شوفو اش صارلي بعد الرقية تكفون شخصو حالتي

السلام علييكم.
بدخل بالموضوع واتمنى تشخصون حالتي وتعطوني حل
انا متزوجة وعندي ولد عمره 5سنوات وبعده ماحملت ماتركت مستشفى ولا دكتوره اراجع عندها 3شهور وبعدها تعطيني ملفي وتحولني للعقم تقول جربي تلقيح حالتي متذبذبة مره سليمة مره فية شي كل شهر يطلعلي شي.
هرموناتي تمام وكل شي تمام حتى لمن اروح لدكتوره ثانية وابدى معاها تشوف الرحم تقول سليم وماعندك تكيسات ولاشي والكل شي تمام وتحاليل تمام وتستغرب ليش حولوني العقم وتقول بسيط الشهر الجاي حامل وتبدى معي متابعت تبويض وكل شي كويس وفية بويضة بس ماتنفجر وتعطيني ابره تفجيرية اقوى شي وماتنفجر هنا الدكتوره تنصدم لان كل شي سليم وتحاليل ليش يصير كذا
وكمان يطلع عندي احياننا اكياس ماء مره القاها ومره تختفي ومره ترجع في نفس الشهر
اتجهت لرقية وقريت البقره كامله وحصنت نفسي وتزيت وجاني نوم ونمت وشفت حلم وانا في نفس وضعي نفس نومتي ونفس الغرفة كاني صاحية وكان فية 3مااشوفهم بس جاء ببالي انهم جن ويحاولون ياذوني ويسحبون فراشي ويبون يغتصبوني وانا اقاوم واصرخ وقمت وشفت كل ملابسي ع الارض في الحلم وكان الجن يعذبوني ويخوفوني وقمت وانا ارجف وتعبانة وفيني كسل يالله اقوم واستغربت من الحلم وخفت قلت وانا راقية نفسي ومحصنه سارلي كذا وتركت الرقية من خوفي
امس قلت برجع لرقية وشغلت شريط رقية وجلست اسمعة وانا اسمع بديت احس بنبض قوي في فخذي اليمين وبعده جاني تنمل وثقل في رجولي وبروده بدى التنمل يمششي لين فخذي ولين بطني وربي بطني تنمل وصار بارد وكان فية شي يتحرك وبدت يديني لدرجة ماقدرت احركهم ولساني ثقل وتنمل فية ماقدرت انادي زوجي فجئة صار نفسي سريع بس اشاهق يالله اتنفس وبديت صراخ وربي بس ابكي واصرخ بسوت غريب حاولت اسكت ماقدرت كان فية شي جواية يبكي ودموعي وربي مثل المطر وجاء زوجي ركض وخاف وطفى الشريط وربي يبنات يحركني يمين وشمال كاني ميتة ماقدرت اتحرك وبعدين هديت وخاف زوجي وقالي بوديك الاهلك وتعالجي انا خفت اخاف يسير لك شي بعد ماشفتك يقولي ماقدرت احرك رجولك ثقيلين وباردين
وش اسوي وش حالتي تكفون زوجي قالي كنتي تصارخين عند السحر ماني مصدقة معقوله يبنات ماني شاكة باحد وماعمري اذيت احد والي اعرفهم يخافون الله
وش تشخصون حالتي تكفون طمنوني
انا راح استمر بس ودي اعرف وش عندي..