لعلاج العفنه اللي تجي مع الاطفال فعال باذن الله ومجرب مني شخصياً

الأمومة والطفل




كلنا نعرف العفنه اللي تجي مع الصغار وشلون تضرهم وتغير لون بشرتهم وتسد شهيتهم
عن الاكل وتغير نفسيتهم وتخليهم مزاجيين ومن أي شي يبكون

هذي بعض اعراض العفنه واللي شفتها بولدي عمره 4 سنوات معه عين وهو بالاربعين وكل ماقريت
عليه يتحسن وبعد فتره لاختلط بالناس رجعت له وهو الله يهديه يموت بالسوالف واذا جوني حريم والا
عند اهلي يموت الا يدخل ويسولف ويعطيهم النشره الاخباريه وانا مادري عنه والكل ميت على سوالفه
وعلى ترتيبه وجماله الله يحفظه
وكل مال وزنه بنقصان ووديته لوحده تعالج قالت معه العفنه ووصفت لي علاج واستخدمته 10 ايام
وماجاب نتيجه
مرت الايام وتوصف لي وحده جزاها الله خير خلطه للعفنه تعالجها ومن اول استخدام تبين النتيجه

والله يابنات ماتتصورون وش سوت بولدي اول مره دهنت جسمه كله فيها حتى شعره جلست دقايق يوم
رجع لون ولدي الطبيعي وهو اول لونه اصفر مثل الكركم تقول مافيه نقطة دم

اليوم الثاني قال ماما انا جوعان وبدا ياكل وشوي شوي تحسن الحمدلله ومازلت مستمره عليها وماراح
اتركها الا لما يوصل للوزن الطبيعي

لان صاحبتها قالت لي بتنفتح شهيته وبياكل واستمري لما يزيد وزنه ويزين حاله

ووصفتها لاختي وسوتها لبنتها تحلف انه من اول استخدام بنتها تغيرت

وكل وحده اعرفها من اشوف ولدها زي اولدي اعلمها فيها ويسونها بعيالهن لان نتيجتها بصراحه
تبان بسرعه
ويدعون لي ولصاحبتها الله يجزاها كل خير

واي وحده مايبان بولدها او بنتها أي تغير من 3 استخدام تعرف ان مافيهم الا العافيه لاني سويتها
في بنتي عمرها سنه و4 شهور ولا تاثرت بشي اكلها هو اكلها ولونها هو لونها بسم الله عليها

الحين نجي للمقادير والطريقه
>>>>>>>>>>>>>>>>>>>>>>>>> كأنها صارت طبخه ؟؟؟ :biggrin2:

المقادير

قاروره زجاج زيت الزيتون مثل الوزير او بكر والافضل مقري فيه




ملعقه وسط حقت الحلى حبة البركه او الحبه السوداء مطحونه لازم مطحونه يابنات



حلتيته قد راس الاصبع نفس مو محدد بالصوره



الطريقه

نحط ملعقة الحبه السوداء وكسرة الحلتيته بعلبة او قارورة الزيت الزيتون ونتركها تنقع واليوم
الثاني استخدميها كل يوم يدهن جسم الطفل فيها من راسه حتى شعره الى اصابع رجوله
وينام فيه واليوم الثاني يتروش الطفل عادي


مع الوقت بتبان ريحة الحلتيته بالزيت وهي اللي تطرد العفنه من جسمه لانها ماتحب ريحتها

وهذي فوايد الحلتيته
فوائــــد الحلـتيـــت
هو صمغ الأنجدان ويسمى بمصرأبو كبيروأجوده الأحمر الطيب
الرائحة ورائحته قوية (كرائحة الثوممع البصل) ولذا يكرهه بعض
الناس وبعضه يكون أشد رائحة من الأحمر،وله قوةتجـذب جذباً بليغاً ،
وتنقص اللحم وتذيبه وهو أكثر البان الشجر حرارة ولطافة ،
فلذلك هو أشد تحليلاً ، وأمّا فوائده فكثيرة منها ما عُرِفَ في
الطب القديم ومنهامالم يعرف إلاّ الشيئ القليل،وهذه بعض فوائده:-
1- يستأصل البلغم،والرطوبات الفاسدة، وينقِّي الصدر والصوت
(إذا حُلَّ بماءٍ وشُرِب صفَّى الصوت الذي عُرِضَ له البحُوحة-
وقد ينفع من خشونة الحلق المزمنةوالسعالوالكحّةالمزمنة
2. ينفع في ورماللهاةالّلُوَز )إذا خلط بعسل وتحنَّك به) ،
وإذا تضمِّد به مع خل قلع العلق المتعلق بالحلق.
3. ترياق السموم ،يدفع ضرر السموم، إذا شُرِب وتُلُطِخَ
بهنفع من ضرر ذوات السموم ،والجراحات العارضة من
السهام المسمومة، ويُحل بالزيت الدافئ ويتمسح به للسعة العقرب.
4.يقوّي البصر ويجلو بياض العين والورم، والرَّمَد ،ويذهَبُ
بإبتداء الماء النازل من العين، إذا خُلط بالعسل واكتحِلبه ،
ويوضع في التآكل العارض في الأسنان، فيسكِّنوجعها.
5.ينفع من أوجاع الأذنالدَّويوالصَممالمُزمِن إذا غُلي في الزيت وقُطِّر.
6. يفيد في علاج النقرسداء الملوكوأوجاع المفاصل ، وهو بليغ في
علل وجع الأعصاب فهوينفع من اللقوة شلل واعوجاج شق الوجه
دهاناً ،والفالجالشلل وأوجاع الظهر ،وضعف العصب، ويُذهب
ويُحلل عِرقَ النسا، ينفع من وجع الوركينوالساقين شرباً ودهاناً.
7. ينقِّي الدّم ويذهب الحُمّى يجذبهاجذباً.
8. يفيد داخلياً: يطرد الرياح ،يحلل الدم الجامد في الجوف،
ينفع المغص ،ويؤخذ مقدار عنبة
2جرام للإسهالالمزمن ،ينفع من قروح الأمعاء، يُسقط الديدان،
يفيدالمعدة والكبد.
9.يحلل الأورام الباطنة ،ويحلل الرطوباتالفاسدة فينفع من الإستسقاء
إنتفاخ البطن وتكورها وينفع من اليرقانالصفار والطحـال،
يُخرِج مااحتُبِس منالبخارات الرديئة.
10. ينفع البواسير يضعفها ويجففها ،يُدِر البول ويزيل تعسره،وهو يسقطالأجنَّة، ويُدِر دم الدورة بأخذه مع المُرّ والفلفل.
11. يعتمدعليه الهنود في القوة الجنسية بطرق عديدة.
12. ينفع الأورام الخبيثة والصلبةداخلياً وخارجياً ويستخدم
حالياً في علاج السرطان وغيره وله نتائجطيبة.
13.ينفع طلآءً على البهق والكلف ويذهب الثآليل والآثارعلى البشرة
،وينفع مع الخلّ للثعلبةتساقط الشعر
14.ينفع في إخراج بعض الأسحار التي في الجوف لقوة حرارته
وقد حدث مقدار 1-2جم يومياً شرباً على الريق


واتمنى ماتنسوني من دعائكم ان الله يسخر لي الوظيفه اللي تسند ظهري عاجل غير اجل

والله يشفي لكم عيالكم ويخليهم لكم

واي سؤال انا حاضره
1K
4M

يلزم عليك تسجيل الدخول أولًا لكتابة تعليق.

تسجيل دخول

~ دلع و سنع ~
~ دلع و سنع ~
مشكوووووووووره

توي ادري انه علاج للعفنه الله يكفينا شره

حنا متعودين نحط زيت زيتون مع حلتيته وندهن خشم الطفل بالنفاس ورجوله ويدينه

اثاريها عشان العفنه تنطرررد

ماقصرتي معلومه حلوه

الله يخلي لك وليدك
عطرالكادي
عطرالكادي
الله يجزاك خير اختي ولايحرمك الاجر والجنه على هالمعلومه
الاعراض اللي ذكرتيها كلها في ولدي معه امساك مزمن وصياحه على طول حتى جيرانا يطقون علينا يفكرون فيه شئ
ولونه اصفر الدكتور مستغرب منه يقول مامعه انيميا نسبة الدم عشره بالنسبه لطفل طبيعيه
ولاياكل الحين عمره سنتين وسبعه شهور البسه مقاس سنه ونص ودايم متغلق يصيح من غير سبب
بجرب طريقتك وبخبرك ان شاءالله ان نفعته ماضرته لانها طبيعيه ودهان من برى باذن الله ماتضر
والله ينولك اللي في بالك
أناوالصمـــت
أناوالصمـــت
الله يرزقك بالوظيفة عاجل غيير آجل
ويخلي لك اعيالك

طيب استعملهاا للي بالنفااس لها 20 يوم عاادي مع العلم ماعطيتها شي حتى الكموون اعطيها حليب اس 26 مع شراب سالينال للمغص بس

وعندي ولد أختي نفس الصفات اللي ذكرتيهاا بة
الله يجعل الفرج من موضوعك ويدعون لك بالخير من استفاد منهاا

طيب الحلتيت ماتضر الجلد وهل اطحنهاا او تذوب بالزيت من نفسهاا واستعمالها بس ثلاث مراات دهن الجسم من دوون شرب
اميرة بأخلاقي
جزاك الله خير
كلمه حلوه
كلمه حلوه
الله يرزقك بالوظيفة كم يوم احط اذا طولت عليه مايضر لاني احس الحلتيت قوي