ان شاء الله كلم طيبين
انا يبنات سويت جلسه مغربيه لصاله عندي ويوم جت الجلسه كانو حاطين على الطاوله ثلاث قطع من نفس قماش الكنب قاصينها على شكل مثلثات
بس تدرون مادري وش خانتها هذي المثلثات في الجلسه شكلها غلط في الجلسه
المهم شلنها وسويت مفرش شيفون لطاوله وشلت المثلثات قلت يمكن يجي لها لزوم
المهم بعد ماترتبت الصاله طلعلي شي غلط بالجدار مشوه الشكل الي هو مستر طبلون وبعد مخليه البويجي ماضربه بويه وهذا شكله
شفتوه وش حلاته
قمت وفكرت وفكرت وخطرت على بالي هذي الفكره الجهنميه تذكرون المثلثات الي كلمتكم عنها قبل
اييييييه ماغيرها جبتهم وقصيتهم اربع مربعات متساويه وكان عندي قماش ساتان بني ركبت المربعات عليه وسويت كم ورده وطرزت عليه بالخرز وطلع احلى لوحه جيبيه وحطيت فيها الريموتات (حج وحاجه ) وفيها نوتات واقلام عند الزوم
ولبستها الطبلون صارشكله كذا
وهذا شكله مع الجلسه طالع طقم يحلاااااته هههههههه
هاه وش رايكم بفكرتي الجهنميه اكيد بتقلون حلوه (الثقه زينه )ههههههههههههه وسلامتكم
عاد ماودي اشحذ ردود (كانها تلمح لشي )