السلام عليكم..،
اتمنى ان الجميع بصحه وعافيه،.
الموضوع عن صقل وتكوين شخصيه الطفل
من عمر سنه الى سبع سنوات هذا هو العمر اللي فيه تكوين شخصيه طفل واللي تعود عليه بهذا العمر ماراح يتغير ابد
في عهد الجاهليه كانوا يرسلون اطفالهم بهذا العمر لتعليمهم الفصاحه والخيول وغيره
والدليل الرسول صلى الله عليه وسلم ارسل الى بدو لتعلم الفصاحه وكان عن حليمه السعديه
اللي بقوله اي شي يتعود عليه الطفل بهالعمر ماراح يقدر يغيره
راح ابدا باخوي من عمره اربع سنوات كان مثل اغلب الاطفال ضرب وحوسه وكلامات .... تعبنا منه لان هذي الاشياء غصب يتعلمه باي مكان خاصه انه نرسله لحضانه وقت الصبح عشان يتعلم ويكون جريىء واجتماعي وفوائد كثيره واكيد له سلبيات مثل الضرب والكلام...:confused:
قريت كثير عن تربيه الاطفال وانه الحرمان والمكافأه مفعوله اكثر من الضرب اللي له اضرار كثيره
اول شي سويته جبت ورقه وزينته بنجوم وصور هو يحبها وعلقته ع الثلاجه
واذا قال كلام زين او صلاه او حفظ قران او شال العابه بعده او باس ماما اشياء كثيره حطيت له نجمه بذي الورقه :21:
والعكس اذا قال كلام مو زين ضرب حاس كب اكله شلت نجمه واخر الاسبوع احسب اذا الاشياء الزينه اكثر كافأته بفلوس او نروح لمنتزه او شريت له لعبه او بقاله او اكله يحبهاا
ثاني نقطه اعطيه كلامه انه هو قوي انه يقدر يسوي اشياء الكبار يسونه يعني بعمر الست سنوات اذا طلبنا من مطعم اخليه يطلع له ويعطيه الفلوس "طبعا تكون مضمونه والمنطقه مضمونه ولا نكون بعيدين عنه " مثلا بعمر ثمان سنوات اقوله اكتب الاغراض اللي نبيه من البقاله واخليه هو يدق عليهم ويطلبها اشياء كثيره تعلمه انه هو كبير وتعتمدون عليه ويلقى بذي متعه اكثر من الالعاب وغيره
النتيجه اخوي تغيييييير مرره امي كانت ماتبهذل اذا خذته عند احد لا يفشله ولا شي وكان كل اسبوع ياخذ ورقته ويوديه للحضانه او عند خوالي ويوريهم ومستانس عليها :biggrin2:
الحين اخوي عمره 10 سنوات كل ذولي الاشياء للحين يسويهن وحافظ سور كثيره والصلاه مايتركه ويزعل اذا ابوي راح ولا اخذه للصلاه مثل صلاه الفجر وبدون مكافأت لانه تعووووووووووود تعوووووووود تعووووووووووووووووود عليهم ونعتمد عليه الحين باشياء كثيره
الطفل مثل العجينه بس يحتاج لصبر يحتاج لتشجيع ويحتاج انه نبين له اهميته
كنت ابي اكتب مواقف واشياء كثيره بس مابغيت يكون الموضوع طويل وملل
والله يخلي لكم اطفالكم ويرزقكم برهم يارب:smile: