السلام عليكم ورحمه الله
اللي ذاكرني من 4 شهور رجعت لزوجي يالله لك الحمد قسم بالله مافي مثل الزوج فقدته كثير وذقت الويلات ودعيت الله بكل حين انه يرجع لي زوجي والحمد لله رجع لي والله مافي بالدنيا زي الرجال لو كله عيوب يابنات حافظن ع ازواجكن جربت اعيش بدون زوج ومعي طفلين وحامل يالله ذقت انواع العذاب عند اهلي خاصه اذا تعبو عيالي تعرفون الاطفال دايم تجيهم سخونه ورشحه بس الله لطف فيني رجعني له يابنات جربت العيشه عند اهلي والعيشه معه يالله فررررررررررررررق كثير والله ما ادركته إلا لما طلقني ياشين هالكلمه طلقه وحده بس الحمد لله رجعت له يالله لك الحمد يالله لك الحمد ...... وان شاء الله هذا درس قاسي لي ... حاسه اني عند اهلي زي الخبله معليش ع الكلمه مافي احد يقدرني وكنت في بدايه حملي وانام كثير يالله جنوني على النوم وصراخ ع عيالي ولدي الكبير شوي ويصير عمره 3 سنوات .... وحده من خواتي اكبر مني تزوجت قبلي بس انا سبحان الله تزوجت بعدها وانجبت قبلها ولها طفل عمره سنه و3 شهور وولدي احيانا يلعب معه واحيانا يضربه اطفال عادي عندهم تصفق ولدي بالجدار وتشده مع شعره وتعايرني بالطلاق قدام اخوي الكبير وتقول الله يحرمك اطفالك وقتها دموعي جفن من البكاء وأدركت مدى خسارتي الكبيره لبيتي وزوجي وكانت تناظر للقمته ولدي لان ولدي بسم الله عليه حالته حلوه مو سمين وجميل جدا وولدها اسمر وماياكل كثير وتجيب اكل وحلويات ولا تعطي ولدي وياويله لو يقرب لها وتجيب العاب لولدها وسيارات وولدي طفل صغير اكيد بيلعب فيها قسم بالله عيشه تقصر العمر وقتها نذرت اصوم شهر اذا رجعني الله سبحانه له ويالله لك الحمد رجعت له والحين انا ع وشك ولاده وامي تبيني اولد عندها وانا ابي اولد في بيتي وتزعل مني الوالده لان اختي هذي بدون مبالغه ما كأن لها بيت 24 ساعه عند اهلي وهي شيبت براسي علشان ولدي معقول اروح بعد انفس ويجيني اكتئاب من تصرفاتها وانا ولديني الاول والثاني ولدهم عند اهلي وزجي يخليني اربعين يوم لما اخلص الاربعين وهو من النوع اللي يجيب اكل لزوجته اذا ولدت مع انه يجي تقريبا شبه يومي يشوف الطفل وحنا من العادت عندنا اذا الرجل ولدت زوجته يجيب لها على الاقل ذبيحه شي اكيد اما انا ما يجيب لي كذا واهلي منقهرين منه واذا جاء اقوم بنفسي اسوي له قهوه واهلي بخلانين بالقهوه ويسمعونه كلام واجلس انحرج انا وعلى هالحال اما اذا ولدت في بيتي صحيح ماحد يجيني من اهلي لكن ارتاح انا من اختي ومشاكلها واخدم نفسي بنفسي للعلم بولادتي الاولى والثانيه انا اقوم بنفسي وبولادتي الثانيه لي 3 ايام والده وجاء اخوي وقال لي ابي عشى وسويت له وهو متزوج وفيه بنات ثانيات غيري يقومن بالمهمه لكن انا مستضعفيني اهلي.
أم الحلوين أنا @am_alhloyn_ana
محررة برونزية
يلزم عليك تسجيل الدخول أولًا لكتابة تعليق.
الله يسخره لك ان شاء الله وتنعمين بالسعاده والهنا ويتربون عيالك معاكى انتى وابوهم تحت سقف واحد ويبعد عنكى المشاكل والهم
تكفين ادعيلي ارجع لزوجى قبل نهاية الاسبوع هذا لانى معد اقدر اتحمل فراقه ولا اقدر اتحمل العيشه عند اهلى وتعاملهم معاى
تكفين ادعيلي ارجع لزوجى قبل نهاية الاسبوع هذا لانى معد اقدر اتحمل فراقه ولا اقدر اتحمل العيشه عند اهلى وتعاملهم معاى
الحمدلله ما ينفع الإنسان احد إلا نفسه ودامك تقدرين على نفع نفسك أبد لاتحتاجي لأي مخلوق ارضي ربك ثم نفسك ربي يعينا ويعينك
الصفحة الأخيرة
تقومين بالسلامه ان شاءالله
الله يسخر لك زوجك ةيحنن قلبه عليك