حلى التمرية تطبيقا لحلا محلات التمرية

الحلويات الشرقية والغربية

السلام عليكم ورحمة الله وبركاته
تطبيقي لحلى التمرية
بصراحة شريت من محلات التمرية الي مالها 4 شهور فاتحة في الرياض
علبة حلا تمر واشتغلت فيوزاتي الا اسوي زيه
فطبقته وقل انزله لكم تعطوني رايكم
وتراني اتقبل النقد الايجابي والسلبي ومانزلته الا ابي اسمع ارائكم
يعني بالي طويل عليكم>>>>كف
المقادير
تمر معجون
زبده سايحه
فول سوداني مجروش على حسب الرغبة
ملعقة كاكاو بودرة
نص بيالة ماء
تعجن المقادير مع بعضها وتشكل على شكل مربعات صغيرة
ويكون عندك
في 4 اطباق
الاول شعيرية باكستانية محموسة بزبدة
الثاني كاكاو بودرة
الثالث أوريو مطحون من غير الكريمة الي بالنص
الرابع فستق حلبي مجروش

ناخذ مربعات التمر ونغمس كل قطعة بأحد الاطباق الي عندنا
بحيث كل طبق نكون منه صف او صفين في علبة التمرية
ثم ناخذ الشوك الصغير البلاستكييه الي لها راسين بس تلاقينها متوفرة عند ابو ريالين
وندخل في كل مربع تمر شوكه
بعد نسوي صوص للتمر
في طبقين الاول طحينيه وتوفي
والثاني شوكلاته هرشي مع نسلته


طريقة الاكل:
نأخذ قطعة تمر بالشوكة وتغمس بالصوص الي بجنبه وبالعافية
وتقدم مع التمر
صراحة ضيوفي حبوها مرة ماأدري عنكم واليكم الصور >>>> :35:
194
68K

يلزم عليك تسجيل الدخول أولًا لكتابة تعليق.

تسجيل دخول

بنت الغالي 1430
بنت الغالي 1430
روووووووووووعه يعطيك العافيه
Lily Yellow
Lily Yellow
بدور الشريف
بدور الشريف
شغل راقي ومرتب
تسلم الايادي
مالقيت اسم بالمرة
رووووووعة ماشاء الله عليك

طيب بالنسبة للصوص
التوفي انت سويته ولا جاهز ؟؟
وشوكولاتة هيرشي اي وحدة تقصدين ؟؟ هذي








وشكرا لك :)
نبضي إحساس ومشاعر
العفو حبايبي والأروع تواجدكم في متصفحي
اسعدني انه اعجبكم وراق لكم
حبيبتي (مالقيت اسم بالمرة) ايوة هذي الهرشي الي استخدمتها
وبالنسبة للتوفي جاهز يالغلا وعادي لو سويتيه بيضبط معك
هذي صورة الي استخدمته الهرشي والتوفي