20 يوم بقا بس ترااها فرصة للرجيم وافضل وقت في رمضان لتخسيس ادخلي شوفي

السلام عليكم ورحمة الله وبركاته

اهلا اهلا بالرشيقات


طبعا زي م نعرف رمضان مر منة 10 ايام واحنا م غير ناكل وناكل بالسمبوسة وبكل ما لذ وطاب طيب ونتيجة !!

سمنة سمنة سمنة سمنة :29:

بنات خلينا نفكر بعقلية لامتى يعني وحنا نسوي رجيم ونفك ترا رمضان جد فرصة للتغير وبرضة ورااه العييد يعني لو نسووي بالايام 20 يوم بقا رجيم ونمسك شوي كان نضرب عصفورين بحجر نقصتي كيلوات + طلة جديدة في العيد وبدل الفرحة فرحتين

^^

ع عموم هذا كل الكلام الي م تحمست منه لا تقرا الباقي

بنات انا قررت ابتدي واي وحدة تبتدي معي اننا نستثمر ه الايام الباقية طبعا اكيد بطاعة الله وثم جسدك وحتى تاجرين عليه ترا (ولجسدك عليك حق )


قررت اسوي رجيم كالتالي:


تبتدي بالفجر ..السحور: الخيار الأول :3/4 تمر مع لبن قليل الدسم او ماء أو قهوة الي تحبين ...........الخيار الثاني : قطعة دجاج مشوية مع خبزة بر او شربة دجاج

^^ حبيت أخيير لأن اذا كان الشي محدود الواحد يممل

طبعا انا بعتمد ع ثلاث رطب مع لبن ق الدسم


االفطور : 3 /4 حبات تمر مع قشر قهوة (انا) انتو اذا حابين قهوة عادي بعدين صلو المغرب حوالي اقعدوا 20 دقيقة وبعدين نشرب الشوربة بالنسبة لي شوربة دجاج كويكر صحية ..وللرجيم وطبعا لو م تحببوا الشوربة دجاج مشوي مع قطعة خبز بر بس (معليش فارقوا اهلكم ع سفرة لأن الشهية تخون العهود :tongue:)


بعد ساعتين من الاكل نجي للرياضة شي مهم طبعا وكل وحدة تختار الي تحب من الرياضات لمدة 55 دقيقة يعني ساعة تقريبا عشان نتايج افضل

رياضتي انا : من اليوتيوب tea bo
وفية رقصات الزومبا مرره حلوة واذا المشي او السير يناسبكم براحتكم بس لازم تتعدى ال55 دقيقة حاولوا بنات

بنسبة لي بنام ع 10 باليل ان شاء الله لأن حتى النوم يساعد ع نقصان الوزن بسرعة عاد انتوا براحتكم بالنسبة للنووم .

وطبعا لو حسيتوا بالجوع كلوا سلطة خضراء
هذا الرجيم اضمن لكم بئذن الله نقص اكبر عدد من الكيلوات

اههم شي انا م كتبت الموضوع عشان بس تقرون والي يتحمس ويقول بصير معكم وهو من جمبها م نبي !


هدفي:

نحمس بعض لككن تهمني المصداقية ..صراحة ابي اي وحدة تبي تنضم تقول اتعهد بأني سأتبع نظام ال20 يوم ..عشان صدق م تخون قصدي المعدة (طبعا الا اذا حصلت ظروف الدورة الشهرية او ظرف معين معذورة )


يلة بنات نبتدي ننضم ل بس هالعشرين الي بقت ترا بسسسسسسسسسسرعة تروح الله


الي تبي تجي معي (طبعا بالمنتدى ) تقول


اتعهد بأني سألتزم برجيم ال20 يوم إن لم يحصل مكروه او ضرر

بنات ااكد ع التعهد عشان لو تعهدتي م راح تقدرين تاكلين شي دسم او يزيد وزنك عشان كذا تكونين صادقة مع نفسك


يلة نبتدي

الي تبي تنضم هنا تكتب وزنها وكم تبي تصير

وتعععهد ضروري


وببتدي انا



اتعهد بأني سألتزم برجيم ال20 يوم إن لم يحصل مكروه او ضرر





مشرفاتي العزيزات الله يسعدكم ترا الموضوع م فية اي مخالفات ولا فتح تجمع ف ارجوا عدم اغلاقة اشكركم :love: