(صوصه المنصوصه) :

سؤال: يطلعلي سوائل والحين في الفترة الاخيرة خروج هواء يعني اختربت وكيف ارجع مثل الاول واشلون اختي اعرف اني صرت زينه وكم المدة وهل الملح الفارسي هو نفسه الملح الخشن بما انك تعانين من خروج هواء فهذا لوحدة علامه على خراب شديد ياليت تستخدمين النظام في دورتك القادمه وبعد رمضان طبقي اربعين يوم وبصرامه لاتتهاونين او تلخبطين والملح الفارسي يختلف عن الجراش مع انهم يأدون نفس الغرض. سؤال: في هذه الايام اشكو من خروج ماء بكثرة الله يكرمك واشعر بالم في ظهري وبالذات في منطقة اخر الظهر وغير انني اعاني من خروج هواء في الايام العاديه وحتى ايام الدوره ولي معناه مع الدوره الله يكرمك ففي البدايه تكون عاديه ومن رابع يوم يبداء السائل البني ويكون بكثره في البدايه وبعدها تاتي افرازات لونها بني فاتح وتاخد ايام تصل الى سابع يوم او ثامن يوم تقريباوهي على هذه الحال ولكن في هذه الايام يخف وضعهاتدريجيامن ناحية اللون والكميه وقالت لي إحدى الاخوات بانها حيض ولكن تشكين من فقر دم مما يجعلها تاتي هكذا وللمعلوميه انني اشعر بإن هناك شي متحجر وكان هناك حيض باقي لم ينزل وغير اني انا من النوع التي تشكو من خروج السوائل والهواء حتى في الايام غير الدورة ولا اعرف كيف اتصرف وياريت توضحين لي خصوصا اني وجدت مشقه في اكمال قرائتي للموضوع لاني لا استطيع الجلوس كثيرا على الجهاز فياريت تعطيني وصف العلاج وجزاك الله خير وللمعلوميه انني لم اتزوج بعد والله مشكله انتي تعانين من خراب شديد جدا جدا جدا مع انك بنت واكيد انك من النوع الي ماتهتم بنفسها ابد وهذي مو غلطتك بس لان البنات بشكل عام ما يهتمون بكلام امهاتهم ولا يطيعونهم وقت الدورة ولكن الحمدلله انه مشكلتك لها حل لان خرابك ناتج من عدم اهتمامك بالدورة مو عدم اهتمام نفاس ولكن لازم تنتبهين معي الحين كل دورة تجيك تمتنعين عن الممنوعات وتاكلين موتسوين رجيم وتأخذين الاعشاب السابقه كلها مو تقولين حلب وريحته لا انت بنت مو متزوجه تخافين ان زوجك يشم هالريحه وباقي الناس لايهمونك اهم شيء صحتك لانه ممكن هذا الخراب يسبب لك عقم في المستقبل (الله لايقوله) ولاتعتقدين اني قاسيه معك الا والله خوف عليك كانك اخت او بنت لي وممكن انك تسوين النظام اذا ودك لمدة اربعين يوم ميخالف وخروج السوائل البنيه هو دليل على عدم اهتمامك بنفسك وانك ماتطهرين بسرعه ولو كان عندك فقر دم لكان الدم معك زي الماء ولونه برتقالي . ولاتستخدمين التحميلات ممنوعه عنك لانك بنت. سؤال: شاهي الاعشاب ممكن اشربه في غير اوقات الدوره اوالغسول بعد اقدر استخدمه في غير ايام الدوره انتي ذكرتي اكل ممنوع هل هو ممنوع وقت الدوره بس والاجميع الاوقات مثل الليمون وبالنسبه للمشروبات الغازيه هل هي ممنوعه بعد في غير ايام الدوره انا من الوصف اللي وصفتيه والردود اللي قريتها باين اني خربانه يعني يبغالي اربعين يوم بس ودي اسئلا لازم اربعين يوم لان دورتي بعد اسبوعين يعني بيقطع علي رمضان الله يشرفه ممكن تستخدمين شاي الاعشاب في كل وقت اما الغسول الافضل بس ايام الدورة اما الممنوعات وقت الدورة بس او النفاس وايضا اذا بتسوين النظام مدة اربعين يوم كحجبه. سؤال: هل تعرفي زيت الافندر وزيت اكليل الجبل هل هو للشعر ام ماذا وهل فعلا المحلب للالتهابات زيت الافندر ما اعرفه اما اكليل الجبل (العبيثران) نبات عطري وينبت في القيعان ولا ادري اذا كا يستخلص منه زيت اما المحلب فهو ممتاز لسحب السوائل خارج الجسم . سؤال: اذا المراة نفاس لا ينبغي لها استعمال العطر لانها قد تصاب بالشمم على حد قولك يعني اللي افهمته انه يشبه حمى النفاس ارجو التوضيح قصدك بالشمم يعني اذا المراة حائض او نفاس اذا شمت العطر يصيبها هذا المرض هل عندك هالخبرة من واقع تعاملك مع جدتك ام انك دارسة له عذرا اذا كان تدخل في خصوصياتك الشمم يصيب من بعض انواع الطيب ولذلك اهم شيء تجنب جميع العطور خاصه الريحان المسك وهذا من واقع عشته مع كثير من النساء وانا يامحكيتك تعرضت بعد نفاسي لحمى شديده وانفتح جرح العمليه ولا يعرفون السبب ولكن عرفت انه شمم وكان ريحان المهم تعبت وانا من مستشفى لمستشفى لمدة اربع سنوات وفي احد المرات ذهبت لواحدة من نساء طب العرب وما ان مسكت بطني حتى سالتني هل تعرضت لشمم ريحان لرابع او خامس يوم من ولادتي والحمدلله تعالجت لمدة 3 شهور وشفيت اما الطب فانا لست بطبيبه ولكن عندي معلومات من جدتي وجدت امي وكلهن طبيبات وحاولت ان اجمع المفيد وفيه معلومات اخذتهن عنهن والحمدلله اكثر صديقاتي الواتي اعطيتهن النصائح او اكتشفت علاتهن شفين وبعضهن رزقن بالاطفال بعد عقم زاد عن 7 سنوات ولكن هذا كله من الله والنيه الصادقه سؤال: بغيت اسالك عن التحاميل كيف انشفها بالرغم من اني حاولت انشفها بتعريضها للهواء الا انه العسل ذاب ولا قدرت انشفها ياليت تقولين طريقة تنشيفها لاني انا احطها في الفريزر ؟؟؟؟؟ الملح اللي بالتحاميل ملح عادي خشن اللي كيسته بيضاء أو ملح حجري ؟ اكيد انتي لما تسوين التحميلات تزيدين نسبة العسل وبعدين لازم يكون عندك شوي مويه بس عشان تقدرين تتحكمين بتكويرهم وعشان المرة تلزق وغريبه انتي متأكدة ان العسل طبيعي اما الملح ممكن ملح خشن مثل اللي وصفتي او ملح فارسي بس مدري وش تقصدين بالملح الحجري حاولي مرة ثانيه وقليلي العسل وعرضيها للهواء سؤال: العسل طبيعي بس انا اعجن فيه الين تصير قاسيه بحيث اقدر اكورها اما الملح الحجري هذا يباع بالكيلو . بس حبيبتي الملح الفارسي هذا مااعرفه !!! الملح اذا هو الملح اللي بالاكياس(ملح القصيم) عادي استخدميه سؤال: سؤالي هو أنني سمعت محاضرة مسجلة في شريط وبعد نهايتها كان بعدها مقطع لرجل - يبدو أنه خبير في الأعشاب-وكان مما قاله : أن بعض النساء لاتهتم بنفسها بعد الولادة فينفر منها الزوج ,وأن هناك أعشاب مهمة للمرأة وقال: أن هناك مادة عند العطارين تسما(خواجوا) إذا تبخرت بها المرأة فإنها تشد وتجفف وتعود المرأة كالبكر؟ فهل كلامه عن الخواجوا صحيح؟وهل يمكن أن نتبخر به لوحده بدون بقية خلطة الكبو؟وإذاكان ممكنا فكم المدة المطلوبة ؟ فعلا صدق هذا الرجل ولكن الجهل عندنا يالنساء بعض الاحيان يجعلنا نعيش في حيرة ولاندري مسبب المشكلات الحقيقيه في حياتنا الزوجيه والخوا جوا ممتاز لكل شيء ونحن نستخدمه كاكبو وممكن تطبخينه مع زيت زيتون وشوي بصله كمدلك للبطن وممكن يخلط مع شوي ارطاء وملح للجروح او القروح وممكن مع محلب للثه وله عدة استخدامات سؤال: صار يجيني من فترة تسع شهور تقريبا كدرة قبل الدورة ..لمدة ثلاث أيام وهي مضايقتني مرة لأن ماعمري جاني زي كذا .. دايم تجيني الدورة بدون اي كدرة ناس قالو يمكن المبايض فيها شي!!!!!!!! الكدرة اللي تجيك لونها بني غامق مع بني لزج او لونها برتقالي وكأنها زلال بيض اذا لونها بني (فاحتمال عندك سدد على نسبه خراب) اما اذا كانت اللزوجه لونها برتقالي فانك ايضا عندك شوي خراب مع فقر دم . ياليت تحددين أي نوع من الكدرة. سؤال: الكدرة بني .. بس مو لزجة .. ياليت تقول لي وش العلاج ودورتي قريييييييييبة مرررررررة ياليت تستعجلين الله يخليك اذا لون الكدرة بني زي ما قلتلك عندك سدد استخدمي ( المرة + الحبه السوداء) وسبق اني ذكرت طريقتها اما المرة والملح والمحلب اذا قصدك للتحاميل اطحنيهم ناعم سؤال: لقد ذكرتي سابقا علاج البواسير ... السؤال .. هل تطحن المرة والملح وهل يطبخن على النار .. الرجاء اذكري الطريقة باالتفصيل سؤال ثاني ..هل تعرفين المقرونة عند العطار فية وحدة تخلطها مع المحلب وتذكرها انها نافعة للنفساء والحائض ..ما رايك فيها ..وهل العصائر والكاكاو تضر النفساء والحائض؟ بالنسبة لعلاج البواسير اخلطي الشحم مع الملح الناعم والمرة المطحونه وبعدين اذيبيهم على النار وحركي لحد مايذوب الملح والمرة وبعد كذا اتركيهم لحد مايبرد ثم دخليه بالثلاجه (الفريز) ثم طلعيهم وشكليهم على الحجم المطلوب . اما المقرونه نعم اعرفها ولكن ما ادري من ايش تتكون وهي ممتازة لبعض النساء وضارة للبعض الاخر فبعض النساء تسبب لهم التهابات شديده وبعضهم تناسبهم مرة وهي نوع اصلي ويصل سعر الاصلي منها(وزن 30 غرام 300 ريال) اما غير الاصليه بعشرين ريال وماتنفع , وتاخذ الاصليه وتخلط مع شوي مرة ومحلب وتوضع ربع ملعقه صغيرة على فنجان قهوه بكر وتشرب على الريق. اما العصائر على حسب النوع والافضل تجنبه واكل الفواكه طازجه لان بعض العصائر حامض ولزج وبارد ولذلك الافضل تجنبه اما الكاكاو لا مايضر كلي منه قدر رغبتك عادي ولكن احسن شيء التمر خاصه هذي الفترة سؤال: بغيت اسال التحاميل ايش اسوي بالمره والمحلب اطحنها بعدين المحلب اللى جاني دوائر بيج صغيره مادري هو ولا لا؟؟ بالنسبه للتحاميل اطحني المرة والمحلب والمحلب زي ماوصفتيه كان تغلفه قشرة خفيفه لونها بيج وطعمه مر بس مو كريه لا باس فيه سؤال: اختي انا صار لي عشرة أيام من عملت عملية فتق في السر والحين عضلات بطني كثير تألمني مع ان الدكتورة أعطتني حزام لشد العضلات الا انني اعاني من الألم، ياريت تكونين تعرفين وصفة اعشاب أو زيوت اقدر استخدمها لتخفيف الألم أكون جدا شاكرة لك. اذا الجرح لونه احمر وتحسينه منشد وينبض بعض الاحيان فهذا شمم والاطباء يسمونه التهاب بشكل عام افضل شي تتكبين كبو الشمم وانا اعتقد اني ذكرت من قبل مقاديرة ولكن اهم شي تزيدين المرة والحلتيته الرطبه وتخليها قريب من منطقة العمليه وتتكبين مرتين في اليوم عند المغرب وعند النوم وبعد العمليات بشكل عام خاصه اللي بالبطن دايم نحس ان العضلات شاده وانك لو ضحكتي بتنفتح وهذا طبيعي بس كثري من المشي والحركه. سؤال: انا عملت نظام الدورة اول يوم عادي لكن ثاني يوم جاتني الام في الظهر الام الدورة العادية فهل هذا عادي؟ علما ان الدورة دائما تجيني بدون الام ومااحس بها ابدا بالنسبله للالم اذا كنتي مو متعودة انه يجيك الم وقت الدورة وخاصه اليوم الثاني فيمكن اول كانت الدورة ماتطلع زين بس مع الادويه والاهتمام اصبح يطلع الدم الفاسد وكدليل على كلامي اذا بطلع منك قطع سوداء وبعدها ترتاحين فهذا هو السبب الدواء طلعها ياليت تخبريني اذا كذا صار معك سؤال: -1 التحاميل قلتي نستعملها كل أيام الدورة لأنها تنشف وتنظف بسرعة طيب ليش ما نستعملها بعد الثلاثة الأيام الأولى علشان نخلي الدم ينزل من نفسة في البداية بعدين نستعمل التحاميل علشان تنظف الباقي لأنه صعب وضعها مع وجود الدم 0 -2 أنا كل ولاداتي عمليات وأحس دائما بألام أسفل بطني وأسفل ظهري حتى في غير أيام الدورة والأطباء قالوا لي إن هذا طبيعي لأن الرحم مع العمليات القيصرية يصير فيه تلاصقات وتخليه يميل ويسحب معه العضلات في منطقة الحوض ولهذا يسبب آلام وأنا محتارة مدري وش أسوي 0 -3 أثناء الدورة مع إستعمال الخلطات اللي قلتي عنها أكيد بيطلع في الجسم عامة ريحة الحلبة وما ينفع في هالحالة الا الاستحمام اليومي وإنتي قلتي ممنوع يكفي فقط تنظيف المنطقة العليا من الجسم ومع ذلك بتطلع الريحة علشان كذا لازم نتطيب طيب وش رأيك ماهو المسموح به من أنواع الطيب اللي ممكن استخدامه بدون ما يسبب شمم وما رأيك في العود ودهن العود 0 -4 هل هناك ضرر من غسل الشعر كل ثلاثة أيام مثلا علشان ريحة الحلبة تروح 0 -5 أنتي قلتي إن المحلب مايستخدم الا في آ خر أيام الدورة ، انتي قصدك المحلب اللي مع التحاميل او المحلب اللي مع الخلطة اللي على الريق ، مع ان منقوع العنزروت فيه محلب وهذا المنقوع يستخدم من أول يوم في الدورة كما ذكرت وهو ينشف أنا تلخبطت معليش اعذريني أبغى أعرف المقادير والوقت صح علشان استفيد منك يالغالية الله يصبرك علينا 0 -6 كنت أبغى أسألك عن شكل عودالهوا يشبه الموزاليابس بس أطول شوي ومستقيم هل هذا شكله أم العطار غلطان 0 1. نعم اختي ممكن تستعمليها من الثلاث الايام الاخيرة على راحتك بس انا افضل استخدامها من اول يوم لانها ان شاء الله لها منفعه من ناحية انها تنضف وتطهر وتسحب الالتهابات . 2. اكيد الاطباء مجتهدون لكن كثير مسوين عمليات ولا يشكون من هذه المشاكل احساسك ان ارحامك نازله قدام والم في اسفل الظهر مع احساس بايام الدورة الاولي انه ارحامك زي العيش اللي بينكب يعني رخوه هذا دليل على التهابات واذا فيه سؤال معاها خراب والعمليات متسبب كل هذا بس انصحك تشربين مغلي ( جنبة البر) 3.افضل انواع الطيب العود القماري وتبخرين فيه ملابسك وشعرك وان شاء الله ما يضرك ابد 4. وانتبهي تكثرين تغسيل شعرك (الرأس) مو زين يجيه المويه كثير لايصير عندك (خوا راس) وهذا يسبب خراب للارحام مع صداع مستمر للراس وشديد . 5. انا قصدي المحلب اللي مع السفوف او لحاله او مع المنقوعه يعني تكثرين منه بعدالايام الاولي (يعني في الايام الاخيرة) وتستخدمينه في الايام الاولى بس مع العنزروت والتحاميل ويكون قليل. يعني تقديرا اذا حطيتيه مع المنقوعه في الايام الاخيرة اذا تبين تزيدينه على المقدار اللي تبين ما يضر ولكن الايام الاولى تتقيدين بالمقدار القليل. 6. لا ياختي عود الهواء لونه اسود ومفرغ وبطول الاصبع تقريبا. سؤال: الممنوعات اللي قصدك امتنع عنها هذي اللي ذكرتيها في البدايه من الموكولات والجوع الشديد الخ.... هل هذا ماتقصدينه ؟؟ وبالنسبة للالم الذي معي في الظهر وخروج الماء هل هذا ايضا ناتج عن حالتي وعدم الاهتمام مثل ماذكرتي ؟؟ وهل يدخل علاجه في نفس النظام ام له علاج اخر ؟ الماكولات (المشروبات الغازيه والبوارد ايس كريم والحوامض والخضار اللي تحوي لزوجه مثل الدباء (القرع) الملوخية الباميه البصل الاخضر الكيوي الانناس المنجه البطيخ والجح ) كل هذولي اما الالم اسفل الظهر هل هو متوزع على الجنبين اذا كذا فهو من شدة الاتهابات اما اذا كان متركز بنفس الفقرات فيمكن خلع سؤال: سمعت انة استخدام الحبة السمراء مغلية بلماء يشفى من الالتهابات النسائية(يعني تغتسل فية) فمارأيك ذكرت احدى الاخوات ان الرشاد يستخدم على الريق لوحدة في اول ثلاث يام بالدورة ينضف الرحم ويبعد الالم كمان هي ذكرت انها استخدمتة والحمدلله هي طيبة والدورة انتضمت عندها هل داوم علية ام ان كثرتة يضر الحبه السمراء ممتازة جدا ويكفيناقول الرسول عليه افضل الصلاة والتسليم في مامعناه انها علاج لكل شيء الا الموت وانا اضعها مع السفوف زي ماسبق ومع شاي الاعشاب السابق فلذلك سواء غليتيها لوحدها او مع اعشاب اخري فهي ممتازة.. اما الرشاد على الريق ما انصح فيه الايام الاولي لانه ينشف على خراب الايام الاولي مع التمر وبعدين الايام الاخير مع التمر وتضيفينه للسفوف سؤال: أني لم احمل منذ فتره طويله وعندي قبل طفلان وقد عالجت ولم يحدث حمل بالنسبه للحمل صعبه اني اقولك أي شيء ولكن اذا انتي جايبه بعمليه فروحي وسوي منظار تأكدي لايكون عندك التصاق (لاسمح الله) وان ما اقول كذا عشان اخوفك لكن الحرص زين والمعرفه احسن من الحيرة والجهل اما اذا كانت ولادتك طبيعي ولا تشكين من احد الاعراض اللي وصفت زي الميلان او ضعف مبايض وكذلك زوجك سليم مافيه ضعف فانا انصحك بالحلب+ جنبة البر. سؤال: أنا بعد الزواج حملت بسرعة والحمد لله لكني بعدها تأخرت لمدة سبع سنوات وما أحد من الأطباء عرف السبب وبعدها جبت الثاني وأحمد الله وحده ولي الآن خمس سنوات وما عرفت العلة بعد حتى المدهنات ما عرفو السبب مع إن دورتي منتظمه إن تأخرت تأخرت يومين المشكلة عندي تبدأ قبل الدورة بأسبوع أو عشرة أيام تكثر الإفرازات (والقريب فيها السنة إنها ثقيلة كأنها دهن) وخروج الهواء لا وأحس بعد كأن الرحم مفتوح حتى كأن الهواء يدخل وانتفاخ بسيط في البطن وآلام في الجنبين وما عرفت الحل اعراضك اعراض خراب ولكن في الخراب اللي مافيه ميلان ممكن تحملين الا اذا كانت ( ام الحقاء) وهي نوعان مذكرة وتسبب عقم ومؤنثه وهي اللي تبهذل عشان كذا لون الافرازات هذي فيه زي السلوك دم او لون بني وم راحه اذا طلعت هذي الافرازات اذا كذا ممكن تكون اللي قلت ولكن لها علاجين العلاج الاول استخدمي (جنبة البر ) وبكثرة اما اذا ما خفت روحي لمرأ طب عرب شاطرة واكوي عندها ويكون موضع الكي في نهاية البطن واتصاله مع العانه على عظمتي الحوض .ياليت توصفينها لي اوضح. سؤال: اختي حطت التحاميل في الدورة وتقول حسيت ان دخلني هواء وانا ما قد حسيت به وتتوقع ان الهواء دخل مع التحميلة لأنها كانت فاتحة رجليها علشان تدخلها (وش رأيك) أنا حطيت مع اللهوم حق فك الريق الايام الاولة بالغلط بدل الحبة الحلوة شمر فهل اضيف اليه فنجال حبة حلوة والشمر ما يخالف.. المفروض ان الوحده اذا حطت التحميلات تحطهم وهي جالسه على قدميها فاهمتني, اما الحبه الحلوة مي اليانسون انتبهي تخلطين بينهم ولكن زي ماعرفت من البنات انها نفسها الشمر سؤال: انا ولدت بتوأم منذو 9 اشهر بعمليه قيصريه والحمد لله والان مشكلتي مع الدوره وهي انها تقدم وتاخر على كيفها وتجيني لمدت 4الى5 ايام ثم تنقطع من3 الى 4 ايام ثم تعود مره ثانيه وتجلس من3 الى 2 يوم مع هذا ان من احس انها بتجي اشعر بالم في المستقيمو الجنب الايمن من البطن واكرمك الله لا استطيع التبرز حتى يزول الالم لان فتحت الشرج تكون مقفوله تماما واصلا اي ضغط على منطقت العصعص تكون مؤلمه جدا وانا كل الذي اعرفه ان عندي شرخ فهل كل هذا منه الظاهر ومن الاوصاف اللي ذكرتي انه اللي معك برد شديد وتذكري يمكن ايام نفاسك تعرضتي لبر شديد او ايام الدورة وهو اللي حايس عليك الدورة وكذلك يأثر ويزيد وجعه مع الشرخ وخاصه انه بعد اعراضك انه الشرخ عندك مشتم (شمم) يمكن متعرضه لطيب من النوع الردي او ريحان او انك توقفين على المبخرة وفيها معمول وهذا يأثر على الشرخ مع البرد والعلاج كالتالي اولا عشان تتنظم الدورة حاولي تطبيق النظام وركزي على كبو الشمم ايضا استخدمي التحميلات حقات الشرخ مع انك اذا جتك الحاله اللي ماتقدرين تتبر..... خذي قربه فيها مويه دافيه واجلسي عليها بتحسين بعدها براحه وهذا دليل على البرد والشمم سؤال: سويت منظار مرتين ولم يكن عندى التصاقات الحمد الله لاكن عندى ضعف أو انعدام في التبويض تقريباً والدوره تتأخر بالأربعه أشهر. وقد عالجت باكلوميد و الإبر ولم تنفع بشىء وعندى موعد بعد اشهر لاعمل طفل أنابيب ولاكنى استعمل الاعشاب منذ أربعه أشهر تقريباً بينهن استراحات واريد ن اخذ رأيك في هذه الوصفات بالأعشاب للحمل ويأخذن من شهر إلى أربعين يوم وهن كأس من العسل+ كأس خل التفاح+ 7 فصوص ثوم يضرب في الخلاط ويأخذ م ك كل يوم مع الحليب فنجان حلبه+فنجان حب رشاد+ فنجان حبه سوداء تطحن وتعجن بالعسل الأصلي ويأخذ م ك كل يوم فنجان حبه سوداء+ فنجان سمسم + فنجان صنوبر تطحن وتعجن بالعسل الأصلي ويأخذ م ك كل يوم أختى فيافى لا أعرف ما معنى جنبة البرأو ماهيه شكلها. الوصفات اللي ذكراتي ماعمري جربتهم ولكن العسل مفيد والثوم ولكن خل التفاح ما اعرف والله اما الحلب مع الحبه السمراء ممتاز ولكن الرشاد وقفيه اول الحمل اما الحبه السمراء والسمسم والصنوبر ما اعرف اذا كان لها فايده ولا لا اما جنبة البر تنبت في البر وتنشر اورقها بشكل مستعرض وفيها اشواك ولونها اخضر باهت. سؤال: بغيت اسالك من خلال خبرتك ماشاء الله ربي يحرسك فيه شي يضيق المنطقه ؟؟؟؟؟؟؟ انا قريت في المنتديات عن الشبه والعفص لكن الشبه اللي اعرف عنها انها تشد وترخي والعفص انت محذره منها . وقريت عن قشر الرمان يضيق بعد وبصراحه فيه اشياء كثيره قريتها وسمعت عنها لكن خفت وقلت ماعندي غير اخت فيافي هي اللي بتدلني على الصواب . فياليت اختي اذا عندك شي يضيق تفيديني وتوضحين لي الطريقه وكيفية استخدامه ؟؟؟؟؟ اذا تبين شيء يضيق هو الاهتمام بالنفس وقت الدورة او النفاس اما الشبه والعفص هم الخراب وانتبهي تستخدمينهم انتي او أي واحدة من خواتك لانهم تشدون اول الوقت بعدين يخربون الوحدة خراب شديد اما قشر الرمان ان شاء الله مايضر سؤال: الإفرازات اللي معي لونها أبيض ناصع يتغير لونها مع الدوره بلون الدوره البني الفاتح أول وبعدين تنزل الدوره عادي وبالنسبة للمدهنة ماأعرف وحدة متميزة كل اللي رحت لهم يقولون معك انقلاب ونزول وبعد ما تدهني وتقول صار زين وبتحملين ولا يصير حمل وبعدين أنا سويت طفل أنابيب وكانت حجم البويضات و نسبة تلقيحها ممتازة والدكتور قال إن نسبة الحمل كبير لكن مع ذلك ما صار حمل الحمدلله اذا الافرازات زي ما وصفتي فهي مجرد التهابات شديد ممكن تعالجينه باستخدام النظام وقت الدورة مع اخذ علاج من طبيبه اخصائية نساء وولادة سؤال: 1- سمعت ان بعض النساء يربطن على بطونهن بعد الولاده بشرشف لأنه يقوي عضلات البطن ويشد الرحم وهو يختلف عن الحزام الطبي لأنه على حسب مقولتهن انه يسبب ارتخاء الرحم,فما رأيك فيه . 2 -هل التمر مع الرشاد والسمن ينفع الحامل من بداية الحمل حتى الولاده وهل سمن البقر مثل سمن الماعز في الفائده . 3-اتمنى ان تضعي برنامج للحامل منذ الشهر الأول حتى تتمتع بولاده ميسره بٌٌإذن الله من حيث الغذااء والإهتمام بالأرحام . سبحان الله ربط البطن بقماش يشد عضلاته ويمنع كبرة وخاصه فترة النفاس ولكن المشد الطبي ينزل الارحام عشان كذا الافضل الربط العادي التمر والرشاد ماينفع للحامل لانه مو زين للحامل الرشاد اما السمن فالافضل للحامل تتجنبه لانه ماينفعها كثير بس يمتنها ولا ينفع الطفل.. اما السمن فافضل شيء سمن الغنم الطبيعي. اما برنامج للحامل فوالله انا ما استخدم برنامج معين اكل الحبوب اللي يصرفي الطبيب (فيفول) مع حبوب الكالسيوم واكل اللي احب بس اتجنب الاشياء اللي تسمن ولا تنفع مع انه وحامي صعب بالمرة ولا احب أي شيء. سؤال: سوالي عن الرشاد ابغى طريقته بالضبط لانك مره تقولين انه في البدايه ومره تقولين انه ما ينصح به في البدايه لانه ينشف وهل اذا خلط بالعسل بدل التمر يفي بالغرض ارجو التوضيح00000 اختي ارشاد انا في الايام الاولي اكتفي بوضعه بس مع التمرة ولكن في الايام الاخيرة اضيفه مع السفوف يعني اكله مع التمرة + السفوف اللي تبي تستخدم رشاد وقت الحمل الرشاد خطر على الحامل يسبب سقوط الحمل وهذا كلام جدتي الله يخليها ويشفيها ارجو اني وضحت. سؤال: انا صراحة استخدمت بعض الاشياء مثل الارطا و الملح كغسول و امتنعت عن المحظورات و استخدمت الكبو بس و الحمدالله حسيت ان الافرازات خفت ولاحظت ان الهوا وزي ماقالت الدكتورة انه اذا ماكان كثير معناه و اسمحولي على حسب طريقة الجماع و انتي ايش رايك في هالكلام لا اختي الهواء يكون موجود بسبب الخرب وممكن يدخل زيادة مع الجماع لان الوحده تكون متوسعه بسببه . سؤال: عن التحاميل لتضييق المهبل ... التحاميل هذي من مكوناتها المحلب ياترى لو وضعنا المحلب في هذه التحاميل و وضع في تلك المنطقة ما يسبب شيء ؟ أخاف يسبب انسداد أو شيء لاقدر الله خاصة إنه مش مثل المرة أو الملح يعني ما يذوب مثلهم ؟؟ الى الاخت الي تسأل عن المحلب لاتخافين لان اذا لاحظتي المحلب راح يطلع مع الافرازات ولا يسبب سدد ولا شيء وهو مجرب من زمان واكثر من مرأة مجربته فلا تخافين ابد واذا انتي متخوفه احذفيه من التحميلات بس مرة وملح , سؤال: 1 - أنا كنت اشتكي من خروج هواء خاصة بعد الجماع ولا زال بس قل شوي بعد ما استخدمت برنامجك بس طبعاً مش بحذافيره .. يعني بعض الأكل ماقدرت امتنع عنه .. مثل البيبسي والليمون .. و كمانة بعض الأعشاب ما لقيتها مثل الحزاة و فلفل الهواء و الحلتيتة و هدب الأثل فهل يمكن الاستغناء عنها ؟ أما الأرطا و الشيح و العنزورات لقيتها بس في العشرين الأخيرة .. ( حالياً أنا في العشرين الأخيرة مع العلم إني مش نفاس و بنتي عمرها حالياً أربع اشهر ونصف وكنت استخدم في نفاسي العفص وقشر الرمان .. و ولدت بعملية قيصرية أولادي الاثنين البنت و الولد ) 2-أختي ابغاكي تتأكدين من وصفي لبعض الأعشاب غير اللي فوق صورتها النونخة هي مثل اليانسون ؟ الحبة الحلوة .. أنا في الأول حطيت قهوة مثل الأخت اللي فوق لكني بعد ما نبهتني زوجة أخوي إنه حبة حلوة مش قهوة رحت اشتريتها من العطار وعطاني مثل الفلفل الأسود بس كبير و طعمه مفلفل وسفيتهم وخلصت فهل يصلح ؟ الخوا جوا كأنها جذوع شجر محروقة بس لونها موف ؟ قشر البصل عاطاني العطار بصل ناشف لونه ابيض على ذهبي ومقطع أنصاف حلقات .. ثالثاً أختي بغيت اسئلك عن أبني يزعبل على طول لدرجة إني أغير له المريلة اربع إلى خمس مرات في اليوم وما أخرج من بيتي إلا و أنا ملبسته مريلة لإنه يبهدل لي الملابس بالتفالين و التلال هذا اللي مش راضي ينقطع مع العلم إن هذي الحالة صابته من يوم قرصته حاجة مش عارفة وش هي بس وهو عمره ست شهور رحت اشوف بيت جديد علشان حانقل فيه و حطيت شرشفة على باب غرفة في البيت وأنا خارجة أخذت الشرشف ولفيته به وعلى طول صاح ومارضي يسكت من العصر لحد الساعة اربع الفجر وروشته أكثر من مرة وماسكت كل ما أحطه في الموية يصيح زيادة وبعديت شفت القرصة في جانب فخذه ومأخذه حيز كبير من جنبه ... وكان صياحة بشكل هستيري مع اخراج تفالين من فمه مع إنه عمره ما عملها .. وبعد كده خفت القرصة لكن مازال التفالين ينزل من فمه ( الزعابيل ) امي تقول قرصته حاجة مش كويسة يمكن وسمها سبب له هذي الزعابيل وجارتنا تقول يمكن قارصه عقرب صغير لإن العقرب الصغير لما تحطي المقروص منه في ماء تحرقة القرصة كثير وسألت الدكتور قال لي يمكن ديدان في بطنه أو طفح في فمه ... بس أنا عملت له تحليل براز ماطلع فيه شيء ....ياريت ياأختي تفيديني أكون لكِ شاكرة ممكن تستغنين عن الحزاة اذا مالقيتيها اما (فلفل الهواء والحلتيته وهدب الاثل) هذولي مع الكبو اذا ما تبين تسوينهم فممكن تحذفينهم. اما العفص لا تستخدمينه والله العظيم يخرب يخرب يخرب اما الارطا ممتاز وقشر الرمان الحريم اللي يستخدمونه يمدحونه ولكن انا ما عمري استخدمته, النونخه زي ما وصفتي وكذلك الخوا جوا اما الحبه الحلوة فهي الشمر اما قشر البصل لا مو هو اذا عندكم بالبيت بصل خذي قشرته اليابسه وهي اللي انا اقصد , اما بالنسبه لبنك اللي يسعبل يمكن انه تبي تطلعله اسنان عشان كذا يسعبل وفعلا اختي قرصة العقرب تسبب عطش شديد بس ما ادري اذا كانت تأثر بالنسبه لخروج اللعاب. سؤال: انا متزوجه من 2وللحين ماحملت والحمدلله ... والدوره معي مو منتظمه اصلا من قبل الزواج وانا اعترف اني مهمله جدا قبل الزواج وهذا سبب مشاكلي...المهم والسبب هو هرمون الحليب زايد وانا الحين موقادره اتخلص منه وش العلاج للحليب اللي بالصدر مع انه لايخرج اي افرازات منه ابدا ...وطبعاضعف المبايض ... ورحت لمره شعبيه وكشفت على وقالت مدري بالظبط لكن معي ارتفاع بالرحم وقالت عندك غازات مليانه ارحامك غازات ... وعطتني علاج وتحاميل لكن احس مازال موجود معي غازات ... وقالت تعالي امرخك ثلاث مرات او اكثر ... وش العلاج للغازات وياليت تنصحيني بحرمه شاطره اروح امرخ عندها ... وش فايده التمريخ للحمل وللي تبي تحمل مثلي... اما الضعف ولتعديل الهرمونات عليك بالحلب مطحون ومغلي وكذلك الحبه السمراء والعسل وبار النخل اما غازات الارحام هو وجود هواء لذلك استخدمي النظام وقت الدورة واهتمي شو ويمكن بأذن الله يحدث حمل. سؤال: هل خروج اللصوت معناة خراب ممكن توضحين علمابانة لا توجد سوائل زايده طبيعية نعم اختي اذا طلع هواء دليل على الخراب حتى لو ما كان معك سوائل والهواء من اشد انواع الخراب. سؤال: 1_وش فايدة السمن مع التمر والرشاد لاىني في ولادتي السابقة اكل بين الوجبات تمر ورشاد وحبة سودا وسمن اكلها بكثرة والحمد لله طلعت من الاربعين مضبوطة بس المشكلة ان السمن طلع حبوب في وجهي مو شوي والحبة السودا احطها ولاى استغني عنها مع التمر والرشاد استخدمتها يمكن عشرة ايام فقط بالرشاد اما باقي الايام بدون رشاد لاىن امي تقولي ان الرشاد ينظف الاىرحام بس كثرتة مو زينة ترخي الارحام صحيح هي ترخى؟؟ 2_وشي الحبة السمراء ؟؟ 3_التحاميل بعد ما اسويها احفضها في الفريزر ولا الثلاجة ولا برى؟؟ 4_الطبيب الشعبي اللي تقولين عنة الصمعاني ومرتة هم في الرياض وين مكانهم 5_انتي قلتي ان 100جرام من المحلب مع سكرنبات تسمن الاطفال بس وشلون اعطية ولدي مع الحليب ولا مع موية ولا اطبخة مع العلم ان ولدي عمرة تسع شهور وفية لة اخوان ثنين لو تشوفينهم تقولين جايين من افريقيا كل من شافهم يقول حرام عليكم وكلو عيالكم مع انهم ماشاء الله عليهم اكلهم معتدل وسويت لهم تحليل عن الدود بس مافيهم دود واذا عندك طريقة او خلطة تسمنهم الله يعطيك العافية اكتبها لى مع العلم ان اعمارهم 6 سنين و 4 سنين وفكرت اعطيهم العنبر لانهم يقولون انة يسمن لا ياختي الرشاد ممتاز لتنظيف الارحام ولا يسبب رخاوة ابد ابد ولكن عدم استخدامه صح ينظف ولكن على خراب وافضل طريقه لااستخدامه ذكرتها من . اما الحبه السمراء هي الحبه السوداء اما التحاميل اذا سويتيها احفضيها في برطمتن زجاج وخليها برا بس على شرط تكون ناشفه مافيها رطوبه عشان ماتعفن يعني لا تحطينه في الفريز او الثلاجه واذا انتي مصممه على الثلاجه طلعيها قبل الاستخدام بيوم عشان متستخدمينها باردة اما الصمعاني فهو ساكن في حي المروج بالرياض. اما بالنسبه لابنك حطي المحلب والسكر مع زبادي او ملعقه صغيرة منه مع ملعقه كبيرة ماء عشلن يقدر يبلعها اما عيالك الاخرين جربي معاهم العنزروت وكذلك الرشاد +الزبادي. سؤال: انا عندي هواء يطلع بعد الجماع لا كن ماعندي لزوجه بل عندي نشوفه زائده ابي اعرف اشو هذا الحلب والقهوه اشنوعها محمصه اما الاخت اللي تسأل عن اهواء فعندها خراب حتى لو كانت ناشفه.. اما الحلب يكون غير محموس ولا اعرف ماذا تقصد بقولها قهوه هل تقصد ( قشر القهوة ) واللي اضيفه لشاي الاعشاب سؤال: هل هناك شيء يجعل ذالك المكان حار لان هذا الشيء يهم الازواج ؟؟ اما شيء يجعل ذلك المكان حار الفلفل الاسود والقرنفل تشربه وتأكله سؤال: بنتى لسى بالغة من ثلاث شهور تقريبا الدور الاولى جت لونها بنى وخفيفة جلست تسعة ايام بعدين بثلاث اسابيع نزلت الدورة الثانية بغزارة وجلست عشرة ايام بعد بشهر صار ينزل معاها بعد كل خمس ايام حاجة بنية بعد ماكملت شةرين نزلت الدورة وكانت خفيفة وبنية جلست ستة ايام بعد خمسة ايام رجع نزل معاها ها البنى انا بصراحة خايفة على البنت مادرى ايش اللى فيها طمنينى اللة يطمن قلبك بعض البنات اول ماتنزل معاهم الدورة كذا تحوسهم ولا تخافين ولكن حافضي عليها من الحين عشان تكون دورتها منتظمه ومضبوطه واتبعي معاها النظام السابق بس طبعا بدون التحميلات واهم شيء ركزي عليها بالفطور قبل لاتروح للمدرسه واكدي عليه تتجنب الببسي او الكولا البارد واذا تقدرين انتي تسوينلها فسحه مع عصير كوكتيل افضل وطبعا اهم شيء ماتجوع واذا تبهذلت بالوجع اعطيها(حبه سمراء مع مرة مخلوطين مع عسل) وانا سبق وذكرت الطريقه . سؤال: عندي افرازات سوائل عند الجماع تكون بعض الاحيان كثيره واحيانا متوسطه وبعد الجماع في نفس اليوم او من البكره تنزل سوائل مني مره او مرتين في ذاك اليوم بس يعني بعد الجماع بس 00 هل هذا يدل علي اني خربانه ؟ ومن فتره كان معي هواء لكن ولله الحمد ما عاد جاني الهواء توقف اذا معك هواء وتوقف فاكيد انتي اعتنيتي باحد دوراتك وعشان كذا ضبطت اما الافرازات اتبعي النظام وما اقدر اقولك انك خربانه او لا لان الوحدة بعد الجماع بيوم اكيد بتطلع افرازات (الزوج) فاهمتني خاصه اذا اجلتي الغسل عن الجنابه الى بكرا لان ياسبحان الله الغسل عن الجنابه يطرد كل هذه الزوائد سؤال: انا الان فترة عوار صار لي اسبوع بس من يومين نزل وكان من قبل معي التهابات واحس بلل حبيبتي شنهو العلاج اذا عوارك طاح اتبعي النظام السابق وبحرص شديد اما اذا ماطاح استخدمي الكمون سواء مغلي او مطحون اذا الطفل ميت بيطيح واذا حي بيرتفع سؤال: الي جربت ذي الاشياء تقولي وش استخدم اقل شي لاني ماقدر استخدم اي شي يطلع ريحه لاني مضطره اخالط الناس ,,,, اتمنى تردون علي باسرع وقت لانها الحين جايتني الدوره وودي اجرب جميع الادويه السابقه مالها ريحه الا الحلب. وهو ضروري استخدامه والنظافه تشيل ريحته مع البخور بعود اصلي لملابسك والعطر العادي ومزيلات العرق وتغسيل منطقة الابط يومين. سؤال: لازلت لم اجد الارطا مالبديل ان لم اجد نهائيا. وجدت العنزروت لكن بصراحة بعد مارجعت بالبيت حسيته اشيا مخلوطه مع بعض فيه اشكال غريبه زي العلك اللبان لكن شفافه وفيه قشور فاتحه ايضا فيه حى يشبه المره واشكال اخرى ايضا (فهل هذا هو العنروزت ) لاني متخوفه من شكله اخاف يكون البياع غير امين معي وانتبه لجهلي بالاعشاب فاعطاني شي اخر ؟؟ بالنسبة للتحاميل.. عملت الخلطة محلب وملح خشن ومره (طحنتها )وعجنتها بالعسل لكن صارت راخيه وكل ما اعملها واصفها بالصحن ترجع تسيح وتتمدد بالصحن مالحل ؟؟ اذا مالقيتي ارطا ممكن عرن او اكتفي بملح وماء العنزروت اذا ماني غلطانه انه البنات حاطين صورتها في نفس الموضوع اما التحميلات يمكن انك تكثرين العسل عشان كذا اصبح صعب عليك التحكم فيها قللي كمية العسل وحطي عندك شوي مويه عشان تبللين يديك وانتي تعجنين وتكورين فهمتيني سؤال: مثلا وانا اسير على الجدول الللى ذكرتيه وماشيه عليه وصار حمل ممكن اواصل عادي يعني هادي العشاب ماتاثر على الحمل اذا حصل حمل ان شاء الله وقفي جمع الادويه الشعبيه وخاصه التحميلات اما التمرة مع الدقيق ممتازة وطريقتك حلوة مع حليب اعمليها ولكن الفلفل حطي فلفل اسود حق الطعام العادي وممكن تسوين النظام في رمضان عادي سؤال: انا حامل هذا اول حمل لي انا الان بالشهر الثامن و زوجي ملاحظ ان المنطقة اوسع من اول مع اني ما احس بالشي هذا فما ادري هل هي من كثرت الافرازت مع انه ما عندي افرازات كثير وهل الشي هذا طبيعي ؟ واذا ما كان طبيعي وش الحل في نظرها ؟ وهل الحامل تقدر تستخدم اي شي لتضييق المنطقة بشرط انه ما يضرها ولا يضر الجنين يعني مثل غسول معين ؟ و اخيرا هل بعد الولادة رح يتغير الوضع الى الافضل ام الى الاسوء؟ اما الافرازات فهي بالغالب تزيد مع الحامل وممكن هي اللي تحسسك انك متوسعه (اسفه على التعبير) وللاسف مع الحمل ماتقدرين تسوين شيء ولكن بعد الولادة اهتمي بنفسك وطبقي النظام وانتي ان شاء الله بترجعين زي اول ويمكن احسن وتصدقين انه زوجت خالي كان زوجها دايم يقولها انتي بعد ماولدتي صرتي احسن من يومك بنت مع انها سوت عملية توسيع والسبب انها اهتمت بنفسها زين سؤال: انا قريت باحد المنتديات ان الرشاد ماغيره يطحن ويخلط مع الحنا ويوضع على الشعر وانه زين للشعر بس وحده قالت انها حطتها على شعرها وحار ماادري خفت احط الرشاد مع الحنا ويحرق فروة راسي واصلع وحنا مو ناقصين صلع فياريت حبيبتي تفيديني ابعطيك معلومه الشعر أي شيء جديد يستنكرة ويطيح عليه يعني مثلا حتى الحناء اذا الشعر مو متعود عليها بيطيح منها ولكن الرشاد لا ولا ولا لاتحطينه على شعرك يمكن يطيحه لانه حار جدا ولكن خذي هالخلطه وجربيها(زيت خروع اصلي مقدار كوب+ لب الصبار ورقه وحدة) واتركيهم لمدة يتفاعلون مع بعض وبعدين ادهني شعرك فيهم ومن بكر حنيه وهكذا. سؤال: أنا اخر دوره لي نزلت خفيفه ثم خفت اكثر كأنها أنقطعت ثم نزلت عادي وكانت مدتها 12يوم الأن فيني الدوره اليوم خامس (الأثنين)وشكلها بتطول وش أسوى عشان تنزل مره وحده وماتطول والأن رمضان جاي الله يبلغناه وأخاف تتكرر المشكله علما باني تاركة الحبوب من سنه وهذي أول مره تجي الدوره بهذا الشكل أرجو انك تساعديني من الأعشاب اللي عندي حاليا وهي حبه سودا,رشاد ,دارسين ,مسمار,زنجبيل,فلفل أسود,كمون,عسل ما اقدر اوعدك بشيء لان تنظيم الدورة يعتمد على نفس المرأه بعضهم يكون عدم انتظامها من الاهمال والبعض الاخر بسبب الضعف او مرض بالارحام ولكن انصحك تهتمين بدورتك وبالنسبه للادويه اللي عندك زينه يعني ممكن تسوين سفوف من(الحبه السوداء+الكمون+الدارسين+شوي قرنفل +شوي فلفل اسود) وشاي اعشاب من( الحبه السوداء والدارسين والزنجبيل والكمون والعسل) والرشاد اضيفيه للتمر وبعدين الايام الاخيرة لللسفوف السابق نهاااااااااااااااااايه النقل اسأل الله ان يكتب الخير لصاحبة الموضوع ويجعله في ميزان حسناتها

سؤال: يطلعلي سوائل والحين في الفترة الاخيرة خروج هواء يعني اختربت وكيف ارجع مثل الاول واشلون اختي...