمري تمنيت انحط بهالمواقف
صرنا اذا رحنا استراحات ولا جمعات يحتفلون فيهم كلهم وانا اطالع
هذا غير وترديدهم المبالغ فيه لكلمة عقبالك
صار يجيني شعور ان الكل شفقان علي
يابنات انا فقدت الرضا عن ذاتي تماما
صرت اطالع بالمراية اقول شفيني عيوب
انا سمرا شوي بس كنت طوال عمري مقتنعة اني جميلة وكل شي فيني جميل
وثقتي بنفسي عالية
بس بعد اللي صار اهتزت ثقتي شوي
واللي زاد هالموضوع تحطيم امي
امي حطمتني حطمتني بشكلي لدرجة محد يتصورها
وصلت لمرحلة ماابي احط عيوني بعيونها عشان لاتتكلم عن عيوب وجهي
مع ان وجهي صافي بس فيه تصبغات شوي
صارت كل ماتشوفني تقول السواد اللي فيك رجولك يدك وتعطيني نصايح
كل ماتشوفني تعطيني خلطات واشياء
اول ماتطالع بوجهي تقول ليش عيونك كذا ليش خشمك كذا ليش ليش
احسها شايلة همي
مع اني جميلة وملامحي جميلة بس امي نقدها لاذع وتبالغ جدا
لدرجة انها افقدتي ثقتي بنفسي صرت حتى اذا جيت اتكلم أتأتأ
صار عندي هوس تبييض وخلطات
اجمع مكافأتي ومصروفي عشان اضيعها بجسمي وبالعيادات
صرت اشتري ملابس بالهبل بعوّض النقص اللي فيني بالأناقة
عشت طول عمري مقتنعة وراضية بجمالي وبشكلي بس المجتمع اللي حولي حطمني
مع هذا ربي الحمدلله اعطاني جسم مرسوم وقوام ممشوق بمعنى الكلمة
وهو الشي اللي الكل يمدحه اذا طلعت لدرجة يسألوني ايش تاكلين وايش تسوين
مع هذا امي محطمتني تقول لازم تنحفين
انا مو دبة ابدا بس هي بالنسبة لها الجسم المثالي نفس اجسام عارضات الأزياء يعني مسطرة
وانا جسمي فيه معالم انثوية بارزة
مع هذا هي تحاول تقنعني انها بشعة اكثر من انها حلوة
صارت تقول لاتلبسين ضيق لاتبرزين جسمك
تقنعني البس واسع
مع ان هذا الشي مميز فيني
افقدتني الثقة حتى بجسمي اللي الكل يمدحه وراضية فيه
صرت يابنات اتأثر بالكلام السلبي ويثبت ببالي
وللأسف عصبية وسريعة الإنفعال
صرت احب الأنعزال اكثر من الإختلاط
اذا طلعت مع البنات كل كلامهم عن الزواج والملكة وانا اساعدهم واخطط معهم
بس احس بالنقص ودي اجرب شعورهم :(
وبالبيت امي مو مقصرة كل شوي تحطيم
وانا مضيعة الألاف بنفسي كان شعري خفيف وقصير وعالجته
صار طويل وثقيل
كانت عندي حبوب وعالجتها صارت بشرتي صافية
والحين متابعة مع دكتورة جلدية
اسناني بيضتها
كل شي مضايقني بشكلي جالسة احاول اعالجه
بس حاسة بتحطيم بداخلي وحاسة اني اقل من غيري
انا مو حابة هذا الشي ولا اكبر احلامي زواج
بس بوصل للرضا النفسي وماابي اتأثر بكلام احد
بسترجع ثقتي بنفسي وهذا المهم


:(