تصدقون يابنات اليوم صار عندي شغل في مناطق مختلفة علشان دوامي وسلمت على ناس وايد وكلهم يعرفوني والكل يفز لما يشوفني وخلصت شغلي وانا بس قاعدة اسلم على فلان وعلان ويم بغيت اطلع سلم علي واحد كنت اول ما اشتغلت جنب مكتبي ويعتبرني مثل اخته حتي لما تزوج مرسل لي بطاقة زفافة علشان احضر العرس مع اهلي وسألني يا فلانه ليش ما تزوجتي انت بخير ونعمة وفوق هذا جميلة بعد مو بس حلوة وقعد يمدح فيني وباخلاقي وان الزواج حلو وهو الحين صار عنده 2 صبيان وبنت وحدة ووايد مستانس بعيالة واني لازم اشوف ذريتي قبل ما اكبر علشان اكبر معاهم ومن هالكلام وهو يطالعني حسيت ودي الارض تنشق وتبلعني قلت له نصيبي صار جذي الله يرزقني ان شاء الله بواحد احسن من اللي خذيته ... بيني وبينكم هو يدري اني تملكت وفسخت العقد بس شكلة يبي يتأكد ليش تطلقت وقلت له الاسباب ومن ساعتها وانا متضايقة واحس العبرة خانقتني حتي ما قدرت انام الظهر على التعب اللي شفته وطلعت ورحت ورجعت ووزعت العاب حق عيال اخواني وخواتي ومع هذا احس متضايقة

اليوم قريت سورة البقرة مبكر اشوي بعد صلاة المغرب ما قدرت امسك نفسي لحد الليل ... وبصراحة اكثر تجرب زواجي وطلاقي السريع ترك اثر ما اظن بيروح مع الايام احس اني انكسرت وكلام الناس الثقيل عن الزواج كل يوم يذبح واليوم لما سمعته من الشخص هذا وايد انحرجت وتضايقت على كثر اللي خطبوني يمكن محد تقدم لهاعرسان كثر اللي تقدمولي ويوم الله كتب اني اتزوج اخذ مدمن خمر وراعي حريم وسهرات

استغفر الله العظيم بيات انا فعلا محتاجة دعواتكم حيل نفسيتي تعبانه والمشكلة اني باكر بروح نفس المكان وراح اشوف نفس الشخص خايفة لما يسلم علي يبين علي اني متضايقة من كلامه اليوم

سامحوني بنات ضايقتكم بكلامي بس من جد متضايقة وانا اعتبركم مثل خواتي وبخاطري اطلع اللي بقلبي بس مو عارفة شسوي

مرحبا فــــــــــــــــــــلانه

انتي يالسه تتكلمين عني مب معقوله سبحان الله نفس اللي صار لي
نفس الشي انا وحده كثار اللي تقدموا لي نعم ياكثرهم بالاخير يوم اخذت واحد وملجت عليه طلع واحد لعاب من الدرجه الاولى لا بعد عزج الله جنس ثالث وراعي سفرات وغيره مما حرم الله .......... الحمدلله رب العالمين

الكل الحين عيونه علي ..ليش ماتزوجتي وليش وليش كانه بيدي انا الزواج

وانا بعد دايما اقول ليش صار لي اللي صار دايما احس اني تجربتي اللي مريت فيها مابنساها
دوم على بالي ليش صار لي جذي يارب ما اطيح موقف مثله ابدا

وما تتخيلين اهلي اللي همه اهلي سمعت الشماته منهم والله اني توقعتها من الغريب
والله اني ما استاهل ...مع اني عمري ماجرحت احد واتعديت على حق احد ودايما متسامحه وطيبه لاخر درجه تتوقعينها ..... والله اني اسوي لهم تضحيات بدل ما اسمع كلمه شكر
احصل شماته وسب والله ما تدرين باللي قاعد يصير لي ....................

حتى عفت الناس وعفت هلي يالله من رحمتك ياارحم الراحمين

اختي Rosee لا تزعلين ولا تحطين في خاطرج ترى كل شيء قسمة ونصيب وان شاء الله بي اليوم اللي انت تبشرينا فيه بخطوبتج اميييييين يا رب العالمين وانا فرحانه فيج والله وفي جميع الخوات اللي شاركوا في الموضوع هذا عسى الله يرزقهم بالازواج الصالحين امييييييين يا رب العالمين

اختي فلانة لا تحطين في خاطرج وخلي كلام الناس وراج وصدقيني بي اليوم اللي بنشوف ابتسامتج راسخة فيج وتبشرينا في خطوبتج قولي امييييييييين يا رب العالمين

حبيبتي Rosee انا من كثر ما كرهت الناس اذا احد كلمني ما ارد تصوري لدرجة اني معروفة بالغرور ولا ازيدك من الشعر بيت اخر واحد تقدم لي هو اللي رفض يتزوجني تدرين ليش لاني جميلة وهو ما يقدر يكون جنبي والناس تطالعني ولا تمدح جمالي اشرايك بالمصيبة هذي يبي وحدة جمالها عادي
والمصيبة الاكبر ان كل واحد عرف اني تطلقت حسباله اني راعية خرابيط ما يدرون اني اصلا ما تزوجت واني رحت المحكمة وفسخت عقد الزواج لاكن لان الكل عرف بالملكة محد راضي يصدق وانحسب على زواج
وكل يوم وساعة ودقيقة وبكل مكان اروح له ويسألوني ليش ما تزوجتي انتي حلوة وكل من يتمناك وبنت عايلة وعندك خير تخيلي حفظت الاسئلة كلها وتعودة على نظراتهم وصار عادي طبعا صديقاتي ما يستقبلوني في بيوتهم يخافون على ازواجهم مني لدرجة ان صديقتي الروح بالروح زرتها يوم وخلتني واقفة عند الباب ما استقبلتني خايفة زوجها يشوفني ويوم شافني بغت تموت من القهر وتخانقت مع زوجها جدامي بس علشان سلم علي وضحك وقال نور البيت بوجودك
شقول ولا شقول كل يوم قصة لحالها بسبة هالزواج
ساعات اسأل نفسي ياتري انا اطلب الستر واتمني الزوج الصالح من زمان وكان نصيبي اللي صار والحمدلله اني تصرفت بسرعة وانتهت السالفة بدون شوشرة بس النتيجة اني تحطمت وترك في قلبي جرح عميق ياتري لو الله رزقني بانسان ثاني ممكن اشوف معاه السعادة ممكن يعوضني ... استغفر الله والله مو عارفة شقول وايد متضايقة من اللي صار اليوم وكلام الشخص هذا يتكرر في بالي ولاني قادرة انسي نظرته مع انه يبي ينصحني لاني مثل اخته
ما اقول الا استغفر الله العظيم الله يصبرني على اللي انا فيه

أتوقع والله أعلم وصل الحال إلى مرحلة اليأس !
ربما القنوط .....
فلانه وروز حنا بالصفحة هذي وش قاعدين نسوي !
نتعاون على الخير ......
ونحث بعض على أعظم عباده .........
عارفين ان الدعاء من أعظم العبادات.......
(وما يلقاها إلا اللذين صبرو ا).......
تأكدوا وثقوا ان فرج الله قريب .....
بس ابليس مقهور لأنكم تعلقتو بالله ........
وحاب شوي يحسسكم ان المدة طالت وان مافيه نتيجه للدعاء !
افرحو بالمصيبة الي صابتكم ........
لأن باذن الله بعدها فرح وعوض من الله .......
يااااااااااااااااااااارب ........
ياااااااااااااااااارب تعوضنا جميعا بازواج صالحين وانا ترد لي زوجي ردا جميلا ........