بسم الله الرحمن الرحيم
السلام عليكم ورحمة الله وبركاته
كيفكم حبيباتي ؟ ان شاء الله بخير و صحه :mex:
ممكن الحركة تكون سخيفة اساسا و مافي داعي أعلمكم عليها او اكتب موضوع عشانها بس جد نتائجها خلتني انزل هالموضوع و تجربون تسوون زيي و بنفس الوقت اسولف لكم و أوسع صدري و صدوركم :mex:
طبعا انا تزوجت قبل شهرين تقريبا زوجي عادي جدا ما أقول لكم طيب و معاملته معي عسل رغم انو حنا في البداية و عادة الازواج بالبداية يدلعون الزوجة اخر دلع لكن زوجي شخصيته بالأساس حازمه و قوية و عشان كذا يعاملني معاملة عادية جدا كاف خيره شره
و صراحه بالنسبة لي عادي مو مضايقني هالشيء و ما تحسست منه ، المهم انا من روتين عنايتي بنفسي الأسبوعية أسوي حمام مغربي أسبوعيا حتى قبل اتزوج لاني اهتم بنفسي عشاني انا مو عشان احد ثاني انبسط لما اهتم بكل تفاصيل شكلي وجسمي و أعزز انوثتي الحمدلله حتى ما تعبت بنفسي ابدا قبل الزواج زي اغلب العرائس الله يهديهم اللي ما تتذكر انها انثى الا لما تنخطب وتحتاس مسكينه وهذي نصيحتي لكل بنت تذكري انك انثى و اهتمي بنفسك عشانك انتي مو عشان احد ثاني < ما تنعطى وجه :024:
المهم مثل ما قلت انا متعودة أسبوعيا أسوي حمام مغربي لانه يريحني من ضغط وتعب الأسبوع والشغل فعلا راحة كبيرة ، زوجي قبل يومين جا من الشغل وكان مرابط يوم كامل يا عمري عليه وتعب جدا حتى لما جا ما تكلم معي كثير مافيه حيل على طول رمى نفسه بالسرير انا رحمته و فسخت له كنادره و غطيته و لما قام بعد ساعتين يمكن يقول جسمه مكسر ومو مرتاح ما قدر ينام زين
على طول جتني فكره ليش ما أسوي له حمام مغربي لانه فعلا يريحك من كل الضغوط اللي تعرضتي لها خصوصا اني انا اللي راح أفرك له جسمه و اشتغل هو بيكون مرتاح بيسترخي و بس وفعلا قلت له بسوي لك حمام مغربي يريحك في البداية رفض قال قبل عرسنا سويت حمام تركي عند الحلاق و كان متعب < لانو هو اللي فرك لنفسه مو الحلاق فرك جسمه :biggrinlo
بس قلت لا انا اللي حشتغل لا تخاف :biggrinlo قال اوكي حسيته زي البيبي فعلا الرجل طفل كبير ، الموهم خليته يسترخي بوسط البخار الساخن و حطيت في جهاز البخار حفنة خزامى مجففه وحفنة بابونج مجففه وحفنة ورد طبيعي عشان ريحتها حلوه تخليه يسترخي اكثر وتجيب له النوم :biggrinlo
خليته يجلس ويسترخي وسط البخار 30 دقيقة تقريبا فعلا ارتاح و مرا انبسط و بعدها دهنته بالصابون المغربي الاسود لحاله < ما حطيت حناء و ليمون لانو في النهاية رجال مو لازم الإضافات
ذي :biggrinlo
استغليت الوقت و دلكت جسمه بالصابون 15 دقيقة تقريبا و شطفته بالمويه الحاره و بديت أفرك بالليفة المغربية < بما انو الرجال ما يهتمون بحمامات البخار زينا يكتفون بالدوش العادي والله ياهي بلاوي طلعت و انبسط لما شافها يقول لي ايه أفركي زيادة بعد خخخخخ
طبعا ما استحيت حتى رجوله فركتها له و ربي لا شعوريا يقول لي عشتي الله يرضى عليك و يا جعل يدينك ما تمسها النار حسيتها طالعه من قلبه و انبسطت بدعواته وحسيته ابوي :biggrinlo ، المهم بعدها دهنته بماسك الطين المغربي "طين مغربي مخلوط بموية ورد< هالقناع متعوده استعمله اخر شيء بعد الفرك بالحمام المغربي لانه يريح الجسم ويهدئ البشرة وفعلا تحسين براحة عظيمة وانتي مطليه بالطين" خليته مطلي بالطين 20 دقيقة وطبعا دهنت شعره ببلسم بعد ما غسلته بالشامبو ، وشطفته زين اخر شيء بمويه بارده وطلعته
ما خليته يمد يده بشيء انا نشفته زين و دلكت جسمه بزيت الاركان ذوبت فيه عدة قطرات من الزيت الاساسي للخزامى و عدة قطرات من الزيت الاساسي لزهرة الايلانك إيلانك صارت ريحة الزيت تجنن ومنها عشان ما تجف بشرته وتصير سمراء وخشنه ومنها التدليك ينشط الدورة الدموية و يريحه وانا اساسا تعلمت التدليك قبل اتزوج و كنت أدلك بابا وماما و اخواتي يعني خبره الحمدلله :biggrinlo
بعدها لبس ملابسه وكنت مجهزة من قبل بخور اللبان الذكر الطبيعي ريحته تجنن و تجيب الرأس وبخرته وكنت مبخره ملابسه ومنشفته قبل يطلع من الحمام و طبعا تعرفون من بعد هالتجربة بس وده على اقرب فراش وينام وفعلا نام و ربي ما صحى الا بعد عشر ساعات تقريبا لانو كان مرتاح ومسترخي على الاخر
انا سويت له هالشيء رحمه فيه لانه كسر خاطري و برضو ما أنكر حبا فيه :unsure:
و كنت مبسوطه بالآجر اللي ممكن احصله من هالشغلة البسيطة اللي ما أخذت من وقتي وجهدي شيء
ما تتصورون يا بنات قد ايش انبسط و معاملته انقلبت 180 درجة بعد ما كان شبه رسمي معي و يميل للقوه اكثر بس اصلا هو معروف بشخصيته القوية قبل اتزوجه بس وربي يا بنات زي الطفل صار يدور رضاي يقول لي لا تسوين عشاء بوديك المطعم وبالغداء دخل يساعدني المطبخ و قال لي راح أخذ اجازة من الشغل و بوديك البحرين و بعدها الكويت بوديك أماكن كنت احبها و اروح لها دايما يوم كنت اعزب و هذا غير كلمات الغزل و الحركات تعرفون يعني :biggrinlo
يعني فعلا قدّر اللي سويته له يا عمري عليه و بشكل اكثر من اللازم ، و قال لي بين فتره و فتره سوي لي حمامك ذا تكفين قلت أبشر ما طلبت شيء < وأقول بنفسي دام ذي نتايجها ليش ما أسويها غبيه انا :biggrinlo و فعلا حطيتها برأسي ناويه أسوي له حمام مغربي كل أسبوعين مره
العبرة من الموضوع انو اشياء بسيطه زي هذي تخلي الرجال زي الطفل يتعلق فيك ويبذل جهده عشان يرضيك مهما قوت شخصيته بتجيبين راسه وبتخلينه خاتم بإصبعك وصدقيني وانتي تخدمينه باشياء زي هذي تحسين برضا داخلي لانك رضيتي ربك قبل ترضينه هو عليك ولا تنسين انك تحبينه ويستاهل هالخدمه :mex:
و انا ذكرت الخطوات عشان اللي حابه تسويها لزوجها لانها بسيطه مافيها تكلفه زي طريقة الحريم بالحمام المغربي و لان الهدف الاساسي راحته ونظافته ، اسفه على الهذره الزايدة و الثرثره :biggrinlo بس فاضيه و قلت اسولف لكم و أفيدكم
و حابه أضيف انو صاحبتي المغربية ربي يسعدها قالت لي من قبل انها كل أسبوع هي و زوجها يسوون حمام مغربي مع بعض تفرك له ويفرك لها و هكذا و ينبسط زوجها منها حبيت حركتها صراحه
و بالتوفيق للجميع يارب
احبكم في الله :mex:
السلام عليكم ..