يوم الخميس والحمد لله زوجي كان موجود ويوم الجمعه عنده عمل في مدينه ثانيه قال لي يله اوديك المستشفى أنا رفضت قلت له ما فيني ولاده بس تعب لكنه إصر انه يودينيرحنا المستشفى الساعه تسع أو عشر كشفت على الدكتوره وقالت 2سنتي تنويم الفجر جلست وصليت وقريت الأدعيه وقراءة سورة مريم والملك ويس والكهف بما انه يوم الجمعه وكنت محضره لي حليب بالقرفه ترددت اشربه من كثر ما أقرا للي يصير لبعض الحوامل طلق من غير ما يفتح الرحم بعدها توكلت على الله وشربه وياويلي من الطعم تكرم النعمهت خيلن حليب بوني باااااااااااارد بالقرفه وشربه بنفس واحد وقوم أتمشى في الممرات بعدين قالت لي الممرضه كشف وتكشف وتقول كمسه(خمسه)يله ولاده ,على غرفة تجهيز الولاده وتصير رجولي باااااااااارده من الخوف وسمع الدكتور توبخا لممرضه بالانجليزي تقول لها(لا تجيبين احد قبل الساعه سبع)وانا كانت منزلتني الساعه 5 أو 5:30 ,وانا جالسه انتظر على التخطيط والطلق باااارد بس منتظم الساعه سبع جات الدكتوره تكشف علي وهي تكشف فتحت عيونها مستغربه(وهي تحفر فيني تدور على كنز علي بابا)وطلعت يدها فيها افرازات مع دم(تكرمن)واسئلها كم وتقول لي 3 كيف 3 وهو 5 هو يفتح أو يسكر وأتوقع أنها مع الكشف سوت لي تحريض بس ما فيه فايده الطلق بارد وجاني دكتور يشوف حالتي وهو يكلم الممرضه يقول لها فيكم ترجعونها التنويم فهمت عليه وطبت منه انه يرجعني الغرفه وسمح لي ارجع وجات الممرضه وقلت لها توديني غرفه وتسئلني مافيه الم وقولها لا على التخطيط باين عندها طلق وانا أقول لا مافيه(ودي اهرب مليت أللي قبلي ولدن واللي بعدي وانا جالسه)وانا قايمه من السرير تتحسس بطني وتلاقيه متحجر وترجعني وتكشف وتقول أربعه ولاده وانتظر ولا فيه جديد إلى الساعه 11قررت الدكتوره(ثانيه)توديني غرفة الملاحظه بعدها بدا الطق يحمى وانا ساكته ومصبره نفسي تعبت من الكشف قلت بصبر لين يزيد الألم وماعاد اقدر عليه وصادتني الممرضه وانأأتألم وكشفت وقالت 6او7 ورجعت غرفة تجهيز الولاده ,نزل علي الماي قليل(للمره الأولى من غير ما تفتحه الدكتوره)وتكشف الممرضهوتقول8 يله ولاده ,وجات الدكتور وفتحت الماي وبعدها ودوني غرفة الولاده و ولدت الحمد لله طبيعي ومن غير جراحه الساعه2الظهر
بعدين طلعت لغرفه التنويم و ولدي بين أحضاني جات الممرضه تشيك على العيال الساعه12وتشوف ولدي يرجع(يستفرغ)إفرازات مع دم وقالت لي انتبه له بعد فتر رجع مره ثانيه كميه أكثر ورحت للممرضه قلت لها تعطيني غيار لطفل سئلتني رجع قلت أيوه مع دم قالت جيب بيبي يشوفه دكتور وأخذته بعد فتره جاتني وقالت اخذوه للحضانه بس لملاحظه بكره بيرجعونه والصبح مارجعو ولدي وانا اسئل أي ممرضه او دكتور يدخل متى بيجيبون الولد وكلهم يجاوبون بعدين ,كتب لي الدكتور خروج وجاني زوجي(ماكنت مخبرته عن الولد ألاالصباح بعد ما كتب لي الدكتور خروج )وقالوا لناروحو استلموه من الحضانه الدورالأول ونزلنا الحضانه ونسئل عنه ويقلون مش موجودشوفوا الحضانه الدورالثاني,ونروح ونسئل الطفل مش موجود رجعو الحضانه الاولى اذا كان مجرد ملاحظه,ونرجع الحضانه الاولى ونفس الشي مش موجود قلت يمكن رجعوه لي في الغرفه,ورحنا نسئل قالوا لاماجابوه ونرجع الحضانه الاولى وما فيه خبر انا خلاص ماقدرت رايحه جايه وتوني ماصار لي24 ساعه والده قالي زوجي انتظري هنا (عند الحضانه)وهو راح الحضانه الثانيه يـتأكد قالوله روح الحضانه الدور الثالث,وراح ويسئل ويقلون له مش موجود عصب كيف طفل مش موجود وين بيروح ويدخل المسؤل ويقوله انا بسئل لك ويرفع سماعة التلفون في نفس الوقت انا دقيت على زوجي وقلت له خلاص لقوه تعال,لقيناه في الحضانه الاولى لحظة ماطعت الممرضه وهي تدف السرير فيه الولد شفته وعرفته وسئلتها لتأكيد(فلانه الفلان لانه يسمونهم باسم الام في المستشفى)قالت أي قلت لها كيف تقولون مش موجود ونحرجت بعدها قالت انا اللي قلت ورحنا للغرفه في قسم التنويم عشان نخلص اجراءات خروج الطفل وقال لها زوجي ليش تقوون مش موجود الا ذيك البنت الخجوله تحط عينها في عين زوجي وجها شوي ويلزق فيه وتقول له والضحكه طالعه من عيونها انا اللي قلت لك وما كأني موجوده وزوجي هو اللي أنحرج ولف وجهه وراح بعيد والحمد لله طلعت و ولدي بين أحضاني
وفي الأخير حبيت أقول الكن شي انتبهن لحظة ما الدكتور تفتح ماية الجنين هم يدخلو شي طوووويل انتبهن تتحركن لأني شفت اللي جنبي بنتها كان فيها جرح في رأسها بسيط جرحتها الدكتور وهي تفتح الماي لكن ولد وحده في الحضانه صاير راسه كانه شارع محفر من الجروح
والحمدلله على كل شي انا اليوم لي من ولدت32يوم
وعليك بالصدقه